رواية حب وعذاب البارت السابع والثلاثون 37 بقلم آية السيد
 |
| رواية حب وعذاب البارت السابع والثلاثون 37 بقلم آية السيد |
رواية حب وعذاب البارت السابع والثلاثون 37 بقلم آية السيد
في شركه الجرحي
حنان جهزت حاجتها وبعدين راحت مكتب المدير الحالي للشركه عشان تطلب اجازة
وراحت فعلا وطلبت اجازة والمدير وافق وخصوصا انها مش في العاده بتطلب اجازة ورجعت البيت ولسه طالعه علي السلم ومش مركزة وكل تفكيرها في العريس اللي جاي بكره و خبطت في حد
حنان /اسفه جدا وبصت ناحيه الشخص واتصدمت
حنان بصدمه /انت؟؟؟؟؟
سليم /ايه يبنتي فيه ايه شوفتي عفريت
حنان /نينينينينين يا خفه
سليم بسخريه /يا زرافه
حنان /خلاص فكك بقا من جو الحيوانات دا وقلي انت عامل ايه
سليم /الحمد الله بخير وانتي
حنان /الحمد لله…بس انت كنت بتعمل ايه
سليم /كنت عند مراتي يا ظريفه عشان كنت بصالحها
حنان مسكته من هدومه /ولا انت زعلت اختي
سليم بص لايدها /نزلي ايدك
حنان حاشت ايدها لان نظراته كانت غير مبشره
حنان بخوف /احم يعني بردوا انت مزعل اختي ليه
سليم /ياستي مفيش كانت مشكله بسيطه المهم الوقتي انها مش زعلانه ويلا بقا اطلعي انجزي عشان مينفعش نقف كده
حنان /ماشي يا عم متزقش…. سلام
سليم /سلام
وسليم مشي وحنان طلعت بيتهم
___________________________
أمام منزل حسن خليفه
الحارس /احنا مستنيين الأوامر وننفذ يا باشا
الباشا /كده تمام ومجرد ما اقولك نفذ تنفذ فورا وتجيبها في المخزن مفهوم
الحارس /مفهوم يا باشا
الباشا /ماشي ولغايه ما اديك الأوامر تفضل مراقبها كويس
الحارس /اوامرك يا باشا
وقفل معاه وبص لصاحبه
الحارس ١/ها قلك ايه
الحارس ٢/منتحركش من هنا وهو هيدينا اشاره التنفيذ
الحارس 1/ماشي
________________________
في اسكندريه عروس البحر الأبيض المتوسط
علا استلمت الشغل وكانت دايما بتحاول تشغل نفسها ومتسبش لنفسها فرصه تفكر في محمد واتعرفت علي ناس جديده وكونت صداقات كتيره بس طبعا كانت مفتقده ريم ومي
وبعد ما خلصت شغل اتصلت علي يزيد عشان تشوف هو فين
علا /الو يا زيزو انت فين
يزيد بضحك /ايه لحقت اوحشك
علا /نينينينيتين خفه اخلص انت فين ياض
يزيد /هههههههه ياض مااشي يا ستي انا خلصت اهوه وخارج وعشرة دقايق وهبقا عندك انتي خلصتي شغل
علا /ايوة وانا واقفه قدام الجريده اهوه يلا اخلص
يزيد /ماشي يا ستي سلام
علا /سلام
علا فضلت واقفه تستني يزيد وكان فيه شباب مش كويسه واقفه علي الناحيه التانيه من الطريق وبيبصوا ليها بصات مش كويسه وهي كانت ملاحظه دا بس بتحاول تخبي خوفها وحاولت ترن علي يزيد تاني عشان تشوفه فين بس كان موبايله مغلق
