رواية عشق حياة الفصل السابع عشر 17 بقلم زوزة

في منزل احمد الاسيوطي ليلا 

سيد الدهشوري : بصي يا بتي انا هسالك علي اختك انتي يمكن جدك حكالك الموضوع انا عايز اعرف هي فين اختك دي او ابوكي أو امك .

حياه بتمثيل الحزن : ماما وبابا واختي تعيش انت يا جدو من فتره عملوا حدثه كلهم وماتوا وسبوني لوحدي.

سيد الدهشوري : كيف ده وبت الناس .

حياه بتمثيل الحزن والدموع : اختي تعيش انت يا عمو سبتني وحيده انا كنت نفسي اروح لهم اوووي ويخدوني معاهم وحاولت انتحر بس الي منعني من الانتحار هو دكتور كنان ممكن تتأكد منه .

كنان بحزن : ايوه هما يومها ايجوا في حادثه وانا كنت الدكتور بتاعهم حاولت انقذهم كلهم بس للاسف توفوا كلهم ، حياه يومها ايجت مصدومه وحاولت ترمي نفسها من فوق المستشفي بس انا منعتها .

سيد الدهشوري بغضب : كيف ده بس احنا كان بينا وبين ابوها اتفاج أنها هتتجوز حفيدي .

كنان بهدوء : بس تعيش انت يا حاج البنت ماتت .

ابراهيم الصافي بحزن : يعني ولدي ماات ياحبيب جلب ابوك يا ولدي .

حياه بحزن.: كلهم سبوني لوحدي بس الحمد لله لقاتك ياجدو انت وجدو احمد .

ابراهيم وهو يحتضنها : انتي الحاجه الحلوه اللي لسه فضلالي من ريحه ولدي يا غاليه .

سيد الدهشوري بغضب : بس احنا كنا عايزين البت عشان تتجوز حفيدي .

احمد الاسيوطي : بس خلاص يا حاج سيد البت ماتت هنعمل ايه احنا .

سيد الدهشوري بتفكير شراني : خلاص حفيدي يتجوز اختها وهي بتكم دي حتي تعوض علي اللي أهلها عملوا زمان .

ابراهيم الصافي بعصبيه : كيف ده يعني .

احمد الاسيوطي وهو يقوم بعصبيه : لا طبعا مش هيحوصل .

سيد الدهشوري وهو ينظر إلي شيخ البلد : ابوها وامها سرجوا بت الناس ضيوفنا زمان واحنا عشان ميتفتحش تار دم يبجا نسب وناخد بتهم مكان البت اللي سرجوها زمان .

شيخ البلد : سيد الدهشوري بيتكلم صوح يا حاج احمد انت وحاج ابراهيم لازما النسب عشان ميتفتحش تار دم وده اخر كلام عندي .

احمد الاسيوطي بعصبيه : بس يا شيخنا بتنا داكتوره وجد الدنيا واحنا منغصبش عليها في اي حاجه .

ابراهيم الصافي : اللي بتي مش رايده مش هيحوصل ابدا .

سيد الدهشوري بعصبيه : يبجا إكده بدكوا تار دم يتفتح يا تجوزوا بتكوا لابننا يا تار دم هيتفتح في البلد .

شيخ البلد : وانا اخر كلام عندي جولته هو النسب .

كنان بعصبيه : نسب مين ياعم انتوا عايزين تجوزا واحده متجوزه ازاي ده هيحصل هي الدنيا سايبه والا ايه .

حياه بخوف وتوتر : متجوزه .

كنان بعصبيه : اسكتي انتي مفيش حد هيقرب من مراتي والا. لو علي كده أخدها وامشي وذهب وأخذ بيد حياه واوقفها وقال بعصبيه : انتوا طلعتوا عيلتها علي عيني وراسي من فوق لكن هي مراتي ازاي عايزين تجوزها احنا زي ما جينا هنمشي عن اذنكوا وذهبوا باتجاه الباب .

احمد الاسيوطي بعصبيه: كيف مرتك يعني .

كنان بعصبيه : مرتي علي سنه الله ورسوله والا عندكوا اعتراض انت لما شوفتها كانت مع مين ، ومين بيقعد معاها مين بياخد باله منها لما كانت هتموت مين كان هيموت وراها .

احمد الاسيوطي بهدوء : انت .

كنان بعصبيه: وهي مراتي وانا مش هسمح أن حد يمس شعره منها .

ابراهيم الصافي : بس انت مجولتش لينا جبل إكده يا ولدي .

كنان : عشان مجتش فرصه اقول بس مش اكتر بس انا كنت ديما معاها .

سيد الدهشوري بعصبيه : تيجي تطلجها واحنا نجوزها لولدنا .

كنان بعصبيه : انت اتجننت يا راجل انت عايزني أطلق مراتي ليه أن شاء الله عشان تجوزها حفيدك ده علي جثتي .

