رواية حب وعذاب البارت التاسع والثلاثون 39 بقلم آية السيد
 |
| رواية حب وعذاب البارت التاسع والثلاثون 39 بقلم آية السيد |
رواية حب وعذاب البارت التاسع والثلاثون 39 بقلم آية السيد
في اسكندريه علا جهزت ويزيد وصلها لغايه الجريده بس هي كانت خايفه ولسه بتفتكر اللي حصل معاها والشباب اللي ديقوها
يزيد بابتسامه /يلا يا علا وانا هخلص شغل وهعدي عليكي ومتنزليش غير لما اكلمك واعرفك اني واقف تحت
علا بابتسامه متوترة /ماشي
علا مدت ايدها عشان تفتح الباب بس ايدها كانت بترتعش ويزيد لاحظ دا
يزيد مسك ايدها وابتسم /متخافيش يا حبيبتي طول ما انا معاكي محدش هيقدر ياذيكي ولا يقرب منك والموقف اللي حصل صدقيني هعمل المستحيل عشان ميتكررش تاني
واكمل بمرح /وبعدين بقا انا اختي بميت راجل ولا ايه
علا ضحكت وهو حضنها وباس دماغها وبعدين نزلت وراحت الجريده
يزيد لنفسه /صدقيني يا علا طول ما انا موجود مش هسمح لأي حد ياذيكي مين ما كان
وبعد كده ساق العربيه وراح الشركه اللي بيشتغل فيها
________________
في الجريده
علا طلعت بعد ما ودعت يزيد وبتحاول تنسي خوفها
علا سلمت علي زمايلها وبعدين راحت مكتبها وبدأت تشتغل ولسه محمد بياجي علي بالها بس بتحاول باقصي طاقتها انها متفكرش فيه ولو جه علي بالها بتشغل نفسها بأي حاجه
علا كانت بتشتغل وفجأه سمعت خبط علي الباب
علا /اتفضل
دخلت لميس صاحبه علا الجديده
لميس بابتسامه /صباح الفل يا لولو
علا بحب /صباح الخير يا قمر… ها عامله ايه
لميس /الحمد لله وانتي
علا /الحمد لله
لميس /يا رب دايما
علا /تسلميلي… ها فيه ايه
لميس /الاستاذ ممدوح باعتني ليكي وبيقولك روحيله المكتب عشان موضوع مهم
علا /خير
لميس /مش عارفه والله
علا بابتسامه /تمام
لميس /طيب انا هروح عشان اكمل شغلي سلام
علا /سلام
وبعد كده علا راحت مكتب ممدوح رئيس التحرير
علا خبطت علي الباب ودخلت بعد ما سمعت اذن الدخول
علا بابتسامه /صباح الخير يا فندم
ممدوح /صباح النور يا علا تعالي
علا /لميس قالتلي ان حضرتك عاوزني في موضوع مهم
ممدروح بجديه /ايوة فيه مؤتمر طبي هيتعمل هنا في اسكندريه كمان اسبوع ودا من أهم المؤتمرات اللي بتتعمل لان هيبقا فيها أطباء من كذا مكان وطبعا لازم يبقي فيه صحفيين وانا اخترتك تكوني ضمن الصحفيين اللي هيروحوا المؤتمر دا واتمني تثبتي جدارتك
علا /تمام يا فندم وان شاء الله اكون عند حسن ظنك بيا
ممدوح /اتمني دا
علا /حاجه تانيه يا فندم
ممدوح /لا اتفضلي انتي وكل الحاجات اللي هتحتاجيها هتلاقيها علي مكتبك
علا /تمام يا فندم عن اذنك
وبعدين راحت مكتبها ولقت الحاجات اللي هتحتجها علي المكتب وكملت شغلها
_______________________
في شرم
بعد ما العزومه بتاع رحيم ووعد ونادين وياسين خلصت وعد وياسين خرجوا سوا ورحيم ونادين كل واحد رجع اوضته
بس نادين ادايقت من الاوضه وقررت انها تتمشى شويه
نادين كانت بتتمشي علي البسين ومشغله الهاند فري وبتسمع اغاني وفجأه حد حط ايده علي كتفها
نادين بصت بصدمه لما لقت الشخص دا هو رحيم ومن صدمتها رجلها اتزحلقت و كانت هتقع في المايه بس رحيم لف ايده حوالين خصرها وسحبها بسرعه فبقت كأنها في حضنه