علا حست بالخوف واللي زود خوفها لما لقت الشباب دول جايين ناحيتها وخصوصا ان هما بليل ومفيش حد في الشارع
الشاب1/هو الجميل واقف لوحده ليه
علا مردتش عليهم وقفت بعيد عنهم شويه
الشاب 2/جرا ايه يا جميل بس بتمشي بعيد ليه
الشاب 3/تعالي بس يا قمر انتي ومتخافيش ولسه هيمسك ايد علا لقي حد بيمسك ايده
الشخص /ايدك لو فكرت تلمسها انا هكسرهالك
علا بصت علي الصوت وطلع يزيد
الشاب 3/وانت مفكرني هخاف بص يا زميلي احنا جينا الأول يلا ابقي تعالي مرة تانيه
يزيد اتعصب جامد لما الشاب قال كده عن اخته
و بدا يضرب في الشباب وعلا كانت واقفه وعماله تعيط
يزيد فضل يضرب فيهم ولأن جسمه رياضي فدا كان مساعده لغايه لما طلعوا يجروا
يزيد بص علي علا لقاها واقفه تعيط
راح ناحيتها واحضنها وحاول يهديها
يزيد بحنيه /هشششش اهدي يا حبيبتي مفيش حاجه خلاص
علا حاولت تهدي وبعدين بعدت عنه
علا /انت… ا.. انت كويس… صح
يزيد بإيمائه /ايوة والله
علا حضنته تاني/ انا رنيت عليك كتير بس تليفونك كان مغلق
يزيد /اسف والله يا حبيبتي بس بعد ما كلمتك تليفوني فصل شحن عشان كده معرفتش اكلمك تاني… انا اسف متزعليش مني
علا /خلاص مش زعلانه
يزيد /طاب بلا بينا
علا /يلا
وركبوا العربيه وعلا كانت لسه في حضنه ونامت وهي في العربيه ولما وصلوا يزيد مرضاش يصحيها وشالها وطلعها فوق ولقي والدته صاحيه واستغربت لما لقت علا كده
غاده /فيه ايه يبني علا مالها
يزيد /متخافيش يا ست الكل هي نايمه هدخلها اوضتها واجيلك
غاده /ماشي
يزيد دخل علا ونيمها في اوضتها وباس راسها وسابها وخرج
ولقي والدته
غاده /علا مالها يبني
يزيد حكي لها اللي حصل
غاده /يعني اول يوم ليها يحصل كل ده كويس انك وصلت في الوقت المناسب
يزيد /الحمد لله و انا هتكلم معاها انها متخرجش بره الجريده غير وانا بره
غاده /ماشي يا حبيبي ادخل غير وانا هجهز العشا
يزيد/تسلم ايدك يا ست الكل بس انا هدخل اغير وانام
غاده /مش هتاكل
يزيد /لا مليش نفس وانا حاليا جعان نوم
غاده /ماشي يبني علي راحتك تصبح علي خير
يزيد /وانتي من اهله يا حبيبتي
وبعد كده راح اوضته وغير هدومه ونام
وغاده راحت اوضه علا تتطمن عليها وباست دماغها وطلعت
____________________
وجه اليوم التاني علي أبطالنا بعد ما كل واحد روح بيته
في شرم
ياسين صحي من النوم لقي وعد لسه نايمه فضل يبص عليها وعلي ملامحها الجميله اللي قادره تخطف قلبه في كل مرة بيبصلها فيها وبعدين حس بتململ وعد وعرف انها هتصحي
وعد صحيت من النوم بسبب الشمس اللي جايه علي وشها
و صحت لقت نفسها في حضن ياسين رفعت عيبنها عشان تشوفه لقت ياسين صاحي وبيبوصها
