رواية أسيل قلبي الفصل الثاني 2 بقلم نيللي ياسر
 |
| رواية أسيل قلبي الفصل الثاني 2 بقلم نيللي ياسر |
رواية أسيل قلبي الفصل الثاني 2 بقلم نيللي ياسر
” اسيل صحيت تاني يوم وكانت مصدعه أوي ونزلت تحت لقت في صوت جي من المطبخ دخلت لقت سوسن بتعمل فطار وبتتفرج علي التي في في المطبخ”
اسيل: صباح الخير يا طنط.
سوسن: صباح الخير يا حبيبتي..انا قولت اسيبك تنامي براحتك ومرضتش اصحيكي.
اسيل: ربنا يخليكي..اااه.
سوسن جريت عليها: انتي كويسه؟!.
اسيل بتعب: اه..اه.. كويسه بس مصدعه شويه ودايخه.
سوسن: أكيد علشان مفطرتيش..انا بعمل الفطار أهو.
اسيل: طب أساعدك في حاجه؟!.
سوسن: لا ياحبيبتي تسلمي..تحبي تتفرجي علي القصر؟!.
اسيل: ( هزت رأسها بمعني أيوه وهي بتبتسم).
سوسن: طيب روحي اتفرجي براحتك لغايه لما أخلص ونفطر في الجنينه سواء.
اسيل: ماشي.
” اسيل كانت هتمشي بس رجعت وقفت تاني”
سوسن: مروحتيش لايه؟!.
اسيل: هو انا أتفرج براحتي كده عادي إزاي؟!.
” سوسن قربت منها وحطت أيدها علي كتفها”
سوسن: انا عايزاكي من النهارده تعتبري البيت ده بيتك وانا امك وقوليلي يا ماما واكيد نجيب مش هيمانع.
” اطمنت من كلامها معايا ابتسمت وانطلقت اتفرج.. ايه العظمه دي بجد قصر تحفه بمعني الكلمة ولقيت باب اوضه لونه ابيض فتحت الباب ودخلت كانت اوضه نضيفه أوي بس من الواضح أن محدش بينام فيها وأكيد دي اوضه ابنه بدر ..دخلت واتفرجت علي الاوضه وببص قدامي لقيت لوحه كبيره اوي ل شاب انا أعرفه.. أيوه هو..انا ..ااااه!!.
اسيل بتعب وبتلف في الاوضه: دماااااغي..بدرررر يا بدررر سامحني اااااه ماما…يا اااحمد اااه دماغي ااه.( أغمي عليها)
” كان في الوقت ده دخل على الدكتور الاوضه وشالها دخلها اوضتها وكان بيقيس ليها الضغط”
علي بزعيق: هو ايه اللي حصل يا سوسن!!.
سوسن: معرفش والله..انا قولتلها تتفرج على القصر دخلت اوضه بدر بس معرفش كانت بتصوت لايه..انا سمعتها من تحت بس لما طلعت كانت أغمي عليها وانت شايلها.
علي: البنت حصلها صدمه كبيره اوي وعقلها مش قادر يصدق أن الذاكرة رجعت والذكريات دي وحشه أكيد علشان كده المخ مش مصدق واعصابها تعبت اوي.
سوسن: طب أكلم نجيب.
علي: لا انا هاخدها المستشفى دلوقتي.
سوسن: طب استني هلبس واجي معاك.
علي: لا انا هروح خليكي هنا ( وشالها وحطها في العربيه)
” وصل بيها قدام مستشفى بتاعته كبيرة جدا ودخلها اوضه وبدأ يكشف عليها واعطاها مهدأ وبعد ساعات بدأت تفوق”
علي: حمدالله على السلامه.
اسيل: الله يسلمك..هو انا فين.
علي: أنتي أغمي عليكي وجالك صدمه لما الذاكرة رجعت.
اسيل بتوتر: ايوه بس..بس انا مفتكرتش حاجه.
علي: بصي يا اسيل انا دكتور وعارف أن الذاكرة رجعت ممكن تقوليلي كنتي بتصرخي لايه لما شفتي صوره بدر.
اسيل بدموع: أحلف أن محدش يعرف الكلام اللي هقوله ده.
علي: لايه احلف؟!.
اسيل: أرجوك أحلف علشان اتكلم.
علي: والله العظيم مش هقول حاجه لحد.
اسيل ببكاء: بدر يبقي..بدر يبقي ” بتعيط”.
علي: اتكلمي بدر يبقي إيه.
اسيل ببكاء: بدر يبقي جوزي!!.
علي بصدمه: اااايه!!.
….. ( وبعد كلام كتير علي خد اسيل وراح بيها القصر وكان نجيب وصل)
نجيب: اسيل..انتي كويسه يا بنتي.
اسيل بتعب: اه انا الحمدلله كويسه.
سوسن: تعالي يا بنتي اطلعك اوضتك باين عليكي تعبانه.
اسيل:( هزت رأسها بمعني ماشي).
” اسيل طلعت الاوضه وعلي كان ساكت وبيبص ليها بس”
نجيب: هي البنت حصلها ايه.
علي: افتكرت كام حاجه كده زي مثلاً أنها إسمها اسيل و متخرجه من كليه حقوق و أن عندها 21 سنه بس حتي مفتكرتش اسم حد عن أهلها.
نجيب: بس الحمدلله انها بتفتكر.
علي: اه.. الحمدلله باي دلوقتي وهرجعلك تاني.
نجيب: باي.
… ” في مكان تانى تحديداً في نيويورك بدر حاطط الهيدفون في ودنه وبيجري في النادي وفجأة يجيله مكالمه”
بدر بينهج: احم.احم..الو.
علي: الو يا بدر.
بدر: ايه يا علي عامل ايه.
علي: إحنا في مصيبه بسببك يا بدر.
” بدر وقف جري”
بدر: مصيبه ايه؟!.
علي: اسيل..
بدر بصدمه: اااسيل.
علي: ايوه اسيل ابوك خبطها بالعربيه وجالها فقدان ذاكره بس ابوك قرر أنه هيخليها تعيش معاه ومش بس كده لا ده لما عرف انها خريجه حقوق عايز يشغلها معاه كل ده انا معنديش مشكله فيه المصيبه أن الذاكرة رجعت تاني!!!
بدر: طب ما ترجع انا مالي.
علي: انت ناسي أنها مراتك!!.
بدر: انا نازل بكره مصر..وانا هعرفها مين بدر الأمير.
….. ” عند اسيل..نجيب دخل يتكلم معاها”
نجيب: تك..تك.
اسيل: اتفضل.
نجيب: اسيل ممكن اتكلم معاكي.
اسيل: اه طبعا.
نجيب: انا عرفت كل حاجه و علي حكالي.
اسيل بشهقه: اااايه!!.
يتبع……
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية المسمومة للكاتبة كوكي سامح
