رواية البر التاني الفصل التاسع 9 بقلم لولو محمد

رواية البر التاني الجزء التاسع

رواية البر التاني البارت التاسع

رواية البر التاني الحلقة التاسعة

عباده / مش كفايه الناس دى لازم تعرف انك مسنود و مسنود جامد اوى كمان عشان مش كل يوم و التانى ينطولك
مختار / يا سيدى اهو حاجه تكسر الملل و الروتين
سليمان / بس انت مقصر يا مختار برده كان واجب عليك تبعت للراجل زياره فى الحجز و توجب معاه
مختار / حرام عليك دا الضرب اللى كله يرقده شهرين قدام
صوت زعيق فى شقه عبد الله
عبد الله / انا ما طلبتش حاجه منكوا انصفونا مره حسسونا ان لينا اهل و لو مره هاتوا حقنا مره
صوت رزع باب الشقه
ناصر / اللحقه هديه
مختار يقوم و يمشي
عباده / اللى يشوفهم يقول عيله هاديه و متربيين ازاى يعلى حسه على اهله كدا
ناصر / شكل الحج محمد هيتنازل و يخرج يوسف
شاب / مصلحه امال احنا جايين ليه
عباده / معاك حق هقوم اعمل دور شاى تانى
عباده يقوم و ناصر قاعد زعلان
………………………..

فى القسم
يوسف و صحابه خارجين من الحجز يوسف يبص لعمه بخجل قاعد على كرسي
يوسف / انا اسف
محمود / اهو من غير ما نقوله اهو بوس ايد عمك يا يوسف ما هنتش عليه لولا انه تعب امبارح و نقلناه المستشفي كان خرجك امبارح
حمدى / بس احنا كمان قولنا نسيبك يمكن تعقل و تبطل تهور
يوسف / وعد مش هعمل كدا تانى
حمدى / الاقرار اللى ماضيته جوه بيجبرك تبعد عن عمك و عياله و خصوصا هند ركز فى مستقبلك و روح اتشطف و كلم خطيبتك دى هتتجنن عليك يا قلبي
يوسف / حاضر
محمد / هتروحنى يا حمدى و لا اخد تاكس
محمود / هنروحك يا خويا
محمد / خليك مع ابنك
محمد يتسند على الكرسى و يقوم و حمدى يساعده و يمشوا
محمود / انا مش هكلمك فى اللى عملته دلوقت لما تروح و تتشطف و ترتاح نتكلم على رواقه يلا بينا
يوسف و محمود يمشوا و صحاب يوسف يمشوا وراه
……………………..
على قهوه فى المنطقه
عبد الله و مختار قاعدين
مختار / ابوك مجبور و كان لازم تقدر ده
عبد الله / مجبور انه يطلعنا هفات اى حد يجي يتسلى علينا ما لناش ضهر
مختار / ابوك هو ضهرك و جوده فى الدنيا بالدنيا و اللى فيها هتعرف قيمته لما يروح
عبد الله / ربنا ما يكتب علينا اليوم ده ابدا بس
مختار / انت كنت متخيل ايه يعنى غير كدا دا فى الاول و الاخر ابن عمك و بعدين اهدى انت بس و ركز فى مستقبلك و الباقي محلوله باذن المولى يعني
عبد الله / انت عارف احنا بقالنا قد ايه فى الهم ده كل مره اسوء كل مره اسوء يا مختار كل مره ميلاقيش عقاب على عمايله بيعمل حاجات اسوء من امن العقاب اساء الادب
مختار / و مين قالك انه ما اتعاقبش اصبر انت بس و فتح عنيك
عبد الله / عندكوا لو حد اتهجم على اختك هتصبر برده
مختار / هنا مش زى عندنا لكل مكان قوانينه و لا انت و لا ابوك زينا
عبد الله / فى دى معاك حق احنا ضعاف
مختار / لا ما انتش ضعيف و لا ابوك ضعيف ابوك ربنا يديله الصحه راجل طيب و محترم
عبد الله / خدنا ايه من الاحترام فى بلد ما فيهاش غير بلطجيه
مختار / الله يحفظك يا سيدى
عبد الله / انا ما اقصدكش
مختار / انت مش عممت
عبد الله / انت فاهم قصدى
مختار / يقوم ابوك بالسلامه الاول و محلوله ان شاء الله
عبد الله يهز راسه و هو مخنوق
………………

قدام بيت محمد
هند بتنزل من تاكس قدام البيت و لسه هتدخل العماره عربيه حمدى تقف و حمدى ينزل يسند محمد هند تجرى تسند ابوها
هند / على مهلك يا بابا على مهلك
محمد / انا كويس يا هند كويس يا بنتي
هند / تعال تعال
هند و حمدى يسندوا محمد يقابلوا عباده على السلم
عباده / عنك انتى عنك عنك تعال يا حج الف سلامه الف سلامه عليك يا حج
عباده يسند محمد
محمد / تسلم يا ابني ربنا يكرمك
هند تفتح الباب و تدخل المطبخ
هند / فى رجاله جايين
هند تناول مامتها الاسدال محمد يدخل ياسمينا تجرى تحضن ابوها من رجله
ياسمينا / بابا
هند / خليه يقعد يا ياسمينا خليه يقعد
محمد يقعد
عباده / سلامتك يا حج
محمد / تسلم يا ابني
حمدى / ناقصك حاجه يا اخويا هبص على المحل
محمد يهز راسه حمدى يمشي شيري تطلع من جوه
عباده / هتعوز منى اى حاجه يا حج
محمد / ما اتحرمش يا عباده كتر خيرك يا ابني اقعد اشرب شاى و لا حاجه
عباده / هسيبك ترتاح و ان شاء الله هنعدى عليك انا و الجماعه نطمن عليك بالليل
محمد / تانسوا و تنوروا
عباده / بالاذن انا بقي ياحج بالاذن
عباده يمشي و هند تقفل الباب وراه و تروح تقعد جنب ابوها و تبتسم
محمد / عملتى ايه فى الكليه
هند / انت عامل ايه يا بابا
محمد / الحمد لله بقيت كويس لما شوفتك و اطمنت عليكى
شيري / اغرفلك تاكل
محمد / عبد الله راح الدرس
شيري / ان شاء الله
شيري تدخل المطبخ الابتسامه تروح من وش هند
هند / اساعدك تدخل ترتاح فى الاوضه يا بابا
محمد / لا يا بنتي خشي ساعدى امك انا همدد هنا على الكنبه
هند تساعده و تحطله التكايات تحت دماغه و تقوم تدخل اوضتها و تقفل عليها الباب و تقعد على السرير تعيط
…………………

