رواية وحدة شغف الحلقة الرابعة والعشرون 24 بقلم ندى
 |
| رواية وحدة شغف الحلقة الرابعة والعشرون 24 بقلم ندى |
رواية وحدة شغف الحلقة الرابعة والعشرون 24 بقلم ندى
احمد رايح جاي قدام الباب وبيرن علي شغف بقلق
شهد – لسه مردتش بردو
احمد بنفاذ صبر = لسه ، كدة هنزل ادور عليها بقي .. هتكون راحت فين طيب
شهد -اصبر يمكن مش سامعه صوته ولا حاجة او مش عارفة ترد من جاسر مثلا اعذرها
احمد بقلق= ساعتين مش عارفة ترد او مش سامعاه .. انا هطلع اغير وهخرج ادور في اي حتة
طلع احمد غير هدومه وخرج
الساعه 8 بالليل
رجعت شغف وجاسر نايم بين ايديها دخلت البيت بهدؤء وقعدت علي اقرب كرسي من كتر التعب
شهد – شغف انتي كنتي فين كل ده احمد قالب الدنيا عليكي
شغف ببرود = بيدور عليا ليه هو انا صغيرة هتوه
شهد بحزن- انا معرفش ايه حصل خلاكوا تزعلوا من بعض بس لو الموضوع جاسر انا مستعدة اشرحلك كل حاجة ، انا مقولتلكيش لانه موضوع مش حلو انه يتحكي وكمان احتراما لاحمد انه محبش يقلب في الماضي تاني
بصتلها شغف وابتسمت = حببتي انا مش زعلانة منك بس انه يكدب عليا حاجة وانه يخبي حاجة تانية ، تعرفي اني من فترة سألته عن انه ليه متجوزش قبل كدة تعرفي قالي ايه ، (ملقتش الانسانة المناسبة واني كنت مهتم بشغلي وبس )
كملت بدموع: كدب عليا يا شهد حتي مقالش انه كان بيحبها وانا مغفلة وصدقته
شالت شغف جاسر و طلعت اوضتها
شهد رنت علي احمد بسرعة
– ايوة يا شهد
= شغف رجعت
-طب هي كويسه
=هي زعلانة جدا . بس هي جت عموما يعني وجاسر معاها .
– تمام سلام
——-
عُدي – انتي يابت
منة = بت اماتبتك عايز ايه
عُدي – هتفضلي ساعة متنحة كدة اختاري حاجة خلصي
منة بنفخ= مش عاجبني ولا حاجة ، وبعدين انت ايه الغتاتة دي حد يجي يتقدم لوحدة الصبح وياخدها بالعافية تجيب الشبكة بالليل .
خرجت منة بغيظ من محل المجوهرات
ابتسم عُدي علي طريقتها وقال لنفسه : البت دي هتجنني والله ، دايما بتحسسني اني لازم استفزها، انا ايه اللي بعمله في نفسي ده
خرج عُدي وراها بشوية بعد.ما اشتري خاتم جميل علي ذوقه و خباه منها
عُدي بعصبية مصطنعه – ارتحتي ،حد يمشي بالطريقة دي قدام الناس .. عيب يا هانم
منة تجاهلت قلقها منه وقالت بعصبية = والله انا حرة انت السبب في كل ده اساسا .. انا عايزة ارجع البيت
عُدي – يكون احسن بردة .. اتفضلي اركبي
منة بعصبية = مش هركب وهرجع لوحدي
مشت منة بخطوات سريعة وركبت تاكسي بسرعة
جري عُدي بضحك – يا مجنونة استني … يخربيتك
ركب العربية ومشي وراها وبيكلمها من شباك العربية
-انزلي يا منة والله بهزر معاكي
=لا متهزرش معايا ، امشي بقي انت ورايا ورايا كدة اوووف
-مش همشي غير لما تنزلي الاول وتركبي اوصلك انا
=لا
قفلت منه ازاز العربية و لفت وشها الناحية التانية وضحكت .
اتفاجات بالتاكسي بيوقف بسرعة جدا وعربية عُدي قدامها
منة بخوف – فيه ايه
عُدي نزل بسرعة من عربيته وفتح الباب
– منة انزلي خلصي
= مش هنزل
-والله لو مانزلتيش هشيلك في نص الشارع وانتي عارفة اني اقدر اعمل كدة كويس
حاولت منة بسرعة تنزل من الباب التاني وتهرب منه بس هو كان اسرع مسكها وشالها
– يا حيوان نزلني .. انت سااافل .. نزلني يا حمار
=لسانك ده هقصهولك قريب شوفي مين هينقذك مني يا حلوة
منة بدموع واحراج وخجل -طب نزلني بقي
عُدي حس بنبرة صوتها متغيرة ونزلها
وجريت ركبت عربيته بهدؤؤ ،
ساق عُدي العربية وبعد شوية وقف قدام مطعم شكله جميل جدا وهادي
ونزلت بهدوء معاه ومن غير ولا كلمة دخلوا المطعم وقعدت
=اخيرا سكتي ، بعد كدة هشيلك عشان تسكتي
-رخم
=بردو بتشتمي
-اه عشان انت رخم بردو
=يا ساتر ، تاكلي ايه
نسيبهم ياكلوا بقي ونبقي نرجعلهم????
