رواية عودة إبليس الفصل الثلاثون 30 بقلم رشا منصور

رواية عودة إبليس الجزء الثلاثون

رواية عودة إبليس البارت الثلاثون

رواية عودة إبليس الحلقة الثلاثون

عزيز…..
غدير ما خلاص ادفنت أنا قبل ما اسافر قدرت أوصل لطريقه اعرف بها العنوان وبلغت أمير به وقدر يوصل ل عمها وادفنت من يومين أما بالنسبه للقطط أنتي صح يا سهي آن الأوان تعرفي حقيقتهم .. إنتي فاكرة أول مرة القطط شافتني فيها كانوا عاوزنى أبعد عنك كانوا خا’يفين عليكي وأنا كنت مستغرب جدا
لأني عرفت أنهم أرواح طاهرة وبيحبوكي ومكنتش فاهم سبب وجودهم معاكي لحد ما اتكلمت معاهم وقالولى الحكايه من البدايه
لكن أنا خو’فت عليكي لما تعرفي علشان كدا قولت ل أمير وأميرة
وحاولت أميرة تمهد لكي يمكن تعرفي لوحدك الحقيقه
سهي….
كنت بسمع كلام الدكتورعزيز وأنا مش فاهمه حاجه من كلامه أرواح إيه ومالهم بيا وأمير يعرف إيه عن موضوع القطط ده
وهنا افتكرت كلمة أمير لما قالي أهو القطط دول بالذات مقدرش امنعك عنهم أنا إزاي ماخدتش بالي من كلمته دى
وبصيت للدكتور عزيز وقولت له مين القطط دول يقربولي إيه
عزيز…
الأفضل أجيب الست أم عبدالله وهي هتحكي لكي بنفسها وفعلا روحت عند إم عبدالله وقولت لها تعالي معايا سهي لما وقفت قدام المغسله اغمي عليها وأنا نقلتها لغرفه وهى فاقت وبقت أحسن دلوقتي
سهي….
بردو مش فاهمه إيه علاقه أمي بالقطط ولقيت القطط ظهرت قدامى ولسه هتقرب مني قولت لهم اقفوا بعيد عني وفضلت استعيذ من الشيطان واقرء قرآن وهما واقفين عادى
أم عبدالله. ..
دخلت الاوضه اللى فيها بنتي مالك يا ضنايا فيكي إيه شكلك مخضو’ض كدا ليه ملكش حق يا دكتور عزيز ليه توديها عند المغسله أنا بنتي قلبها خفيف واستغربت لما لقيت سهي بتشاور ليا ع القطط قولت لها والله فيهم الخير جاين يطمنوا عليكي دول بيطمر فيهم أكتر من البني آدمين
عزيز….
يا ست أم عبدالله أنتي فاكرة اليوم اللى اتولدت فيه سهي ولما روحتى المستشفي مع زوجك الله يرحمه وتركتي عبدالله عند الجيران فاكرة وانتوا راجعين من المستشفى وشوفتوا العربيه المصدومة في عمود الكهرباء اللى جنب كشك الست أم هشام
إم عبدالله…..
انت انت وفضلت أبص ل سهي ودموعى نزلت وقولت له مين اللى قالك عرفت منين محدش يعرف ومش لازم حد يعرف حاجه وبقيت أبص له اترجاه يسكت
سهي…
هو فى إيه وعربيه مين اللى اتصدمت ومال ده بالقطط
عزيز….
تحبي اقول أنا ولا تقولي أنتي يا ست ام عبدالله
الاب. …
اتحولت لشكلي البشري وبصيت ل ام عبدالله ولقيتها اتر’عبت قولت لها اطمنى إحنا عاوزين نشكرك ع معروفك لنا
لولاكي الله وأعلم إيه اللي كان حصلها ونظرت ل سهي وقولت لها احكيلك انا اللي حصل فى يوم أنا وزوجتى وبنتي الصغيرة كنا فى المستشفي وزوجتى أنجبت بنت جميله
وزوجتي اتعرفت هناك ع الست ام عبدالله ولما خرجنا من المستشفي وركبنا تاكسي للأسف الفرامل فكت فى الطريق ودخلنا فى عمود الكهرباء وزوجتى وبنتي ماتت والسواق والطفله المولودة ربنا حفظها وأنا كنت بطالع فى الروح وجت الست ام عبدالله اخدت الطفله ووصتها عليها وعرفتها إسمها وهى اعتبرتها بدل بنتها اللى ماتت ومن وقتها وأحنا أرواحنا فى المكان وامنيه حياتنا نشوف بنتنا
الطفله دى تبقي أنتي يا سهي واليوم اللى جيتي فيه الكشك عرفناكي وكنا فرحانين بكي وحاولنا نساعدك ع اد ما نقدر
سهي….
