اسكريبت هشك بشك الحلقة الثانية 2 بقلم شروق عمرو ومريم توفيق

 اسكريبت هشك بشك الحلقة الثانية 2 بقلم شروق عمرو ومريم توفيق 

اسكريبت هشك بشك الحلقة الثانية 2 بقلم شروق عمرو ومريم توفيق

اسكريبت هشك بشك الحلقة الثانية 2 بقلم شروق عمرو ومريم توفيق 

_ يا عم هشك بشك انت بتعمل ايه 

كان قاعد فوق السرير وماسك  فونها

= هى الكاميرا عند بايظه كل ما اجى اتصور ملقينيش

_ يا مصبر الوحش على الجحش ..هو مش انت عفريت برضو 

= ايه العلاقه

_ بجد والله  شكلك ولا عفريت ولا نيله 

= لا عفريت اهو 

قالها وهو بيظر ويختفى من مكان لمكان 

_ مهو ده اللى انت فالح فيه بس وهشك بشك 

= الانس اتغير خاالص عن زمان ..كنا نكش الكشه بس يخضعوا كلهم 

_ شش يا …هو انت اسمك ايه صح 

= انا اسمى مالك 

_ نعم يا خويا مالك مين هو فيه عفريت اسمه مالك 

= ايوا يا بنتى ماحنا فى عصر غير العصر 

 _ يا عجايب الزمن.. هيييى المهم اختار ايه اتمنى ايه ..

= عندك صحاب 

_ اه طبعا عندى نورا صاحبه عمرى وانتمتى اللى مفيش زيها 

= اممم طب بتحبى حد 

_ اهاا بس هو بيحاول يتقرب منى وانا بتقل شويه 

= طب ومامتك 

_ مالها 

=ليه مش بتقعدى معاها 

_ لا انا لما بقعد معاها بنتخانق وانا نبحبش طريقتها واسلوبها خاالص وهى مبتحبش اسلوبى يعنى انا شبهه منفصله عنها ..وكده كده هخلص جامعه وهسافر

= ليه بتتنكى على صحابك 

_ انا بتنك …تؤ تؤ هما اقل منى عشان كده شايفنى بتنك …يابنى دول معظمهم شحاتين ولبسهم ميدهمش قيمه خاالص ..بص من الاخر كده انا مبحبش الشخص اللى يكون اقل منى ..بعيد عنك بستحقره

= سؤال اخير ..لو حد سألك فى رأيك على حاجه مش حلوهه هتقوليله ايه 

_ هقول وحشه عادى 

= مش مفروض تجبرى بخاطره حتى 

_ لا طبعا انا مش بؤمن بجبر الخواطر ده اسمه كدب وانا مبحبش اكدب عشان حد حتى لو كان مين …وبعدين بقى انت فتحتلى محضر ولا ايه …بطل اسئله وفكر معايا اتمنى ايه 

= افكر معاكى ازاى مثلا

_ اممم..اقولك هسيبلك الامنيه دى. انت شوفلى حاجه حلو مش زوقك يعنى 

= اممم غمضى عينك ….فتحى 

فتحت عينها لقت نفسها فى مكان ضلمه مفهوش شعاع نور صرخت برعب 

_ ايه اللى حصل انت عملت ايه 

اتكلم من غير ما يظهر بعد ما اضئ الانور 

= كده تمام…بصى يا ستى قدامك بابين  اول باب ده اوضه اعز شخص على قلبك وهى مين ..نورا صحبتك 

_ مش فاهمه 

= الباب ده اول ما هتفتحيه هتلاقى اوضه نورا صديقتك هتخشى وهى مش هتحس بيكى …ولا كأنك موجوده 

_ طب والتانى 

= خلصى دخ الاول ونبقى نشوف التانى  بعدين 

هزت راسها بدهشه وفعلا حطيت ايدها على الاوكره وفتحت الباب مجرد ما دخلت الاوضه الباب اختفى …لقت نورا صاحبتها قاعده على السرير وبتتكلم فى التليفون بتاعها 

_ انا زهقت من البت اللى اسمها. ملك دى ….لا كده كتير اوى عليها …دى بت رافعه مانخيره فى سما مفكره ان مفيش حد زيها..قولتلك ياشريف خلصنا من البلوه دى بقى مش عارفه انتى مستنى ايه …حب ايه يا ابو حب ياخى حبك برص انت وهى …لو معملتش اللى اتفقنا عليه يا شريف فى اقرب وقت هكشفك قدامها…وهقول انك كنت عايز تكسر عينها بطريقتك الحقيره دى …

حطيت ايدها على بؤها من الدهشه فى صدمه ..مش مصدقه نفسها…بقى دى صاحبه عمرها اللى بتتمنالها كل خير ..لفت عشان تخرج ملقتش الباب ..صرخت بصوت مبحبوح

_ مالك 

مجرد ما نادت لقت نفسها بره قدام الباب التانى وهو واقف لها قالتله ببكاء

_ ده حقيقى 

هز راسه بايجاب …وهو بيقول

= ايوا حقيقى …غرورك عماكى عن الناس الكويسه يا ملك ..خلاكى تكرههى الناس الحلوه عشان الناس الحقيره..تعالى معايا

_ لا مش عايزه اروح فى حته تاانى انا عايزه اروح 

= خليكى قويه شويه وتعالى معايا مش هتخسرى حاجه بالعكس يمكن تكسبى 

دخل الاوضه اللى كانت فيها والدتها اللى سجاده الصلاه بتدعى لبنتها انه يهديها ويصلح حالها …

عيطت بحرقه وهى بتقوله 

_ انا اكتشفت انى وحشه اووى 

= انتى جميله اووى يا ملك ..وقلبك ابيض …بس تفكيرك كان غلط ..وبعدين مفيش حد مبيغلطش …بس الفايده انك تتعلمى من غلطك وتحبى الخير لكل اللى حوليكى وتبعدى عن الناس اللى مستواها اقل من اى حد فى العالم عشان مفكرين انهم اعلى ناس ف العالم …ها فاضلك امنيه بقى خلينى اشوف طريقى يا بنت الحلال

ضحكت وهى بتقوله 

_ اتمنى انك انت  تكون حقيقى يا مالك 

وغمضت عينيها …وفتحت 

فتحت عينها لقت نفسها ع السرير نايمه ومستغطيه ..قامت من مكانها بصدمه بتقول 

_ كان حلم ..،كان حلم …ماما ماما 

خرجت من اوضتها جرى وهى بتنادى على مامتها بذعر ردت امها بحنان 

_ فى ايه يا ملك بس اهدى يا حبيبتى 

=  انتى اللى حبيبتى وروحى ..اسفه والله اسفه على كل مره خليتك زعلتى منى..والله اسفه ..

_ ازعل منك ليه يا ملك بس ..دانتى قلبى وحياتى عمرى ما ازعل ولا اقدر ازعل منك 

= بحبك اووى يا ماما

_ وانا بحبك يا روحى .. صح مقولتليش فكرتى فى موضوع العريس بتاع النهارده 

= اه ..خليه يجى يا ماما 

ربتت على شعرها بحنان وهى بتقول 

_ ربنا يهديكى يا حبيبتى

..

وفى المساء خرجت ملك ومعاه العصير بتقدم للضيوف حطيت الصنيه قدامهم …وبترفع عينها عشان تسلم ..بس مجرد ما رفعت عينها اتصدمت من اللى قاعد قدمها بصلها بضحكه جذابه وهو بيغمز لها بطرف عينه وهى ضحكت وهى بتقوله 

_ هشك بشك ????

يتبع..

لقراءة الحلقة الثالثة : اضغط هنا

لقراءة باقي حلقات الرواية : اضغط هنا

نرشح لك أيضاً رواية انتقام لكبريائي كاملة.