رحيم ونادين فضلوا يبصوا لبعض وبعدين فاقوا من شرودهم دا وبعدوا عن بعض
نادين /احم انا اسفه
رحيم وهو بيحك شعروا من ورا /احم… انا اللي اسف لاني خضيتك
نادين /لا دا الطبيعي
رحيم /يعني معقول لسه بتتخضي من أقل حاجه
نادين باحراج /ايوة بس غظبا عني يعني
رحيم حس باحراجها فغير الموضوع /بس مش انتي قلتي انك راحه الاوضه غريبه إنك تكوني هنا
نادين /روحت الاوضه وحسيت بملل فقلت اخرج وخصوصا ان رحلتي خلاص هتخلص فقلت اخرج شويه وانت
رحيم بهدم فهم /انا ايه
نادين /مش انت كمان كنت هتروح الاوضه
رحيم /بصراحه روحت بس فيه حاجه حصلت وضايقتني فخرجت
نادين /لو حابب تتكلم اشطا
رحيم بضحك /هههههه بقالك فتره عايشه في تركيا ورغم كده لسه بتقولي نفس الكلام المصري
نادين تاهت في ضحكته وفاقت علي صوته
رحيم /نادين روحتي فين يا بنتي
نادين بانتباه /ها معاك
رحيم وهو يرفع حاجبه الشمال /هصدقك بس مقولتليش اشمعنا لسه بتقولي الكلام المصري رغم انك بقالك فتره في تركيا
نادين بغرور مصانع /يا باشا المصري دا احلي لغه واحلي كلام
رحيم /ماشي يا لمضه تعالي بقا نقعد بدل الوقفه دي
نادين /اه يلا شكلك بقيت عجوز ومكحكح والوقفه بتتعبك هههههههه
رحيم باستغراب /دا انا
نادين /ايوة ويلا بقا أنجز ومشت قدامه
رحيم /ايه البت دي
نادين اتكلمت من غير ما تبص ليه /سمعتك علفكره
وبعدين راحوا قعدوا في كافيه
نادين /ها تشرب ايه
رحيم /مفيش
نادين /يا عم اخلص انا اللي هحاسب بطل بخل
رحيم ضحك علي طريقتها /يبنتي بجد مليش نفس انا….
نادين قاطعته /خلاص خلاص انا عرفت
ونادى علي الجرسون وطلبت عصير مانجا (انا عاوزه اجي معاكم والنبي????????)
رحيم بصلها وابتسم
نادين /ها بقا يا سيدي مالك
رحيم /ياسين ووعد
نادين باستغراب /مالهم
رحيم /خلاص هيسافروا
نادين /شهر عسل يعني وكده
رحيم /اه
نادين باستغراب /طاب وفيها ايه ما دا الطبيعي مش هما عرسان
رحيم /ايوة عارف بس
نادين /بس ايه يا رحيم
رحيم /مش عارف بس انا لسه مش متخيل ان وعد الطفله خلاص اتجوزت وكمان هتبعد عني دا حتي ياسين بقي مش عاوزني احضنها حتي
نادين ضحكت عليه /ههههههههههه وربنا انت عسل وياسين جوز اختك دا عسلين والله ههههههههههه
رحيم بتافف /بتضحكي علي ايه انا غلطان اني حكيتلك اصلا وبعدين مين دا اللي عسل
نادين حاولت تهدأ وتتكلم /بص يا رحيم انت بس حاسس الاحساس دا ودا الطبيعي
رحيم بعدم فهم /ازاي
نادين /يعني اي اهل بيحسوا بكده بعد جواز ولادهم مش بيبقوا لسه مقتنعين اوي وخصوصا اهل العروسه لأنها بتسبهم وتروح تعيش مع جوزها بعد ما كانت دايما معاهم وأهل العريس بيبقوا حاسين كده بردوا لان خلاص ابنهم هيبات مع مراته مش معاهم بس بطبيعه الراجل والست فدا بيبقا مع أهل البنت اكتر لان الولد كده كده اغلب الوقت بره علي عكس البنت
رحيم /يعني اللي انا حسه دا طبيعي بس مش عارف حاسس اني مش عاوزها تسافر ولا تبعد حتي
نادين بابتسامه /ايوة يا رحيم بس دي سنه الحياه ودا الطبيعي اما بقا بالنسبه لغيره ياسين فدا من حقه لانه بيحبها