سيد الدهشوري بعصبيه وهو يطلع سلاحه : يبجا علي جثتك .

كنان بعصبيه : اعملها انت بس وانت متعرفش انا مين ولا ابن مين يمكن تسمع عن عيله الشناوي اه هي اللي جات في دماغك عارف انها ليها مصانع هنا كتير انا بقا كنان الشناوي .

سيد الدهشوري بعصبيه : يعني انت من عيله الشناوي العيله الغنيه جوووي دي .

كنان بعصبيه : ايوه انا وقسما بالله اللي هيحاول يمس شعره من مراتي لهقتله ولا يهمني حد قال طلق مراتك قال وتركهم وذهب وخرج من القاعه التي كانوا يقعدون بها وفي يده حياه وصعدوا الي غرفتها.

احمد الاسيوطي بعصبيه : كيف اتهدد ضيفنا جدامنا واحنا جاعدين لا وعايزه يطلج مرته ليه هي مرته دي ملهاش عيله والا ايه وهو كمان من عيله كبيره جوووي اتجي شره يا سيد احسلك وشرنا .

سيد الدهشوري بعصبيه : يعني البت الصغيره ماتت ناخد مكانها الكبيره وطلعت متجوزه يطلجها واحنا نجوزها لولدنا مش كفايه عاد هنجوزه لواحده مطلجه .

ابراهيم الصافي بعصبية شديده : انت خرفت يا راجل انت والا ايه مين دي اللي مطلجه بتنا داكتوره وجوزها داكتور جد الدنيا ومن عيله كبيره وانت اكيد عارف ان عيله الشناوي ليها مصانع إهنه كتيره وليها رجاله إهنه كبيره فاتجي شر الراجل وشرنا واحنا منفرطش ف دمنا ابدا .

سيد الدهشوري : وانا اعمل ايه بعد ما البت ماتت اياك .

شيخ البلد بعصبيه : اجعدوا إكده وانت ياا سيد اللي عملته غلط كبير كيف تجول للراجل طلج مراتك هي الدنيا سايبه والا ايه البت لو مش متجوزه كنا هنجوزها حفيدك بس طلعت متجوزه واختها ميته نعمل ايه ماهو اهل البت اياك معدوش يسألوا عليها ونسيوا وأنسي انت كومان الموضوع اتجفل وبلاش تزعل الداكتور عشان هو ضيفنا وضيف البلد كليتها وجاي يعمل عمليات للناس ببلاش هي ومرته الداكتوره الموضوع خلص ومعتش حد يفتحه عاد .

سيد الدهشوري بعصبيه : وحجنا يا شيخ البلد حجنا فين من كل ده .

شيخ البلد : احمد ومرته ماتوا وبتهم الصغيره ماتت عايز ايه دلوق معتش غير بتهم الكبيره وطلعت متجوزه يبجا خلاص الموضوع خلص .

وقام الرجال ومشوا ..

في الاعلي في غرفه حياه .

حياه بدموع : ليه قولت كده يا كنان .

كنان بعصبيه : ليه عايزاني اسيبك تروحي تتجوزي حفيده ده والا اعرف ايه يعني نحمي اختك يروحوا ياخدوكي انتي ابدا يا حياه علي جثتي لو حد لمس منك شعره .

حياه بدموع : بس كده هيفكرونا متجوزين .

كنان بعصبيه: يفكروا زي ما يفكروا ولو حكم الأمر هتجوزك يا حياه ولا واحد يلمس منك شعره .

حياه بدموع : جدو احمد وجدو ابراهيم اكيد زعلانين دلوقتي مني .

كنان بعصبيه: يزعلوا اهم حاجه عندي انتي ولمي شنطتك يلا عشان هنمشي من البلد دي معتش هسيبك هنا تاني .

حياه بدموع: كان نفسي اقعد مع عيلتي شويه .

كنان بعصبيه: معتش فيه قاعده لمي شنطتك يلا .

حياه وهي تلم شنطتها ، طرق الباب وقال كنان بعصبيه ادخل .

دخل احمد الاسيوطي هو وإبراهيم الصافي بعصبية واغلقوا الباب . 

احمد الاسيوطي بعصبيه : ايه اللي جولتوه ده ازاي متجوزين يعني وانتي كنتي بتجولي أنه متل اخوكي .

كنان بعصبيه : متجوزين ومش هسمح لحد يلمس شعره منها وهاخدها ونمشي من هنا .

ابراهيم الصافي بعصبية: وفين جسيمه الجواز ماهو مش هتضحكوا علينا عاد .