وعد الدموع رجعت اتجمعت في عينها تاني لأنها افتكرت ان ياسين كان زعلان منها
وعد بدموع /يا…. ياسين انا اسفه و…………
ياسين حط ايده علي شفايفها وباس عيونها واتكلم /هشششششس خلاص يا وعدي انا اللي اسف متزعليش مني انا عارف اني عصبي وبس والله بحاول اتحكم في عصبيتي دي معاكي
وعد بدموع /ي.. يعني انت مش زعلان مني
ياسين بابتسامه /حد يقدر يزعل من روحه
وعد حضنته جامد /انا بحبك اوي يا ياسين
ياسين وهو يضمها ليه اكتر /وانا بحبك اوي يا قلب وروح وعقل ياسين…
واكمل بمرح/وبعدين تعالي هنا انتي ضحكتي عليا
وعد باستغراب وهي بتبصله /ليه
ياسين بخبث/فين صباح الخير بتاعتي
وعد بحب /بس كده وفضلت تبوسفي كل مكان في وشه /صباح الخير والحب والسعاده والهنا كمان
ياسين بخبث /لا انا عاوز التانيه وقام باسها
ياسين /كده اقدر اقول صباح الحب
وعد خبطته في كتفه /بس يا سافل
ياسين بضحك /انا جوزك علي فكره يا هبله
وعد ضحكت وحضنته تاني وهو كمان
وعد /ياسين
ياسين /ايه يا قلبي
وعد /هنروح… يعني اقصد اننا…
ياسين فهم هي عاوزه تقول ايه
ياسين /ايوة يا روحي هنروح المطعم
وعد بصت ليه بحب /بحبك اوي علفكره
ياسين /وانا بحبك اوي تعالي بقا اما اقولك حاجه
(ونسيبهم بقا عشان احنا ملناش دعوه????)
________________________
في منزل حسن خليفه
هيام /يا بنتي اصحي بقا بقينا الضهر
ريم بنوم /ماشي يا ماما خمس دقايق وقايمه اهوه
هيام /بقالك ساعه بتقولي خمس دقايق اخلصي بقا وبعدين انتي ناسيه اننا هنروح النهارده عند عمك محسن عشان نتقدم لحنان
ريم قامت من علي السرير وهي بتفرك عينها /اديني صحيت اهوه يا ستي اما نشوف اخرتها وبعدين يا ست الكل يعني انا مالي هو انا العريس وانا معرفش
هيام /لا يا لمضه مش انتي محمد
ريم رجعت نامت تاني علي السرير /عليكي نور اقفلي بقا النور وسبيني انام شويه دا يوم اجازتي يا عالم
هيام /بت اخلصي وقومي والا….
ريم قومت جري /لا والله خلاص هي لسه فيه والا انا قمت اهوه
هيام /طب يلا صلي وافطري وصحي محمد علي ما انا اخلص
ريم /الله الله يعني اللي هيخطب لسه نايم وانا اصحي
هيام /ايوه عشان هو جه امبارح من الشغل متأخر عشان يعرف ياخد اجازة النهارده
ريم /طاب ما انا كمان كنت في الشغل وتعبانه
هيام بنفاذ صبر /بت اخلصي
ريم بخوف /حاضر بس اهدي يا وحش
وفجأه ابو ورده لبس في وش ريم
ريم /كده طيب انا راحه انام
وهوب التاني اتحدف
ريم /خلاص انا بقول راحه اصلي عشان اصحي محمد
هيام /يا رب صبرني
ريم راحت اتوضت وصلت فرضها وبعد كده دخلت اوضه محمد عشان تصحيه
ريم /ولا يا حمص يلا اصحي
محمد /لا رد….