————
احمد دخل البيت وطلع اوضته لقي شغف بترتب هدوم جاسر اللي اشترتها
– شغف انتي كنتي فين كل ده
=بتسأل ليه
-من حقي اعرف
شغف بغضب = روحت لمراتك
احمد بصدمة – روحتي ليه مش فاهم
شغف واديتله ورقة =عطتها الفلوس اللي طلبتها وتنازلت عن جاسر
احمد اتصدم اكتر مش مستوعب ان شغف تعمل كدة وقال بعصبية – انتي ازاي تعملي حاجة زي كدة من ورايا هو ابني ولا ابنك عشان تخليها تمضي علي تنازل.
شغف اتفاجات = صح هو ابني ولا ابنك فعلا انا غلطانة جدا كمان
حس احمد بالندم من كلمته – شغف انا مش قصدي
شغف ببرود ومن جواها حزن وغضب وغيرة = تعرف انا مكنتش هخليها تمضي بعد ما حكتلي عنك ، انا مكنتش اعرف عنك حاجات كتير اوي وهي قالتهالي ، بس حسيت انها خايفة منك ومضت غصب عنها مع اني اخدت الورقة منها .
احمد بتفكير – وايه بقي اللي قالتهولك الحقيرة دي
شغف = حقيرة !! مش هقولك قالتلي ايه .. وبمأن حضرتك بتقول ان ده ابنك متبقاش تتخلي عنه تاني .. وكملت بغضب وصوت عالي .. احمد طلقني دلوقتي حالا ، اظن اننا كنا هنتطلق اساسا من فترة .
خرجت شغف بسرعة ودموعها نزلت مقدرتش تتماسك اكتر من كدة ونزلت المطبخ تعمل اي حاجة تلهي نفسها فيها .
احمد اتضايق جدا وحس بالندم و افكار كتير بتيجي في دماغه ، ياتري هي قالتلها ايه ،اكيد ضحكت عليها انا لازم اعرف كل حاجة .
عمل كام تليفون وعرف ان نهي سافرت برة
– يخربيتك يا شيخة تعملي مصيبة وتهربي زي عادتك .
——–
عُدي – منة انا هدخل الحمام وجاي
منة = ماشي
بعد شوية الجرسون حط قدامها ايس كريم شكولاته
منة = انا مطلبتش ايس كريم
عُدي من ورا الجرسون- انا طلبتلك ، وبص للجرسون بابتسامة – متشكر جدا
منة فضلت تاكل الايس كريم وهوب لقت خاتم رقيق في بؤقها.
منة باندهاش – ايه ده
اخده عُدي منها ومسحه ولبسهولها بحنية
عُدي بحب = تتجوزيني
منة تنحت عقلها مش مستوعب المفاجأة – مش فاهمه
عُدي بضحك = بقولك تتجوزيني .. ايه اللي مش فاهماه
منة خجلت وخدودها بقوا فرالة خاالص وسكتت
عُدي = افهم من كدة انك موافقة ..وقال بحب .. انا قولت اعمل مفاجأة ليكي بدل التدبيسة اللي حصلت الصبح … هتفضلي ساكتة كدة …طب هزي دماغك
منة بكسوف اومأت بنعم
فرح عُدي جدا و قال بجنون – ااااه قلبي ، بصي كدة فرحنا مع عمر وشهد بقي الشهر الجاي
منة بسرعة = لاااا لا لا بليز بلاش جنان لسه بدري
عُدي باصرار وجنان – والله ابدا .. انا قررت خلاص ، انا هكلم عمر
منة = لا اصبر بس انا …
عُدي – عمر ازيك عامل ايه
عمر : الحمدلله وانت
=تمام بقولك انا هعمل فرحي معاك كمان شهر انا ومنة
عمر ضحك: بتهزر
=لا مش بهزر ، انا قررت خلاص وبعدين هبقي اعدي عليك نرتب الدنيا
عمر بضحك : مااشي ياصحبي مبروك ، يخربيت جنانك
عُدي = يلا سلام
منة بصوت عالي واندهاش من تصرفاته وقامت خارجة من المطعم – انت مجنون والله والله العظيم انت مجنون.. هتجنني ، انا لسه صغيرة عالجنان ده والله .
و بصوا لبعض و ضحكت وعُدي ضحك معاها وخرجوا .