حياه بدموع : جدو ابراهيم سامحني بس بابا عايش هو وعهد اختي بس مقدرش اقول لحد انهم عايشين بعد ما عرفت انهم عايزين يجوزوا اختي لحد من عيله الدهشوري انا اموت والا اقولهم انهم عايشين ولو قولت أن بابا عايش هيكونوا عايزين ياخدوا تارهم منه وانا اخاف علي بابا واختي وذهب في حضن ابراهيم وظلت تبكي .

ابراهيم الصافي: اهدي يا بتي انا حسيت أن فيه حاجه وجولت اتاكد منيكي وانتي عوملتي الصوح يابتي هما كانوا هيجوزوا اختك لولدهم وهما كل همهم الفلوس وبس . 

حياه بدموع : سامحني اني كذبت عليك انت وجدو احمد تحت بس ولله انا كنت خايفه عليهم بعد ما كنان قالي .

احمد الاسيوطي بهدوء : اهدي يا بتي وتعالي اجعدي واللي انتي رايده هيحوصل .

كنان بهدوء.: لا انا هاخدها وهمشي مستحيل اسمح انها تقعد هنا بعد ما كنتوا عايزين تجوزوها من هنا .

احمد الاسيوطي بهدوء : اجعد يا ابني خلينا نتفاهم احنا مكناش هنجبل بالجواز وكنا هنحاول مع شيخ البلد حتي من غير ما نعرف انكوا متجوزين .

ابراهيم الصافي: بس كيف متجوزين يا ولدي جولوا لينا الحجيجه واحنا هنحميكوا .

حياه بدموع : قولهم كل حاجه يا كنان انت .

كنان بهدوء عكس النار التي بداخله : انا لما استأذنت وطلعت عشان انادي حياه قولتلها كل اللي حصل تحت وبعدين اتفقنا علي كذبه أن أهلها ماتوا وخلاص .

ابراهيم الصافي: طب اتجوزتوا كيف وهي أهلها ماتوا .

كنان بهدوء وتفكير : الصراحه احنا مش متجوزين بس انا خطيبها ومش هسمح لحد يمس شعره منها ولو عاوزني اكتب عليها دلوقتي اكتب بس مفيش حد هيتجوزها غيري .

حياه بصدمه : خطيبي .

كنان بعصبيه خفيفه : اه خطيبك ومحدش هيقرب منك ولو عاوزني اكتب دلوقتي هكتب .

احمد الاسيوطي بعصبيه: يعني انت مش جوزها طب ليه جولت إكده جدام الرجاله. 

كنان بعصبيه خفيفه: عشان لو مقولتش كده كانوا هيجوزها لدرجه انهم كانوا عايزني أطلقها وزي ما بقولك لو عاوزني اكتب دلوقتي عليها انا جاهز .

ابراهيم الصافي: بس إكده لازم تبيت معاها هنا في اوضه عشان مفيش حد من خدم الدوار يجول كل واحد بينام في اوضه يبجا لازم تكتب عليها وطالما خطيبها يبجا كل إكده إكده كنت هتكتب عليها .

كنان بهدوء : وانا جاهز اكتب عليها دلوقتي اهو .

احمد الاسيوطي بهدوء : يبجا خلاص نكتب دلوق جبل ما حد يشم خير من عيله الدهشوري.

حياه بدموع: بس انا مش عايزه اتجوز دلوقتي .

احمد الاسيوطي: يا بتي بعد اللي حوصل مينفعش لازما تتجوزوا .

حياه بدموع: بس انا مش موافقه دلوقتي .

ابراهيم الصافي: مينفعش يا بتي لازما يحوصل والا عيله الدهشوري هيعرفوا وهيجوزوكي لابنهم .

حياه بدموع: بس انا مش موافقه .

كنان بهدوء : بعد اذنك يا حاج احمد انت وحاج ابراهيم ممكن تسبوني معاها شويه بس وهقنعها وانتوا ابعتوا هاتوا المأذون .

احمد الاسيوطي: ماشي يا داكتور واحنا هنجهز كل حاجه .

وخرجوا وتركوهم …

كنان : ممكن افهم انتي رافضه ليه .

حياه بدموع : انت ليه قولت ليهم انك خطيبي .

كنان : لو مقولتش كده كان ممكن يظنوا فيكي ظن وحش وأن انا مش عايزك تتجوزي وكانوا ممكن يجوزوكي من ابن عيله الدهشوري .

حياه بدموع : بس انت مبتحبنيش وبتحب واحده تانيه .

كنان بهدوء : ومين قالك اني بحب واحده تانيه انا قولتلك قبل كده كنت بحب بس معتش ولو لسه بحبها فده شئ غير اللي احنا فيه .

حياه بدموع ؛ بس انا معنديش استعداد دلوقتي .

كنان بهدوء : يا حياتي انا مش هسمح لحد ياذيكي ويا ستي هتجوزك فتره ست شهور وبعد كده لو عايزه تطلقي براحتك وهيكون جواز ورق بس مش هسمح لحد ياذيكي افهمني يا حياه انا بعمل كده لمصلحتك انا خايف عليكي .

