رواية فريق فستق الفصل السادس والعشرون 26 بقلم ملك الصباغ
 |
| رواية فريق فستق الفصل السادس والعشرون 26 بقلم ملك الصباغ |
رواية فريق فستق الفصل السادس والعشرون 26 بقلم ملك الصباغ
توقفت وهي تلتقط أنفاسها بينما هو الاخر يضع يده علي صدره يحاول التنفس ليتحول خوفها إلي ضحكات بينما الاخر شاركها ضكاتها ليجلس الاثنان علي الرمل.
ضحكت كارما وأردفت قائله:
_ شفت البت اللي شبه عود السجاير ولبسه قماشتين كانت طالعه تجري ورايا ازاي.
ضحك أركان وقال:
_ يخربيتك ده انتي طول مانتي بتجري كنتي عماله تحدفي في وشها طوب.
مددت كارما قدميها علي الرمال براحه وهتفت قائله:
_ بس تصدق ذكري حلوه
لتنفجر من الضحك وهي تقول:
_ السائحه ام طوبه.
ضحك أركان بشده وها يقول:
_ بتفصلني.
_ ماتجوزتش ليه يا أركان لحد دلوقتي؟
باغتته بسؤالها بدون أي مقدمات ليتوقف عن الضحك وينظر له ثم تنهد وأردف قائلا:
_ يالا يا كارما نروح الشمس قربت تروح.
ثم بسط لها يده لتقول:
_ لا هقوم لوحدي.
لتنهض كارما وهي تنظف ملابسها من الخلف ثم سارت بجواره.
أركان بهدوء:
_ مبقتش اشوفك لابسه بناطيل زي زمان ليه.؟؟
كارما:
_ عشان البناطيل حرام.
أركان بهدوء:
_ والاغاني مش حرام.
كارما:
_ حرام بس بحاول اقلل يعني بسمع ٥ ل ١٠ اغاني في اليوم كل اغنيه مرتين.
أركان بذهول:
_ هي مخدرات بقولك قللي منها.
ضحكت كارما وقالت:
_ دي اوحش من المخدرات.
نظرت له كارما ثم قالت:
_ بقولك ايه.
أركان وهو يضع يده في جيبه:
_ ايه.
أخرجت كارما لسانها ثم ركلت قدمه وفرت هاربه وهي تقول:
_ نرجع لأيام الشقاوه…. واللي يوصل الاول امه رقاصه.
ضحك أركان علي حماقتها لتركض بينما هو يسير بهدوء.
وصلت كارما قبله ليصل الاخر بعدها بدقائق
قفزت كارما بفرحه وهي تقول:
_ امك رقاصه… امك رقاصه.
ضحك أركان وهو يقول:
_ بتشتمي نفسك عارفه ليه عشان انتي قولتي اللي هيوصل الاول امه رقاصه وانتي اللي وصلتي الاول.
ليتابع وهو يدخل إلي الشاليه:
_ ابقي ركزي يا كوكو.
ثم ضحك لكي يستفزها.
كارما بصدمه:
_ انا….. رقاصه.. امي… طب… ازازازي قولت كده.
خرج أركان ليسحبها من يدها وهو يقول:
_ يالا اوصلك.
كارما:
_ لا لا لا انا هروح لوحدي.
أركان:
_. مش هينفع.
طئطأت رأسها بحزن وقصت له كيف كذبت علي أخيها.
أركان بهدوء:
_ كارما اوعي في حياتك تكدبي تاني عشان خاطر شخص الشخص ده مش هينقذك من جهنم فاهمه.
أومأت كارما ليهتف قائلا:
_ بصي هراقبك من بعيد لحد ما اخوكي يجي.
أومأت كارما لتهاتف أخاها بينما اختبأ أركان في أحد الاماكن القريبه يراقبها ليلاحظ اقتراب أحد الفتيان وهو ينظر لكارما بتمعن.
اقترب الشاب من كارما وأردف قائلا:
_الحلو واقف لوحده ليه ماتيجي.
_هي مش هتيجي لكن ملك الموت اللي هيجي يقبض علي روحك.
هتف بها أركان وهو ينظر للشاب
أركان:
_ ايه ياحلو فيه حاجه؟؟
الشاب:
_ لامفيش
ليفر الشاب هارباً بعدما لاحظ نظرات أركان له
وصل سنمار ليجد أركان يقف بجوار كارما
سنمار برفعه حاجب:
_ مش يالا.
أومأت كارما واتجهت إلي السياره بينما نظر سنمار إلي أركان ليهز أركان رأسه بصمت ليفهم سنمار مايقصده
ليذهب سنمار بينما غادر أركان إلي الشاليه الخاص به.
