رواية ابن الجيران الحلقة التاسعة عشر 19 بقلم سهيلة سعيد

كارمن : اه .. بس انت قلت انك مش مرتبط !!!! 

شهاب : وقت م سألتيني كنت فعلاً مش مرتبط 

كارمن : ودي عرفتها امتى ؟؟

( يستغرب شهاب السؤال الي ميخصهاش )

شهاب : هي بنت جارتنا ف عارفها من فترة بس مكانش في بينا حاجة 

كارمن : اه فاطمة مش كدة ؟؟

شهاب : ايوة الي انتي رديتي عليها يوم الحادثة 

كارمن : بتحبها ????

شهاب ب استغراب : دة اشمعنا ؟!!!

كارمن : بسأل عادي 

شهاب : لو مش بحبها مكنتش خطبتها 

كارمن : امممم ????

شهاب : متنسيش بقا بكرة .. دي الدعوة فيها عنوان القاعة 

( يحطهالها قدامها ع المكتب )

كارمن وهي بتشرب سجاير : تمام ????

شهاب : مطر امشي دلوقتي عشان اجيب البدلة واظبط الدنيا وكدة 

كارمن ب جمود : اوك .. امشي ????

( يمشي شهاب وهو مستغرب حتى مقالتلوش مبروك ، ف بيت فاطمة ، صحابها معاها واخواتها ومشغلين اغاني بيرقصوا وفرحانين ، يروح شهاب مع عصام وخليل بيجيبوا البدلة ويظبط حاله ، تاني يوم ، تدق الساعة ١٢ الضهر ، راكنة عربيتين ملاكي مشعلين اغاني وشهاب وصحابه واقفين جنبهم مستنين فاطمة تنزل عشان يوصلوها الكوافير ، فوق ف البيت )

فاطمة : يلا شهاب تحت من بدري خلصوا 

اسراء : خلاص اهو 

( كل واحدة تاخد حجاتها وبعدين ينزلوا فاطمة واخواتها واخوات شهاب والستات تزغرط من فوق ، يركب شهاب يسوق وجنبه فاطمة واخواتها واخواته مع بعض ورا والعربية التانية فيها صحاب شهاب ، بعد شوية ، يوصلوا عند الكوافير ، تنزل فاطمة والباقي ويدخلوا ، يعدي الوقت وييجي الليل ، تدق الساعة ٨ ، يوصل شهاب وصحابه ب كذة عربية قدام الكوافير واقفين مشغلين اغانى ومستنين فاطمة تخلص ، تخلص فاطمة ، لابسة فستان منفوش لونه نبيتي كله جليتر اوف شولدر ورافعة شعرها تسريعة وع راسها تاج الماس ???? )

هند : هطلع اقول ل شهاب 

فاطمة : اه يلا 

( تطلع هند م الكوافير وعيون الكل عليها من جمالها ، لابسة فستان كشمير قصير من قدام وب ديل طويل من ورا ومطرز و ب كم شيفون وفاردة شعرها الاسود ولماه ب بروش م الجنب ✨ تشوف هند شهاب تفضل بصاله طبعاً عريس واحلى ب كتير م العادة وواقف ماسك البوكيه ???? )

هند وهي بتقرب ع شهاب : شهاب 

( يبصلها )

هند : خلاص يلا ????

شهاب ب اعجاب : ايه الحلاوة دي ي عم ????

هند ب احراج : تسلم ????

شهاب : ايه دة فينا من كدة ليه القصير دة ????

هند : فرح بقا وكدة ????

شهاب : هنعديها عشان فرح بس ⁦☝️⁩

هند : ههههه ماشي يلا قبل فاطمة م تنفخنا 

شهاب وهو بيمدلها ايده : يلا ي معلم ????

هند وهي بتحط ايدها ف ايده : يلا ????????

( يدخلوا الكوافير ، شغال مهرجان *وداع ي دنيا وداع* ، فاطمة واقفة عطياهم ضهرها وبتغني وبترقص ع المهرجان مع البنات ، يقرب عليها شهاب ويرقص هو كمان وراها وهي مش واخدة بالها والبنات عمالة تضحك ، يعمل شهاب حركات مضحكة بالرقص وف ايده البوكيه والبنات عمالين يصوروا )

فاطمة : ايوة انا التلفااان انا الخرباااان تلاشوني لا مليش عنوان ف اي مكان تقابلوني ????

شهاب : يلي حبك مووووت تعدي اي حدوووود قلبي ليكي مشدووود انتي احلى خدووووود ????

( تسمعه فاطمة تلف تشوفه تتحرج وتقعد تضحك ، يشد ايدها ويرقص معاها والبنات كمان ، يعدي الوقت ويروحوا القاعة والفرح شغال وفرحانين غنى ورقص وكله تمام ، تعدي الايام ، شهاب وفاطمة قاعدين ع الشط ف الارض ف البحر )

فاطمة : شهاب 

شهاب : نعم ؟

فاطمة : عاوزة اطلب منك طلب 

شهاب : أأمر ي قمر ؟؟

فاطمة : نفسي تغنيلي ????

شهاب : لا والله !!!

فاطمة : اه والله نفسي 

شهاب : انا اخري ادندن ف الحمام معرفش صوتي حلو ولا لأ ????????‍♂️

فاطمة : مش مهم غنيلي بس 

شهاب : طيب متتريقيش عشان هنفخك انتي الي طلبتي ⁦☝️⁩

فاطمة : هههههه لا والله مش هتريق ????