حياه بدموع وحرج: يعني يعني هيكون جواز ورق بس .

كنان وهو يمسح دموعها : اه وبعد ست شهور لو عايزه تتطلقي براحتك لو ارتحتي معايا وعايزه تكملي تكملي انا مش هغصبك علي حاجه بس عشان خاطري وافقي انا خايف عليكي .

حياه : حاضر يا كنان .

كنان بهدوء: يسلملي بنتي اللي بتسمع الكلام هطلع اقول لجدك انك موافقه بس بلاش موضوع ورق ده حد يعرفه غيرنا .

حياه بهدوء : حاضر 

وخرج كنان وأبلغ احمد الاسيوطي بموافقة حياه .

وبعد مده اتي المأذون وتم عقد القران وشهد شاكر خال حياه وأحمد عم حياه علي العقد وأصبحت حياه زوجه كنان الشناوي .

احمد الاسيوطي وهو ياخذ كنان علي جمب : شوف يا ولدي هي دلوق مراتك لكن انا عارف انك لسه مدخلتش بيها فاحنا بكرا هنعمل فرح كبير والدخله يعني انهارده هتنام بعيد عنيها بس محدش غيري انا وجدها ابراهيم وعيلتنا اللي يعرف بالدخله .

كنان بذهول : دخله ايه بس وفرح ايه احنا كنا عايزين نروح .

احمد الاسيوطي : شوف يا ولدي احنا لازم عندينا الدخله عشان نتوكد من بيتنا وده شئ لازم واللي انت مش متؤكد من مرتك .

كنان بذهول : لا طبعا متاكد منها وزي ما انت عايز يا حاج عن اذنك انا هطلع اقولها اللي حصل وبعد كده هروح انام في اوضتي .

احمد الاسيوطي : ولد أصول يا ولدي اتفضل بس متتاخرش لسه هي مرتك علي الورج بس لما تبجا مراتك بشرع ربنا يبجا خد راحتك يا ولدي متزعلش مني .

كنان بهدوء : حاضر يا حاج .

وخرج وذهب الي غرفه حياه ودخل .

حياه : ايه اللي حصل يا كنان .

كنان وهو يتنهد : كتبنا الكتاب وجدك مصمم أن بكرا نعمل فرح وانا هكلم عدي اخويا يجي عشان مينفعش حاجه زي دي من غيره هو اخويا الكبير .

حياه : انا اتفرضت عليك يا كنان انا اسفه سامحني .

كنان بهدوء : هوووس اسفه علي ايه ده لو حد فرض نفسه يبقي انا عشان انا اللي قولت انك مراتي من غير اذنك بس انا كنت بحميكي .

حياه : انت اغلي حد عندي يا كنان وانت حميتني وانت كنت اخويا وهتفضل كده .

كنان بابتسامه : ايوه بس بيني وبينك موضوع الاخ ده صحيح بالمناسبه دي جدك كان بيقول في بكرا دخله انا معرفتش ومصمم عليه عشان بيقول شرف وعادات زي ما انتي عارفه .

حياه بحرج : دددخله ازاي يعني مش احنا اتفقنا .

كنان : احنا اتفقنا بينا بس متشليش هم الموضوع ده انا هتصرف المهم لو حد اتكلم يعني متقوليش حاجه وباني انك طبيعيه زيك زي اي عروسه لو حد اتكلم .

حياه  : حااضر .

كنان بابتسامه : هسيبك انا دلوقتي ونامي وبلاش تفكير كل حاجه هتبقي حلوه انا معاكي وفي ضهرك ديما .

حياه : حاضر .

كنان : تصبحي علي خير يا حياتي .

حياه : تصبح علي رضا الرحمن يا كنان .

وتركها وخرج وذهب إلي غرفته .

غرفه كنان وهو يحاول ان يتصل بعدي كثيرا الي بعد فترة رد عدي .

كنان : ازيك يا عدي وحشتني ولله .

عدي ؛ وانتي ولله عامل ايه طمني عليك وعلي جدو والعيله .

كنان بذهول : جدو والعيله انت فين .

عدي : انت اللي فين انت مفروض رجعت من الصعيد بقالك اسبوع .

كنان : لا يا سيدي انا لسه في الصعيد وكده وانت فين بقا .

عدي : انا مسافر لندن هاجي بكرا .

كنان : تيجي بالسلامه .

عدي : بس انت اتاخرت في الصعيد ليه .

كنان بهدوء : حصل معايا شويه مشاكل وكده .

عدي بخوف علي أخيه : مشاكل ايه انت فيك حاجه حد عملك حاجه طمني عليك .

كنان بهدوء : اهدي بس انا كويس وهحكيلك وحكي له كل شئ منذ أن قابل حياه الي الان الا موضوع الجواز علي الورق .

