رواية عوده الماضي الفصل الرابع 4 بقلم منى الصاوي
رواية عوده الماضي الجزء الرابع
رواية عوده الماضي البارت الرابع
رواية عوده الماضي الحلقة الرابعة
يجري الجميع تجاه شروق الفاقده للوعي.
آم محمود.. يالهوي حبيبتي يا بنتي مالها يا محمود اجري يا بني هات دكتور يشوف مراتك
في اللحظه دي بتفوق شروق
شروق… مفيش داعي يا ماما الظاهر بس دوخت لاني نزلت من غير فطار
سمر زوجه فريد… سلامتك حبيبتي ملحقناش نتعرف عليكي اتا سمر مرات فريد ودوول احمد وجنى ولادي سلموا على طنط يا ولاد
فريد.. استنوا يا ولاد لما مرات عمكم تبقى كويسه اكيد هتتعرفوا احنا خلاص مش هنسافر تاني
الف سلامه عليكي يا مرات اخويه
شروق في عالم تاني كل الذكريات رجعت بتمر قدامها كانه شريط سينما
شروق في نفسها معقول ياربي في حد شبه حد بالطريقه دي انا مش قادره أصدق وتفوق على صوت فريد
فريد… ياااه يا محمود مراتك مش معانا خالص ايه يا عم انت مزعلها والا ايه
محمود.. انا اقدر ازعل شروق ده مستحيل والا ايه يا حبيبتي
شروق.. هاااه
محمود… هاااه ايه يا بنتي يلا نطلع شقتنا شكلك تعبانه أوي
الف حمدالله على السلامه يا فريد حمدالله على السلامه يا
مدام سمر هنطلع شقتنا ونسبكوا ترتاحوا
يخرج محمود وشروق من شقه والدته
فريد.. مرات محمود شكلها بنت حلال بس غريبه شويه والا ايه يا ماما
والدت محمود.. لا يا حبيبي مش غريبه والا حاجه بس هي
منطويه شويه من يوم جوازها هي ومحمود ومنزلتش عندي مرتين تلاته ودايما مش بتحب تختلط بالناس
سمر… والله يا ماما الزمن ده الناس كلها في حالها كل واحد
مشغول بحاله هي بتشتغل مش كده
والدت محمود.. ايوه يا بنتي هي مترجمه في شركه كبيره ما شاء الله عليها عارفه لغات كتير
فريد.. ما شاء الله باين عليها هنيالك يا محمود
سمر… نعم يا حبيبي هو هنياله وانت ايه
فريد.. طبعا هنيالي يا حبيبتي انا اقدر اقول غير كده
ماما انت مش هتاكلينا والا ايه انا ميت من الجوع
آم محمود.. عيوني يا حبيبي تعالي يا سمر جهزي معايه السفره
سمر.. حاضر يا ماما اتفضلي وانا وراكي
نروح عند محمود وشروق اللي كانت تقريبا في عالم تاني
شروق… معقول يارب ترجع لي على بعد كل الوجع اللي
عشته بس ده مش على يا شروق
لا هو على نفس الشكل نفس الصوت والروح مفيش حد شبه
حد كدا مش قادره أصدق ان اللي كان قدامي ده مش على
بتفوق على صوت محمود
محمود.. شروق شروق في ايه انت فين بنادي عليكي بقالي كتير انت تعبانه اوديكي للدكتور
شروق… هاا لا لأ انا كويسه هو بس شويه إرهاق تحب احضر الغدا
محمود… ياريت عايزين نتغدا وننزل شويه بالليل نقعد مع
اخويه لو تحبي خليكي انت وانا هنزل علشان تعبانه
شروق.. لأ اقصد انا كويسه هنزل معاك مينفعش احنا مرحبناش بيهم كويس
ومع مرور الوقت بتقرب شروق جدا من سمر زوجه فريد وأولاده لدرجه انها كانت دايما معاها في شقتها
آم محمود… مراتك خدت على مرات اخوك بسرعه اوي يا
محمود شكلها يابني كانت مضايقه من وجودها لوحدها
معايه يلا المهم تكون مرتاحه
محمود.. انت الخير والبركه يا أمي بس كمان ولاد فريد مالوا علينا البيت ربنا يخليهم
ام محمود.. عقبال ولادك يا حبيبي تكون شروق تعبانه يكون في حاجه جايه في السكه ومش بتقول
محمود.. لا يا أمي شروق مأجله موضوع الاولاد ده شويه
آم محمود.. ليه بس عايزه اشيل ولادك انت كمان أقولك ايه اللي يريحكم يابني ربنا يسعدكم
عند فريد وسمر
فريد.. مرات محمود دي حشريه اوي وصراحه بدءت ازهق
من تدخلها في حياتنا دي شويه وتقعد معانا
سمر.. حرام عليك يا فريد دي حتى بتعزك اوي ودايما بتتكلم عنك كويس اوي هي بس علشان عارفه اني بقالي كتير عن البلد بتحاول تساعدني
فريد… خلاص اللي يريحك انا ماليش دعوه عموما انا نازل شغلي خلاص
وتمر الايام وشروق مش قادره تميز ان اللي عايش جنبها ده هو فريد اخوا زوجها مش على حبيبها اللي ضاع منها واتحرمت منه للأبد
شروق.. صباح الخير يا فريد رايح فين بدري كدا
فريد.. ايه ده شروق صباح الخير
انت اللي نازله بدري كدا علي فين
شروق نازله شغلي انا بشتغل في شركه سياحه مترجمه وفي وفد من ألمانيا جاي النهارده هنستقبله في المطار تحب اوصلك لمكان
فريد.. لا مش عايز أعطلك
شروق.. لا تعطلني ايه لسه شويه على الميعاد انا اساسا هنزل البلد الأول اجيب اوراق من الشركه تعالي اوصلك
ويركب فريد مع شروق ويلاحظ توترها ورعشه ايديها وهي بتسوق العربيه
رجوع بالزمن في ذاكره شروق
شروق.. مش هينفع يا علي هتوصلني ازاي لو بابا شافني هتبقى مصيبه
على.. ماهو انا مش هسيبك تروحي دلوقتى لوحدك وبعد كدا بلاش محضرات متأخره في الجو ده
شروق. يا حبيبي يعني هبقي مرات دكتور علي اشطر دكتور في الجامعه واشيل ماده مينفعش
نرجع للحاضر
فريد.. بسسس معاكي هنا يا شروق متشكر جدا
بتفوق شروق وبتبص لفريد باصه كلها حب وتقوله
شروق.. متشكر ايه بس مفيش بينا الكلام ده العربية تحت امرك في اي وقت
فريد ينزل من العربيه تسلمي يا مرات اخويه سلام
بتمر الايام والصدف بينهم تكتر وفريد بيستغرب نظره الحب اللي في عيون شروق
وفي يوم بتحصل حاجه بتقلب كل الموازين تليفون محمود بيرن
محمود… الو مين معايه ايه فريد اخويه
شروق… تجري عليه في ايه يا محمود
محمود… فريد اخويه تعبان وفي المستشفى لازم انزل بسرعه
شروق بانهيار .. لا مستحيل مش هيضيع مني تاني
ياترى حصل ايه لفريد وياتري محمود هيفسر كلام شروق بايه
ده اللي هنعرفه البارت الجاي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عوده الماضي)
تعليق واحد