ريم جه في بالها فكره وبعدين خرجت وجابت ازازه مايه وراحت جنب محمد وهوب دلقت الازاز علي وشه
محمد بخضه /اية فيه ايه
ريم مقدرتش تمسك نفسها من الضحك وفضلت تضحك عليه وعلي شكله
ريم بضحك /هههههههه مش قادره ههههههه
محمد /اه يا بنت ال** وفضل يجري وراها وفضلوا يضربوا في بعض بالمخده
ريم وهي بتضحك /هههه خلاص والله معتدش قادره خلاص اسفه
محمد /عشان تبقي تيجي تصحيني تاني وتجلقي مايه علي وشي
هيام /اقول ايه بس حتي انت يا محمد يا عاقل
محمد /ما بنتك هي اللي مستفزة
ريم /والله يعني اصحي من النوم عشان سيادتك رايح تخطب وانت تفضل نايم
محمد بعند /اه
هيام /عوض عليا عوض الصابرين يا رب
وبعدين كله قام يفطر وجهزوا نفسم
__________________
في شرم في احد المطاعم
رحيم ونادين وياسين ووعد اجتمعوا وطلبوا اكل وكانوا مبسوطين باللمه دي
وعد /نادو
نادين /ايه يا قلبي
وعد /يعني انتي هترجعي تركيا تاني مش ناويه تقعدي في مصر
نادين /ايوة يا حبيبتي اجازتي هتنتهي كمان يومين وبعدها هرجع مع الوفد السياحي تاني
وعد /ربنا معاكي يا حبيبتي
نادين /حبيبتي… بس بجد لغايه دلوقتي مش مصدقه ان دا بيحصل
الكل استغرب
وعد /فيه ايه
نادين /اقصد يعني رحيم بيه الجرحي بنفسه سايب الشغل وجاي يغير جو
رحيم بضحك /يا جماعه والله انا حاسس اني كنت الرجل الآلي
ياسين بضحك /حاسس مش متأكد.
نادين /لا بجد يا رحيم انت شخصيتك جد اوي وخصوصا في الشغل وتقريبا قضيت حياتك كلها في الشغل والسفر والتفاقات حتي لما كنت لسه في مصر وكنت ببقا مع وعد كنا بنشوفك في المناسبات يا راجل
رحيم سمع كلام نادين وزعل من نفسه وافتكر اللي حصل لوعد
وعد لاحظت دا علي رحيم ومسكت ايده وابتسمت
وعد بحب /بس بردوا دا ميمنعش انه احسن اب وأخ في الدنيا كلها
رحيم حضنها وباس راسها /وانتي أحسن اخت واحسن بنوته في الدنيا كلها
ياسين بغيره /خلاص يا بابا كفايه كده سيب مراتي بقا
نادين بضحك /وها نحن ذا نشهد غيره زوج علي زوجته بسبب اخوها هههههههه
الكل انفجر من الضحك علي طريقتها وكملوا اليوم سوا وهما مبسوطين وطبعا في أغلب الأوقات رحيم كان بيفكر في حنان
_________________________
في منزل محسن
حنان صحت من النوم وجهزت وفضلت قاعده مستنيه في الاوضه لغايه اما الضيوف تاجي
حنان لنفسها /طاب اطفشه ازاي ده انا عارفه ان بابا وماما نفسهم يفرحوا بيا بس مش هقدر ارتبط بحد غير محمد وكمان هيبقا حرام اني ابقي مع حد وبفكر في حد تاني
يا رب حلها من عندك يا رب
وبعدين باب اوضتها خبط وكانت جني
جني /ها عروستنا الحلوة جاهزة
حنان /ايوة
جني /مالك يا حنون
حنان /انا كويسه المهم قوليلي انا قابلت سليم امبارح وانا جايه وقالي انه زعلك
جني /ايوة بس خلاص هو صالحني
حنان /طاب الحمد لله ربنا يخليكوا لبعض ومش يحرمكوا من بعض ابدا يا رب يا حبيبتي
جني /يا رب يا قلبي ولا يحرمني منك ابدا
________________
في منزل حسن خليفه
حسن /يا ريم
ريم /ايوة يا حب
حسن /اندهي علي محمد يلا وقولي له يخلص بقا الناس مستنينا
ريم /حاضر
ريم راحت اوضه محمد وفتحت الباب ولقيته بيظبط هدومه
ريم /ولا كبرت يا واد وبقيت عريس
محمد بضحك /يبنتي احترميني شويه دا انا في مقام اخوكي الكبير برده
ريم /ماشي يا حمص
محمد بعصبيه خفيفه /بت بطلي حمص دي انتي شيفاني في الحضانه
ريم /لا يا كميله دا انتي في كيجي تو ههههههه
وفجأه سمعوا صوت ضحك وكان/…….
يتبع..
لقراءة البارت الثامن والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