عدي بذهول : يعني انت عايز تقولي أن الراجل اللي ضرب حياه ده كان عايز يقتلك انت ..

كنان : ايوه بس نفسي اعرف راجل مين ده اللي راحله .

عدي بتفكير : ممكن عمتك يا كنان .

كنان بذهول : عمتو لا متوصلش معاها للقتل .

عدي بهدوء : لا توصل انت متعرفش حاجه انت المهم خد بالك م نفسك وطالما فرحك بكرا انا هاجي وهحضر .

كنان : بس انت مسافر وانا مش عايز اتعبك .

عدي : ولا تعب ولا حاجه انا كده كده هاجي في طياره خاصه هنزل في المطار اللي عندك وخلاص وهخلي عربيه حراسه تستننا وصحيح قولي مقاس عروستك ايه عشان أجاب الشبكه والمهر .

كنان : بس ده كتير يا عدي لما نيجي عندنا نبقي نعمل ليها فرح .

عدي بابتسامه : ياحبيبي هنعملك احسن فرح عندنا بس بردو لازم يعرفوا أن انت مش اي حد انت كنان الشناوي وكله فداك احبيبي .

كنان بحب : انت عارف اني بحبك اووي وكان نفسي مؤيد يحضر بس لو عرف هيقول لجدوا وعمتك وبناتها هيعرفوا وهيعملوا مشاكل وانا مفهم أهل البلد أن احنا متجوزين من فتره .

عدي : هتصرف انا والحاجه اللي هجبها هنقول عشان انت طلبتها من أهلها تاني وعملتلها فرح من اول وجديد .

كنان بابتسامه : ربنا يخليك ليا يا عدي .

عدي بفرحه : ويخليك ليا ياااارب انت ومؤيد ، هقفل انا عشان اخلص كل حاجه علي بكرا واكون عندك .

وبعد أن قفل معه ذهب كنان الي النوم .

وعدي كلم حازم وقال له ؛أن يأخذ مؤيد ويقول له أن هناك مصنع في قريه فيه مشكله ولازم تروحوا وتاخدوا معاكوا العربيات  وتجهز كام طقم الماس وكام طقم دهب وتجهز كام زياره واه تجيب مليون جنيه كاش مش شيك وتستنوني عند المطار وهات معاك هدوم لبنت طويله وعوضها مظبوط وتكون هدوم مقفوله وتستنوني في المطار ويكون معاك عشر عربيات وفيهم زيارات كبيره زي بتاعت أهل الصعيد فهمت يا حازم .

حازم بذهول : كل ده ليه ودهب والماس ليه وانا هنهض اعمل كل ده امتا .

عدي : الساعه 12 تكون مستنيني عند مطار الصعيد ومحدش يعرف عن الموضوع ده حاجه اسيبك انا بقا عشان تجهز وقفل معه .

حازم بصدمه : 12 يعني لازم   نمشي من هنا 6 واحنا دلوقتي 12 بالليل طب اعمل ايه انا دلوقتي وقام وأخذ يهاتف صاحب محل المجوهرات ومره محل ملابس ومره الحراس ولم ينم وفي الاخر حدث مؤيد الساعه 5 صباحا بعد فتره طويله رد مؤيد بنوم : ايه ياعم حازم عايز ايه دلوقتي .

حازم بنوم : انت نايم يا عم يا بختك انا بسبب اخوك مش عارف انام المهم قوم يلا عشان هنمشي الساعه 6 .

مؤيد بنوم : هنروح فين .

حازم : مصنع من بتوع اخوك فيه مشكله كبيره واخوك كلمني وقالي تروح انت ومؤيد .

مؤيد بنوم : قوله مؤيد مش هنا .

حازم : ياعم اقوله ايه بس هو ماكد وأقوم اجهز يلا وانزلي عند الشركه .

مؤيد بنوم: ااه اااه أن شاء الله .ثم نام 

حازم بصوت عاااااالي : مؤؤؤؤؤؤؤؤؤؤؤيد .

مؤيد بخضه : ايه في ايه .

حازم بضحك : قوم يلا عشان شكل الموضوع خطير واخوك ماكد عليا وهو مش موجود ولا كنان فانت اللي موجود فيلا .

مؤيد : طيب طيب ..

حازم : قوم يلا عشان عدي ميقتلناش .

مؤيد : حاضر هقوم اهو .