**********
كانت تركض بالغرفه وهي تلقي بخفها علي كيرال ويوسف بينما ٱزاد وغيث يشاهدان الوضع ببرود تام
دخل عمر إلي الغرفه وهو يبتسم ليقابله الخف (الشبشب) في وجهه.
ميار:
_ اوووبس… ٱسفه ياحبيبي.
عمر بغضب:
_ ايه الهبل اللي بتعملوه ده وفين يوسف.
ميار:
_ مش عارفه كان هنا دلوقتي.
أشار لهم ٱزاد علي الباب وهو يقول ببرود:
_يوسف خرج دلوقتي.
هرول عمر وهو يبحث عنه في ذلك الفندق الضخم
عمر بصراخ:
_ يوسف.
قابله سنمار وهو يسير بجوار كارما
ليهتف قائلا:
_ ايه ده عمر رايح فين ملحقتش تستريح.
عمر بتوتر:
_ يوسف…. ابني… مش لاقينه كان في الاوضه وطلع برا ومش لاقينه.
كاد سنمار ان يجيب قبل ان يجد ألين تخرج من غرفتها وهي تعدل حجابها بإهمال لتقف أمامه وهي تبكي وتقول:
_ خديجه… وماريا…. مش لاقياهم.
_بس عرفت هما فين.
نظر الجميع لكارما التي هتفت قائله ذلك لتتابع قائله بشرود:
_ المطبخ.
صرخ الجميه باستنكار:
_ المطبخ…..!!
********
كانوا يجلسون أسفل الطاوله وهم يستمعون إلي همهمات وصوت أقدام تقترب من الطاوله
ليهتف عمر لماريا قائلا:
_ خديجه فين؟
هزت ماريا كتفيها بقله حيله وهي تقول:
_ مش عارفه طلعت معايا من الاوضه واختفت.
أومأ يوسف ليشعر الاثنان بأحد يجذبهم.
الشخص:
_ انتم مين وبتعملوا ايه هنا.
لوت ماريا شفتيها وهتفت بحنق:
_ كان مطبخ أمك.
صدح صوت من الخلف وهو يقول:
_ تربيتي بنتي.
نظر الجميع إلي مصدر الصوت ليجدوا كارما تقف بجوار سنمار وعمر وألين وميار.
ليركض كل منهم إلي والده وهم يقول:
_ بابي بابي.
…
_ خديجه…!!!
**********
خرج من الغرفه بعدما أغلق الباب وتأكد من نوم أخيه.
ليسمع صوت يصدح من خلفه لينظر خلفه ويهتف قائلا بهمس:
_ دي بتعيط.
اقترب منها ببروده المعتاد ووضع يده علي كتفها وهو يقول بحنان عكس طبيعته البارده:
_ مالك بتعيطي ليه.
نظرت له خديجه بعيون حمراء وهتفت قائله:
_ مش لاقيه الاوضه بتاعتنا انا توهت.
ثم انكمشت علي نفسها واجهشت في البكاء مره أخري ليجلس ٱزاد بجوارها وهو يقول:
_ ممكن تهدي ياخديجه هنلاقيهم.
بكت خديجه وهي تقول:
_ مش هلاقيهم انا ضعت.
ضمها ٱزاد بيديه إلي أحضانه وهو يربت علي ظهرها ويقول بحنان شديد:
_ بس هنلاقيهم متعيطيش خلاص.
اجهشت خديجه بالبكاء اكثر ليربت علي ظهرها.
_ ايوه بقي ياعم الرومانسي.
هتفت كارما وهي تقفز بمرح.
ليبتعد ٱزاد بحرج كأنه شخص بالغ وهو يقول ببرود:
_ لاقيتها بتعيط قولت اهديها.
رمقت كارما عمر بنظرات شك ليهتف عمر قائلا:
_ مالك يابنتي بتبصلي كده ليه.؟؟
كارما:
_ انت بتأكل عيالك ايه عشان يبقوا رومانسين كده.
عمر بهدوء:
_ سبانخ.
كارما بحماقه:
_ سنمار حبيبي هتالي سبانخ.
زفر سنمار بضيق ليذهب لخديجه ويضمها وهو يمسد علي ظهرها لتتشبت به خديجه بينما دخل ٱزاد الغرفه بهدوء.
ميار بهمس لعمر:
_هيجلطني ببروده ده.
عمر بيأس:
_ سبحان الله لوحده كده.
التفت سنمار ونظر لعمر وهتف قائلا:
_ بليل هننزل نسهر شويه عايزين تيجوا تعالوا.
أومأ عمر ليدخل إلي الغرفه ويغلق الباب.