فى شقه مختار
مختار و ناصر قافلين عليهم اوضه
ناصر / ازاى فى الظروف دى ما تصبر شويه
مختار / هو انا قولت دلوقت انا باخد رايك يعني
ناصر / تيجي انتصار تسمع قسما بالله لتدبح و تاكل
مختار / ههههههههههههههههه هى بتتلكك اصلا عشان تدبح و تاكل
ناصر / ما عشان كدا ربنا كارمنا من الخير اللى بتعمله
مختار / ربنا يباركلك فيها
ناصر / انت فكرت فى اللى بتعمله يعني متاكد ان ده اللى انت عاوزه
مختار / انا عمرى ما فكرت فى الموضوع ده بس …
جرس الباب يضرب مختار يقوم يفتح باب الاوضه يلاقى سليمان فتح لعبد الله مختار يروحله
عبد الله / انا ما كنتش اعرف ان عندك حد خلاص مش مشكله
مختار / تعال دول مش حد غريب ما انت عارفهم عباده و امين و سليمان جوز اختى و ناصر اخويا
سليمان / اخبار الوالد ايه يا عبد الله
عبد الله / احسن الحمد لله
مختار / تعال ادخل
عبد الله / كنت بفكر اروح الجيم فا قولت تيجي معايا
مختار / احنا كنا ناويين نزور الحج نطمن عليه و نعمل الواجب بس كنا مستنينه يرتاح يعنى و كدا
عبد الله/ هو صاحى دلوقت
مختار / طب ما تستاذنهولنا نيجي شويه و بعدين انزل انا و انت
عبد الله / تنوروا طبعا ثوانى
عبد الله يدخل شقتهم و مختار يدخل الاوضه
مختار / اللبس العبايه هنروح لحج محمد
ناصر يهز راسه و يقوم مختار يروح الاوضه التانيه يلاقى امين و عباده نايمين يصحيهم
مختار / عباده امين عباده انتوا يا جدعان اصحوا هنروح نزور الحج محمد اصحوا
عباده يفتح عينه و يقوم بالعافيه
امين / صجيت يا خالى صحيت
عباده و امين يقوموا و مختار يروح اوضته و يبص على نفسه فى المرايه
ناصر / ما ترش شويه ريحه كدا و لا تغير القميص اللى عليك من اول النهار ده
مختار / تفتكر
ناصر / ههههههههههههههههههههههههههههه
ناصر يسيب الاوضه و يطلع بره و يقفل الباب وراه مختار يفك زراير القميص بسرعه و يطلع واحد تانى
……………………………………

فى شقه وسام
وسام / انا بجد مش فهماك انت عارف ماما لو كانت عرفت شكلى كان هيبقى انت اصلا متخيل الحيوانه هند دى قالتلى ايه فى الكليه
يوسف / ما انتى ما كانش المفروض توصليلى المعلومه بالشكل ده
وسام / يعنى انا السبب ماشى يا يوسف انا السبب استفدت ايه بقى من اللى انت عملته اهو مختار علم عليك تانى
يوسف / كنتى عوزانى اعمل ايه يعنى
وسام / عوزاك تعقل يا يوسف و تهدى العصبيه دى بتضيع حقك و بتركبك الغلط انت اثبت لهند انك بتغير عليها و مستعد تموت عشانها كمان و مش بس كدا دا انت اثبتلها ان مختار اقوى و شهم و بطل و انت اللى بلطجى و وحش
يوسف يبصلها
وسام / اخبار خيلانك ايه عاوزه اخد ماما و نروح نزورهم قبل ما يخرجوا من المستشفى
يوسف / و لا فيها شهر حتى على ما يخرجوا
وسام / للدرجادى
يوسف / دول ماعدومين العافيه الحمد لله انهم مفيصوش فى ايديهم
وسام / هى الناس جرالها ايه كل ده عشان حادثه عربيه
يوسف / عربيه ايه دى بقت صفيحه اخرها تروح المخرطه تتعمل علبتين تونه
وسام / هههههههههههههههههههههههههههه
يوسف / عجبتك اوى
وسام / بصراحه اه
……………………………………
فى شقه هند
الرجاله كلها قاعده فى الصاله شيرى تطلع بصينيه الشاى و هند وراها بصينيه عليها كيك و اطباق تحطها على الترابيزه و تعبى لكل واحد فى طبق صغير و تناول
محمد / برده يا مختار ما كانش يصح تخضهم و يضربوا المشوار ده كله
ناصر / انت بتقول ايه يا حج محمد طب كان يعملها و انا كنت طخيته
هند الطبق يقع من ايدها فى الارض عبد الله يوطى يلم و عباده متابع و عينه على مختار
شيرى / حصل خير حصل خير ارميه فى الزباله
هند تاخد الطبق و تدخل المطبخ
ناصر / هو الحقيقه احنا كنا جايين كدا كدا عشان حوار تانى بس ما فيش نصيب نتكلم فيه دلوقت يعنى لما الظروف تتحسن ان شاء الله
محمد / حوار ايه يا حج ناصر قول لو اقدر ما اتاخرش قول ما دام جيت قول اتكلم
ناصر / يديم عزك عارف من يومك ابن اصول والله انا محرج اتكلم دلوقت بس ما دام احنا كلنا متجمعين يبقى اتشجع و اطلب ايد ست العرايس هند لمختار
صوت اطباق كتير بتتكسر فى المطبخ و نظرات ضحك و شيرى تغطى بقها بايدها و مختار باصص فى الارض و مبتسم و كاتمها عبد الله يقوم يدخل المطبخ يلاقى هند باصه فى الارض و الاطباق مكسره تحت رجليها يروح يلم معاها هند تشاور بره
هند / هو
عبد الله / ششششششششش
عبد الله يشاورلها تسكت و يوشوشها
عبد الله / انا موافق جدا على فكره
هند ما تقدرش تكتم ابتسامتها عبد الله يحضنها و يطلع بره
عبد الله / كانت بتحط طبق فى الرشاقه فوقع اتكسر بس لميناهم خلاص
عبد الله يغمز لمختار و يروح يقعد
محمد / زى ما قولت يا حج ناصر انا يشرفني نسبكوا و مختار زينه الشباب بس انا هستاذنك شويه وقت بس ناخد راى هند و نصلى استخاره
ناصر / خد وقتك و احنا مستنين قرارك و ان شاء الله الخير كله احنا شاريين
محمد / ربنا يباركلك و عقبال مريم ان شاء الله
ناصر / طب ايه يا رجاله مش نستاذن بقي و نسيب الحج محمد يرتاح
محمد / ما اكلتش الكيك و لا شربت الشاى طيب
ناصر / ان شاء الله نيجي الزياره الجايه بعد ما ناخد البشاره نشرب الشربات و ناكل الجاتوه و تعملوا حسابكوا بحبه ابيض من ابو فاكهه على الوش ده
الكل يضحك
محمد / هههههههههههههههه ان شاء الله
الرجاله تمشي و مختار يعدى من قدام باب المطبخ يضرب بعينه تيجي فى عين هند و يمشوا شيري تقفل الباب و تروح تقعد مع محمد
شيري / انت موافق؟
محمد / مختار شاب ما يتعيبش و شوفنا اهله كلهم هنصلى استخاره و اللى فيه الخير للبنت هيكون
شيري / هتسفرها تعيش هناك فى اخر بلاد المسلمين
هند تطلع من المطبخ تبص لمامتها
شيري / هتعيشها فى بيت عيله وسط كل دول
محمد / هو انا وافقت انا قولت هصلى استخاره و اللى فيه الخير ربنا يقدمه و بعدين ما هى هند نفسها قدامك اهى الراى رايها