وبالفعل قام …

~~~~~~~~~~~~~~~~~~~~~~

في لندن .

في الكوخ الخاص بعدي .

الساعه الخامسه صباحا .

عدي وهو يطرق باب غرفه نوم وعد ويقول : يا وعد اصحي يلا الطياره نص ساعه وتيجي قومي يلا. 

وعد فاقت وقامت بفتح الباب : وقالت صباح الخير يا عدي .

عدي : صباح النور قومي اجهزي يلا وهنفطر في الطياره وفيها هدوم ليكي عشان تبقي تغيري .

وعد بشكر : شكرا يا عدي .

عدي : العفو المهم يلا عشان مستعجلين شويه معلش .

وعد : خير في حاجه .

عدي : لا هبقي احكيلك في الطياره المهم اجهزي يلا .

وعد : حاضر .

وبالفعل بعد نص ساعه أتيت الطائره الخاصه بعدي وصعدوا بها ووجدت وعد لها ملابس فذهبت الي الحمام وابدلت ملابسها بفستان اسود طويل وبنصف كوم ومعه شال يربط علي الرقبه ولبسته وخرجت الي عدي الذي كان ينظر لها باندهاش من جمالها وبعد فتره تنحنح ثم قال : احم الفستان طلع مقاسك .

وعد : شكرا يا عدي .

عدي : العفو المهم كنت عايز اقولك حاجه.

وعد بهدوء بعد انا جلست : اتفضل قول يا عدي .

عدي بهدوء : هو انا الطياره هتودينا الصعيد .

وعد بذهول : الصعيد ليه في حاجه .

عدي : لا بس هو موضوع بخصوص اخويا وكده ولازم اروح لو عايزه تروحي القاهره هخلي الطياره تودييكي وبعدين توديني .

وعد بهدوء : خلاص عادي مفيش مشكله واهو اشوف الصعيد .

عدي : ماشي احنا هنقعد هناك يومين هتقعدي معايا والا ايه .

وعد : ماشي بس انا معيش هدوم ولا تليفون .

عدي : كل حاجه هتكون جاهزه ليكي اول ما نوصل الصعيد .

وعد بهدوء : ماشي تمام ….

~~~~~~~~~~~~~~~~~~~~~~

في الصعيد صباحا .

في منزل احمد الاسيوطي .

كل من في المنزل يعمل فهم سيقومون بعمل حفل كبير لحفيدتهم وكل من في البلد سيأتي .

احمد الاسيوطي : هنشيع نجيب فستان من إهنه .

كنان بهدوء : لا متخفش يا حاج انا اخويا الكبير جاي وهيجيب كل حاجه معاه ..

احمد الاسيوطي : ينور يا ولدي طب هو هيجي امتا عشان نجابله .

كنان : هكلمه واقولك يا حاج وبالفعل كلمه وقال له أنه سيأتي علي الساعه 12 وأخبر كنان الحاج احمد الاسيوطي .

الساعه 12 في الصعيد وصل كل من حازم ومؤيد الي المطار ومعهم عربيات كثيره وكل ما قال عليه عدي كان معهم ثم بعدهم بفتره قليله وصلت الطائره ونزل منها عدي ووعد .

حازم أول ما شافهم قال لمؤيد: اوووبا يا مؤيد اخوك جايب اجنبيه معااه وانا اقول هو طول ليه .

مؤيد بصدمه : جايبها ليا انا قولتله يجبلي اجنبيه مزه معاه تصدق عدي اخويا ده طلع راجل اوووي وبيحقق امنيه اخوه الصغير .

حازم بضحك : يحقق ايه لا يا حبيبي انا اللي هاخدها انت لسه صغير علي الحاجات دي .

مؤيد بصدمه وصوت عالي: فشششششر مين ده اللي صغير لا ياحبيبي انا اللي هاخدها .

حازم بصوت عالي : لا انت صغييير انا االلي هاخدها وخلص الكلام المزه دي تخصني .

عدي بصدمه : صوتكوا عالي ليه .

حازم : بقوله انك جايب المزه اللي معاك دي ليا انا وهو عايز ياخد ها .

مؤيد : ده المزه اللي شوفناها في المطعم ازيك يا مزه قصدي يا قمر انا مؤيد اخو عدي .

وعد بصدمه : انت بتكلمني انا .

عدي : ما تتلم منك ليه ده وعد المعز .

حازم بصدمه : هي دي اللي خسارتنا الصفقه .

عدي بهدوء : ايوه وده مش وقت الكلام ده .

حازم : بس الصراحه يا قمر تستاهلي أن الواحد يخسر الصفقه عشانك ولله الولا عدي ده مبيفهمش .

عدي بعصبيه : ما تهدأ ياعم روميو وعد جايه معايا ضيفه .

حازم بضحك : ماهو باين كرم الضيافة انت ضربتها زي ما كنت بتقول .

عدي بصدمه : اكتم يا ابني انت .

وعد بهدوء : انا عملت حادثه واللي انقذني استاذ عدي .

حازم وهو ينظر لها : بس قمر بردو حتي وانتي عامله حادثه .

عدي وهو يلكمه بيده في بطنه : ما تكتم بقا ياعم .

وخلينا نروح للعربيات .

