رواية البر التاني الفصل العاشر 10 بقلم لولو محمد

رواية البر التاني الجزء العاشر

رواية البر التاني البارت العاشر

رواية البر التاني الحلقة العاشرة

ناصر / اوعى ما تجيش الخميس
مجدى / ان شاء الله اجى ازاى دا الغالى و الغاليه ربنا يتملكوا على خير يا ابني ربنا يصلحلكوا الحال و يهديلكوا العاصى
مختار / امين يا حج امين
مجدى / عن اذنكوا انا بقي
ناصر / اتفضل يا حج اتفضل
مجدى يمشي
مختار / انا هستاذن انا كمان
عباده / على فين يا عريس
مختار / سلام
مختار يسيبهم و يركب العربيه و يمشي و هما بيتابعوه و مبتسمين
ناصر / بطل رخامه يا عباده
عباده / هههههههههههههههههه دا حبه كدا يعنى يا كبير
ناصر / ماشي يلا احنا كمان زمان عبد الرحمن مستنينا
سليمان / يلا
الكل يتحرك
………………

فى كافيه
هند قاعده ماسكه الكتاب و قدامها فنجان قهوه تليفونها يرن رقم غريب تبص فيه و تسيبه يرن يخلص رن و يرن تانى ترد
هند / الو
مختار / السلام عليكم ازيك يا هند انا مختار
هند / مختار مين
مختار / مختار الزيني
هند / اه سورى اممم انت جبت رقمى ممم انا
مختار / انا استاذنت عمى اكلمك فى التليفون و هو ادانى النمره انا كنت فى مشوار فى الشهر العقاري و فاضلي ربعايه و ادخل على الجامعه اروحك لو انتى لسه هناك
هند تحط ايدها على بقها و تبص الناحيه التانيه
مختار / الو الو هند الو
هند / معاك يا مختار بس انا مش فى الكليه
مختار / روحتى ؟؟ هو المحاضره اتلغت و لا ايه
هند / انا ما روحتش الكليه انا قاعده فى كافيه قريب من البيت
صمت
هند / انا مش عاوزه اروح الكليه و ماما صممت و اتخانقت معايا فسبت البيت و نزلت
مختار / اسمه ايه الكافيه ده و فى انهى شارع
…………………….
فى شقه شيري
انتصار و مريم و بنات و ستات كتير قاعدين شيري تدخل تحط صينيه كبيره عليها كبايات شاي
شيري / مش كل مره كدا يا حجه انتصار تيجي شايله و محمله ايه خايفه تدوقى طبيخي و لا ايه
انتصار / ازاى بس طب دا انتى الخير و البركه المهم نرجع لموضوعنا
شيري / قولتلك يا حجه الكلام فى التفاصيل دى مع محمد جوزى مفيش كلام بعد كلامه
انتصار / و هو احنا هنكسر كلامه احنا يادوب هنشتري الشبكه و نفرح العرسان و بعدين ما انتى برده تقدرى تقنعيه بطريقتك
شيري / ان شاء الله ربنا يعمل اللى فيه الخير
باب الشقه يتفتح و عبد الله يدخل يتفاجئ و يرجع يقف على الباب
شيري / ههههههههههههههه ثوانى
شيري تقوم تروح لعبد الله
شيري / عدى ادخل اوضتك و انا هدخلك الغدى
عبد الله / عاوز ادخل الحمام
شيري / ما تدخل هو انت يعني هتسيب الباب مفتوح ما تدخل
عبد الله يبصلها بحرج تبتسم يدخل الحمام تروح تشاورلهم
شيري / ثوانى هغرفله ياكل فى اوضته عشان عنده درس تاني
انتصار / بالتوفيق ان شاء الله معلش يا اختى ما تاخذيناش جينا كدا و لخبطنالك اليوم
شيري / ابدا دا انتوا نورتونا ثوانى بس
شيري تدخل المطبخ

انتصار / قومى يا مريم ساعديها
مريم تدخل المطبخ
…………………
فى السرايا
سماح بتكلم عصام
سماح / و هو يعني عشان كلهم سافروا انا حصتى تتلغى
عصام / والله ما كنت اعرف انك فى البيت قالولى انكوا سافرتوا مصر عشان خطوبه الباشمهندس مختار
سماح / دى لسه يوم الخميس
عصام / يعني حصه الخميس كمان هتتلغى
سماح / شوفت ذنبي ايه انا بقي
عصام / طب انتى ما روحتيش معاهم ليه
سماح / مش كلنا روحنا انا ورايا مزاكره هروح الاربع بالليل و ارجع الجمعه
عصام / توصلي بالسلامه على العموم انا ممكن ابعتلك تمارين تحليها و تستغلى انك موجوده و انا معاكى اهو لو احتاجتى اى حاجه هساعدك
سماح / ربنا يخليك ليا والله انا مش عارفه من غيرك كنت عملت ايه والله كان زمانى سبت المدرسه خالص
عصام / ليه بس
سماح / اعمل ايه ما كل حاجه اهو بتعطلنى عن المزاكره و حتى المدرسين فى المدرسه كلهم عواجيز و كشريين ما عدا حضرتك طب والله انا بحب حصتك اوى بحس انى فاهمه اصلك حسك هادى و شرحك حلو
عصام / طب يا ستى الف شكر
سماح / لا بجد والله حتى تفكيرك مختلف كدا و عقلك كبير و اهم حاجه انك بتحترم البنات الا صحيح انت عمرك ما قولتلى انت عندك اخوات بنات
عصام / لا عندى اخ اكبر منى
سماح / ما كنتش اعرف استاذ زيك كدا برده
عصام / محاسب فى شركه كيماويات زراعيه
سماح / ربنا يخليكوا لبعض انا ما ليش غير عباده بس ما كملش تعليمه عشان كدا مش فارق معاهم انى اكمل خايفين يزعل
عصام / و ايه اللى يزعله طب دا حتى اخوكى راجل محترم و لسه مجدد المدرسه الابتدائي اللى فى اول البلد
سماح / ربنا يباركله انا هقفل بقي عشان اللحق اعمل الغدى قبل ما ابويا يرجع ما تنساش تبعتلى التمارين اتسلى فيها
عصام / تمام ما فيش مشكله مع السلامه
سماح / لا اله الا الله سلام
سماح تقفل السكه و تفتح النت و تقعد تقلب فى الفايس
……………………..

