رواية أحببت حبك لي الفصل الرابع 4 بقلم ريهام رفاعي

رواية أحببت حبك لي البارت الرابع

رواية أحببت حبك لي الجزء الرابع

رواية أحببت حبك لي الحلقة الرابعة

خالد وريم راحوا البيت و جريت ريم علي باباها
ريم : بابا لو سمحت قوله إن أنا مش هتجوزه ّ
باباها وهو مش مديها أي اهتمام: اتفضل يا خالد يابني اقعد تشرب ايه يا حبيبي
خالد : تسلم يا عمي والله مش قادر
باباها : لا والله ما يحصل لازم تشرب اخليها تعملك قهوة ولا شاي ولا تعملك عصير احسن
خالد : لا لا شاي حلو
باباها : يالا ياريم روحي اعملي لخطيبك كوباية شاي يالا
ريم : يا بابا
باباها : يالا بقي يا حبيبتي عشان عايزين نقعد نتكلم أنا وهو شويه
ريم : يا بابا أنا مش موافقه مش عايزاه
باباها بزعيق : يالا ياريم روحي اعملي الشاي
مشيت ريم وعينها مليانه دموع و صعبت عليها نفسها ازاي باباها بيعمل كده ازاي اتغير بالشكل ده
راحت ريم تعمل الشاي وكانت مامتها ف المطبخ
ريم :والنبي يا ماما اعملي أي حاجه انا مش عايزه اتجوز البني آدم ده انا مش بحبه
مامتها : وأنا مالي يا بنتي الرأي راي ابوكي ف النهايه
ريم : يعني ايه راي أبويا طب و الحماره الي هتتجوز ديه محدش هياخد رأيها اشمعنا يعني اخواتي هما الي اختاروا عرسانهم
مامتها : أنا مليش دعوه اتفاهمي انتي مع ابوكي متدخلنيش ف مشاكل
ريم : حتي انتي مش هتقفي جنبي،تمام تمام اوي
خلصت الشاي و راحت توديه لخالد وباباها و وهي بتديه لخالد زقت الكوبايات عليه
ريم : أنا اسفه جدا جدا مقصدش بجد
باباها بزعيق : ايه ياريم الهبل ده ، قوم يا حبيبي اشطف الحرق بالمايه بسرعه
خالد :تمام تمام متقلقوش ، الحمام منين
باباها : روحي ياريم معاه وريله مكان الحمام
ريم وهي متضايقه : حااضر ، اتفضل معايا يا دكتور
خدته ريم توريله مكان الحمام و دخل وقبل ما يقفل
قلها : انا عارف انك قاصده توقعي الصنيه عليا بس هعديها ، وخلي ف دماغك اني مستحيل الغي الجوازه
وبعدين قفل خالد الباب في وشها
ريم : ربنا ياخدك يارب واخلص منك
خالد : سمعتك علي فكره ، بعد الشر عليا
ريم : وأنا قاصده انك تسمع علي فكره وبعدين متخافش الوحشين مبيحصلهمش حاجه
خالد : الوحشين بقي ، ريم معلش ممكن تجيبيلي حاجه البسها من عند باباكي عشان مش هينفع امشي كده
ريم : تمام يا دكتور
خرج خالد من الحمام ولبس باباها واسع عليه اوي
باباها : اللبس بتاعي كحكه عليك
خالد : يالهوي جدا مشوفتش اجمل من كده بجد امشي أنا بقي قبل ما ريم تقتلني
باباها : عيب عليك يا بني وأنا موجود
خالد : لا بهزر بس بجد لازم امشي دلوقتي
باباها : تمام يا بني ، علي معادنا بكره ان شاء الله
خالد : اه ان شاء الله أنا هاجي اخودكوا بالعربيه ونروح للصايغ الي تختاروه
ريم بصدمه : نعم صايغ
باباها : طبعا اومال عايزه تتجوزي من غير شبكه ولا ايه
ريم : لا أنا مش عايزه اتجوز اساسا ومش جايه معاكوا ف حته
باباها : مش مشكله احنا هنخترلك الشبكه
ريم : طبعا ماهو من الواضح أن حضرتك هتتجوز مكاني
باباها : احترمي نفسك ياريم وانتي بتتكلمي معايا
دخلت ريم اوضتها وهي بتعيط و مش قادرة تسيطر علي دموعها وقفلت الباب عليها و خالد مشي
و ف اليوم التالي جيه و كلهم صحيوا وبدأوا يجهزوا عشان ينزلوا يشتروا الدهب وراحت مامت ريم علشان تصحيها و خبطت علي الباب
مامتها : ريم يالا اصحي يا بنتي علشان ننزل نجيب الدهب يارييم
باباها : فيه مبتردش عليكي ، تلاقيها مقموصه
مامتها : بس ملهاش حس خالص
باباها وهو بيخبط علي الباب : ياريم يالا متستعبطيش احنا كده كده هنجيب الدهب يعني هنجيبه ، ريييم
مامتها : لا أنا بدأت أقلق اوي اكسر الباب
باباها : باب ايه الي اكسره هي تلاقيها نايمه يمكن ومش سامعه
مامتها : لا اكسر الباب أنا خايفه تكون عملت ف نفسها حاجة
باباها : طب وسعيلي كده
كسر باباها الباب ودخل لقاها…….ّ..