رحيم/ ماشي… بس انت اخوها
نادين /ماشي يا رحيم انا معاك بس هو الحب كده بيبقا تملك واللي بيحب بيبقا غظبا عنه متملك للي بيحبه حتي من اقرب الناس ليه ودا اللي بيحصل ما ياسين
رحيم /بجد شكرا جدا يا نادين انا مش عارف اقولك ايه بس بجد حاسس كلامك ريحني
نادين بغرورو مصطنع /اقل حاجه عندي
رحيم بضحك /هههههههه يخربيت التواضع
نادين /طبعا يا باشا… المهم دلوقتي حاول متكنش زعلان لان وعد هي كمان هتزعل ومش هتعرف تفرح طول ما انت زعلان
رحيم بابتسامه /حاضر
وفضلوا قاعدين سوا
___________________
في مكان مهجور
فارس /انت طلبت انك تشوفني
الزعيم /زين عرف حقيقه موت ابوة
فارس بصدمه /ايه ازاي
الزعيم بزعيق/عشان انا مشغل شويه اغبيه معايا
فارس /قصدك ايه
الزعيم بغضب /زين ركبلك جهاز تصنت في هدومك وسمع كل حاجه قولتها
فارس كان واقف مصدوم /طاب…… طاب ازاي
وبعدين افتكر لما زين حضنه وفهم
فارس /انا هصلح كل حاجه وهصفي زين خالص بس انت عرفت ازاي
الزعيم /وانت مفكر أن دا شئ صعب عليا يعني ولا مفكر نفسك انت الوحيد اللي بيشتغل عندي
فارس /لا… انا ماشي هقتل زين خالص واقفل صفحه سيف عز الدين وابنه للابد
فارس كان هيمشي ووقفه صوت الزعيم
الزعيم /فارس
فارس /نعم
الزعيم /يا ترا انت عارف ان اللي عندك في الشفه بتشتغل تبع زين
فارس بصدمه /انت قصدك…
الزعيم ببرود /ايوه
فارس بعصبيه /يا بنت ال*****
الزعيم /يا ريت تخلص بسرعه ساعه الصفر خلاص بعد كام يوم ولازم الشحنه تعدي بسلام من غير اي مشاكل لان الشحنه جي بالذات مينفعش تبوظ
فارس بغضب /اوامرك……. والشحنه هتعدي من غير شوشره
الزعيم /اتمني كده
وخرج فارس وراح علي شفته وكلم الحرس بتوعه
___________________
في منزل حسن خليفه
ريم /ماما
هيام /فيه ايه يا بنتي
ريم /انا نازله اشتري شويه شيبسي علي شكولاته من السوبرماركت
هيام /رني علي محمد وهو يجيب بدل ما تنزلي دلوقتي
ريم /اولا ابنك مش هياجي غير متأخر وانا عاوزة الحاجات دي الوقتي وبعدين دلوقتي ايه يا ماما احنا لسه بالنهار والسوبرماركت جنب البيت يعني مش هتخطف
هيام /ماشي وهاتي عيش وانتي جايه
ريم /ماشي بس دا استغلال
هيام /يلا يا بت بقا ومتتاخريش
ريم /ماشي متزقيش طيب
وريم نزلت واشترت الحاجه وكانت راحه البيت وفجأه عربيه سوده وقفت جنبها وخرج منها ناس و………….
_____________________
في شقه فارس
فارس كان قاعد سرحان اقطع تفكيره صوت سهر
سهر بدلع /مالك بس يا باشا بقالي ساعه بكلمك ولا كأنك هنا اللي سارق عقلك
فارس /خلاص هيبقا معايا ومش محتاج يسرقه تاني وكمان هخلص علي اللي خاني قريب اوي
سهر بعدم فهم وخوف من نبره صوته /ازاي يعني انا مش فاهمه حاجه من كلامك وبقال فتره كده كلامك غريب ومش مفهوم
فارس /مش مهم بقولك ايه
سهر بدلع /ايه
فارس /متقومي كده تعملي نمره حلوة من بتوعك
سهر /هئهئهئهئهئئهئهئ بس كده عيوني
وسهر فضلت ترقص وبعدين فارس قرب منها ومسكها من شعرها جامد و……
يتبع..
لقراءة البارت الأربعون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