فى كافيه عند هند
مختار / بس الهروب عمره ما كان حل يا هند
هند / حتى انت
مختار / خصوصا انا اللى حصل ده اول مره يحصل صح
هند تهز راسها بحزن
مختار / و اخر مره ما ينفعش اهلك يبقوا فاكرينك فى مكان و انتى فى مكان تانى
هند / غصب عني ما حدش فاهمنى ماما فكرانى بدلع انا تعبت ما حدش حاسس بيا
مختار / طب خلاص نقطم هنا و نبدا من اول السطر انا اخدت الاذن من عمى محمد انى اوديكي و اجيبك و هو عمره ما هيتعرضلك و انتى معايا
هند / بيتهيالك دا
مختار / طب يبقي يعملها
هند / هتفضلوا تضربوا فى بعض لحد امتى
مختار / و انتى هتفضلى مداريه منه لحد امتى انتى عارفه ايه اللى وصل الدنيا لكدا سكوتكوا و انتى عارفه لو من اول مره لقى اللى يقفله ما كانش اتجرا للدرجه دى
هند / انت بنفسك قولتلى الاب بيضطر
مختار / و انا مش ابوكى انا هبقي جوزك و ما حدش هيبقاله كلمه عليكي بعد كلمتى
هند / يعني ايه
مختار / يعني كل واحد يعرف حده و يلزمه و كدا كدا احنا مش هنطول فى الليله دى كلها كام شهر و نتخرج و اخدك و نسافر البلد و علاقتك بيوسف ده تبقي خفافي فى الزيارات عشان صله الرحم مش اكتر
هند / هو احنا هنعيش فى السرايا
مختار / عاوزه تعيشي فين انا اشتريت النهرده الشقه بتاعتى بقت ملك خلاص هنبقي نيجي فى الاجازات نقعد فيها و اهلك ينورونا فى اى وقت المضيفه موجوده و لو عاوزين نخصصلهم جناح فى السرايا اهلا و سهلا
هند / انا مش عارفه هعرف اتعامل فى وسط كل دول و لا لا و بصراحه ماما مخوفانى
مختار / الناس دى هتبقي اهلك وقت تعبك هتلاقي الف ايد تسندك و تشيلك و تخدمك وقت زعلك هتلاقي الف ايد تطبطب عليكي
هند / بس انا مش محتاجه الف ايد
مختار / ما انا هكون اولهم
هند تنكسف و تبص فى الارض
مختار/ بقولك ايه اكلتى حاجه
هند / قول ما اكلتيش حاجه
مختار / هههههههههههههههههههه الف هنا تحبى نروح و لا نشرب حاجه و لا ايه
هند / خلينا نكمل كلامنا الاول افرض مرتحتش وسطيهم افرض كان فى مشاكل
مختار / يعني عندك استعداد تجربى الاول
هند / ايوه عندى
مختار / خلاص وقتها اللى يريحك انا هعملهولك
هند / وعد
مختار / وعد
هند تبتسم مختار يبتسم هند تشاورله على الموبايل و هى مبسوطه
هند / انا سجلت رقمك خلاص
مختار يبتسم اوى
…………………….

على قهوه
عبد الرحمن / والله العظيم ما ناقصني حاجه و بعدين هو انا هنكسف اطلب منكوا يعني
ناصر / لا مش هتقول يا عبد الرحمن مش هتقول حاجه انت فاكرنى قاعد فى البلد و نايم على ودانى و مش عارف اخبارك اول باول هنا ياض دا انت الغالي ابن الغالي
عبد الرحمن / ربنا يخليك يا ابن عمى بس والله فعلا مش ناقصني حاجه
ناصر / بلاش ناقصك ايه اخبار دراستك ايه و مصاريفها انا عارف ان الصيدله بتكلف و خصوصا الابحاث بتاعتك دى
عبد الرحمن / الحمد لله كلو تمام بجد لو احتاجت حاجه هقول
سليمان / و اخبار الاكتشافات و الاختراعات ايه يا زويلنا
عبد الرحمن / ههههههههههههههه اتريق اتريق
سليمان / طب والله ابدا بالعكس دا احنا فى البلد بنتباهى بيك و عارفين انك بكره توصل و تبقي حاجه كبيره
عباده / انا بحطلك نصيبك من ورث ابوك اول باول فى حسابك فى البنك صحيح انت ما بتسحبش منه و لسه مصمم تمد ايدك لجوز امك بس اهو بفكرك انك مش فقير دا انت زيني ابن زيني
عبد الرحمن / بتجيلى رساله شكرا
ناصر / اخبار الست الوالده ايه
عبد الرحمن / كويسه الحمد لله باعته لحضرتك السلام
سليمان / والله لسه فيها الخير و بتسلم
ناصر/ سليمان خف ابعتلها سلامى
عبد الرحمن / يوصل ان شاء الله
امين / هتيجوا يوم الخميس قرايه فتحه مختار
عبد الرحمن / اساسي اول واحد هحضر ان شاء الله
ناصر / ان شاء الله
……………………….
فى الكافيه
هند / بس انت اهلك شكلهم بيحبوك اوى
مختار / الحمد لله و بيحبوكى انتى كمان على فكره
هند / و انا كمان بحبهم اوى بس اقصد اللى هو بص ما تفهمنيش غلط بس فى العاده قرايه الفاتحه بتبقي على الضيق انما انتوا العيله كلها جت
مختار / عيله ايه ؟ دول مش العيله
هند / فى اكتر
مختار / ههههههههههههههه بكتير
هند / الله اكبر و ياترى علاقتكوا كويسه بيهم كلهم
مختار / جدى الله يرحمه انا موعاش عليه بس كان دايما يقول الناس لتنداس
هند / يعني ايه
مختار / يعني بلغتكوا كدا العلاقات الكويسه مع الناس و الاهل هما اللى هيحموك ان حد يجي عليك او يدوسك
هند تهز راسها و تبص الناحيه التانيه بحزن
مختار / كل دول هيبقوا اهلك لو فى يوم حد جه عليكي دول اللى هيتصدوله
هند / و لو فى يوم حد منهم جه عليا
مختار / الباقي هيقفله و انا اولهم بس فى حاجه لازم تفهميها من اولها
هند تبص لمختار
مختار / ما يفرقش الرجاله الا حاجتين الفلوس و الحريم و احنا قادرين على الفلوس بس ما يقدر على الحريم الا ربنا
هند / هههههههههههههههههههههههه