يعني ايه انت بتقول ايه وبصيت ل امي وقولت لها قوليله انه غلطان قوليله اني بنتك انتي لا لاااااا اكيد فى حاجه غلط
لقيت امي بصتلي والدموع فى عنيها وبصت للأرض … يعني ايه انا طول السنين دى عايشه ع كدب وانتى مش أمي وعبدالله مش أخويا يعني أنا يتيمه وماليش أهل ازاى متقوليش ليا وابتديت ابكي ع حالي وازاى الدكتور عزيز وأمير وأميرة كل دول عارفين الحقيقه وأنا لا أنتي خد’عتيني 😢
أم عبدالله. …
فضلت أبكي وقولت لها أنا بنتي ماتت وربنا عوضني بكي مافيش لحظه حسيت فيها أنك مش بنتي أنا اللي شيلت وسهرت وتعبت لحد ما كبرتك وبقيتي عروسه 😢😢😢 أنتي بنتي أنا
عزيز..
صعبت عليا الست ام عبدالله بس أعمل إيه أهلها كانوا عوزينها تعرف الحقيقه وبصيت ل سهي وهى منهارة وقولتلها ليه متقوليش ان ربنا بيحبك وكرمك ب ست حنينه اعتبرتك بنتها وبدل ما كان لكي إم واحدة ربنا رزقك ب اتنين
وبدل ما تزعلي منها المفروض تشكريها تخيلي لو كنتى فضلتي فى العربيه كان إيه حصلك ولا كان حد مش كويس اخدك
أنا لما فكرت اكشف لكي الحقيقه كان علشان تعرفي أد أيه الست دى بتحبك وحافظت عليكي وأنتي شايفه اهلك نفسهم بيشكروها وأنا كمان بشكرك يا ست أم عبدالله قليل جدا لما واحده تحافظ ع بنت مش بنتها أصلا
حقيقي كتر خيرك وفعلا سهي نعم العوض ولولا ان ربنا بيحبك مكنش رزقك ب بنت زيها ولا إيه يا سهي
سهي….
كنت قاعدة مصدومة ومش مستوعبه الكلام حاسه إنى فى إى لحظه افوق والاقي كل ده كابوس فضلت ساكته منتظرة اللحظه اللى اصحي فيها لحد ما لقيت القطة تحولت لست المفروض أنها أمي وقالت ليا
وحشتيني يا سهي كنت منتظرة اليوم اللى أشوفك فيه والحمد لله شوفتك واطمنت عليكي وبقيتي أحلي عروسه وهفضل جنبك لحد يوم فرحك وبعد كدا نقدر نرتاح
إحنا يابنتي أرواحنا كانت متعلقه حوالين المكان كنا عاوزين نطمن عليكي ودلوقتي بعد ما نسلمك ل عريسك نقدرنرتاح خلاص والست ام عبدالله جميلها ع رأسي أوعى تزعلي دى أمك يا سهيله
الام مش بس اللى تولد لا الام اللى تعبت وسهرت وربت إحنا كنا عاوزينك بس تعرفي الحقيقه لأننا بعد ما نطمن عليكي مش هتشوفينا تاني وكنا مش عارفين نودعك إزاي علشان كدا طلبنا من الدكتور عزيز إنه يساعدنا
وإحنا متأكدين أنك هتكونى بخير بأذن الله مع عريسك وعزيز أكيد هيخلي بالوا منك
فضلت ابصلها وأبكي نفسي اترمي في حضنها بس مش عارفه هى كأنها شفافه مش زينا كدا
قالت ليا أنا مش هطمن عليكي إلا لما أشوفك فرحانة وسعيدة فى حياتك عيشي يا سهي ومتفكريش فى اللى فات فكري فى بكره ولو عاوزة روحنا ترتاح يبقي كفايه دموع يا بنت قلبي
عزيز….
وبعدين يا جماعه هى اتقلبت نكد ليه كدا ده إحنا داخلين ع أفراح ولا إيه يا عروسه
الطفله….
يا سهي أنا عاوزة أمسك لكي الطرحه بس خليها طويله علشان أنا صغننه 😯
سهي… حبيبتي إنتي قمر ولو مطلوتيش الطرحه امسكي الفستان
عزيز….