عبد الله / مختار جدع و محترم جدا و انا موافق عليه
شيري تبص لعبد الله و تبص لهند
شيري / و انتى كمان موافقه ؟
هند / اللى تشوفيه
هند تدخل اوضتها و تقفل الباب و تقف وراه و الدموع تنزل من عنيها الباب يتفتح و يتزق هند تمسح دموعها و توسع شيري تدخل
شيري / انا كمان موافقه مختار مفيش زيه
هند تبتسم
شيري / بس مش هقدر على بعادك
عبد الله يدخل
عبد الله / نروح معاها
شيري / ازاى و شغل ابوك و دراستك و المحل
عبد الله / هناك فى شغل لبابا و جامعه ليا
شيري / يا ابني هناك دنيا تانيه غير دنيتنا
عبد الله / دنيا حلوه احلى مليون مره من اللى بنعيشها هنا مختار راجل بجد راجل ابقي مطمن على اختى و هى معاه انا موافق عليه
شيري / انت كنت عارف
عبد الله / قسما بالله و لا عمره حتى لمح و لا بصلها
شيري تبص لهند
هند / والله انا حتى اتخضيت جدا لما سمعت
شيري / هنصلي استخاره و نشوف
شيري تطلع بره عبد الله يبص لهند و يبتسموا شيري تدخل يبصولها و يلموا نفسهم
شيري / بس من هنا لوقتها تلموا نفسكوا
هند و عبد الله يهزوا راسها
شيري / مبروك
هند تبتسم شيري تبتسم و تطلع بره عبد الله يمسك ايد هند
عبد الله / مبروك يا هند مبروك مبروك
هند تبتسم اوى
…………………..
فى شقه مختار
عباده / ما كانتش صينيه مكرونه بشاميل دى
مختار / و متعشي امبارح اسباكيتي و بانيه
عباده / اه يا بتاع بطنك انت ههههههههههههههههههه فرحتلك اوى على فكره بس كنتوا عرفتونا يا جدعان
مختار / اقسم بالله ما كنت اعرف انه هيفتح الموضوع اصلا دا انا لسه قايله من ساعه و انتوا نايمين
ناصر / انت قولت من ساعه احنا بقالنا سنين بنرتب لليوم ده
امين / و انتوا كنتوا تعرفوا انه هيخطب هند من سنين
ناصر / مش بالضروره هند يعني كل اللى يجيبه ربنا كويس بس هههههههههههههههههه اما الحريم دول يا جدع انتصار كانت فقساك من ساعه ما جت مصر و شافتها والله لتدبح حاجه لما نقولها
عباده / بس عاتب عليك يا مختار
مختار / ليه يا ابني عملت ايه انا بس

عباده / يا عم لسه بقولك ادور على عروسه تقولى لا الموضوع مش فى بالى هوب الاقيك بتخطب قبلى جرا ايه يا نمس دا انا افرحلك
سليمان / يا جدعان خفوا الناس لسه موافقوش
عباده / دا الاطباق اتكسرت و الشاى فار و كان فاضل شويه و يجيبوا المازون قال ما وافقوش قال
ناصر / يا عباده استحى و اتلم بقي
عباده / اتلمينا انا داخل اكمل نوم الف مبروك يا مختار يا اخويا عقبال الليله الكبيره
مختار / عقبالك
عباده / كلنا بنقول يا رب
الكل يضحك
سليمان / انا كمان هدخل انام تصبحوا على خير
الكل يدخل الاوض
ناصر / مش هتيجي تنام و لا ايه
مختار / شويه كدا
ناصر / اللى ياكل على درسه ينفع نفسه بشوقك تصبح على خير
مختار يبتسم و ما يفضلش غيره فى الصاله يقوم يفتح البلكونه و يبص على شقه محمد البلكونه مقفوله و الانوار مطفيه يطلع الموبايل و يتصل
مختار / مش نازل و لا ايه
عبد الله / الوقت اتاخر بقي هقعد ازاكر خليها مره تانيه
مختار / تمام انا كمان هدخل انام بقي
عبد الله / تصبح على خير
مختار/ و انت من اهله سلام
مختار يقفل و يبص مفيش حد
………………….
فى شقه هند
هند واقفه ورا الستاره بتبص على مختار و هى طافيه النور و مبتسمه مختار يدخل جوه هند تتنهد عبد الله يفتح باب اوضته
عبد الله / سلام قول من رب رحيم
هند / ايه يا جزمه انت شوفت عفريت
عبد الله / انتى واقفه عندك فى الضلمه بتعملى ايه
هند / مش جايلى نوم
عبد الله / بصراحه و لا انا اصلى فرحان اوى
هند / هههههههههههههه
عبد الله / ربنا يتملك على خير مختار راجل بجد
هند / لسه ماما ما وافقتش
عبد الله /مش من حقها ترفض مش هتلاقي زيه
هند / هما بيبقي ليهم نظره كدا
عبد الله / مش مهم نظرتهم المهم قلبك انتى عاوزه ايه
هند تبتسم بخجل عبد الله يبتسم اوى
عبد الله/ هو انتى ينفع تكلميه
هند / لا طبعا انت بتقول ايه يا عبد الله

عبد الله / طب اكلمه انا اقوله انك موافقه زمانه على اعصابه مستني ردك
هند / ماما قالت نتلم خش يلا زاكر
عبد الله / و انتى مش هتخشي تنامى عندك كليه الصبح
هند / مش هروح
عبد الله / ليه بس طب دا فرصه تشوفوا بعض
هند / ما تتلم يا عبد الله انت ايه حكايتك
عبد الله / اتجوزيه و روحى معاه البلد .. بعيد عن هنا
الابتسامه تروح من وش هند
عبد الله / انا كمان هاجى معاكى هقدم الجامعه هناك
هند / انت عاوزنى اتجوز مختار عشان اهرب من يوسف
عبد الله / مختار لحد دلوقت هو الوحيد اللى عارف يقف قدامه و اديكي شوفتي بابا اتنازل كالعاده
هند / عشانك و عشانى بابا مش
عبد الله / انا مش فارق معايا طب انتى تنكرى انك مش هتروحى الكليه بكره عشان خايفه من يوسف
هند تبص لعبد الله بحزن
عبد الله / خايفه .. و انا كمان خايف .. خايف عليكي .. خايف ياذيكي
هند / مش هيقدر
عبد الله / لما تتخطبى يوسف مش هيبقاله عين و خصوصا ان مختار و اهله مش ضعاف
هند / انت بتبص للموضوع من ناحيه تانيه خالص انا ما فكرتش فيها
عبد الله / انا ما يهمنيش غير سعادتك و مصلحتك و الاتنين مع مختار
هند / طب افرض ماما ما وافقتش
عبد الله / هتوافق بابا موافق و كلنا موافقين هى نفسها قالت موافقه بس هتصلى استخاره و ان شاء الله خير
هند/ افرض ما فيش نصيب
عبد الله / ليه
هند / ما اعرفش النصيب
عبد الله / لا ان شاء الله فى تفائلوا بالخير تجدوه
هند / هو انتوا بجد ينفع تيجوا تعيشوا معايا هناك
عبد الله / ينفع انا شخصيا ينفع