مختار / على فكره انا بتكلم جد مش بهزر
هند / طب ما انت بتقول كلام يضحك اعمل ايه
مختار / المهم اللى اقصده ان ما تدخليش الرجاله و انا منهم فى مشاكل الحريم فلانه قالت فلانه عادت خالتك عملت اختك سوت
هند / طب مهو لو حد فيهم ضايقنى اعمل ايه
مختار / انتصار هتبقي هناك مكان امك هنا و هى بتحبك و مش هتخلى حد يجي عليكي و انتى زكيه و شاطره و هتعرفي تكسبي الكل
هند / ما حدش بيكسب الكل على فكره
تليفون هند يرن تبص لمختار
هند / دى ماما
مختار يبص فى ساعته
مختار / حقها تقلق احنا فعلا الوقت سرقنا جامد فى الكلام
مختار يشاور للمتر على الحساب و هند ترد
هند / ايوه يا ماما … جايه اهو … لما هاجى هحكيلك
هند تبص لمختار متابعها
هند / تمام … مع السلامه
الوايتر يجيب الحساب مختار ياخده منه
هند / هتعمل ايه
مختار يبصلها تسكت و تلم نفسها مختار يحاسب و يقوم هند تقوم معاه و يمشوا مختار يفتح العربيه و يركب هند تفضل واقفه تبص على مختار و هى مستغربه مختار ينزل
مختار / ما ركبتيش ليه والله قايل لابوكى هوديكي و اجيبك و وافق
هند تبصله و تروح تركب مختار يركب و يسوق
……………………
فى شقه هند
شيري / انا مش مرتاحه للجوازه دى
محمد / لا اله الا الله فى ايه يا شيريهان فى ايه مالك بلاها الجوازه خالص لو ده هيريحك بس اديني سبب مقنع هتقولى للبت ايه
شيري / هقولها الناس دى مش مناسبين لينا يا محمد بنتى ازاى هتعيش فى وسط كل دول دا انا اتخنقت من كترتهم فى البيت و رايحين جايين بين الشقتين بعيالهم و ياريت مقضي دى حياله قرايه فاتحه امال فى الفرح مين هيجي
محمد / انتى مش روحتى بيتهم و شوفتي كميه البشر اللى فيه دا حتى نصهم ما جاش
شيري/ و ده اللى ناقص
محمد / مختار راجل ابن حلال و محترم و مش هنلاقي زيه
شيري / هند مش هتعرف تعيش وسطيهم هى مش واخده على العيشه دى
محمد / هسالك سؤال
شيرى / اتفضل
محمد / الغدى اللى اكلته انا و ابنك النهرده مين اللى عامله
شيري / هم
محمد / اقفاص الفاكهه اللى مخليه المطبخ شبه مخازن سوق الخضار و مش لاقين مكان فى التلاجه نحطها فيها مين اللى جابها
شيري / مش دى مشكلتى
محمد / انتى شوفتى المسجد النهرده فى صلاه الفجر طب والله كنت فى نص هدومى و العيله من كبيرها لصغيرها ماليه المسجد و انا ابني نايم فى البيت من يوم ما الجدع ده سكن لا عمرنا سمعنا دوشه و لا ضحكه كدا و لا كدا و لا عمره فوت فرض دا صلاه الفجر كان بيوصل اول واحد عينه علاطول فى الارض لما بتبقوا واقفين و عمره ما جرحكوا ببصه كدا و لا كدا
شيري / مختار زى الفل و اهله فلين بس
محمد / بيت العيله
شيري / ايوه و كمان بعيد اوى عنى
محمد / بنتك فرحانه يا شيريهان
شيري / اتكتمت
شيري تسيب المكان و تمشي و هى بتنفخ
…………………..

قدام البيت تحت
راجل بيمسح المدخل و يشد الميه بالمساحه مختار يركن العربيه و ينزل و هند لسه راكبه متبعاه من الشباك مش بيتحرك تنفخ وتنزل تبصله يبتسملها تبتسم
مختار / حاسبى هدومك تتبل
هند تبتسم و تتحرك ناحيه البوابه يتحرك وراها ويحيي الراجل براسه فجاه يسمع صوت فرمله قدام البيت يبص وراه يلاقي بلطجيه نازلين بسلاح ابيض من فوق عربيه نص نقل مختار يزق هند جوه و يشد البوابه يقفلها وهو بيصفر بصوت عالى هند تمسك فى البوابه و هى مخضوضه و عينها في عين مختار مختار يشد المساحه من ايد الراجل و يمسكها بالعرض يصد السنجه اللى فى ايد اول واحد و يضربه بالرجل فى بطنه يزقه لورا و يلف العصايه يضربه بالمساحه فى وشه الراجل يتخبط فى الحيطه و يقع فى الارض التانى يحاول يضرب مختار مختار يوطى و يفاديها و بالمساحه يكعبل التالت يوقعه على ضهره و يقوم يضرب التانى بالكوع فى ضهره يلاقي الرابع بيهجم عليه بسنجه يشد التانى قدامه و يتحامى فيه ياخد عنه الضربه فى صدره مختار يزقه على الرابع اهل مختار يتلموا و يمسكوا العيال مختار يرجع لهند واقفه متخشبه و ماسكه فى البوابه يكون محمد و عبد الله و الستات كلهم نازلين من فوق مختار يبص في عين هند
مختار / عدى من واحد لعشره بالراحه و ابعدى عن البوابه عشان افتحها
عبد الله يشد هند بعيد انتصار تحضنها و عبد الله يفتح البوابه
عبد الله / انت كويس
انتصار / انتى كويسه يا حبيبتي
شيري / هو ايه اللى حصل فى ايه و مين الناس دول
مختار / والله ما اعرف
مختار يبص عليهم متكومين فوق بعض فى الارض و معدومين العافيه
عباده / عبوا الكلاب دول فى العربيات عشان نسلمهم الحكومه
الرجاله يبصوا لعباده و يلموهم فى عربيات و يمشوا
مختار / انتى كويسه يا هند
عبد الله / حد خد نمره العربيه اللى نزلوا منها
ناصر / اهدى يا عبد الله يا ابني قدر و لطف
عبد الله / العيال دى لازم تتربي دول كان ممكن يموتوهم
محمد / هو انتوا هتاخدوهم على القسم مش نتصل بالبوليس يجي يعاين و نعمل اثبات حاله و لا ايه
مختار / اهدى يا عمى عشان قلبك و اطلع ارتاح
شيري / انتوا ازاى هادين اوى كدا امال لو ما كانش ابنكوا اللى كان هيتعور
مختار / ما انا سليم اهو ما فييش حتى خاربوش مفيش بس الا القميص اللى اتكرمش شويه نغيره مش حاجه
شيري / انتى كويسه يا حبيبتي
هند تهز راسها فى صمت
ناصر / مش تباركوا لمختار اشترى الشقه بتاعته تمليك عشان يفضل جنبكوا هو و عروستنا ان شاء الله
محمد / الف مبروك يا ابني تتهنى بيها هستاذنكوا الخضه بس اثرت عليا مش قادر اقف
عباده / عنك يا حج اتفضل
عباده يسند محمد و يطلعوا لفوق و الستات كلها تطلع
شيري / قدر و لطف تعالى يا هند
هند / هو انت كويس
مختار / زى القرد اهو مالى الحمد لله قدر و لطف
هند تهز رسها و تطلع مع مامتها و يفضل عبد الله واقف جنب مختار
مختار / انت مش هتطلع و لا ايه
عبد الله / ما انت كمان مش هتطلع
مختار يبتسم
مختار / اطلع زاكر و انا ساعه زمن و راجع

عبد الله / هتروح فين ما انا مش عبيط العيال دى ما راحوش القسم
مختار يبتسم
مختار / ماشي يا عبد الله انا طالع معاك اتفضل
مختار يطلع مع عبد الله
عبد الله / دا بدل ما تاخدنى معاك اعيش شويه اكشن
مختار / ههههههههههههههههههههه
مختار ياخد عبد الله تحت باطه و يطلعوا سوا
…………………….
فى شقه يوسف
يوسف بيتكلم فى التليفون
يوسف / يعني ايه يا خالى احنا ما اتفقناش على كدا … انت قولت هيبعت رجاله تخلص مش شويه عيال تتعبي فى شكاير و بعدين تجي تقولى الفلوس … مش دافع و اعلى ما فى خيلهم يركبوه مهو لوحده طول الوقت جايين قدام بيته و يتحركوا … مهو مش مازنجر يعني
اسراء تفتح باب الاوضه و تدخل تربع ايدها
يوسف / هكلمك بعدين يا خالى سلام
يوسف يقف الخط
اسراء / اللى قاله خالك ده صحيح انت بعت بلطجيه لمختار خطيب هند
يوسف / مش ابويا وعدنى يجيبه متكتف
اسراء / ابوك وعدك مش انت اللى تعمل و تروح للناس و تتفق معاهم من ورانا الحمد لله الراجل عامل حساب لخالك ما اخدش معاك موقف
يوسف / اعلى ما فى خيله يركبه و قال كان نافخ نفسه اوى و انا بعمل و اسوى و اخلى و فى الاخر لبسوا طرح
اسراء /الناس دى ما بيتلعبش معاهم يا يوسف
يوسف / بقولك ايه يا ماما انا مصدع و عاوز انام يلا خدى الباب فى ايدك يلا
اسراء / انت لسه بتفكر فى هند دى بعد كل اللى عملته فيك
يوسف / الواد ده مد ايده عليا و لازم يتربي انتوا وعدتونى
اسراء / يا ابني انا خايفه عليك
يوسف / انتوا وعدتونى
اسراء / براحتك لما يجي ابوك بقي و يسمع الرقم اللى الراجل طالبه ابقي اصطفي مع ابوك
يوسف يبص الناحيه التانيه و مش مهتم اسراء تطلع بره
…………………………