——–
فات ايام كتير وشغف مش بتكلم احمد خالص وسعات بتلعب مع جاسر من غير ما احمد يشوفها ..بدأت تتعب في الفترة الأخيرة نفسيا وجسديا
احمد بيحاول يكلمها كتير وهي بتتجاهله وسعات بترد علي قد السؤال وبس كدة
احمد بيخبط علي اوضه شغف اللي بقت تقعد فيها كتير وده زود فضول احمد اكتر عن الاوضة دي اللي مش عارف فيها ايه كل ده .
شغف من جوة – ثواني وهخرج
غيرت شغف هدومها وخرجت وقفلت الاوضة بالمفتاح -خير فيه حاجة
احمد بضيق من اسلوبها = حابب اتكلم معاكي في موضوع مهم
شغف – تمام اتفضل قول
احمد بهدوء = طب تعالي نقعد في اوضتنا
مشت شغف قدامه ودخلت وهو دخل وراها وقعد جانبها
=دلوقتي فرح شهد قرب وعمر زي ماانتي عارفة انه بقاله كتير بيجهز في فيلا في اسكندرية وهينقل شغله هناك وهيكمل هناك
-وانا مالي بكل ده مش فاهمه
احمد بغضب = شغف كفاية طريقتك دي مش قادر استحملها …بقالي اسابيع بحاول معاكي وانتي حتي رافضة تقولي حاجة او تخليني اقولك حاجة
– والله انا قولتلك اللي عندي وكل شوية تأجل الطلاق .
=شغف انا مش هطلقك و اسكتي خليني اكمل ، المفروض ان انا كمان هعيش هناك في فيلا تانية جانبهم وجهزتها خلاص وشغلي هيبقي هناك بردو و هنسافر بكرة الصبح .
شغف بغضب – انا مش هسافر ولو انت هتسافر انت وابنك اتفضل سافر انا مش همشي من هنا
شغف حست بدوخة مرة و سندت بسرعة عالسرير
احمد= شغف انتي كويسه
شغف بعيون مغيمة – انا مش هسافر …
اغمي عليها .
احمد بخوف وقلق وجاب بيرفيوم بيحاول يفوقها = شغف ، فوقي .. شغف … شغف
مفاقتش
شالها بسرعة ونزل
شهد بخضة – شغف حصلها ايه
احمد= مش عارف انا هاروح المستشفي وخلي بالك من جاسر
شهد بقلق – حاضر متقلقش وابقي طمني
——–
في المستشفي
الدكتورة – متقلقش هي بس ضعيفة جدا ، ضغطها كان واطي بسبب قلة الاكل .. لو فيه حاجة تانية هنعرفها في التحاليل .
احمد دخلها – شغف انتي كويسه
شغف بتعب = كويسه .. انا عايزة ارجع البيت مش بحب المستشفي دي
احمد- طب استني لما نتيجة التحاليل تظهر وهنمشي
شغف = طيب
بعد ساعة ونص
الدكتورة دخلت مبتسمة وبصتلها – انتي مكنتيش بتاكلي ليه و سايبه الناس مجوعاهم كدة
شغف بعدم فهم= مش فاهمه بس انا مكانش ليا نفس اكل بس ..بس ناس مين مش فاهمه
الدكتورة بضحك -الناس اللي جايه كمان كام شهر … مبروك انتي حامل
شغف واحمد بصوت واحد = حامل
الدكتور بخضة ومبتسمة- ايوة حامل .. المفروض تاكلي كويس وتهتمي بصحتك اكتر وعموما انا كتبتلك دوا هيفيدك جدا الفترة دي .. عن اذنكوا بقي..
احمد بفرحة- الحمدلله .. انتي حامل.. مبروك يا قلبي
شغف بسعادة = الله يبارك فيك
وبعدين كشرت مرة واحدة وقالت = ده ابني لوحدي انا وبس
احمد باستغراب من تغيرها المفاجئ – لا ابني انا كمان
شغف بغضب = لا ابني لوحدي مش انت عندك ابن … ده ابني لوحدي .. ولو سمحت عايزة ارجع البيت بقي
احمد يتماسك غضبه – طيب ياختي يلا
———
صممت شغف انها متسافرش بردو وبتعاند مع احمد في كل حاجة كبيرة وصغيرة مطلعه عينه
يوم الفرح
شهد ومنة سوا طول اليوم وكذلك عمر وعُدي
مع خروج احمد من الاوضة اللي كان لابس بدلة كحلي جامدة اخر حاجة خرجت شغف من اوضه تانية لابسة دريس منفوش بلون عينيها وفيه نقوش كتيرة فضي
احمد سرح في جمالها وقرب منها بحب وقال بهزار – مزة من يومك ، ايه الجمال ده ..كمل بهدؤ ..وحشتني اوي يا شغف ، سامحيني بقي ووعد اقعد معاكي اقولك كل حاجة .