هند / ههههههههههههههههههه ربنا يخليك ليا يا عبد الله انت مش بس اخويا انت كمان صاحبي و انتيمي
عبد الله / ربنا يخليكى انتى لينا يا دودو خشي نامى و روحى الكليه الصبح ما تخافيش
هند تهز راسها لا بحزن
عبد الله / خلاص خدى بكره اجازه و لما ماما توافق و تتخطبى لمختار روحوا سوا انا بقول نكتب الكتاب على طول
هند / انت مستعجل تخلص منى ليه لتكون فاكر انك هتحتل اوضتى ياسو لسه بدرى عليها
عبد الله / يا هبله اخلص منك ايه انا اصلا ما اقدرش استغنى عنك
هند / ربنا يخليك ليا تصبح على خير
هند تدخل اوضتها و عبد الله واقف متابعها و مبسوط و فجاه الابتسامه تروح
عبد الله / هو انا كنت خارج من اوضتي ليه
عبد الله يهز راسه مش عارف و يدخل اوضته تاني
………………….
تانى يوم فى شقه مختار
مختار بيسرح شعره عباده يفتح الباب و يدخل
عباده / يا دلعوا يا دلعوا
مختار يحدف عباده بالمشط عباده يفاديه
عباده / عشان عريس بس
مختار يروح يقعد على السرير يلبس الشراب
عباده / رغيتوا فى ايه طول الليل امبارح
مختار / انا لا معايا رقمها و لا هى معاها رقمى فاهمد بقي و بعدين لسه ما فيش حاجه تستلمنى عليها حتى ما وافقوش بس بنبرك و فقرك مش هيوافقوا باين
عباده / تشكر يا ابن الزيني طب الله عليم انا فرحانلك قد ايه
مختار / باين عليك تشكر
عباده / اخوك بيقول نرجع
مختار / انا كمان شايف كدا
عباده / و حقك يا ابن عمى يروح كدا
مختار / حقى انا خدته فى وقتها و بزياده ما تقلقش
عباده / اللى تشوفه يا ابن عمى و على العموم انت عارف رنه لاخوك نيجي نجيب عليها واطيها
مختار / تسلم انتوا هتمشوا امتى
عباده / الكبير يرجع من المشوار بتاعه مع الرجاله و نسافر علاطول
مختار يبص في الساعه
مختار / فى مفتاح احتياطى متعلق على باب الشقه بره لو خرجت خده معاك عشان انا النهرده يومى طويل فى الكليه
عباده / هسيب البلكونه مفتوحه و اهو الجيران لبعضيها
مختار / يخربيت اللى … يزعلك يلا انا ماشي سلام
عباده / مع السلامه يا ابن الزيني ههههههههههههههههههه
مختار يمشي و عباده قاعد بيضحك
………………..
فى شقه هند
شيري بتطفى على البوتجاز هند تدخل
هند / انا لبست يا ماما
شيري تبصلها و تبتسم
شيري / مش قولتلك اقعدى زاكرى احسن يعني لا هيبقي مرواح كليه و لا مزاكره
هند / ما انا مش عاوزه اقعد لوحدى
شيري / لا اله الا الله يا بنتي لو فكر يهوب من هنا البوليس هيسجنه دا ماضي اقرار على نفسه
هند / طب خديني معاكى عشان ما ازهقش
شيري / يا بنتى

هند / عشان خاطرى انا لبست و لبست ياسمينا و انتى عملتى الغدا هجيب كتبى معايا
شيري تتنهد و تشاورلها يلا هند تبتسم و تجرى تجيب كتبها و ياسمينا من الاوضه ماسكه الموبايل
هند / ما تسيبى البتاع ده شويه
ياسمينا / لما الفيديو يخلص
هند و ياسمينا و شيري يقفلوا باب الشقه و يمشوا
…………………
فى الكليه
وسام قاعده جنب يوسف عينه على مختار بيضحك مع صحابه
وسام / هتفضل باصصله كتير
يوسف / فاكر ان سكوتى عليه الوقت دا كله كان ضعف منى ما يعرفش انى مرقدله على التقيله
وسام / على فكره فى حاجه متغيره
يوسف / مين
وسام / مختار هيكون مين يعني
يوسف / عادى يعنى جه بالطقم ده مليون مره قبل كدا
وسام / لا مبسوط و عمال يضحك
تليفون يوسف يرن
يوسف / بابا و اراهنك انه بيكلمنى ياكد عليا انى لا اكلم هند و لا اقربلها
وسام / انا مش هسمحلك اصلا رد عليه
يوسف يرد
يوسف / الو .. ايوه يا بابا ازيك … اه فى الكليه هكون فين يعني … ما جاتش اصلا و لو جت مش هكلمها ما تقلقش … حاضر يا بابا … اه وسام معايا … الله يسلمك … سلام … بابا بيسلم عليكي
وسام / الله يسلمه
الدكتور يدخل الكل يتعدل فى قعدته
…………………
فى محل محمود
محمود قاعد ناصر و سليمان و امين يدخلوا
ناصر /السلام عليكم
الكل / و عليكم السلام
ناصر / الحج محمود مش كدا
محمود / اهلا و سهلا اتفضل اؤمر
ناصر / ما يؤمرش عليك ظالم اعرفك بنفسي انا ناصر الزيني اخو مختار الزيني الكبير
محمود الابتسامه تروح من وشه
ناصر / هخش فى الموضوع عشان احنا ورانا سفر يوسف ابنك زى ابننا تمام و ما نرضالوش الاذيه بس لو اللى عمله اتكرر تانى و لا حتى الاستاذ محمد هيحوش عنه
محمود / انت بتهددنى يا جدع انت دا انا ادفنك مكانك هنا
ناصر / انا هعمل حساب للنسب اللى بنا و هعتبر انى ما سمعتش حاجه و قبل ما تعلى صوتك اعرف انت بتكلم مين عشان ما ترجعش تعيط انت و اهلك انا راجع البلد بس قسما بالله لو ابنك او اى حد من طرفه هوب بخير و لا بشر ناحيه هند و لا مختار و لا اى حد يخصهم لوريك ايام اسود من الجزمه اللى فى رجلى و خلص الكلام يلا يا رجاله
ناصر يمشي و محمود واقف مصدوم يطلع يبص يلاقي عربيتين واحده فيهم محمله رجاله جتت ناصر بيركب فى التانيه و يمشوا محمود يبص جوه العمال مركزين معاه يشخط فيهم
محمود / كل واحد يركز فى شغله … ماشي يا محمد
محمود يسيب المكان و يمشي
…………………….

فى الكليه
الكل خارج من المدرج و مختار قاعد مستني الزحمه تخلص جنب صحابه يوسف يعدى من جنبه و يقعد بالعكس على البنج اللى قدامه
مختار / كفاره السجن للجدعان
يوسف / نخش فى الموضوع عشان ما فطرتش
مختار / خش ياخويا حد حايشك
يوسف / اللحق لم عزالك
مختار / لسه فاضل كام شهر بس خير فى حاجه و لا ايه
يوسف / هتفهم النهرده
مختار / ماشي حاجه تانى
يوسف / سلام
يوسف يمشي و مختار يعلى صوته
مختار / ما تقطعش الجوابات اصلك بتوحشني ههههههههههههههههههههه
هشام / الواد ده يا عبيط يا متخلف مستحيل يكون طبيعي
مختار / تربيه عوجه بعيد عنك يلا بينا يلا
مختار و صحابه يقوموا يمشوا
…………………
فى مصلحه حكوميه
محمد قاعد فى مكتب محمود يدخل و هو هايج يرزع الباب محمد يقف
محمود / باعتلى بلطجيه يا محمد هى حصلت
محمد / بلطجيه ايه يا محمود فى ايه انا مش فاهم
محمود / انت تعرف حد اسمه ناصر الزيني
محمد / اه اعرفه دا اخو مختار جارنا شخصيه محترمه جدا تعال اقعد فى ايه
محمود / الجدع ده جالى و هددنى
محمد / مستحيل اكيد فى حاجه غلط دا راجل محترم جدا
محمود / دا جاى و جايبلى بلطجيه لحد المحل و بعدين انت ازاى لسه بتدى للناس دى وش بعد كل اللى عملوه
محمد / بس هما ما عملوش حاجه بالعكس ناس ولاد اصول و اكابر
محمود / بعد كل اللى عملوه بتقولى ما عملوش حاجه
محمد / اقعد يا محمود و فهمنى الحكايه لو عاوز تتخانق استني اما نروح البيت دا مكان اكل عيشي
محمود / علاقتك باللى اسمه مختار ده تتقطع نهائي
محمد / مش هيحصل
محمود / يعني ايه بقي ان شاء الله
محمد / يعني مش معنى انك اخويا الكبير انى دلدول و ما ليش شخصيه انا حر اتعامل مع اللى يعجبنى
محمود / طبعا جاى على هواك مهو مفترى على ابني
محمد / لا عشان دا هيبقي خطيب هند
محمود / قول تانى كدا