فى شقه هند
هند قاعده على السرير تليفونها يرن مختار تبتسم و ترد
هند / الو
مختار / السلام عليكم ازيك
هند / الحمد لله انت عامل ايه
مختار / انا كويس ما صدقت كلهم ناموا طلعت اقف فى البلكونه شويه و اكلمك
هند / انا مش قادره اقف على رجلى اعصابي سابت
مختار / اتكلمتى مع مامتك حكيتيلها اللى حصل
هند / لا ما افتكرش انه وقت مناسب كلنا اتوترنا حتى بابا اخد حبايه و نام
مختار / لا اله الا الله
هند / على فكره يمني صحبتي بعتتلى الحاجات اللى فاتتنى لو تحب ابعتهالك
مختار / وقت تانى انا عاوز اتكلم معاكى
هند / فى ايه
مختار / اى حاجه ارغى هو رغى الحريم بيخلص
هند / ايه الاسلوب ده
مختار / احكيلى اللى حصل فى اخر حلقه فى المسلسل الهندى اللى بتتفرجى عليه
هند / ما بتفرجش على هندى
مختار / يكملك بعقلك يا بنتي
هند / بتفرج على تركى
مختار / يختاااااااى يا مرك يا مختار
هند / ههههههههههههههههههههههه
مختار / احسن دلوقت و لا لسه اعصابك تعبانه
هند / انت بتحاول تنسيني الخضه شوف و انا اللى فاكره انك … ماشي ماشي
مختار / لا مهو انا برده لا تعارض بينهما يعني
هند / ههههههههههههههههههههه انت بتقول ايه طب انا كنت هقول انك ايه اصلا
مختار / والله مثلا اننا نعمل زى المخطوبين كدا و نقعد نحب فى بعض فى التليفون و كدا
هند / لا ذكى ما شاء الله
مختار / بس انا مخيب للامال جدا فى الموضوع ده للاسف
هند / غريبه مع انك شغال كويس اهو
مختار / مهو انا بجتهد يعني
هند / ههههههههههههههههههه
مختار / انا خبراتى فى الحريم لا تتعدى اخواتى و بناتهم اكتر من كدا العلاقه محدوده فى ابسط الحدود يعني حتى بنت عمى يعني صباح الخير و سلام ربنا و شكرا
هند / بجد !!! يعني عمرك ما كلمت بنت و لا اى حاجه و لا فى درس و لا مدرسه و لا اى حاجه
مختار / استغفر الله دا الحمد لله انى بكلمك اساسا
هند / مش وحش على فكره حلو بس يا ترى ناوى تستمر و لا بعد الجواز هتعوض الحاجات اللى فاتتك
مختار / انتى و شطارتك بقي
هند / نعم !!!
مختار /ههههههههههههههههههه بهزر بهزر تعرفي انا عمى شاكر ابو عباده عاش عشرين سنه مع المرحومه مراته و هى ما بتخلفش و ما رضيش يكسر نفسها و يتجوز عليها مع ان الكل كان ماسك ودانه و سبحان الله ربنا كرمه بعدها بعباده و سماح على كبر يعني ما تخافيش احنا ولاد اصول و بنتقى ربنا قوى يعني
هند / باين عليكوا اوى على فكره
مختار/ ربنا يحفظك و انتوا كمان طيبين و اولاد حلال
هند / هو بما اننا بريكينج ذا ايس و كدا فممكن اسالك فى حاجه
مختار / اتفضلى
هند / النهرده و انت بتروحنى روحت ركبت العربيه و لما وصلنا نزلنا مش يعني بص هو اللى اعرفه يعني الخطيب بيفتح الباب لخطيبته و كدا يعني
مختار / مخدناهاش فى المدرسه دى بس لو الحاجات دى بتفرق معاكى اخد بالى منها
هند / مخدتهاش فى المدرسه ايه يا ابني انت ما بتشوفش افلام و لا ايه
مختار / بشوف بس ما بركزش من اسمها افلام بس لو بتفرق معاكى اخد بالى و اجبلك ورد و شيكولاته و دباديب و كدا مش كدا
هند / ههههههههههههههههه كفايا شيكولاته
مختار / جيتي فى جمل املالك السرايا شيكولاته بس بلاش الورد و الدباديب عشان ما يتحفلش عليا بس
هند / و لا ورده واحده حتى
مختار / شكلك داخله على طمع طب ما تاخدى حقك ناشف
هند / ههههههههههههههههههههه لا مش عاوزه فلوس

مختار / راجعى نفسك يا بنت الناس ما حدش يقول للفلوس لا
هند / يا سيدى مش عاوزه
مختار / خلاص هجبهالك بس فى الخباثه
هند / هو انت بتعمل جريمه
مختار / معاق معلش استحمليني الورد و الدباديب و المحن ده بيجبلى ارتيكاريا
هند / هو انت عاوز تتجوزنى ليه يا مختار
مختار / انتى وافقتى عليا ليه
هند / انا سالت الاول
مختار / طب ينفع اجل الاجابه شويه يعني لبعد كتب الكتاب كدا
هند / يا سلام و انا هستني لما اتجوزك عشان اعرف انت عاوز تتجوزنى ليه
مختار / لا اله الا الله و انا اقولهالك ازاى دى
هند / هو الموضوع صعب كدا ما تقول يا ابني و خلاص
مختار / من غير ما تفهميني غلط و لا تقفلى السكه و تقولى قليل الادب عشان احضنك
هند وشها يحمر فى صمت
مختار / بقالى فتره كل ما اشوفك ابقي عاوز احضنك بفكر فيكي طول الوقت بقيت بتلكك اطلع البلكونه عشان اشوفك حاولت اقفل البلكونه الفتره اللى فاتت و ابعد ما قدرتش انتى فى كل حته قولت ما دام مفيش مهرب اتقدم بقي و خلاص
هند / ما كنت ماشي كويس يلاااااهوى
مختار / ايه قولت ايه انا
هند / ما قولتش انا فاهمه قصدك هى بس طريقتك فى التعبير مختلفه كل حاجه فيك مختلفه بصراحه
مختار / ليه
هند / العادى او المتوقع مثلا هتقول عشان جميله مثلا
مختار / اكدب يعني
هند / ايه !!!
مختار / والله ما اقصد قسما بالله ما اقصد انتى جميله والله و حلوه بس اقصد يعني انى مش هتجوزك عشان انتى جميله بس مش اول مره اشوف واحده جميله يعني يختاااااااى
هند / هههههههههههههههههههه
مختار / اقصد انى مش كل ما اشوف واحده حلوه هتجوزها يعني لا انا فى حاجه جوايا ناحيتك مختلفه عن اى بنت تانيه شدانى و كدا يعني
هند تبتسم اوى
مختار / انا مش نافع فى الحاجات دى صح
هند / بالعكس
مختار / طب اقولك حاجه بجمله العك بقى
هند / هههههههههههههه قول
مختار / انا يوم ما وقفتيني تركبي معايا كنت ماخر نفسي قاصد مش اول مره اعملها كنت بقف استني اشوف لو ركبتي معاه بمشي
هند / انت بتتكلم جد
مختار / ياريت كنت اقدر اعمل عشانك اكتر بس مش من حقى ادخل فى حياتك انا حيالله جارك و زميلك فى الكليه
هند الابتسامه تروح من وشها
مختار / بس كل ده اتغير دلوقت كلها حاجه بسيطه و تبقي بتاعتى المهم مش هتجاوبى بقي على سؤالي و تقولى انتى وافقتى عليا ليه
هند / ممكن اقفل دلوقت و نتكلم بعدين
مختار / صحيح ان كيدهن عظيم تخليني انا اتكلم و بعدين تقفلى لما يجي دورك
هند / معلش يا مختار لازم اقفل سلام
هند تقفل و تحط الموبايل جنبها و تقعد تعيط على اخرها عبد الله يفتح الباب و يدخل هند تحط وشها فى المخده و تدى ضهرها لاخوها يجرى عليها يشوف مالها

