رواية مملكة أهوازيا الفصل الأول 1 بقلم سارة علي

فى مملكة بعيدة وقديمة يقال عنها انها تسمى اهوازيا هذة المملكة لا يعلم عنها احد ساكنيها ليسوا من البشر بل هم من كائنات تسمى نيمالا هذة الكائنات تشبة البشر تماما ولكن قدراتهم تتعدى البشر كثيرا 

فاطمة : اى يا رجلى بتوجعنى اوى لتنظر حولها وتشعر بالصدمة مكان ليس كمكانها 

ده اي المكان الغريب دة رائع ده كلوا زهار وغابات بس ثوانى كدة انا اخر حاجة فاكراها اية 

ايوة افتكرت انا كنت فى رحلة مع ناس قالوا اننا هنروح نتفرج على الاقصر وهناك 

فلاش باك 

انا اسمى فاطمة عندى ٢٨ سنة مخلصة كلية من زمان وبشتغل خدمة عملة فى شركة من شركات الاتصالات المعروفة فى مصر ايامى كلها شبة بعضها علشان كدة كنت بحب اعمل كل شئ جديد اشتركت فى معارض وروحت زرت متاحف واماكن سياحية كتير لحد ما فى يوم بعد الشغل لاقيت اعلان على النت عن رحلة طالع الاقصر وانا بصراحة طلعت رحلات كتير بس حبيت اغير جو انا فاضية وعايشة مع امى لوحدنا وطبعا بابا مات من زمان وماليش اخوات خالص وماما اغلب الوقت عند خالتى وبيحبوا يسلوا بعض لان خالتى مش بتتحرك مشلولة وماما بتروح عندها تسليها بعد ما عيالها كلهم اتجوزوا ياما اتحايلنا عليها تيجى تعيش معانا بس هى رافضة بتقول انها حابة لما تموت تموت فى بيتها المهم انا لاقيت الرحلة دى وفعلا كلمت المشرف عليها واتفقت معاهم واخدت اجازة من شغلى علشان اطلع الرحلة وفعلا اتقابلت مع الناس اللى منظمين الرحلة هما نا س كويسين اوى بس معرفش حسيت لية فى وقت كدة ان ندمت لانى حسيت ازاى اروح لوحدى رحلة مع ناس معرفهاش لانى اكتشفت ان مفيش حد طالع غيرى انا وخمسة ستة كدة الرحلة ودة اللى خلانى اخاف واستغرب بس قولت مفيش حاجة هتعكنن عليا وفعلا اتعرفت على بنت جميلة اوى اسمها اروى فى الاتوبيس 

فاطمة : بصراحة انا كنت خايفة لانى مالقتش ناس كتير طالعة الرحلة 

اروى : انا طلعت معاهم قبل كدة دول ناس محترمة وواثقة ان الرحلة هتعجبك 

فاطمة : ان شاء الله هو اول مكان هنروحوا فى الاقصر فين 

اروى : معبد الكرنك والاماكن الفرعونية  المعتادة 

فاطمة : كويس انا اول مرة اروح الاقصر انا روحت اماكن تانية كتير بس اول مرة الاقصر 

اروى : انا تانى مرة هتعجبك جدا متأكدة 

ليصل الاتوبيس لوجهتة وينزل من كان فية وهم مجموعة من البنات وولدين عددهم جميعا لا يتخطى الستة اشخاص 

تبدأ الرحلة ويبدأ المرشد الخاص بهم بقيادتهم داخل معبد الكرنك قطعة قطعة وهنا يتحدث المشرف لهم 

المشرف : يالا بينا نروح مكان هيعجبكم جدا 

ليتبعة الجميع 

المشرف بعد معبد الكرنك ببضعة امتار يالا بينا 

اروى : مش هنركب الاتوبيس 

المشرف : مفيش داعى المكان قريب اوى 

احد الشباب : اسمة اية المكان دة 

المشرف : اهوازيا 

ارض اهوازيا 

فاطمة : اية الاسم الغريب دة انا عمرى ما سمعت عن ارض بالاسم دة فى مصر 

المشرف : هتعرفوا قريب اوى 

هنا يتحرك المشرف وخلفة اعضاء الرحلة حتى يصلوا لمكان فى الصحراء غريب نوعا ما 

يطلب منهم المشرف ان ينتظروا قليلا وبعدها تركهم وذهب ليغيب عليهم كثيرا اكثر من ثلاث ساعات وهم ينتظرون 

اروى : هو احنا هنستنى هنا لحد امتى بقى 

فاطمة : مش عارفة بجد 

احد الشباب : انا مش فاهمة فين ارض اهوازيا اللى عمال يقول عليها دى 

شاب اخر : ولا انا يالا بينا نمشى من هنا ليتحرك ويحاول الخروج من هذا المكان ولكن للاسف كأن ارجله تبتلعها الرمال هنا اصبح يصرخ واصاب الجميع حاله هلع وفزع فلقد اصبحت تمتد اشجار غريبة الشكل من تحت الرمال وتتمسك بارجلهم ثم 

يتبع……