محمد / مختار اتقدم لهند و انا وافقت
محمود / اليوم اللى هتحط ايدك فيه فى ايد الجماعه دول يبقي بتقطع ايدك من ايدي انت سامع و لا لا
محمد / اللى بينى و بينك صله الرحم اكتر من كدا ما عدش
محمود / دا اخر كلام عندك
محمد / قرايه فتحه مختار و هند يوم الخميس ابقى تعال اشرب حاجه
محمود / قسما بالله
محمد / احلف على روحك و الزم حدك و ما تخلينيش اتصرف معاك بطريقه ما تعجبكش
محمود / قلبك قوى بالبلطجيه اللى هتناسبهم
محمد / زى ما تشوف شوف انا ادرى بمصلحه بنتى
محمود / ما ترجعش تزعل
محمد / نورت يا اخويا كنت اقعد اشرب حاجه
محمد يقعد يكمل شغله محمود يمشي و يرزع الباب وراه محمد يطلع موبايله
محمد / ايوه يا عبد الله معاك رقم مختار … صباح الخير يا حبيبي معلش … ما فيش حاجه ابعتهولى بس هقوله اننا موافقين … ان بجد ابعتلى الرقم يلا … سلام يا حبيبي
…………………
فى الكليه
مختار وسط صحابه و فى لمه و الكل بيضحك و فرحان و عمالين يحضنوا فيه و يبوسوه و يباركوله
ماجد / و الله نمس مش قولتلك يا عم الواد ده مش طبيعي
مختار / عقبالك يا ابني
ماجد / قريب ان شاء الله انت بس قول يا رب
مختار / يا رب يا سيدى المهم كلكوا معزومين يوم الخميس ان شاء الله ما حدش يتاخر
هشام / هيبقي فى اكل و لا حتتين جاتوه و سندوتش باسطرمه
مختار / هو كيس بست و تحمد ربنا
شاب / ههههههههههههههههههه دى مش اخلاق صعايده دى يا عم
تليفون مختار يرن
مختار / ثوانى ثوانى
مختار يروح فى جنب
هشام / العروسه و لا ايه
مختار يشاورله يسكت و يرد
مختار / السلام عليكم ازيك يا حج مجدى اخبارك و اخبار الجماعه ايه
مجدى / و عليكم السلام يا مختار يا ابنى ازيك
مختار / الحمد لله الايجار جاهز معايا هعديه عليك بعد الكليه
مجدى / بصراحه يا ابني انا مش متصل عشان كدا
مختار / خير يا حج اؤمر
مجدى / بصراحه فى مشترى جاى ياخد الشقه كاش و عرض سعر كويس
مختار / و الاقربون اولى بالمعروف يا حج شوف انت عاوز كام فى الشقه و الفلوس تكون عندك النهرده و نمضي العقد
مجدى / يا مختار
مختار / يا حج مجدى انا ماجر منك من سنين و ما اخرتش ايجارك يوم واحد و على يدك صارف على الشقه توضيب و فارشها من مجاميعه عاوز تبيعها تلزمنى و فلوسها كاش لكن لو عاوز تخرجنى منها و خلاص قولى و كدا كدا انا عقدى مكمل لاخر السنه و حضرتك عارف
مجدى / تمام يا ابني نقعد و نتكلم
مختار / بالمناسبه يوم الخميس الجاى ان شاء الله قرايه فتحتى على هند بنت الحج محمد الجمل
مجدى / لا كدا وضحت متمسك بالشقه ليه لا كدا مش محتاجه كلام بقي دا خاطر الحج محمد عندى كبير اعتبر الشقه بتاعتك

مختار / و اعتبر تمنها فى جيبك
مجدى / ربنا يديم المعروف يا ابني اسيبك انا اكيد معطلك
مختار / مع الف سلامه لا اله الا الله لا اله الا الله
مختار يقفل و يرجع وسط صحابه
شاب ٢ / ايه يا عم الحب ولع فى الدره و لا ايه
يوسف معدى مختار يشاورله باى و هو مبتسم باستفزاز يوسف صحابه يشدوه و يمشوا
هشام / ما تنزلش قدامه بقي انت اكبر من كدا
مختار / انت عارف مين اللى كان بيكلمنى
ماجد / ايه ده هى ما طلعتش هند
مختار / دا الحج مجدى صاحب الشقه جايله فيها مشترى و طبعا بعد حوار لم عزالك عرفنا مين هو
هشام / هو الواد ده ابن كلب و لا ايه حكايته
ماجد / هتعمل ايه
مختار / هشترى الشقه طبعا انت بتهرج و لا ايه يلا يلا خلينا نروح
ماجد يسقف
ماجد / يا مختار يا كايدهم
……………………..
فى شقه محمود
حمدى / اكيد كان فى حد معصبه و لا حاجه
محمود / قسما بالله اللى هيحضر لمحمد و لا يحط ايده فى ايد عريس الخيبه و الندامه سي زفت ممسوح من حياتي
اسراء / و هو فجاه كدا قرروا انهم هيقروا فاتحتهم سوا و خصوصا بعد كل المشاكل دى
محمود / عند واخدين الدنيا عند اللى بيضرب يوسف و ياذيه اللى اتجرا و رفع السلاح فى وش اللى من دمهم
حمدى / يا محمود انت مزعل روحك عليه ما اللى يشيل قربه مخرومه
الباب يتفتح و يوسف يدخل الكل يسكت
يوسف / مساء الخير متجمعين عند النبي
اسراء / انت مش كنت هتروح عند وسام
يوسف / كنت بس جالى تليفون قلبلى اليوم
محمود / خير حاجه حصلت و لا ايه
يوسف / ابن الكلب رجع فى البيعه
محمود / ازاى الكلام ده هو لعب عيال و لا ايه
يوسف / سي زفت هيشتريها كاش
اسراء / وضحت دلوقت صوتهم اللى على الفتره اللى فاتت
يوسف / هما مين دول