عبد الله / هند بتعيطي ليه مالك
هند / سبني لوحدى يا عبد الله
عبد الله / لا مش هسيبك انا سمعت صوتك من بره الدحك كنت ساكت ليه عيطتى فى الاخر قالك حاجه زعلتك فى ايه
هند / انا ما ليش بخت مش مكتوبلى افرح
عبد الله / طب فهميني قالك ايه بس ايه اللى حصل
هند / مختار مش بيحبني مختار اتجوزنى عشان يبعد عنى يوسف شفقه عشان ما حدش فى اهلى عارف يحميني فقرر يضحى بنفسه
عبد الله / مستحيل مختار يكون قالك كدا مستحيل انا هتكلم معاه و افهم منه كل حاجه
هند / استني يا عبد الله
عبد الله يقوم و هند تحاول تلحقه ما تحصلوش و تسمع صوت قفل باب الشقه عبد الله يضرب الجرس بالراحه على شقه مختار مختار يفتح يشوف ملامح عبد الله الابتسامه تروح من وشه
مختار / لو جاى تعاتبني على كلامى مع هند انا واخد الاذن من عمى محمد عشان نقرب من بعض اكتر و كدا
عبد الله / لو فاضي خمس دقايق عاوزك فى موضوع
مختار يبص جوه رجاله نايمه فى الارض
مختار / الدنيا زاحمه عندى تعال ننزل نروح نقعد فى اى حته
عبد الله / ماشي ثوانى هلبس و اجيلك
مختار / تمام
عبد الله يضرب جرس شقته هند تفتح يدخل و يقفل الباب و مختار واقف مش فاهم
…………………..
فى شقه يوسف
اسراء / يعني ايه
محمود / يعني و لا واحد من الرجاله رجع و عاوزين نص مليون جنيه تعويض
اسراء / نص مليون عفريت لما يركبوهم ليه و احنا مانا ما يروحوا يحاسبوا سى مختار مش هو اللى قتلهم
محمود / يا سيدتى الراجل متفق مع ابنك على كدا الغرزه بالف و الميت بميه
اسراء / يورينا شهاده الوفاه و بعدين يتكلم مش يمكن هو مخبيهم
محمود / والله قولت كدا قالى هنستني اسبوع ان ما ظهروش هنعتبرهم ميتين و اخوكى بعت حد يطقس فى المنطقه يشوف ايه اللى حصل و خلص على ايه عشان نفهم برده
اسراء / ادى اللى بيجيلنا من ورا اخوك و اهله
محمود / و هو كان مين اللى عرف يوسف على الناس دول مش اخوكى انا داخل اتخمد
محمود يقوم و اسراء قاعده بتفرك
…………………..
على قهوه
مختار / قسما بالله ما حصل و لا كنت اقصدها اتاريها قفلت مره واحده انا قولت يعني انت و لا الحجه دخلوا عليها احرجوها و لا حاجه
عبد الله / انا قومت اشرب سمعت صوت ضحك قولت ارخم فجاه لقيت صوت الضحك اتحول لعياط
مختار / يا اخى البنات دول ما حدش يعرف يكلمهم لازم تفكر فى كل كلمه قبل ما تقولها بس والله ابدا
عبد الله / طب كلمها قولها انك ما تقصدش و فهمها و لا انت ناوى تعمل ايه
مختار / لا مش هينفع تليفون ساده كدا مش بتقول كانت بتعيط
عبد الله / يعنى هتعمل ايه يعنى
مختار / و انا اش عرفنى انا هو انا كنت شايفنى بفهم فى البنات اوى انا عن نفسي اى واحده من اخواتى و لا بناتهم بتزعل براضيها بهديه اخدها اجبله حاجه دهب و لا طقم حلو كدا تلبسه

عبد الله / هى ناقصها هدوم يا عم خليك رومانسي ورد علبه شيكولاته دبدوب
مختار / ايه يا عم قله القيمه دى خلينا فى الدهب احسن
عبد الله / الورد بيفرق جدا مع البنات
مختار / ما تهزرش يا عبد الله انسى حكايه الورد دى اشيله فى الشارع ازاى و لا منظرى ايه و انا شايله يعنى دا انا تشيلنى قنابل و لا تشيلنيش ورد
عبد الله / ههههههههههههههههههههههههههه يخربيت الاوفر يا عم ما كل الناس بتشيل ورد عادى يعنى
مختار / افرض حد من اهلى شافنى و انا شايله والله ابقى مالسه العيله شوف حاجه تانيه شوف حاجه تانيه
عبد الله / ههههههههههههههههههههههههههههههههه
…………………………..
فى شقه مختار
انتصار / المكان ضيق و مش هيساعى و لسه اللى هيجوا من البلد
ناصر / احنا اللى كتير و الناس ما كانوش عاملين حسابهم
انتصار / و انا قولت حاجه انا بقول نشوف مكان شرح كدا نقضى فيه الليله و نفرح و نفرحهم مهو اكيد برده ليهم اهل هيجوا و كدا
ناصر / كدا هنبقى بنحرجهم
انتصار / يا خويا ما تكبرش المواضيع ما فيهاش حرج و لا حاجه هو فيها ايه يعنى لما نفرح الواد و البت و نعملهم ليله حلوه
ناصر / فيها انها قرايه فتحه لا هى دخله و لا كتب كتاب
انتصار / طب ما احنا فيها
ناصر / ههههههههههههههههههههههههههه يا وليه انتى مستعجله على ايه لسه بدرى
انتصار / طب هو فين مختار دلوقت
ناصر / خرج كلمته و قال فى مشوار و راجع
انتصار / هو مش انا من اول مره سمعت فيها اسم هند و انا بقولك فى نصيب ايه رايك بقى ان مختار يا مع هند يا فى مشوار بخصوص هند
ناصر / والله ما هيجيب الواد ده الارض الا عنيكوا اللى راشقه فى حياته دى
ناصر يقوم يلبس
انتصار / انا هحسد ابنى يا ناصر … انت رايح فين
انتصار تقوم تساعده
ناصر / هفضل راقد يعنى هاخد الرجاله و ننزل نقعد على القهوه شويه و لا اى حاجه و نسيبكوا تاخدوا راحتكوا
انتصار / هتتاخر
ناصر / هتخطف و لا ايه
انتصار / بنات مصر حلوين و عنيهم قادره
ناصر / هههههههههههههههههههههههه ربنا يهديكى هو فى بعد عنيكي عنين يا ام فاتن
انتصار / بطمن
انتصار تدلع بخجل
ناصر / ههههههههههههههههههههههههههههه لا اطمنى ربنا يباركلى فيكي و فى البنات بالاذن
…………………………
قدام شقه هند
مختار طالع السلم شايل ورد و علبه شيكولاته و هو هيطق و عبد الله طالع وراه و هو بيضحك
مختار / صدق من قال السنجله جنتله و الجواز بهدله
عبد الله / ههههههههههههههههههههههه يا عم انت لسه على البر و بتقول كدا
مختار / قسما بالله قلبى هيقف خايف حد يشوفنى
عبد الله / اشيلهولك انا طيب
مختار يديهوله
عبد الله / ايه يا عم ما تنشف كدا دا ورد
مختار / مهو المصيبه انه ورد