بينما غادرت كارما إلي الغرفه التي ستقطن فيها مع والدتها وغادر سنمار إلي غرفته.
. **********
جلست وهي تنظر للنافذه بشرود وتتذكر حديثها مع أخيها.
Flash back ????
كان يقود السياره بهدوء لتهتف كارما قائله:
_ ممكن افهم ايه اللي حصل من سبع او تمن سنين.
عقد حاجبيه بعدم فهم وهتف قائلا:
_ ايه اللي حصل.
نظرت له كارما وهتفت قائله:
_ يعني لما أركان خدك لمكتبه قالك ايه عشان تسبني معاه.
تنهد سنمار ثم أردف قائلا:
_أركان قالي “اختك في حمايتي بس مش هقدر اوضحك اكتر من كده ” قالي كده يومها وقالي دي تفاصيل شغل مش هقدر اوضح اكتر من كده.
كارما:
_ ايوه فهمت.
Back ????
نظرت للأسوره وهي تقول:
_”اختك في حمايتي”يااه قد ايه الكلمه دي حسستيني بالأمان.
طرق الباب لتخرج من شرودها لتذهب إلي الباب لتجد أخاها وزوجته وفتياته.
سنمار:
_ جاهزه؟؟
أومأت كارما بصمت وأخذت حقيبتها ودثرت والدتها جيداً في الغطاء وتنهدت وخرجت برفقتهم.
ليذهب الجميع إلي الشاطيء.
جلس سنمار بجوار ألين التي تحمل تسنيم
بينما جلست كل من خديجه وماريا بجوار كارما.
وجلست ميار وهي تحمل غيث
أما عن عمر فكان يجلس بجواره ٱزاد ويوسف وكيرال.
وجلست سلينا بجوار زوجها وهي تحمل روبين بينما بشار يجلس بجوارهم.
وجلس أركان بجوار معتز
وجلست ميرڤت وهي تحمل مالك
بجوار كارما
وجلس بجوارها نوفل وراجي وميرال
جلس الجميع علي الشاطيء وهم ينظرون إلي الشاطيء بشرود لتهتف كارما قائله:
_ بس انا ألفت قصيده وهقولها ليكم وخديجه وماريا هيساعدوني.
أومأ الجميع لتقف كارما وهي تغني:
ونغني ونقول:
_ انا بنت اصول
_ وهو ابن عجول
_وهنخلف زغلول وبهلول
ونغني ونقول:
_نوفل ابن معتز المهبول.
*ونغني ونقول:
_بشار ابن مهند القمور
*ونغني ونقول:
_ ماريا بنت سنمار المخيول
*ونغني ونقول:
_يوسف ابن عمر المشلول.
*ونغني ونقول:
_ أركان ابن محمد العسول.
*ونغني ونقول:
_مش عايز افطر فول علي السحور)
بينما تردد خلفها خديجه وماريا قائلين:
_ ونغني ونقول:
ضحك الجميع ليسألها معتز قائلا:
_ سؤال بس مين ابن العجول ومين زغلول وبهلول.
كارما:
_ ابن العجول ده جوزي المستقبلي وزغلول وبهلول هيبقوا عيالي.
همس أركان قائلا:
_ ربنا يسامحك يا كارما بتشتميني.
ليتابع بصوت عالي:
_اقعدي ياكارما.
كارما:
_ استني بس هغني تاني.
سنمار:
_ اقعدي ياكارما بقي انا مخيول.
عمر بغضب:
_ وانا مشلول.
ابتسمت لهم كارما بغيظ وهي تقول:
_ مش هتقدروا تعملولي حاجه عشان مراتتكم هينكدوا عليكم.
نظر كل منهم إلي زوجته لتبتسم لهم كل واحده ببرود
صرخت كارما قائله:
_ الله عايزه الايس كريم ده ده.
قالتها وهي تشير إلي أحد المحلات المجاوره للشاطيء.
سنمار:
_ اقعدي دلوقتي مش هينفع نسيب بعض دلوقتي لان الاطفال بيلعبوا هناك ولازم نفضل حاطين عينينا عليهم.
كارما بضيق:
_ بس انا عايزه اروح.
نهض أركان وهو يقول:
_ تعالي.
لينظر إلي سنمار ليهز له سنمار رأسه بموافقه لتذهب كارما معه وهي تكاد تنفجر من السعاده.
كارما بخجل:
_شكرا ليك.
أركان برفعه حاجب:
_ ايه الادب ده.
لتابع وهو يحاول اغاظتها:
_ ده انتي رشقتي الطوبه في دماغ الولا كان هيموت فيها يامفتريه.
كارما بغيظ:
_ كارما الساحل كله عباره عن كده.