اسراء / ست هند و اهلها
محمود / مش وقته يا اسراء
اسراء / ليه مش دى اللى كانت طلباتها اوامر عشان ابنك متعلق فيها
محمود / و اهو خطب و عاش حياته
اسراء / ما لازم يعرف الهانم ليه رفضته
يوسف / انا مش فاهم حاجه فى ايه مالها هند ليه رفضتني
اسراء / يوم الخميس قرايه فاتحه هند على مختار
يوسف / ايه !! ايه العبط ده مستحيل طبعا
محمود / ما لناش دعوه يا يوسف احنا كدا كدا علاقتنا اتقطعت بيهم
يوسف / لا طبعا هو ايه اللى قطعنا علاقتنا بيهم هما هيقرطسونا و نسكتلهم دا انا هجيب عليها واطيها
حمدى / لا يا يوسف اعقل المرادى يحبسوك و هندخل فى مشاكل احنا فى غنا عنها
يوسف / و لا هاخد فيهم يوم واحد
محمود / ما يستاهلوش يا يوسف انساهم
يوسف / اتارى سي عبد الله عايش مع البيه و كل ما اسال خرجوا سوا اتارى الاكل رايح جاى بينهم و اتاريه محموقلها علاطول الخط
اسراء / ما يولعوا فى بعض
يوسف / قال و انا اللى كنت مستغرب و اقول ازاى كانت بتشوفه بيتخانق معايا و تسكت دا انا و ابن عمى على الغريب اتاريه مش غريب دا طلع حبيب يا بابا
محمود / لا اله الا الله
يوسف / تمام اوى تمام جدا
محمود / اسمع يا يوسف
يوسف / ما تقلقش يا بابا انا مش هضيع نفسي عشان ناس ما تساهلش
حمدى / ربنا يكملك بعقلك يا بنى
يوسف / انا خارج
اسراء / رايح فين
يوسف / خارج شويه عادى يعني
يوسف يمشي
حمدى / قلبي مش مطمنله
اسراء / منك لله يا هند انتى و امك
………………………
فى السرايا
انتصار / لولولولولولولولولولولولولوى لولولولولولولولولولولولى
ستات و بنات كتير اوى تتلم

مريم / فى ايه يا ماما
انتصار / قرايه فتحه مختار يوم الخميس
مريم / على هند
انتصار / اطلعى اللبسي و جهزى حاجتك و كل اللى عاوزه تيجي تجهز نفسها هنقعد لحد الجمعه
الكل يتفرق و يجروا على اوضهم
فاطمه / و هى بنات البلد خلصت يعني عشان ما يلاقيش الا هند
انتصار / و مالها هند يا فاطمه
فاطمه / خلاص بقي يلا ربنا يتمله بخير هند بنت حلال و مختار ابنى زيه زى عباده
انتصار / اتعدلى يا فاطمه و اتكلمى عدل فى ايه
فاطمه / يعني ما كنتيش تعرفي ان عباده عينه من هند
انتصار تشد فاطمه و يدخلوا اوضه
انتصار / انتى بتقولى ايه و هو عباده يعرف هند
فاطمه / و هو مين اول واحد جاب سيره هند فى السرايا مش كان عباده مين اللى دبح و علق كهارب ان هند جايه مش عباده مين اللى خد اخوها تحت جناحه و لففه البلد ما كانش عباده تعرفى ان عباده سال مختار ان كان بيدور على عروسه و لا لا قاله لا ما بفكرش خالص و لا لما عرف ان عباده هيتقدم قال اسبق بالطلب
انتصار / ماشي يا فاطمه استنى
انتصار تمسك الموبايل و تتصل بعباده يرن
فاطمه / و انتى فاكره هيقولك ايه عباده راجل هيقول لا طبعا ما خلاص الناس وافقوا على اخوه
عباده / السلام عليكم
انتصار / ازيك يا عباده عامل ايه
عباده / الحمد لله تمام جهزتوا و لا لسه احنا بنرتبلكوا الدنيا هنا
انتصار / كنت سمعت كلام كدا و كنت عاوزه اتاكد منه بس تحلف بالله تقول الصدق
عباده / و انا من امتى كدبت يا ام فاتن
انتصار / ما قصدش انا اقصد ما تخبيش و لا تتكسف منى انا زى امك برضه
عباده / طبعا يا ام فاتن قولى فى ايه قلقتيني
انتصار / انت كنت حاطت عينك على عروسه الفتره اللى فاتت فى حد فى قلبك يعني
عباده / كان زمانى خاطب يا ام فاتن
انتصار / يعني ما عجبتكش و لا بنت شوفتها فى حياتك خالص
عباده / هو فى ايه يا ام فاتن ايه الاسئله دى
انتصار / بالمفتشر كدا انت كان عينك من هند
عباده / قسما بالله و لا عمرى بصيتلها حتى ايه الكلام ده
انتصار / الكلام ده بينا يا عباده
عباده / احلف بايه بعد ربنا عشان تصدقي انا اصلا ما تنفعنيش مصراويه و كلكوا عارفين
انتصار تبص لفاطمه
فاطمه / هيقول ايه و ان قال هيحصل ايه
انتصار /طب خد اتكلم مع امك عشان بتقول ان مختار خطب هند لما انت حطيت عينك عليها
انتصار تناول فاطمه التليفون فاطمه ما ترضاش تاخده و تفتح الباب و تسيب المكان و تمشي
انتصار / خلاص يا عباده
عباده / انا مش عارف اعمل ايه و لا اقول ايه بس
انتصار / لا تقول و لا تعيد لما نيجي نقعد انا و انت و امك و نشوف
عباده / ملوش لزوم نكبر الدنيا انا هتكلم مع امى احنا عندنا فرح مش عاوزين نكد و كلام ما لوش عازه
انتصار / بس دا كلام كبير يا عباده و ما يتعداش
عباده / حقك عندى انا يا ام فاتن امسحيها فيا هى امى فعلا كلمتنى عن هند و انا رفضت بس شكلها هى اللى كان عينها منها بس والله انا عارف من اول يوم شوفتها فيه ان هى لمختار و مختار ليها حتى لو ما حدش اتكلم انا كنت فاهم و ربنا عليم انا فرحتلهم قد ايه