عبد الله / انشف كدا و متغيرش فكرتى عنك فين مختار الناشف اللى اعرفه
عبد الله يضرب الجرس
مختار / طرى يا خويا و جاب ورد
باب شقه مختار يتفتح و ناصر يخرج مختار يتنح و عبد الله ماسك نفسه من الضحك
ناصر / سرها باتع انتصار
انتصار تطلع
انتصار / يا سيدى يا سيدى الا اخوك ما دخل عليا بربطه بقدونس حتى
مختار / عاجبك كدا
هند تفتح الباب تلاقى مختار شايل ورد تبتسم
انتصار / ايه هتفضلوا واقفين كدا
عبد الله / ما تديهولها يا عم
مختار / اول و اخر مره يكون فى علمك اتفضلى انا ما كنتش اقصد اللى فهمتيه
عبد الله / كان عاوز الراجل يحطه فى كيس اسود عشان ما حدش يشوف اللى جواه
هند تاخد الورد و هى مكسوفه مريم تطلع هى و البنات
مريم / الله يا خالى دا حلو اوى
عبد الله / ايه يا بنتى مفيش شكرا و لا اى حاجه
هند تبص لعبد الله بخجل و تبص لمختار واقف مبتسم تبتسم
هند / شكرا
مختار / احم انا كنت بقول اجيب حاجه دهب و لا طقم بس عبد الله قالى ان الورد هيراضيكي احسن
انتصار / انت لحقت زعلتها
مختار / لا والله دا سوء تفاهم يعنى
انتصار / تلاقيك طالع لاخوك
ناصر / يا وليه انا مش لسه قايلك كلمتين حلوين جوه
مريم / هههههههههههههههههههههههههههههه
ناصر / جبتلنا الكلام يا عم انا نازل اقعد على القهوه
مختار / طب ايه اجى معاك و لا ايه
ناصر / خليك يا عم ربنا يعينك على اللى انت فيه
ناصر ينزل و شيرى تطلع هى و محمد يشوفوا فى ايه
عبد الله / طب ايه هنفضل على السلم كدا
شيرى / الله ايه الورد الحلو ده اتفضلوا
عباده يطلع من جوه هو و امين
عباده / هو فى ايه يا جدعان ايه اللمه دى … يا سيدى يا سيدى
مختار / بالمره يعنى عشان تبقى حفله واحده مفيش حد تانى جوه
هند / هههههههههههههههههههههههههه
مختار / تستاهل والله
هند تدخل على اوضتها تجرى و تقفل الباب
شيرى / هههههههههههههههههههههههه كسفتها تعالوا تعالوا اشربوا حاجه تعالوا
محمد / اتفضلوا انا كدا كدا كنت نازل اقعد على القهوه
محمد يمشى انتصار و البنات يدخلوا
عبد الله / انا هجيب كتبى و اجى اقعد معاكوا بقى
مختار / دا على اساس ان هيبقى فيها مزاكره تعال تانس و تنور تعال دا الحفله النهرده صباحى
عبد الله يدخل يجيب كتبه و عباده ساند على باب شقه مختار و بيغنى
عباده / الورد جميل
امين / جميل الورد
مختار / جمعيه و دايره يا حبيبى
عباده و امين يتكلموا و هما بيدخلوا اوضه
عباده / يحينا و يحيك ربنا يلا يا ابنى نكمل الماطش اللى باظ ده
امين / يلا … الورد جميل
مختار / مخلاص يا خفه بدل ما اجيلك
عبد الله / هههههههههههههههههههههههههههههههه
………………………………

فى شقه يوسف
يوسف بيكلم وسام فى التليفون
وسام / طبعا قلقت عليك مختفى من السوشيال طول اليوم و لا كلمتنى و لا جيت تزاكر معايا قلقت
يوسف / مفيش كنت نايم عادى
وسام / كل ده نايم على العموم نوم العافيه انا بطمن بس
يوسف / انتى عامله ايه
وسام / عايشه شوفت هند منزله ايه على الفايس
يوسف / مفتحتش نت بقولك كنت نايم منزله ايه
وسام / ورد و شيكولاته زوقه بلدى اوى
يوسف / انتى بتتصلى بيا تحرقى دمى يا وسام
وسام / يا ابنى دا انا بوريك الفقريه بنت عمك بقى دى يتبكى عليها بقى دى تقهر نفسك عشانها كدا
يوسف / غيرى السيره يا وسام لو سمحتى
وسام / عمرها ما كانت هتسعدك هى وخداك حق مكتسب
يوسف / قولتلك غيرى السيره يا وسام
وسام / مهما انت تعمل مش عاجبها لكن التانى باتفه حاجه تنبهر
يوسف يقفل السكه و يرزع الموبايل جنبه و يقوم يلبس
يوسف / ناقص امك انا على المسا ابو شكلك
…………………………..
على القهوه
محمد قاعد مع ناصر و سليمان و رجاله
محمد / و الله احنا كنا فاكرين انها هتبقى قرايه فاتحه و على الضيق و كدا يعنى
ناصر / و احنا فيها الوقت لسه بدرى كلمهم يلبسوا و نطلع على الصاغه العروسه تجيب اللى يرضيها و تبقى شبكه
محمد / دا الخميس بعد بكره هنلحق
سليمان / يا سيدى انت اتوكل على الله و احنا هنعمل كل حاجه دا احنا بلد بحالها ما شاء الله
محمد/ والله انا ما عارف اقولكوا ايه كل حاجه جت كدا على غفله
ناصر / انوى انت بس و ان شاء الله خير
محمد / على بركه الله
تليفون محمد يرن
محمد / دا محمود اخويا عن اذنكوا ثوانى
محمد يروح يقف فى جنب
محمد / السلام عليكم
محمود / بلا سلام بلا كلام فاضى خلى بنتك تمسح البتاع اللى مشيراه ده
محمد / بتاع ايه و فى ايه ما تتكلم بالراحه
محمود / هى كانت لسه اتقرت فتحتها عشان تنزل صوره ورد و المدعوق التانى ده بيجبلها ورد بمناسبه ايه
محمد يقفل السكه
محمد / سكتناله دخل بالزريبه بتاعته كلها
محمد يتصل
محمد / ايوه يا شيريهان اللبسوا … اه اللبسى و خلى هند تلبس هنروح دلوقت نجيب شبكه هند و مختار … زى ما سمعتى ربع ساعه و هنعدى ناخدكوا … قولت ربع ساعه يلا بقى … سلام
محمد يرجع متعصب
ناصر / فى حاجه و لا ايه
محمد / لا ابدا معقول بقى الواحد يبقى متعصب برده و هو رايح يجيب شبكه بنته ربنا يجعلها جوازه الهنا
ناصر / امين كلمهم فى البيت يلبسوا يا سليمان
سليمان / حالا يا كبير
سليمان يطلع الموبايل من جيبه
………………………………….

فى الصاغه
هند و شريهان و انتصار واقفين و كل واحده فى ايدها حاجه و الرجاله واقفين بره المحل من كتر الستات جوه و هند ماسكه طقم رقيق اوى و خفيف دهب ابيض و مختار واقف على الباب متابع اللى بيحصل جوه
انتصار / ايه البتاع ده نقى حاجه تقيله كدا تملا العين شوفى ده كدا
انتصار تديها طقم تقيل شيرى تبص على هند
هند / دا كتير اوى انا عاجبنى ده اكتر مش عارفه انتوا ايه رايكوا
شيرى / هو حلو اوى بس مش زوق بنات اليومين دول
انتصار / بقى مرات مختار الزيني تقعد وسط حريم البلد لابسه سلسله رفيعه كدا و فضه
الراجل / دا دهب ابيض يا مدام
انتصار / الستات فى البلد هيقولوا فضه … طب بصى خدي الاتنين اللبسى واحد قدام الناس بتوعنا و واحد قدام الناس بتوعكوا
شيرى تبص لهند و تسكت مريم تناول انتصار اسوره رقيقه
انتصار / بصى يا ماما دى حلوه ازاى ايه رايك يا هند
هند / دى حلوه اوى
ست / حلوه ايه هاتلنا يا عم عشر فرد غوايش كدا و لا حاجه
هند / انا ما ليش فى الدهب اوى مش هلبسه
انتصار / يا حبيبتي لما هتيجي تعيشى وسطينا و تلاقى الكل لابس هتلبسي انتى مش شويه يا روح قلبى
الراجل يجيب بالتتين غوايش
الست / ما فيش من العريض
الراجل / فى يا فندم
الست / ورينا طلعلنا الحلو كلو دى عروسه الغالى
هند تبص لمختار مش عاجبها الحاجه
مختار / بقولكوا ايه يا جماعه ما تطلعوا تشربوا ساقع كدا ربعايه
انتصار / هنخلص اهو و نشرب و نسهر
مختار / معلش ربعايه بس
انتصار تبص للبنات و تشاورلهم كل واحده تسيب اللى كانت منقياه و يطلعوا بره و مختار يدخل و يقفل باب المحل
مختار / لا مؤاخذه الزحمه بتوتر الواحد و بتضيع وقت على الفاضى
الراجل / ازاى بس يا مختار بيه المكان مكانك دا انتوا نورتونا النهرده
مختار / عشت … نقى براحتك بقى اللى يعجبك
شيرى / يا ابنى يا حبيبى احنا ما اعترضناش احنا حتى مش عارفين الشبكه بكام
مختار / نقى اللى يعجبك يا امى دا مهر هند و هند تتاقل بالدهب
شيرى تبتسم
شيرى / نقى يا هند
هند / ده عاجبنى بس هما
مختار / ما لكيش دعوه بيهم ده اللى عاجبك ؟
هند تهز راسها اه
مختار / تمام هناخد ده … ايه تانى
هند / مهو طقم كامل فاضل الدبله بس
شيرى / و المحبس … و شوفى حلق تشوفوا حلق ؟ … عندك حلقان حلوه ؟
الراجل / عندى تشكيله جميله جدا من زوق عروستنا انا متاكد انها هتعجبك
شاب يناول الراجل بالته حلقان دهب ابيض
الراجل / هتليق جدا مع الطقم اللى حضرتك اخترتيه
هند تبص و تحتار و تشاور على واحد
هند / ده
شيرى / حلو اوى كدا شوف عملوا كام
مختار / ههههههههههههههههههههه لا بس استنى معلش يا امى اصبرى احنا ما خلصناش … ده اللى اخترتيه
هند / اه حلو اوى
مختار / تمام هناخد ده كمان .. حاجه تانى يا هند
هند / لا كدا حلو اوى
مختار / طب بصى بصه تانيه
هند / اكتر من كدا ايه حلو