كارما:
_ ازاي.
أركان:
_ يعني ممكن لو حد شاف واحد بيغتصب واحد في الشارع كده مش هيروحوا يساعدوها هنا مفيش دين.
كارما بتعجب:
_ ازاي.
أركان بهدوء:
_ عشان معظم اللي هنا أجانب.
كارما بحماقه:
_ يعني احتلال.
دخل أركان المحل وهو يسحبها خلفه ويقول:
_ غبائك هيجلطني في يوم.
بعد مده.
خرج أركان وكارما تسير بجوارها وهي تحمل الايس كريم وتأكله بتلذذ.
أركان ببرود:
_ خلي بالك راقبي كل شيء حواليكي كويس.
تجاهلته كارما ليقبض علي يدها برفق وهو يمر الطريق ليصل الاثنان إلي الشاطيء ليجدوا ألين وسلينا وميار وميرڤت يبكون بينما سنمار وعمر ومعتز ومهند يجولون الشاطيء وهو يبحثون عن شيء.
كارما بتعجب:
_ في ايه.
بكت ميرڤت وهي تقول:
_ الاطفال كلهم اتخطفوا.
أركان بفزع:
_ ازاي.
بكت ميار وقالت:
_ كنا قاعدين فغفلنا عنهم بنبص ملقيناهمش
ركض أركان وهو يبحث عن الاطفال ليجد معتز ينظر حوله بضياع بينما مهند جثي علي ركبتيه وعمر وسنمار يقفون بصدمه وينظرون للأشيء.
أركان بصراخ:
_ ايه اللي حصل العيال فين؟
معتز:
_ العيال اتخطفوا مش لاقينهم.
كاد أركان أن يجيب لولا أنه سمع صوت صراخ كارما وهي تقول:
_ أركان…أركان.
بينما يختلط صوتها بالبكاء
اتجه إليها أركان ليجدها تمسك الهاتف ويدها ترتجف وهي تقول:
_العيال اتخطفوا.
أركان بهدوء:
_ عرفتي ازاي؟
بكت كارما وهي تقول:
_ اتصلوا عليا وقالي ياالاولاد يانا.
أركان:
_ يعني ايه.
صرخت كارما وهي تقول:
_ عايزني مقابل الاولاد عايزني.
أركان:
_ اهدي مش هيحصل حاجه تعالي تروحي عشان ترتاحي وانا هدور.
رفضت كارما وهي تقول:
_لا لا هروحلهم.
أركان بغضب:
_ انتي غبيه غبيه هتروحي للموت برجلك يا كارما فوقي علي نفسك.
كان الجميع يراقب الوضع بصدمه لتشهق كارما وهي تضع يدها علي عينيها لتري السواد يغلف عينيها ودوامه ضخمه تحاول جذبها إليها لتلقي كارما نفسها بها ويطغي الظلام علي كل شيء حولها
لتفقد الوعي ليصرخ أركان قائلا:
_ كارماااااااااا
***********
انتفضت بفزع لتجد ميرڤت وسلينا وميار وألين يجلسون بجوارها ومعهم أطفالهم الصغار.
بكت كارما وقالت:
_ملقتهومش؟؟
هزت ميرڤت رأسها لتجيبها قائله:
_لا الرجاله بيدوروا عليهم.
جففت كارما دموعها وقالت:
_ انا نازله محدش يجي ورايا.
ثم نهضت من الفراش وهي تتجه إلي الباب لتقبض ميرڤت علي يدها وهي تقول:
_ راحه فين ياكارما.
نزعت كارما يدها وقالت:
_هروح ارجع ليكم عيالكم.
صرخت سلينا قائله:
_ لا ياكارما متروحيش هيلاقوا الاولاد متروحيش.
سبقتها كارما ونزلت إلي الاسفل لتهاتف ميرڤت معتز
ميرڤت:
_ الو معتز الحق انت وأركان كارما عشان راحه تسلم نفسها انا هنزل استناك اجي معاكم نلحقها.
معتز:
_ طب اهدي انا جاي.
نظر له أركان بشك ليهتف قائلا بأسي:
_ كارما مشيت عشان تسلم نفسها.
أركان بغضب:
_ الغبيه اركب يا معتز.
ركب معتز السياره لينطلق أركان إلي الفندق لتركب ميرڤت بجوار معتز وهي تقول:
_ الحقها انا مش عارفه راحت فين.
أركان بغموض:
_ بس انا عارف.
ثم أخرج هاتفه وتعقب الاسوره التي تحتضن معصمها ليهتف قائلا:
_ كارما لازم نلحقها عشان كارما هتودي نفسها في داهيه
قالها ثم انطلق بالسياره