انتصار / اصيل يا عباده من يومك راجل لابوك روح شوف اللى وراك و انا هروح اجهز انا كمان سلام
عباده / مع السلامه
انتصار تقفل السكه و تنفخ و تطلع اوضتها
…………………..
فى شقه هند
محمد قاعد بيتفرج على التليفزيون فى الصاله و شيري واقفه قدامه مضايقه
شيري / و انت بتقرر كدا من نفسك مش قولت هنصلى استخاره يا محمد
محمد / الناس هيجوا يوم الخميس نتفق و نقرا الفاتحه انا مرتاح للجدع ده و عيالك فرحوا انتى مستنيه ايه
شيري / انت واخدها عند مع اخوك
محمد / اعلى ما فى خيلهم يركبوه هما هيتحكموا فى حياتنا لحد امتى انا مقتنع باللى بعمله و لو منك تلحقي تاخدى هند و تشوفوا ايه ناقصكوا يوم الخميس مش بعيد و مش عاوزين نتنزنق
شيري / و دى حاجه كمان يا محمد احنا صرفنا كل اللى معانا فى المحل و لسه بدرى على اول الشهر و الناس اللى هتيجي دى مش هتحتاج ضيافه بنتك مش هتحتاج مكياج و فستان و الليله دى مش هتحتاج دى جى و تصوير و كوافير انت استعجلت
محمد / تدبر
شيري / منين
محمد / انا شايل قرشين على جنب هديهملك فرحى العيال يا شيري كفايا اللى شافوه الفتره اللى فاتت انا نفسي اشوف هند بتدحك من قلبها قبل ما اموت انتى فاكره انى مش فاهم بنتى و لا فاهم عنيها و نظرتها ليا مش فاهم هى ليه ما راحتش الكليه خوفها تفتكرى سهل عليا اواجها و انا ضيعت حقها
شيري تقعد جنبه و تبوسه من كتفه
شيري / ما تقساش على نفسك
محمد / مختار ابن حلال و هيصونها و كل مواقفه معانا لحد دلوقت بتقول كدا
شيري / ربنا يتملهم على خير انا هقوم ابص على هند
شيري تفتح باب الاوضه تلاقي هند قاعده على السرير و قدامها علبه صفيح فيها فلوس
شيري / و انا اللى قولت هلاقيكي بتزاكرى مش كفايا ما روحتيش
هند / الفين و ربعميه و تلاتين جنيه
شيري / سمعتيني انا و ابوكى مش كدا ؟
هند / الموضوع هيبقي على الضيق فى البيت يعني ممكن نعمل ساندوتشات كفته و بانيه و حاجه ساقعه و انا عندى طقم حلو هنا احضر بيه
شيري / انتى هتلبسي احسن لبس و هتتعملك احلى ليله و ما تفكريش في حاجه غير مزاكرتك و مستقبلك و بس
هند / خديهم
شيري / لما احتاجلهم هاخدهم اقعدى زاكرى
هند تهز راسها شيري تقوم و تقفل الباب وراها و ترجع تفتحه و تبص على هند و تبتسم
شيري / مبروك
هند تبتسم و تقوم تحضن مامتها
شيري / بفكر اللبس الطقم الكحلى بتاعى اللى فيه بروش طاووس
هند / كان تحفه عليكي
شيري / تفتكرى هيدخل فيا
هند / طب ما تقيسيه
شيري / تعالى معايا
هند تبتسم و تروح هى و شيري اوضه شيري و يقفلوا الباب
……………………..

فى شقه مختار
الكل قاعد و عباده و مختار مش موجودين
ناصر / مش نعرف يا ابنى راسنا من رجلينا و نتفق مع الناس و لا هنيجي الخميس نتفق فى الزحمه مش كل حاجه تبقي على نور
سليمان / ما تشغلش بالك انت بالحاجات دى احنا شاريين
امين / بس انا اسمع ان حريم مصر بيشترطوا ان بناتهم يتجوزوا جنبهم
ناصر / عشان كدا بقول كل حاجه تبقي على نور و نتكلم مع الحج محمد و نشوف شروطه
سليمان / الناس اتحركت من البلد كنتوا اتفقتوا بقي قبل ما تشحطتوهم طريق رايح جاى
ناصر / مش معنى اننا بنتفق اننا هنفشكلها احنا زى ما قولنا شاريين بس نبقي على نور
جرس الباب يضرب امين يقوم يفتح
امين / اتاخرتوا كدا ليه
مختار / كان بيعد الفلوس الراجل ما كانش مصدق نفسه
عباده / اياكش سي يوسف يرتاح
مختار / و لا ان شالله عنه ما ارتاح المهم اتفقتوا على ايه
مختار يدى العقد لناصر يبص فيه
مختار / عقد الشقه و بكره الصبح هنروح نسجله فى الشهر العقاري
امين / دفعتوا الفلوس كلها قبل ما تسجلوا
مختار / على اخر الزمن هيتنصب علينا و لا ايه
عباده / دا راجل غلبان و شكله طيب
ناصر / كلمت حماك عشان نقعد و نتفق على التفاصيل
مختار / لا تفاصيل ايه
ناصر / الله مش نشوف طلباتهم و نرتب الدنيا و نشوف هيعملوا ايه يوم الخميس
مختار / هكلمهم بكره الصبح لما ارجع من الشهر العقاري هستاذنكوا ادخل اريح حبه
امين / هتريح برده
مختار يوطى على كتف امين و يسند عليه بكوعه جامد
مختار / و اخره رخامتك دى ايه هاه
امين / بهزر معاك يا خالى الله
مختار / عقبال ما نرخم عليك
امين / قريب ان شاء الله
عباده / لا يا خويا انا الاول مش كل حاجه تنطلنا فيها
امين / ما تقول حاجه يا ابا
سليمان / خلص انت بس المدرسه و ما لكش دعوه عروستك عندى
امين / يخليك ليا
مختار / هههههههههههههههه تصبحوا على خير
مختار يدخل جوه و لسه بيقلع تليفونه يرن يبصله و يبتسم و ياخده و ينام فى سريره
مختار / ازيك يا عبد الله عامل ايه
عبد الله / هتروح الجيم

مختار / مش قادر والله صاحي من بدرى و طول اليوم فى الشارع حتى نايم فى السرير بهدومى
عبد الله / لا الف سلامه ماشي مش مشكله ليا نصيب ازاكر بقي
مختار / مصلحه الا صحيح يا عبد الله هند ما جاتش الكليه النهرده ليه
عبد الله / عاوز عاوز الكدب و لا الحقيقه و لا الأحق منها
مختار / هههههههههههههههههه كلو
عبد الله / الكدب انها سهرانه طول الليل فمش قادره تروح فهتساعد ماما فى الدكان لكن الحقيقه عشان ما تقابلكش قبل ما بابا يديك رايه النهائي
مختار / و الأحق عشان يوسف خرج
عبد الله / ما انت عارف كل حاجه اهو
مختار / تمام مفيش مشكله انا هبقي اصورلها الحاجات اللى فاتتها النهرده تزاكرها و ابعتهالك على الواتس
عبد الله / ماشي هتعوز حاجه
مختار/ ما اتحرمش سلام
مختار يقفل و يقوم يطلع الكتب و الورق و يصورهم بالموبايل و يبعتهم باب الاوضه يتفتح
امين / ما نمتش يعني يا خالى
مختار / اطلع بره يلا اطلع بره يخربيت سالتك
امين / هههههههههههههههههههه
امين يطلع بره و يقفل الباب و مختار يكمل تصوير و هو بيضحك
…………………….
فى شقه هند
هند قاعده فى اوضتها و مطلعه الدولاب هى و ياسمينا و عمالين يقيسوا الباب يخبط و يتفتح
عبد الله / دودو
هند / ايه يا ابني مش يمكن بغير
عبد الله / ما انا خبطت
هند / خبطت و دخلت فى ساعتها ما ادتنيش حتى فرصه ارد
عبد الله / المهم مختار بعتلى الحاجات اللى فاتتك النهرده هبعتهالك على الواتس
هند / طب استني اما اصورله انا كمان المحاضرات اللى فاتته
عبد الله / و انا هفضل مرسال كدا كتير ما تاخدوا ارقام بعض و كدا انتوا مش خلاص
هند / لسه يوم الخميس لما نقرا الفاتحه و بعدين هو ما طلبهاش اكلمه انا ازاى
عبد الله / طيب ايه الزريبه دى دا انا اوضتي انضف منكوا
ياسمينا / بنشوف هنلبس ايه يوم الخميس انا هلبس الفستان الاحمر بتاع العيد بتاعى
عبد الله / حلو عليكي و انا هلبس بدلتى
هند / طب اللحق بقي طلعها و شوف هتوديها المغسله و لا هتبعتها المكوجى على طول و لا ايه
عبد الله / هو الشقه هنا هتاخد الناس
هند / هو مين جاى
عبد الله / مش عارف
هند / المفروض صحيح بابا يكلم مختار فى الموضوع ده و يشوف عشان على الاقل نعمل حسابنا فى الاكل و ما نتحرجش قدام الناس
عبد الله / صحيح انا هروح اتكلم مع بابا و انتى رتبي اوضتك و ابعتيلي الصور ابعتهاله
هند / ماشي
عبد الله يقفل الباب و هند تقلب فى الهدوم
ياسمينا / ما تطفى النور بقي انا عاوزه انام
هند / هو عشان رتبتي نفسك يعني ماشي يا ست ياسو ليكي يوم
ياسمينا / يحينا و يحيكي ربنا
هند / يخربيت لماضتك يا شيخه بقي دى عيله تلت سنين دى
ياسمينا / هههههههههههههههههههه
……………………