شهاب : احم .. حبييييتك يوم م اتلاقيييينا لما حكيييينا اول كلااااااام حبييييتك واحلف ع دة تسمع ذياااادة دة انا مش بناااااام ، الناس ف عيني حاجة وانت حاجة تانية ، عندك مشاعري حتى خدها واسألها ، انا صعب اعيش حياتي وانت لحظة بعيييييد ، احساسي بيك ف وقت ضعفي قواني ، كانت حياتي ناقصة جيت تكملهااا ، فرحة لقايا بيك بتبقا زي العيييييد ♥️????

( يسكت )

فاطمة : ي روووحي صوتك حنين اوي ????♥️

شهاب وهو بيمسكها من قفاها : صوت مين دة ي بت الي حنين ????

فاطمة : ههههه لا بجد صوتك ناعم كدة ????

شهاب : نهار اسود اسكتي خالص ناعم ايه دي اخر مرة اغنيلك فيها ⁦????⁦☝️⁩

فاطمة : ههههه انا بقول الي حساه ????

شهاب : لا انتي متحسيش خالص ادي الي يمشي ورا الحريم ????????‍♂️

فاطمة : م تغنيلي غنوة كمان ????

شهاب : انسي ????????‍♂️

فاطمة : والنبي ي بيبي ????????

شهاب : بيبي ????

فاطمة : يلااااا 

شهاب : قلت من غير تريقة ⁦☝️⁩

فاطمة : وربنا م بتريق انا كنت بعبرلك عن اعجابي ????

شهاب : ماشي .. ومن تاااني اكيد راجعين انا دااايب وكلي حنين ولا عمري ابيع لو مين قصاد عينييييي ، ومش قادر ع الايام ولا يوصف هوايا كلام وطول ليلي ولما بنام قصاد عينيييييي ????????

فاطمة وهي بصاله ب حب : انا بحبك اوي ????⁦❤️

( يبوس دماغها ، يعدي الوقت ويرجعوا الشارع ، واقفين عند العمارة ، شهاب يلمح هيثم ف الشارع )

شهاب : اطلعي يلا ????

فاطمة : في حاجة ولا ايه ؟!

شهاب : لا اطلعي وهبقا اكلمك 

( تشوفه بيبص ناحية هيثم )

فاطمة : شهاب بالله عليك م تعمل مشكلة ????

شهاب : اطلعي طب 

فاطمة : والنبي ي شهاب انا مش عاوزة مشاكل خلينا نكمل حياتنا من غير مشاكل والنبي متخوفنيش ????

( يفتكر شهاب كلام هند انه بتاع مشاكل وهيتعبها )

شهاب : مش هعمل مشكلة انا 

فاطمة : والله هتعمل مشكلة ????

شهاب : والله خلاص هطلع انا كمان يلا اطلعي عشان رجلك متوجعكيش

فاطمة : يعني هتطلع بجد ؟؟

شهاب : وحياتك هطلع عشان ورايا شغل الصبح 

فاطمة : طيب ????

( تطلع فاطمة وهي متوترة ، شهاب يبص ناحية هيثم ميلاقيهوش ، يطلع هو كمان ، يرن الفون بتاعه ، يلاقيها كارمن )

شهاب وهو داخل اوضته : ارحمي امي بقااا ????

( يدخل يغير هدومه ويقفل الفون وينام ، تاني يوم ، شهاب ف الشغل ، توصل كارمن )

كارمن : صباح الخير 

شهاب : صباح النور 

كارمن : كلمتك امبارح فونك كان مقفول ????????‍♀️

شهاب : جيت ارد عليكي فصل شحن ف حطيته ف الشاحن ونمت 

كارمن : امممم .. هتقدر توصلني بعد الشغل ؟؟

شهاب : اااا اصل معزوم عند فاطمة انهاردة ف هطلع م الشغل عليهم ????

كارمن : فاطمة .. بقالك خطيبة بقا وهتاخدك مننا ????

شهاب ب ابتسامة : لا مقدرش ????

كارمن : ماشي .. سلملي ع فاطمة ????

شهاب : يوصل 

( تدخل كارمن مكتبها ، يقعد شهاب ، تقرب انچي )

انچي وهي بتمدله ايدها وبتتكلم ب مياعة : هاي ي شهاب ????

شهاب : اهلاً ب حضرتك ????

انچي : كارمن جت ؟

شهاب : اه لسة داخلة حالاً

انچي وهي بتقعد : سمعت انك خطبت مبروك ????

شهاب وهو بيقعد : الله يبارك فيكي 

انچي : مش كنت تعزمني عشان كنت اجي واعمل الواجب ????????‍♀️

شهاب : لو كنت اعرف ان حضرتك هتيجي فعلاً مكنتش اتأخرت ف اني اعزمك 

انچي : ملحوقة بقا ف الدخلة ي عريس ????

شهاب : ان شاء الله ???? 

انچي : قول ل كارمن اني جيت 

( يمسك شهاب فون المكتب ويتصل ب كارمن )

شهاب : انسة انچي هنا .. اوك 

( يقفل )

انچي : مدام ????????‍♀️

شهاب : اسف .. اتفضلي ????

انچي وهي بتقوم : ميرسي ي شهاب ????

شهاب : العفو ????

( تدخل انچي عند كارمن )

انچي وهي بتقعد : دة بتاعي وهييجي تحت رجلي هييجي .. اهو خطب ولا منك سيبتهولي ولا منك وقعتيه ????????‍♀️

كارمن : مش بالسهولة الي انتي فكراها دي ع فكرة 

انچي : وايه الي يخلي شاب يقاوم بنت حلوة ؟؟

كارمن : اسأليه هو السؤال دة

يتبع..