مختار / تمام روحى اقعدى بقى و ارتاحى شويه
هند تبصله باستغراب يروح يفتح الباب هند تروح تقعد
مختار / خشوا نقوا انتوا بقى بهدوء
الستات تدخل و شيرى واقفه وسطيهم و كل واحده بتنقى حاجه تقيله و تديها للراجل يوزنها شيرى تبص لهند و تروح تقعد جنبها هند توشوشها
هند / انا مش هلبس الحاجات دى ايه لزمتها
شيرى / اسكتى اركنيهم للزمن الدهب للبنات ستره و احمدى ربنا انا ابوكى خطبنى بالدبله اللى فى صابعى
هند / مصاريف بمصاريف كنا جبنا سولتير بقى اشيك
شيرى / انتصار معاها حق انتى هتقعدى وسط فلاحين مش دكاتره جامعه لازم تبانى وسطهم
هند / لازم يعنى
شيرى / انتى خسرانه ايه الناس باين عليهم شارينك و اللى جاب ده يجيب ده
انتصار / يا خويا شوفلنا حاجه اتقل انا عارفه ازواق مصر مالها خفيفه كدا ليه دا احنا عندنا المحلات فى البلد حاجه تانيه خالص
الراجل / ازاى بس يا مدام حالا اجبلك تشكيله تانيه خالص
……………………………….
فى شقه حمدى
محمود عمال بيزعق و حمدى بيحاول يكلم حد فى التليفون
محمود / ما تحاولش مش هيرد ادى اخره الدلع و المرقعه البيه بيقفل السكه فى وشى
حمدى / ما يمكن التليفون فصل و لا فى حته ما فيهاش شبكه اهدى انت بس
محمود / انا قولتها كلمه و مش هتنيها اللى هيخاطب محمد و لا لسانه يجي على لسانه يقطع معايا نهائى هو فرحان بنسايبه الجداد دا اللى ما لوش خير فى اهله ما لوش خير فى حد صحيح زى القرع يمد لبره
حمدى / لا اله الا الله كل ده عشان بوكيه ورد
محمود / بتاع ايه يجيبلها ورد و تنزله ما تلم نفسها و كفاياها فضايح و استفزاز طبعا منزلاه بتطلعنا لسانها
حمدى / انا متاكد ان الموضوع ابسط من كدا و انا يا سيدى هكلمه يخليها تمسح البوست
محمود / بقولك بكلمه قفل السكه فى وشى مش هامه البيه مش هامه بكره يفرح ببنته و هى بتنضف تحت البهايم فى الزريبه بكره يجيلنا معيط
حمدى / طب اهدى بس بكلمه
محمود / انا قولتها كلمه لا لسانك يخاطب لسانه و لا تسلم عليه محمد مات و خدنا عزاه و خلصت انا ماشى
محمود يمشى و حمدى واقف بيضرب كف على كف
حمدى / مش هنخلص احنا من الهم ده صبح و مسا انا عارف مش هنخلص
………………………
فى مطعم كبير
اهل مختار واخدين اكتر من ترابيزه الرجاله مع بعض و البنات مع بعض و اسره هند مع مختار و ناصر و انتصار و مريم على ترابيزه مع بعض و الكل بيضحك
مريم / و الجرافاته لازم تبقي لون الفستان
مختار / بجمله بقي هى يعنى جت على دى
عبد الله / اوفر اوى يخربيت كدا
مختار / بكره مش بعيد يا عبد الله
عبد الله / بس هو يجي يا اخويا هو بس يجي
شيري / مش لما تخلص دراستك الاول تبقي تفكر فى الجواز
عبد الله / مهو قالك بكره مش بعيد
شيري / بقولكوا ايه يا جماعه هو العربيات امان يعني اننا نسيب الحاجه فيها
ناصر / ما تقلقيش على الحاجه يا ست الكل
شيري / لا بصراحه قلقانه و حرفيا ما افتكرش انى هعرف انام و هى فى بيتي
انتصار / ههههههههههههههههههه دول حياله شويه صيغه امال لو كانوا حاجه جامده بقي كنتى عملتى ايه
محمد / هو احنا ممكن نخلى الدهب عندكوا فى السرايا امان يعني و كدا
ناصر / و عروستنا تمشي كدا فاضيه
شيري/ ما هى مستحيل تلبس الدهب ده فى الشارع تتخطف و لا يعملوا فيها حاجه
مختار / طب ليه الغلط ده بس يا امى
شيري / هههههههههههههههههههههه والله ما اقصد

مختار / ما تخافيش عليها يا ست الكل و على العموم لو ده هيريحكوا احنا ممكن نخلى الحاجات الخفيفه المدلعه هنا و الباقي فى البلد تلبسه لما تيجي زيارات و كدا
هند / دى فكره حلوه اوى و انا بشجعها
انتصار / خلاص اللى يريحك و لعلمك فى كردان ليكي معايا فى البلد امانه بتاع المرحومه رحمه ام مختار سيباه معايا امانه لمرات مختار لو كنت اعرف اننا هنجيب الشبكه كنت جبته معايا
مختار / زوقه مش هيعجبك لانه تقيل جدا بس هو غالى عندى اوى
هند تبتسم
هند / يشرفني اللبسه
مختار يبتسم
ناصر / بكره بقي تاخد عروستك و تخلصوا الليله دى القاعه و الفستان و الكوافير
مختار / ما تقلقش يا كبير اعتبره حصل هنطلع من الكليه نخلص كل حاجه
بنت تقوم من ترابيزتها تورى انتصار صوره على الموبايل
البنت / انا عملت بحث على الفايس عن قاعات الافراح و بعتلهم رسايل و لقيت اتنين فاضيين يوم الخميس و بعتولى الاسعار
انتصار / شايفين متيسره ازاى ابعتيهم لمختار و هو ينقى هو و عروسته و حلاوتك عندى
البنت تبتسم و ترجع ترابيزتها
هند / انت مش بتاكل ليه
مختار / مش بعرف اكل غير الاكل البيتي
هند / بس المكان شكله نضيف و الاكل طعمه حلو
مختار / محسوك
هند / ههههههههههههههههههههه
مريم / ما تحاوليش ياما حاولنا تربيه امى بقي
انتصار / ما فلحتش فيكي ليه مش عارفه انا
مختار / والله ما بيتبلع و بقرف منه
هند / طب ما احنا بناكل منه مش خايف علينا
مختار / مقدرش افرض عليكوا رأيى اخرى انصحكوا
هند / يعني عمرك ما هتفرض عليا حاجه
مختار / ما اوعدش فى حاجات لو اختلفنا فيها مش هقدر اتنازل
هند / زى
مختار / لا معلش هستاذن ناجل الحوار ده لما تعرفيني اكتر
عبد الله / يا عم انجز دلوقت بدل ما تلبس فى بوكيه ورد تانى و لا المرادى تبقي دبدوب
مختار / ما تضربونى بالنار يا جدعان بدل الذل ده
هند / هههههههههههههههه بعد الشر
انتصار / لولولولولولولولولولولولولى
ناصر / يا وليه الناس
انتصار / طلعت و خلاص والله شكلهم حلو
شيري / ههههههههههههههههههههههههه
………………………..

فى شقه فى حته مهجوره
العيال اللى كانوا بيتخانقوا مع مختار متعلقين من رجليهم و فيهم واحد متعور نايم فى الارض و فى رجاله بتحرسهم الباب يخبط واحد من الرجاله يقوم يفتح يلاقي راجل كبير واخد مطوه فى وشه
الراجل الكبير / كلمونى فى التليفون و قالولى ليا امانه عندكوا
الراجل التانى يوسع و يدخل يشوف الرجاله المتعلقه
راجل منهم / اللحقني يا معلمى
رجاله مختار يفكوهم و رجاله الراجل الكبير يسندوهم ياخدوهم
راجل من رجاله مختار / الكبير بيقولك ما بياخدش حقه من عيال
الراجل الكبير / رساله الكبير وصلت و انا قولتله على اللى كارينا و منهم فى بعض يصطفوا مع اننا لينا حق عندهم و الكبير منعنى اخده و قال انهم تبعه
الراجل / تشكر يا معلم و حقك محفوظ
الراجل الكبير / وصل سلامى و اعتزارى للكبير و قوله احنا خدامين جنابه فى اى حاجه
الراجل يهز راسه البلطجيه يمشوا و رجاله مختار يقفلوا الشقه
…………………
فى شقه مختار
مختار نايم على الارض جنب عباده و امين توصله رساله يمسك الموبايل و يبص
هند / انا مش جايلى نوم
مختار يبص جنبه و يقوم يلبس الجزمه و ياخد المفاتيح و يتسحب و ينزل يقعد فى العربيه و يتصل بهند
مختار / مساء الخير
هند / صحيتك
مختار / لا ما كنتش نمت
هند / احنا هنروح الكليه سوا الصبح صح
مختار / اه فى حاجه و لا ايه
هند / مش عارفه يعني
مختار / دا هى محاضره يتيمه هنخطفها لحد ما المحلات تفتح و بعد كدا نتسحل فى حوار الفستان و البدله و اهم حاجه الجرفاته لون الفستان قال يعني لو لون تانى هنبقي مغصوبين على الجوازه مثلا بس ماشي
هند / ههههههههههههههههههه انت متاكد انك مش مغصوب