رواية خطة رنا الفصل الرابع عشر 14 والأخير بقلم روني محمد
رواية خطة رنا الفصل الرابع عشر 14 والأخير بقلم روني محمد |
رواية خطة رنا الفصل الرابع عشر 14 والأخير بقلم روني محمد
بعد سنتين
رنا : أمجد ممكن تسيب التليفون الي فايدك وتسمعني!!
أمجد : ثواني بس يا رنا هخلص الجيم ده…
رنا بغضب : أمجد لو مسبتش التليفون ده من ايدك وكلمتني هسبلك البيت وأمشي…
ساب التليفون من ايده
أمجد : ايه يا رنا عاوزة ايه ؟
رنا : ولا حاجة
أمجد : يعني انتي بتعملي كل ده وفالاخر تقوليلي ولا حاجة…
أنا وأمجد اتجوزنا من سنتين ، كل يوم أمجد بيثبتلي حبه ليه اكتر من الاول بس انا بصراحة مطلعة عنيه كل الي كان بيعمله معايا في فتره خطوبتنا بطلعه عليه … بس انا بحبه اوي اعمل ايه…
رنا : أمجد انت عارف احنا متجوزين بقالنا كام سنة ؟
امجد بتفكير : تلاته تقريبا ،،،،لأ اتنين صح
-: أمجد انت بجد مش عارف !!
-: اصل الوقت معاكي يا حبيبتي بيعدي بسرعة…
-: طب انت فاكر اليوم الي اتجوزنا فيه ؟
-: لأ ده امتحان مفاجأ وانا مش عامل حسابي…
-: امجد انت بتهرب من أجاباتي ليه ؟
-: انتي مش مدياني فرصة اجاوب أصلا
-: امجد انت مبقتش تحبني زي الاول …
-: لا حول ولا قوة إلا بالله انتي الهرمونات مأثرة عليكي بس
-: قصدك ايه هو انا مجنونه ، طب طلقني!!
-: ماشي يا حبيبتي أولدي بس وقومي بالسلامة وانا هعملك الي انتي عاوزاه
-: عاااااااااا يعني انت فعلا هتطلقني
-: يالهوي عليه هو انا قلت حاجه ولا جبت سيرة طلاق… رنا رنرون حبيبتي هدي اعصابك كدة وبطلي عياط انتي عارفة اني بحبك صح!
-: لا….. مش عارفه
-: ايه ريحة الشياط دي !!!!
-: ده أكيد دمي المحروق ما أنت…… يالاهوي الاكل عالنار ده شكله اتحرق
-: يا مجنونه يا بت المجانين هناكل ايه النهارده…..
———خطة رنا بقلمي روني محمد
بعد 3سنين تانيين
-: ده اسمه ايه ؟
-: ميجو
-: لأ غلط اسمه بابي انا بس أقوله ميجو…
-: طيب مين جنبه
-: دادو (جدو)
-: شاطر يا حبيب مامي … يلا عوزاك تحاول ترسم بابي ومامي ومعاهم سيف
امجد : ها خلصنا من حصة الرسم ولا لسه؟ انا عاوز الواد ألعب معاه بلاستيشن شويه..
-: بقولك ايه ملكش دعوة بابني سبني أربيه على مزاجي .. انا مش عاوزه اطلعه مدمن الكترونيات زيك..
-: طيب انا عاوز انزل البحر هتيجو معايا ، ولا هتستنوا هنا ؟
-: لأ لما البحر يكون فاضي أبقى انزل..
-: ده ليه بقى ان شالله هتعاكس مثلا
-: لأ عشان انت بتعد تبصبص للبنات
-: اووووف يعني احنا جايين شرم عشان نفضل محبوسين فالشاليه كده…
-: روح أعد فالتراس شويه ولا اتفرج عالتليفزيون…
_: ده انتي بتربيني أكتر ما أمي ربتني…
-: ههههههههههه هو انا بعرف اخد معاك حق ولا باطل المهم روح اعد فالتراس شويه وانا هحضر الغدا نتغدى وننزل..
-: أمري لله..
بعد شوية
-: اده مش دي ماريتا
-:ماريتا!!! ماريتا مين؟
-: البنت بتاعه المطعم
-: ايه السعادة الي نزلت عليك كده لما شوفتها ، انت كان في حاجه بينك وبنها…
-: هههههههههه هو انتي بتسبيلي فرصة اتنفس…
-: منا لو سبتلك السايب فالسايب هكتشف بعد كده انك تاجر مخدرات ولا سلاح
-: الضهر أذن انا هروح أصلي
-: روح….. روح كفر ذنوبك بس اعمل حسابك انا هستناك في مصلى النساء متفكرش تروح كدة ولا كدة وخد معاك الواد سيف
-: انتي ايه يا شيخة معندكيش اخوات ولاد
-: لا معنديش يلا عشان تلحق الصف الأول…
———–خطة رنا بقلمي روني محمد
-: هنروح فين بس ونسيب سيف لوحده..
-: متقلقيش عليه ماما معاه وبعدين هو نايم مش هيصا غير الصبح… ويلا خدي ألبسي دي على عنيكي
-: انت ناوي تخطفني ولا ايه ؟
-: ايوه بالظبط كده وامشي معايا وانتي ساكتة
بعد شويه
-: ايوه…. ايوه خليكي ماشيه معايه واحدة واحدة…
-: انت مش هتشيل بقى البتاعة الي على عيني ؟
-: استني بس فاضل شويه صغيرين ونوصل ……
-: ماشي … اوعى تكون ناوي ترميني للقرش ولا حاجه ، دانا ام عيالك بردو…
-: ههههههههه لا يا حبيبتي خلاص احنا وصلنا ….. فتحي عنيكي…
شلت الشريط من على عيني لقيت نفسي جوه يخت كبير ومليان بلونات وورد ، اول مره أمجد يكون رومانسي كده ، النهاردة كان عيد جوازنا انا فكرت انه هيكون ناسي ، بس فاجئني بأحلا مفاجأه في حياتي … شاور بايده لقيت انوار كتير فالسما على شكل قلب وفالنص مكتوب رنا…
أمجد حضني وشالني ولف بيه انا من الفرحة مكنتش مصدقة نفسي….
رنا : معقول كل ده عشاني
أمجد : بحبك يا رنا كل سنة وانتي معايا..
رنا : وانا كمان بحبك أوي
أمجد : مش عاوزك تشكي تاني في حبي ليكي ، أتأكدي اني لو شفت ستات الدنيا كلها قلبي مش هيحب غير رنا واحدة بس…
رنا : بجد يا أمجد يعني انت بتحبني اوي كده !!!
امجد : طبعا وهفضل أحبك لغاية أخر يوم في عمري…..
توته توته خلصت الحدوته
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي