رواية الساحر الفصل السابع والعشرون 27 بقلم ياسمينا

*العوده *

(بعد مرور سنتين )

وفي صباح يوم جديد اريان صحي من نوم وهو مضايق قام من علي سرير وطلع من اوضتو وراح الاوضه الي جمبو وخبط

اريان : ارحمو الي جيوني عايز اتخمد بقا سكتو ام البت دي 

رامي فتح الباب بضيق وكان شايل طفله صغيره

رامي : اتفضل انت حبيبت قلبك سكتها

اريان بضيق : كان يوم اسود لما قولتلكم تعالو عيشو معايا 

رامي اده لي اريان طفله وبعدين قفل الباب 

اريان : بتقفل الباب في وشي يامحترم ماشي 

اريان شال طفله بحب ودخل بيها اوضتو الطفله كان عندها سنه وتلات شهور 

اريان : ايه ياحبيبتي بتعيطي ليه ها هو انا بسأل ليه مانتي شبها 

اريان ابتسم بحزن وافتكر ياسمين وقال : هي زنانه  بس بتهده بسرعه تعرفي ليه سميتك ياسمين علشان تفكريني بيها دايما 

اريان خد الطفله في حضنو ونام والبنت بطلت عياط …….

__________________________________________

????في دبي????

ياسمين كانت نايمه وتلفونها فضل يرن كتير قامت بغضب ومسكت وفتحت

ياسمين بغضب : انت بترن كدا ليه ياحيوان انت

سمير : كدا يامحترمه 

ياسمين : اعملك ايه ياسمير بجد عايزه انام 

سمير بضحك : طب اسمعي تعرفي المذيع المشهور باسم حلمي

ياسمين بتركيز : اه مالو

سمير : في برنامجو الجديد طالب مخرجين مبتدئين ايه رأيك تجربي حظك وعلفكره حجزتلك تذكرة بليل 

ياسمين بضيق : بس ده معنه اني هنزل مصر

سمير : فيها ايه لما تنزلي يومين تشوفي حظك 

ياسمين : طيب هفكر

سمير : مفيش وقت خلاص انا حجزت الطياره دي فرصه متتعوضش ومفيش وقت 

ياسمين بضيق : ماشي

ياسمين قفلت التلفون بضيق وقامت من علي سرير وطلعت برا اوضتها لقت شهد يتحط الاكل علي سفره قربت منها بهدوء وقالت : اقعدي ارتاحي بقا فضلك شهر وتولدي

شهد بأبتسامه : ياستي انا متعوده علي شغل ده مش بحب اقعد 

ياسمين بضحك : ياستي طيب فهمنا بس مش وانتي بطيخه كدا 

شهد بضيق : انا بطيخه

وسام وهو بيخرج من اوضتو : اه بطيخه وهتجوز عليكي

ياسمين قربت منو وباستو من خدو وقالت : صباح الخير ياويسو 

وسام : صباح الفل 

وسام قعد علي سفره هو وشهد وياسمين 

ياسمين : احم انا عارفه انك زعلان مني 

وسام بصلها بضيق وقال : لا عادي 

ياسمين مسكت ايدو بحنان وقالت : عمري ما شوفت اب بيزعل من بينتو كدا قدامها بس لما تنام بيجي يطمن عليها يشوفها تعبانه ولالا ويمله عينو منها

وسام بضيق : عرفتي ازي

ياسمين : ياحبيبي انا قلبي بيحس بيك 

وسام : طب كويس 

ياسمين بأيتسامه : طب انا عندي ليك خبر حلو

وسام وهو بياكول : لا مفيش حاجه بقت تفرحني 

ياسمين : انا عندي مقابله شغل في مصر باسم حلمي ده المذيع طالب مخرجين مبتدئين  

وسام بسعاده : بجد يعني هنرجع مصر

ياسمين : ايوا يابابا هروح اشوف حظي وانت بقا روح للي انت عايز تشوفو

وسام بسعاده : اخيرااا

ياسمين : بس شهد حامل ازي هتركب الطياره 

شهد بأبتسامه : متخافوش عليا المهم هننزل امتا 

ياسمين : انهارده بليل

وسام بسعاده : طب يلا نجهز 

ياسمين : فرحت يعني 

وسام : طبعا راجع بلدي بعد سنتين واريان وعاصم وعليا وحشوني

ياسمين لما سمعت اسم اريان قلبها دق بسرعه 

وسام بخبث : اريان كمان جوز بنتي 

ياسمين فرحت من جواها علشان في حاجه لسا بتربطهم ببعض 

ياسمين : احم انا داخله اجهز نفسي بقا وانتو أجهزو 

ياسمين دخلت الاوضه بحزن وفضلت تفكر ذكرياتها معا اريان….

__________________________________________

????عند اريان ????

ميرا ورامي دخلو اوضه اريان لقوه نايم جمب ياسمين 

ميرا بأبتسامه : شكلهم حلو اوي 

رامي : استني اصورهم صوره 

رامي صورهم وهما نايمين 

ميرا : يارب ياسمين بقا ترجع 

رامي : ياريت والله  

ميرا قربت من علي سرير وشالت ياسمين بهدوء وبعدين صحت اريان 

ميرا : اريان قوم بقا بقنا الضهر 

اريان بنوم : سبني انام شويه 

رامي : قوم يابني الفطار جهز 

اريان قام بضيق وقال : هو انا لو مفطرتش هموت يعني 

رامي بضحك : لا أصل عليا عايزك في موضوع 

اريان : نعم موضوع ايه 

ميرا بضحك : مهو انهارده دورك تودي الاطفال عند دكتور يعملو فحص شااامل

اريان بصدمه : مستحيل 

ميرا بضحك : تؤ ولا مستحيل ولا حاجه 

اريان : اخد 4 اطفال لوحدي

ميرا : تؤ مهو في مربيه جديده هتجي معاك 

اريان بضيق : وانا مال اهلي 

رامي :علشان ياسمين 

اريان بص لي ياسمين بحزن وقال : ماشي 

فاجأه سمعو صوت اطفال 

اريان : راسييييي هتنفجر 

رامي بضحك : معلش اطفال بقا 

اريان قام بغضب وطلع برا اوضتو وراح اوضه عليا وخبط بغضب وعليا فتحتلو وكانت شايله طفله علي أيدها 

عليا : ايه يااريان 

اريان بغضب : ايه صوت ده 

عليا بضحك : معلش 

سيف من جوا الاوضه : عليااااا

عليا : حاضر 

عليا دخلت الاوضه هي واريان واريان لقه سيف شايل طفله تانيه

سيف بغضب : مش عارف اتعامل معاها 

عليا : مش تتعصب والبنت في ايدك 

سيف : وليه بقا 

عليا : علشان البنت متطلعش عصبيه 

اريان بغضب : بس هي تعصب الي جبونا عادي 

عليا بغرور : بنتي وحره تعمل الي هي عايزاه 

اريان بص لي سيف وقال : ارمهالي كوره يلا 

سيف بضحك : خد 

عليا بغضب : اتجننتو 

فاجأه سمعو صوت الباب بيخبط 

عليا : اكيد دي المربيه جديده تعالو ننزل نشوفها 

سيف : يارب اما نشوف اخرتها 

عليا وسيف طلعو من الاوضه واريان قال : يارب خلصني من الحضانه دي

  اريان نزل وراهم لقه عاصم وريم ومعاهم كنده بنتهم الي لسا عندها 9 شهور ولقه ميرا ورامي وبنتهم اريان قعد معاهم  وبعد دقيقه دخلت عليهم المربيه الجديده 

عاصم : اوبااااااا هو فيه كدا 

ريم بغضب : عاااااصم 

سيف بضحك : لا مزه الصراحه ولا تقولي عايزه اكل في الاخر ليل ولا هتتعبني معها 

رامي بخبث : اه والله مزه مزه يعني 

اريان بصلهم وبعدين بص لي المربيه بقرف وقال : دي حلوه دي تقرف 

ميرا بغضب : شوووووفتو الناس الي عنيها ملياااانه 

عليا بغضب : مش فارغه زايكم 

ريم : قرف يقرفكم 

اريان بضحك : اتهزقتو بجامد الصراحه 

المربيه قربت منهم بهدوء وقعدت قدامهم 

اريان بجديه : اسمك ايه 

البنت : توته 

اريان : نعم انا مبقولكيش اسم دلع اسمك انتي ايه 

توته بأبتسامه : مانا قولت لحضرتك اسمي توته 

عاصم : حد يتعامل معا ناس كدا  عندك كام سنه 

توته : 25 سنه وعندي خبره متخافش 

اريان : بصي انتي لو قدرتي تسكتيهم ومش تخليهم يعيطو خالص بجد هديكي الي انتي عايزاه 

توته بثقه  : هنشوف مش هتعرفونا 

عاصم : بصي ياستي دي كنده بنتي عندها 9 شهور 

عليا : ودول نجمه وقمر توأم عندهم  سنه ( متتلخبطوش بين روايه الساحر ومنقذي بس انا بحب الاسمين دول????♥️)

ميرا : ودي ياسمين بنتي عندها سنه و 3 شهور 

توته : حاضر متخوفش هما في عنيا 

اريان : جهزي نفسك علشان هنروح المستشفي بليل ونعملهم فحص شامل 

توته بأبتسامه : اوك 

اريان ابتسملها وسكت ………

أما رامي نشر صورة اريان وياسمين بنتو علي فيس وكتب ( الاب والبنت ) وابتسم يخبث

__________________________________________

????عند ياسمين ????

ياسمين جهزت شنطة هدومها ومسكت تلفونها بهدوء وقرارت تكلم رامي بس انصدمت لما شافت صورة اريان وبنت صغيره معه 

ياسمين : يعني دي بنتو ازي 

ياسمين بعتت رساله لي رامي 

ياسمين : رامي مين البنت الي معا اريان ????

رامي بخبث : مش انتي طول سنين دي كنتي بتقولي مش عايزه تعرفي عنو حاجه ????

ياسمين بضيق : ولغيت دلوقتي كمان 

رامي : يبقا مش هقولك ????

ياسمين بغضب : يبقا خد بلوك????????️

ياسمين عملت لي رامي بلوك وطلعت من اوضتها لقت وسام وشهد جاهزين 

ياسمين : جهزت بسرعه ياويسو

وسام بضحك : طبعا 

ياسمين بضيق : ماشي زعلني اكتر مش كفايه هتجبلي اخ وانا في سن ده 

شهد : مش ذنبي انك كبيره 

ياسمين بغضب : يلا نمشي احسلكم

وسام بهمس : هتموت متغاظه اوي 

شهد بضحك : اه وغيرانه 

ياسمين : سمعااااااااااكم 

ياسمين جابت شنطتها وقالت : يلا شلها يابابتي 

وسام بضيق :, شيال ابوكي انا 

ياسمين تجاهلتو وطلعت برا البيت  وركبت العربيه 

وسام بغضب : شوفتي ولا اكني ابوها 

شهد بضحك : معلش بس انت الي مدلعها صحيح انت قولت لي اريان أن احنا نازلين مصر 

وسام : لا هعملهالو مفاجأه 

شهد : طب يلا 

وسام شال الشنط وركب العربيه هو وشهد وبعد ربع ساعه كانو في طياره وشهد كانت خايفه اوي ووسام كان قاعد جنبها 

وسام : مالك ياحبيبتي 

شهد : ها لا مفيش متخفش 

وسام : لو حستي بأي تعب قوليلي

شهد : حاضر 

ياسمين كانت قاعده بعيد عنهم وبتفكر في اريان وياتره اتجوز ولالا وبعدين طلعت تلفونها وفتحت محادثهم طول السنتين دول كان هو بيبعتلها وهي مش بترد قرارت تبعت اي حاجه ليه 

ياسمين كتبت : اريان 

ياسمين استنت دقيقه ومش رد راحت قفلت تلفون بغضب………

_________________________________________

في مكان تاني خالص في فيلا راجل الأعمال  احمد السعيد وفي اوضتو صحي من نوم وبص قدامو ولقه الساحر 

احمد بصدمه : انت مين 

الساحر : مش مهم انا مين المهم أن جاه دورك 

احمد برعب : انت 

الساحر : ايوا انا السفاح الي بقتل في رجال الأعمال 

احمد : طب ليه 

الساحر ببرود : ايه انت متعرفش انك بتاجر في مخدرات لا وظالم و بتاخد أراضي ناس وترميهم في شارع الي زايك يستاهل يموت مليون مره 

احمد بغضب : كل ناس كدا 

الساحر ببرود : مهو كل ناس هتموت يلا اتمنالك موته سعيده

الساحر مسك سكنتو جامد ورمها علي احمد وجت في رقبتو واريان شال القناع بهدوء وابتسم وقال : محدش هيفلت من ايدي 

وبعدين اختفااااا……..

__________________________________________

????عند سيف ????

كان في اوضتو وجالتو مكالمه وعرف ان احمد اتقتل سيف قفل تلفون بغضب وقال : اكيد اريان 

سيف طلع من اوضتو وراح اوضه اريان ولقه قاعد بيتفرج علي تلفزيون 

اريان : قبل ماتكلم ايوا انا الي قتلتو

سيف بغضب : ليه مش قولت هتخلص من انتقامك ومش هتقتل تاني

اريان ببرود : البلد دي لازم نطلع منها الانجاس 

سيف بغضب : وانت مالك بيهم مش فيه بوليس يقبض عليهم 

اريان بسخرية : بوليس ايه ياعم صلي علي نبي كدا هو انت عارف تعمل حاجه دا رائسك في شغل بياخد فلوس منو علشان يخرس

سيف بغضب : مش كل حاجه القتل 

اريان بغضب : لا علشان تخلص من قرف حد ف القتل هو احسن حل وياريت مش تناقشني كتير وسع كدا بقا عايز البس 

سيف خرج من الاوضه بغضب واريان بدأ يلبس بهدوء وبعد 5 دقائق طلع من اوضتو ونزل تحت لقه توته معا الاطفال 

اريان بتسغراب : هما ازي ساكتين كدا 

توته بأبتسامه : عادي انا خلتهم يسكتو 

اريان : طب هاتي ياسمين 

توته : مشمعنا ياسمبن 

اريان بضيق : مبحبش الاسئله الكتير 

توته : اممم طيب 

ريم وهي نازله من علي سلم 

ريم : اريان خلي بالك منهم كويس 

اريان بسخرية : ليه كنت الداده بتاعتهم  وهي لزمتها ايه توته دي 

توته : والله انا مش عارفه ايه الي مش عجبك في اسمي مانت اسمك اريان وسكتنا 

اريان : نعم ياحبيبتي مالو اسم اريان 

توته بضيق : اسم كدا ملهوش طعم ولا ريحه 

اريان بسخرية : ابقي حطيلو ملح يختي وهيبقا ليه طعم 

توته بضيق : بايخه 

اريان شال ياسمين وقال : انا طالع خلي زفته دي تجي ورايا

اريان مشي 

ريم : معلش استحمليه هو عصبي شويه 

توته : لا عادي متعوده علي الاشكال دي 

ريم بضحك : لو سمعك مش هيرحمك 

توته بضيق : هيعمل ايه يعني المهم متخافيش هما في عنيا 

توته خدت الاطفال وركبتهم العربيه وركبت معاهم ورا 

اريان بضيق : سواق ابوها انا 

اريان اتحرك وتوته ضحكت عليه ….

_________________________________________

????في مطار القاهره ????

الطياره وصلت وياسمين بدأت تفتكر الي حصل من سنتين وفاجأه سمعت صريخ شهد جريت عليها تشوفها 

شهد بصريخ : شكلي هولد مش قاااادره 

ياسمين : بخربيتكككك جايه تولدي في طياره 

وسام بخوف : شهد حاسه بأيه 

شهد بدموع : هولد والله 

ياسمين : علشان تعرفي تحملي انا قولتلك الي في سنك مينفعش يحمل 

شهد بصريخ : سكت البت دي 

ياسمين بسخرية : يعني لما اسكت هتخفي 

شهد بصريخ : هموووووت همووووت 

وسام بغضب : اتصلي بأريان  هو هيتصرف 

ياسمين بغضب :  مستحيل طلعها بس من طياره وهقولهم يتصلو بلاسعاف

وسام فعلا سند شهد وطلعها الطياره وتصلو بلاسعاف وبعد 5 دقائق وصلو ونقلو شهد ووسام وياسمين ركبو معاها في العربيه 

وسام بخوف : هي كدا هتولد ولا ايه 

ياسمين : علشان تعرف تجيب ولد وانت في سن ده مش عيببب عليك

وسام بغضب : اخررسي 

ياسمين : وانتي يختي استحملي مااالك كدا مدلعه 

شهد بصريخ : كلووووو كوووووم والوجع الي بحس بيه كوم وبت دي كوم تاني سكتها

ياسمين تجاهلتها وقالت : قولتو عايزين نجيب ياسين ياسين واهو ياسين جاي اهو اشربو

وسام مسك ياسمين من شعرها وقال : انتي يابت معندكيش دم 

ياسمين : يابابا انا قولتلك انا كفااايه مسمعتش كلامي لازم تفضحني في مطار 

وسام بغضب : اسكتها ازي

ياسمين : خلاص والله سكت

عربيه الإسعاف وصلت قدام المستشفي وياسمين قعدت جمب شهد علي سرير متحرك 

شهد بصريخ : بتعملي ايه 

ياسمين : مالك يامرات ابويا ايه رجلي وجعاني 

وسام بغضب : انزلي 

ياسمين : خليك في مراتك 

الممرضين دخلو شهد المستشفي بسرير 

ياسمين : وسع ياحج انت معانا بطيخه هتولد 

شهد بصريخ : ابعدوها عني 

وسام بغضب : انزلي بقا 

ياسمين : انا غلطانه اني بوسع ناس يعني 

ياسمين بصت حواليها لقت ناس بتبصلها

ياسمين : بصو علي قدكم ايه اول مره تشوفو بطيخه بتولد 

وسام زق ياسمين ونزلها من علي سرير ودخلو شمس اوضة العمليات 

وسام : استرها يارب 

ياسمين : يافضحنا انت ومراتك

وسام : ياسمين عدي ليلتك علي خير 

ياسمين : طيب …..

وفي لحظه دي اريان دخل معا توته المستشفي 

اريان : خدي انتي نجمه وقمر خليهم يعملو هما الفحص الاول وانا هستنه هنا 

توته : ماشي 

توته مشيت 

اريان بسخرية : بقت داده علي اخر الزمن 

????عند وسام ????

وسام كان قلقان اوي علي شهد 

وسام : اعمل ايه ياربي 

ياسمين بسخرية : يلا اشرب اشرب ياابو ياسين 

وسام قرب من ياسمين بغضب ومسكها من شعرها 

وسام بغضب : اقسم بالله كلمه زياده هتلقي حتة قلم نازل علي وشك

ياسمين بزعيق : الله الله دا لسا ياسين موصلش وبتعامنلي كدا 

وسام : اخرسي يابت صوتك عاااالي 

ياسمين بزعيق : ماشي يابابا ماشي بس خلي بالك يعني أنا متبريه منك انت وابنك اشطا 

ياسمين صوتها كان عالي لدرجه ان اريان سمع صوتها 

اريان بصدمه : ده صوتها ده ولا أنا بتخيل

اريان مشي وراه مصدر الصوت ونصدم لما شاف وسام واقف بغضب وماسك شعر ياسمين 

اريان بصدمه : وسام 

وسام وياسمين بصو لي اريان بصدمه 

ياسمين بغضب : انت قولتلو 

وسام : لا والله ابدا 

ياسمين بصت لي اريان وهو بصلها بحب وهو كان وحشها وبعدين بصت علي طفله الي شايلها

ياسمين قربت منو بغضب : طب لما انت بقا هتجوز مش طلقتني ليه هاااا

اريان بستغراب : اتجوز 

ياسمين بغضب : متحاولش تكدب عليا طلقني بقا وخلصني 

اريان بخبث : لا طبعا اكدب ايه ايوا اتجوزت عايزه حاجه بقا 

ياسمين بضيق : انت خاين 

اريان حاول يتجاهلها ويخليها تتعصب اكتر 

اريان مشي من قدامها وقرب من وسام وقال : في ايه 

وسام : شهد بتولد 

اريان بابتسامه : بجد 

وسام : اه والله  وهموت من خوف 

اريان بهمس : مقولتش يعني أنك هتجي 

وسام بهمس : قولت اعملهالك مفاجاه واهي هتموت من الغيره 

اريان جاي يتكلم بس قطعو صوت توته

توته وهي بتقرب منو وقالت : انت ازاي تسبني كل ده هات كنده وياسمين اعملهم فحص 

ياسمين بغضب : مين دي 

اريان بخبث : مراتي واه مسمي بنتي ياسمين 

ياسمين بغضب : كمااان يابجحتك 

توته بستغراب :  نعم ايه ده 

اريان : هشش 

ياسمين مشيت من قدامهم وطلعت برا المستشفي كلها

اريان : امسكي وخلي بالك منهم 

توته : طيب 

اريان طلع ورا ياسمين لقها واقفه جمب شجره قدام المستشفي قرب منها بهدوء وقال : نورتي مصر 

ياسمبن مردتش عليه 

اريان  : حلوه مراتي تانيه صح

ياسمين بصتلو بغضب وقالت : انت انسان غدار ومخااادع وخاااين 

اريان بأبتسامه : قولي الي انتي عايزاه بس انتي وحشتيني 

ياسمين بحزن ؛ واضح مانت روحت اتجوزت اهو وشوفت نفسك

اريان بتمثيل : مانتي الي سبتيني اعمل ايه يعني 

ياسمين بغضب : ايوا انا الي سيباك بس مش معنه كدا انك تجوز عليا

اريان بثقه : انا حر

ياسمين زقت اريان بغضب وقالت : ابعد عني بقا بكرهك 

ياسمين مشيت من قدامو وجايه تدخل المستشفي بس شافت عربيه جايه نحيتها بسرعه بس اريان مسك أيدها وبعدها عن العربيه بهدوء ونزل من العربيه باسم حلمي  وياسمين انصدمت لما شافتو  وباسم نزل من العربيه بثقه ومدير المستشفي طلع يستقبلو وكاميرات الصحافه فضلت تصورو وكانو بيسألوه

ياسمين : واوو باسم حلمي 

اريان بضيق : مين ده 

ياسمين : المذيع مشهور 

اريان بضحك : اه اعرفو الي محدش بيشوفو غير اهلو بس 

ياسمين بخبث : لا بلعكس شوفت قمور ازي

اريان مسك وشها وقال : بذمتك ده قمر عيني في عينك كدا 

ياسمين بصت علي باسم وبعدين بصت علي اريان وقالت : هو اه بكرش ومعندوش شعر كتير وقصير سنه بس يعني مقبول 

اريان بضحك : والله 

ياسمين بضيق : وسع بقا لزق فيا ليه ها

اريان : مفيش بس تعالي الاول نشوف وسام 

ياسمين : استنا لما يدخل 

ياسمين بصت علي باسم والصحافه بيسألوه 

واحد منهم : عايزين نعرف سبب زيارتك لي مستشفي دي 

باسم بهدوء : علشان اتبرع  وياريت بقا تسبوني ادخل

باسم دخل معا مدير المستشفي 

اريان : جاي يتبرع هنا وفي مستشفي خاصه دي مستشفي لي رجال الأعمال اصلا

ياسمين : صح عندك حق 

اريان بتفكير : الراجل ده شكل في سرا وراه 

ياسمين بتفكير: فعلا 

اريان بص لي ياسمين وباسها وهي مش واخده بالها وقال : وحشتيني اوي 

ياسمين بغضب : حيوان 

ياسمين مشيت من قدامو بغضب وبعدين ابتسمت بسعاده كانت مبسوطه أنها شافتو اريان دخل وراها وراحو لوسام

اريان : ها مفيش اخبار 

وسام بقلق : لا 

ياسمين : علشان تعرف تخلف وتجيب تاني 

وسام بغضب: سكتها

اريان : متخرسي بقا 

ياسمين بصتلو بضيق وسكتت وبعدين اريان شاف حركه كتير في مستشفي واستغرب وبص لي ياسمين 

ياسمين بهمس : اكيد ده يخص باسم 

اريان : طب تعالي 

ياسمين : يلا 

ياسمين واريان مشيو من عند وسام وقربو من مكتب مدير المستشفي  

اريان : خليكي هنا 

ياسمين : هتروح فين 

اريان بابتسامه : هختفي 

ياسمين : طيب بس عايزه افهمك اني معاك دلوقتي علشان فضولي بس مش اكتر عايزه اعرف راجل ده وراه ايه 

اريان ابتسم بخبث وقال : اه مانا عارف

اريان اختفا وياسمين قربت من الباب بهدوء وسمعت صوتهم 

باسم : هتقولهم اني اتبرعت ب 8 مليون جنينه 

المدير : اوك وانت هتسلملي الشحنه امتا 

باسم : علي بكرا كدا هصور معا الاطفال وناس كلها تعرف اني هوديهم دار أيتام وبعدين اجبهوملك هنا تاخد الي انت عايزو منهم 

ياسمين كانت واقفه مصدومه وقالت بهمس : يعني ايه مش فاهمه 

الدكتور : ماشي اتفقنا 

فاجأه اريان ظهر جمب ياسمين وخدها ومشيو من قدام مكتب المدير

ياسمين : يلهوي سمعت الي سمعتو 

اريان : ايوا مانا كنت جوا 

ياسمين بصدمه : دول بيتجرو في الاعضاء 

اريان : ايوا 

ياسمين : وانا الي بقول أن راجل ده كويس وبتاع خير 

اريان بغموض : متخافيش هيجي دورو 

ياسمين واريان راح لي وسام وفي نفس الحظه دكتور طلع وقال : الف مبروك الهانم جبتلك توأم 

وسام بسعاده : بجد 

ياسمين بصدمه : توأم 

الدكتور : اه وولاد زاي القمر

ياسمين حطت أيدها علي رأسها وقالت : كمان 

اريان بصدمه : مالك 

ياسمين : حسبي الله ونعمه الوكيل 

ياسمين اغمه عليها واريان سندها 

وسام بضحك : اتشلت من مفاجاه اصلي كنت مخبي عليها انو توأم 

اريان بضحك : دي ماتت من صدمه 

اريان شال ياسمين وحاول يفوقها وهي بدأت تفوق

ياسمين بصريخ : حسبي الله ونعمه وكيل فيكي ياشهد 

اريان بضحك : اهدي 

ياسمين مسكتو من هدومو وقالت : انا عايزه اخلف دلوقتي انا عايزه اقهرو 

اريان : انا جاهز

ياسمين بصريخ : انت ماصدقت حسبي الله ونعمه وكيل جالي القلب وسكر بسببكم انا ابقا شحطه كدا ويكون عندي خوات لسا بيبيهات 

اريان بضحك : عادي علفكره هدي نفسك ياسيد 

ياسمين بغضب : سيد تاني هات ايدك 

اريان بستغراب : ليه 

ياسمين : هات بس 

ياسمين مسكت ايد اريان وقالت : بيقولو لما تبقا متعصب لازم تمسك ايد حد بتحبو

اريان بحب : بجد يروحي

ياسمين بشر : تمسك ايدو كدا وتعضها 

ياسمين عضت ايد اريان بغضب 

اريان بوجع : يخربيتك ايدي 

ياسمين فضلت تعض بغل وشر 

اريان ببرود : طيب كملي ياكلب بلدي 

ياسمين سابت ايدو بغضب وقالت : ربنا يخدك يااريان 

اريان بأبتسامه : يخدنا يروحي …