مؤيد : احنا جاين ليه يا عدي ومصنع ايه اللي فيه المشكله .

عدي : هحكيلك كل حاجه علي الطريق واحنا رايحين  .

اتي إليهم هاني وقال : حضرتك عدي اخو الداكتور كنان .

عدي بهدوء : ايوه انا حضرتك مين .

هاني : انا هاني خال الداكتوره حياه والحاج احمد بعتني اجابلكوا واجيبكوا معايا .

عدي بهدوء : ماشي .

هاني : طب يلا العربيات مستنيكوا .

عدي بهدوء : احنا معانا العربيات ااتفضل حضرتك انت واحنا هنيجي وراك . 

وبالفعل ذهبوا وصعدوا بالسيارات وركب حازم وعدي ووعد ومؤيد بسياره واحده وحكي لهم عدي كل شئ عن كنان .

مؤيد بصدمه : يعني كنان انهارده فرحه طب وجدو وعمتو وتالا اللي مموته نفسها عشانه .

حازم بهدوء : يارب حياه دي تعوضه عن اللي شافه .

عدي : موضوع تالا اتقفل يا مؤيد انت متعرفش حاجه وادعي أن اخوك ينساها ويحب مراته الجديده وهنشوفها انهارده .

وعد : بس بجد اخوك ده طلع راجل جدا .

عدي : هو كنان كده جدع وطيب اوووي .

وبعد فتره وصلوا الي منزل احمد الاسيوطي الذي كان يملاءه كبار البلد وعندما وجدوا أسطول سيارات يدخل قال الجميع في دهشه : في ايه يا حاج احمد .

احمد الاسيوطي بفرحه : دي عيله العريس .

وبالفعل نزل عدي وفي يده وعد وخلفه حازم ومؤيد وخلفه الرجال يحملون كم هائل من الأشياء .

احمد الاسيوطي وهو يرحب بهم : يا مرحب يا مرحب نورتوا البلد كليتها .

عدي بابتسامه : منوره بأهلها يا راجل يا طيب .

كنان وهو يحضن عدي : وحشتني كتييير يا عدي .

عدي : وانت اكتر يا قلب اخوك طمني عليك .

كنان بابتسامه : حلو الحمد لله ثم يشير باتجاه وعد ويقول : انت عملتها والا ايه .

عدي : ياعم لا دي مجرد صديقه المهم هبقي احكيلك بعدين بس خلي حد يوديها عند مراتك عشان انت شايف الرجاله هنا بيبصوا عليها ازاي .

كنان بضحك : ماهو كانوا امبارح عايزين ياخدوا حياه مني بالعافيه المهم تعالي يا اسمك ايه .

وعد بهدوء : وعد المعز .

كنان بصدمه : صاحبه شركات المعز .

وعد بابتسامه : ايوه والف مبروك بس ممكن تدخلني عند الحريم .

كنان بابتسامه: تعالي هوديكي عند حياه ثم أشار إلي أخاه وقال جبت الفستان .

عدي وهو يشير إلي حازم ويقول : خلي حد من الرجاله يطلع الفستان ومستلزماته مع كنان فوق .

حازم : حاضر .

وذهبت وعد الي حياه .

عدي بهدوء : عايز اجعد معاك يا حاج احمد انت وكبار البلد كلها .

وبالفعل ذهبوا وقعدوا في قاعه بها جميع كبار البلد من رجال وشيوخ حتي شيخ البلد .

ثم قال عدي  بهدوء : حياة مرات اخويا كنان اختنا احنا كمان وانتوا عيلتها وليكوا اصولكوا اطلبوا اللي عايزينه واحنا ننفذه .

سيد الدهشوري بغل وهو يتدخل في الكلام : وانت هتجبولها شبكه تاني عاد ومهر تاني .

عدي بهدوء : ايوه يا عم الحاج ثم قال : حازم هات مهر مرات كنان .

ثم اتي بحازم بأربع شنط بهم مال .

فقال عدي بهدوء : ده مليون جنيه يا حاج احمد مهر بنتكم .

وثم أشار إلي حازم أن يأتي بالمجوهرات .

فاتي حازم بعشر علب .

فقال عدي بهدوء : ودول شبكتها خمس علب الماس وخمس علب دهب عشان انا عارف ان عندكوا لازم تلبس دهب ، ثم أكمل : لو لسه فيه حاجه عايزنها كمان يا حاج احمد قولي واحنا نعملها احنا معندناش اغلي من مرات اخونا .

احمد الاسيوطي : بس ده كتير يا ولدي .

عدي : مفيش حاجه تكتر علي بتكوا يا حاج احمد. 

ابراهيم الصافي : ولد اصول يا ولدي انت واخوك .

عدي : شكرا يا حاج .

مؤيد وهو يتحدث بمرح : وانا اخوهم التالت بردو هههههه.

سيد الدهشوري بغل : ده انتوا عاملين فرح من تاني بجا .

عدي بهدوء : ايوه يا عم الحاج ماهو احنا معندناش اغلي من مرات اخونا ولو لسه ناقص حاجه نجبها .

احمد الاسيوطي بابتسامه : انتوا ولاد اصول يا ولدي والمهر بتاع بتي حياه احنا هنحطه باسمها في البنك وهي ليها نصيبها هنا من حج امها وحج ابوها ، واحنا هنوديلكوا فرش البيت .

عدي بهدوء : يا حاج مش لازم فرش البيت مفروش وهما عايشين فيه .

احمد الاسيوطي: بس دي الأصول يا ولدي واحنا مش جليلين بردو .

عدي بابتسامه : انتوا أهل الواجب يا راجل يا طيب وممكن بدل ما تجيبوا فرش والبيت مفروض ممكن تحطلها فلوسهم في البنك .

ابراهيم الصافي: يبجا نحطلها فلوسها في البنك طالما البيت مفروش يا حاج احمد .

احمد الاسيوطي : خلاص علي خيره الله .

سيد الدهشوري بغل: وليه كل الفلوس دي باسمها .

عدي بابتسامه : دي مرات كنان الشناوي ومش اي حد ياعم الحاج .

كنان بابتسامه: ايوه وبتكون حياه الصافي بنت عيله الصافي والاسيوطي والشناوي يعني مش اي حد .

سيد الدهشوري : اومال مين يا ولدي البت اللي جات معاكوا دي اختكوا .

عدي بهدوء : لا دي خطيبتي يا عم الحاج .

سيد الدهشوري بغل : اه اه ثم قال عن اذنكوا انا يا حاج احمد همشي بجا.

أحمد الأسيوطي : كيف ده يا حاج لازما تاخد واجبك .

وظلوا يتحدثون سويا وكنان كان سعيد جدا باخاه الكبير ….

~~~~~~~~~~~~~~~~~~~~~~

في غرفه حياه 

وعد : الف مبروك يا حياه .

حياه : الله يبارك فيكي بس انتي مين .

وعد بابتسامه : انا وعد المعز وجايه مع عدي اخو كنان .

حياه : انتي وعد المعز صاحبه شركات المعز .

وعد بابتسامه : ايوه .

حياه بابتسامه : انا كنت أسمع عنك انك شخصيه قويه اووي بس اللي شايفاها قدامي دي بنوته حلوه اووي .

وعد بضحك: حلوه مين وانا متبهدله كده .

حياه بابتسامه : زي القمر ولله بس ايه اللي عمل فيكي كده .

وعد : عملت حادثه وكده بس لسه العلامات دي في وشي وجسمي .

حياه بابتسامه : انا معايا كريم في شنطتي هيفيدك اوووي ممكن تدخلي الحمام جوه تخدي ليكي شاور وتحطي منه وتريحي .

وعد بابتسامه : بعد الفرح يبقي نعمل كده بس المهم دلوقتي انتي يا عروسه كنان جابلك الفستان ده يلا عشان تلبسيه وانا هعملك ميكاب خفيف وانتي اصلا قمر مش محتاجه حاجه .

حياه بابتسامه ودموع  : كان نفسي عهد اختي تكون معايا. 

وعد بابتسامه : ينفع اكون اختك انهارده .

حياه بابتسامه: انا حبيتك واعتبرتك اختي ولله من اول ما شوفتك .

وعد بابتسامه وهي تحتضنها : طب يلا نشوف الفستان وحاجته .

ووجدوا أن الفستان جميل جدا ورقيق كان لون ابيض مترز من فوق كان ينزل بنفشه قليله ومعه طرحته وكان مقاس حياه ومعهم طقم الماس ففرحت حياه بهم ثم ذهبت وارتدتهم وعملت لها وعد مكياج خفيف وكانت حياه ايه من الجمال .

وعد بفرحه : بسم الله ماشاء الله عليكي يا حياه جميله جدا ده كنان لما يشوفك هينسي نفسه .

وفي غرفه كنان .

عدي : فين الهدوم اللي قولتلك عليها يا حازم .

حازم بضحك : اهي بس انا مش هلبس .

عدي : كلنا هنلبس وكان لبس جلباب صعيدي وارتدوه جميعهم وكان شكله جميل عليهم ونزلوا الي الاسفل 

وذهب احمد الاسيوطي الي غرفه حياه وعندما دخل : قال بسم الله ما شاء الله يا بتي كيف الجمر .

حياه بابتسامه : شكرا يا جدو .

احمد الاسيوطي : يلا يابتي عشان عريسك تحت بده يديكي شبكتك وبعدين تجعدي انتي عند الحريم واحنا عند الرجاله .

وأخذها ونزل الي الاسفل .

وعندما رائها كنان أنصدم مما رآه وقال : ……