فى كافيه
يس / بص يا يوسف انت صاحبي و حبيبي بس ان كانت عدت المرادى على خير ما حدش يضمن المره الجايه
يوسف / لا ما تقلقش المرادى بعيد عننا خالص احنا كل اللى علينا نتفاجئ لما نسمع الخبر
على / امال مين اللى هيعملها
يوسف / فى راجل معرفه خالى بس ايه قلبه ميت ياما خلص لخالى حاجات زى دى بس القانون قانون الميت من رجالته بياخد عليه ميه الف جنيه و الغرزه بالف
يس / ههههههههههههههههههه حلوه التسعيره دى
شاب / بس مش هينفع قبل الخميس قبل الجمعه كمان
يوسف / مختار الكلب ده مش هيطلع عليه خميس
الشاب / مختار مش لوحده المرادى اهله هنا و دول صعايده ما شوفتش مسكت ايده للمسدس الواد ايده ما ارتعشتش و لولا عمك كان ضرب
يوسف / كان عارف ان عمى هيمنعه
يس / بس عمر معاه حق يا يوسف مش سهل تلقط مختار لوحده
يوسف / انا اتفقت مع الرجاله خلاص مختار مش هيطلع عليه يوم خميس و قفلوا السيره دى بقي عشان بتعصبني
يوسف يسيب المكان و يقوم و صحابه بيبصوا لبعض
عمر / هو مش خطب وسام و خلصنا
على / ششششششش انت هتظيط و لا ايه احنا مالنا الشرع حلل اربعه
عمر / و اى اربعه دا الاتنين صواريخ
يس / والله ما هتسكت الا لما يقلب عليك
عمر / و على ايه سكت اهو
…………………..
تاني يوم الفجر
فى المسجد محمد بيصلي الفجر جنب مختار و اهله الامام يسلم الكل يسلم و يسلموا على محمد
ناصر / حرما يا حج محمد
سليمان / حرما يا حج محمد
محمد / جمعا ان شاء الله يا حج ناصر جمعا يا حج سليمان
مختار / حرما يا عمى
محمد / جمعا يا ابني الجماعه وصلوا بالسلامه سمعنا صوتهم متاخر
ناصر / اه وصلوا الحمد لله و ان شاء الله هيعدوا عليكوا النهرده لو كنتوا فاضيين
محمد / يانسوا و ينوروا البيت بيتهم بس ما تاخذنيش انا كنت عاوز اسال يعني فى حاجه و محرج منك
ناصر / لا كدا قسما بالله ازعل احنا بقينا اهل ما فيناش لا من كسوف و لا من حرج قول يا خويا خير
محمد / هو العدد هيبقي فى حدود كام يوم الخميس ان شاء الله عشان اعمل حسابي فى العدد
امين / كتير اوى يا حج دا نص الحريم جت امبارح و الباقي هيجوا الخميس علاطول
محمد يبان على وشه الهم و يداريه و يبتسم
محمد / يوصلوا بالسلامه ان شاء الله
محمد يجي يقوم ناصر يقعده
ناصر / احنا كمان كنا عاوزين نتكلم معاك فى حاجه
محمد / خير

ناصر / احنا ما اتفقناش على طلباتكوا مهر شبكه مؤخر انتوا طلباتكوا ايه
محمد / انا ماليش غير طلب واحد و انا متوسم فى مختار خير انه هيحققهولى
مختار / خير يا عمى
محمد / تحط البت فى عنيك و تتقى ربنا فيها عشان ربنا يكرمكوا و البنت بنتكوا و اللى يمشى على بناتكوا احنا راضيين بيه
ناصر / والله احرجتنا بكرم اخلاقك و بكره الايام تثبتلك انك زى ما اشتريت راجل احنا هنحط هند فوق روسنا من فوق
محمد / اصيل يا حج ناصر اصيل و تربيه امرا
محمد يقوم مختار يساعده
مختار / كان ليا عندك طلب يا عمى و ياريت ما تكسفني و لا تعتبرها اساءه ادب منى
محمد / قول يا ابنى اؤمر
………………
فى شقه هند
شيري بتزعق فى الصاله
شيري / مهو مش عشان هتتجوزى هنيجي على اخر السنه و نخيب يا ست هند مش هنقعد من الكليه يعني
هند تطلع من الاوضه بلبس البيت
شيري / برده يا هند
هند / ما انا زاكرت اللى اخدوه خليني اقعد اساعدك
شيري / اللبسي هوديكي الكليه و ان حكمت هستناكى لما تخلصي اجيبك و بناقص ناكل و نشرب و بناقص اى حاجه تانيه المهم ست هند تبطل دلع
هند / دلع !!
شيري / احنا ناس ما حيلتناش الا شهادتنا حاربى الدنيا لحد ما تاخديها
هند / انا داخله اللبس
هند تدخل اوضتها و تقفل الباب عبد الله يطلع من الحمام يبص لمامته
شيري / و انت كمان الامتحانات قربت لم نفسك بقي و اقعد على الكتاب ما حدش هينفعك ما حدش بينفع حد
عبد الله يروح يحضن مامته تفك حضنه و تدخل المطبخ تفضل ترزع فى المواعين
شيري / يارب عدى الايام دى على خير استرها معانا يارب ما لناش غيرك
……………………

قدام الشهر العقارى
عباده و ناصر و مختار و راجل خارجين من المبنى
الراجل / مبروك عليك يا مختار يا ابني
مختار / الله يبارك فيك يا حج مجدى
ناصر / اوعى ما تجيش الخميس
مجدى / ان شاء الله اجى ازاى دا الغالى و الغاليه ربنا يتملكوا على خير يا ابني ربنا يصلحلكوا الحال و يهديلكوا العاصى
مختار / امين يا حج امين
مجدى / عن اذنكوا انا بقي
ناصر / اتفضل يا حج اتفضل
مجدى يمشي
مختار / انا هستاذن انا كمان
عباده / على فين يا عريس
مختار / سلام
مختار يسيبهم و يركب العربيه و يمشي و هما بيتابعوه و مبتسمين
ناصر / بطل رخامه يا عباده
عباده / هههههههههههههههههه دا حبه كدا يعنى يا كبير
ناصر / ماشي يلا احنا كمان زمان عبد الرحمن مستنينا
سليمان / يلا
الكل يتحرك