شغف قربت منه وبتشم ريحة البيرفيوم بتاعه اللي بيخطف قلبها .
قالت متجاهله كلامه – البيرفيوم ده حلو متغيرهوش
احمد باندهاش من اسلوبها = مش فاهم اشمعني مغيرهوش دلوقتي يعني
شغف ببرائة- مش عارفة انا كمان بس ريحته حلوة
ابتسم احمد وفكر ان تصرفاتها غريبة بسبب الحمل مثلا
بصت شغف ليه بخجل من قربها ليه فاجأة كدة – انت بتعمل ايه هنا
مشي احمد بعيد عنها وهو شايل جاسر وبيقول بهزار = ياختاي.. بتقرب مني وبترجع تقولي انا اللي بعمل ايه .. دي شوية وهتشرب البيرفيوم كله .
دخلت شغف الاوضة تاني تهدي نفسها وفلتت منها ضحكة : ايه الهبل اللي بعمله ده
——
عمر مسك ايد شهد – مبروك يا قمر
شهد بخجل = الله يبارك فيك
عمر – مفيش حاجة تقوليها لزوجك الحبيب
ضحكت شهد = زي ايه يعني
عمر – يخربيت ضحكتك .. يعني بحبك ، وحشتني ، اي حاجة كدة
شهد بصوت خافت = بعشقك
عمر يهزار – الله اكبر
——-
عُدي بيحاول يمسك ايد منة -يابت اثبتي بقي كل شوية تشدي ايدك .. وشاور علي عمر وشهد .. شايفة الناس بتعمل ايه
منة بغضب = بيعلموا ايه يعني .. محسسني هتدخل الجنة لما تمسك ايدي
عُدي – يا صبر أيوب.. ربنا يصبرنا عليكي
منة بجنان = والله لو مش مستحملني احنا لسه فيها ممكن نتطلق دلوقتي
– يالهوي يا مجنونة … احنا لسه عملنا حاجة
= يبقي تسكت وتقعد بأدب وتحترم نفسك
-وتقوليلي انا اللي مجنون .. ده انتي الجنان نفسه
ضحكت منة جامد = مش هنسي يوم ما قلبت عليك العصير
عُدي باستفزاز وبغمز- وانا مش هنسي يوم ما شلتك في نص الشارع .. كنتي قمر اوي يا اوزعة انتي
منة بخجل = بس بقي
-الفراولاية دي هاكلها امتي
ضحكت منة بخجل وقالت باستخفاف = في الشتا .. الفراولة بتطلع في الشتا
ضحك عدي عليها – بقولك ايه
=ايه
-بحبك
——–
فات اليوم وسافر عمر وشهد لاسكندرية
وعُدي ومنة لشرم الشيخ
——–
بعد اسبوع واحمد وشغف علي نفس الحال
رن تلفون احمد 12 بالليل
-ايوة
=احمد بيه .. البنت اللي حضرتك قولتلي اراقبها رجعت مصر النهاردة
-نهي خالد
=ايوة يا باشا
– تمام يا محمد انا جاي
خبط احمد علي شغف في اوضتها الغامضة كالعادة بتقعد فيها
شغف بنوم – خير
= شغف انا لازم انزل دلوقتي .. خدي جاسر بس خلي بالك منه لحد ما ارجع
شغف وبدأت تقلق – رايح فين
=عندي شغل ضروري وراجع
-طيب ابقي طمني
=طيب تمام ولو حصل حاجة ابقي كلميني
خرج احمد .. وشغف قلقت ، ملامحه ماكنتش تطمن
——-
فات يوم والتاني واسبوع واتنين لحد ما فات شهر كامل واحمد مرجعش وموبايله مقفول ومحدش يعرف عنه حاجة .
بكت شغف كتير من خوفها وقلقها عليه .
يارب يرجع بقي والله مش هزعله تاني .. بصت لجاسر: باباك هان عليه يسيبك كل ده لوحدك .. وساب ابنه التاني ومشي .
طول الشهر وشغف في اوضتها اللي بتحبها وجاسر معاها طول الوقت .
دخل احمد بحزن البيت مقدرش يبعد اكتر بعد ما عرف اللي حصل بين شغف ونهي ..وفي نفسه: شغف ازاي تصدق اني اعمل كدة .. ازاي تصدق اني اتخلي عن ابني .. للدرجادي مش واثقة فيا
دخل لقي الدنيا كلها ضلمة ماعدا اوضتها الغامضة اللي دايما قافلاها
دخل بهدوء الاوضة واتفاجئ ب…
يتبع..
لقراءة الحلقة الخامسة والعشرون : اضغط هنا
لقراءة باقي حلقات الرواية : اضغط هنا