طب إيه ما تشوفي عبدالله عاوزين نفرح ما تسمعينا زغروطه يا ست أم عبدالله كدا خلونا نعيش اجواء الفرح ونستعد
ويلا بلاش قاعدة المستشفي دى تعالوا لما اوصلكم البيت وع فكرة يا سهي عبدالله ميعرفش حاجه عن الموضوع ده والأفضل أنه يفضل مش عارف أحسن أمير بيغيير من خياله أنا مثبته بالعافيه
سهي…..
يا نهار أبيض ربنا يستر 😁😁😁 كنت بضحك بس من جوايا كنت عامله زى اللى واخده خبطه ع دماغها حاسه بوجع وتعب ودوخه وقومت من ع السرير وأنا حاسه إنى هقع من طولي
عزيز….
كنت حاسس بوجعها قولت جوايا يا نورين عندك حل لقيتها ظهرت بس محدش شايفها غيرى انارشامنصور وأهل سهي بس وبصت ل سهي وحطت ايدها ع قلبها وغمضت عنيها لحظات وبعدها فتحت وشالت ايدها وبصت ليا وهزت لنا رأسها واختفت ولقيت بعدها سهي بدأت تتكلم عادى وتهرج مع ام عبدالله وأهلها واخدتهم فى العربيه علشان اوصلهم وبصراحه كنت مبسوط بكل حاجه حصلت من اول اليوم وطول الطريق عمال كل شويه أنزل واجيب لهم حلويات واكل وفاكهه ووصلتهم البيت وقولت ل إم عبدالله هعرف نتيجه التحاليل وهجيبلك العلاج وهجيلك بكره ان شاء الله
ودخلت سهي وام عبدالله وأهلها البيت وأنا كمان هروح أشوف أبي اخباره إيه أكيد قاعد ع نار. منتظر موافقه أمي
الأمير صرماط. …
كنت قاعد قلقان خايف نهي متوافقش طب وقتها مش هينفع أعيش معاهم ولأول مرة فى حياتي أقول يارب توافق صعب عليا أعيش من غيرهم 😑
ميسان. ….
أول ما نورين طلبت مني أحكي كل حاجه ل طنط نهي طرت فى الحال والغريب إنى بقيت أسرع من الأول ووصلت فى أقل من ثانيه وكنت عند طنط نهي وكانت قاعدة مع تيتا وطنط مها والأولاد ولقيت أميرة معاهم قولت لها عوزاكى لحظه
تيتا….
فى ايه ما تقولي قدامنا ولا ناويين تخبوا عليا تانى انطقي بدل ما اقوملك ولسه همسك الشبشب
ميسان….
لأ لا من غير ضر’ب كل الحكايه ان طنط نهي جالها عريس ولو وافقت هتقدر تعيش فى عالم الانس ع طول
نهي….
فهمت طبعا ميسان تقصد إيه وكنت مبسوطة لأن معني كلامها أن عزيز بخير وأن صرماط كمان ساب عشيرته وأسلم
وبصيت ل مرات عمي عارفه ان حاجه زى دى تزعلها
مرات عمي….
ع عيني يابنتي تتجوزى حد غير ابني لكن بعد اللى عمله معاكي أنا اللى بقولك اتجوزى وعيشي معانا وكفايه عليا أنك أنتي واحفادى تكونوا حواليا أنا معنديش إستعداد أعيش لوحدى تانى وانتوا بعيد عني افرحي يابنتي وخلينا نفرح كلنا بوجودك معانا
نهي…
حضنتها وقولت لها أنتى أمي وأنا مقدرش أبعد عنك
يا ميسان بلغي العريس إني موافقه بس بشرط المهر بتاعي حفظ سورة البقرة كامله قبل يوم خطوبه أمير وعاوزة فستان زفاف وأننا نعيش مع مرات عمي وعزيز
ميسان…
الأمير صرماط يحفظ سورة البقرة شكلك كدا عاوزه تطفشيه 😂
عزيز….
تواصلت مع ميسان علشان أعرف رد أمي ع موضوع الجواز واتفاجأت لما قالتلي امك بتطفش أبوك بالطريقه 😲
قولت فى بالي ميسان قعدت يومين فى عالم الأنس اتعلمت كلامهم مش بعيد بعد كام يوم الاقيها تقولي خد كيس الزباله وانت نازل وتتصل عليا فى عز الشغل علشان تقولى هات عيش وانت طالع أنا شكلي داخل ع مرار طافح😁😁😁 مكنش يومك يا عزيز يابن المبروكة