رواية منقذي الفصل الثاني عشر 12 بقلم نانسي محمد
رواية منقذي الجزء الثاني عشر
رواية منقذي البارت الثاني عشر
رواية منقذي الحلقة الثانية عشر
نور بإبتسامه:زين تعالى
زين بحزن:لا هبقا اجيلك وقت تانى
سليم:مين دة يا نور
نور:دة بقا ياسيدى زين صاحب الشركه
سليم:مش كان ماجد هو إلى صاحب الشركه
زين بضيق:نور لما تخلصى تعالى على مكتبى
نور:زين تعالى بس لازم اعرفك على سليم اخويا
زين بفرحه :اخوكى
نور :ايوة يابنى دة سليم ال حكتلك عليه
سليم:هو يعرفني
نور :حكيتله عنك وعن حور وماما
سليم:اهلا بحضرتك
زين بإبتسامه بلهاء:ازيك انت عامل اي
نور وهى تحاول ان تكتم ضحتها على مظهر زين:دة بقا سولى اخويا الوسطاني اخر سنه فى كليه شرطه
سليم:يابنتى مبحبش الاسم دة أسمى سليم والله
نور:لا سولى انا بحب الاسم دة
زين :طب اسيبك انا مع اخوكى ولما تخلصى ابقى تعالى المكتب عشان فى حاجات عايز اخد رأيك فيها
سليم بمرح:حرام عليك شركتك تضيعها على أدين الهبله دى
نور وهى تض”ربه فى بطنه:هبله فى عينك يا واطى انا اختك الكبيرة المفروض تعلى من قمتى
سليم:الله مش لازم أفهمه هو هيعمل ايه
زين بإبتسامه:لا متخافش اختك يعتمد عليها دى مش بس بميت راجل دى جيش من الرجاله
نور :حبيبى الله يكرمك سامع يا بأف
سليم:هو انا جاي اسلم عليكى ولا عشان اتهان بقولك اي انا ماشى ومتنسيش حاجات السهرة
نور:قول بقا يا واطى انك جاي عشان تفكرني مش عشان تسلم عليا
سليم:والله البيت كان هادى وجميل الاسبوع إلى مكنتيش موجودة فيه
نور :طب أمشى من وشى بدل ما اتحول عليك
سليم:طب س س سلام انا بقا
زين بضحك:فى حفظ الله مع السلام سلام
نور:ابقا تعالى كل يوم
زين :حتى اخوكى مسلمش منك
نور:وانت كمان مش هتسلم منى خلى بالك لو نكشتنى
زين:لا لا وعلى ايه انا طيب وغلبان والله
نور بضحك:طب يا غلبان يلا بينا على الشغل
زين:طيب صح انا جاي عشان اقولك اتصلى بمامتك وقولها انكم معزومين برة
نور:ومين دة إلى عازمنا
زين:انا وكمان كلمت ماماقولتلها نفس الكلام ف يلا قوليلها
نور:زين انت بتحطنى قدام الأمر الواقع اقول لماما اي دلوقتى
زين:بسيطه قولها زين عازمنا برة وجايب عيلته معاه عشان نتعرفه على بعض
نور:والنبى انت عبيط يا زين
زين :مش هرد عليكى عشان لو رديت هخنفك يلا كلميها وبعدها تعالى على مكتبى
نور:منك لله يا زين اقولها اي انا دلوقتى الو يا ماما
منه:اي يا نور فى حاجة
نور :لا بس زين صاحب الشركه إلى شغاله فيها وكان معايا فى شرم عشان الثفقة
منه بخبث:ايوة ماله
نور بإرتباك :كان عايز يعزمنا احنا وعيلته على الغدا النهاردة
منه بخبث:امممم ماشى بالمرة اتعرف عليه
نور:تمام جهزى نفسك وانا شويه كدة هتحرك عشان اجيبك
منه:ماشى يا حبيبتى
لتغلق نور مع والدتها وتصل ب لينا
لينا بنوم:الو
نور:يخربيتك لحقتى تنامى
لينا :مشوار سفر وانتى عارفه بفرهد بسرعه
نور :طب فوقيلى بقا عشان اقولك هتعملى ايه مع يوسف
لينا ب انتباه :ايوة
نور:اول حاجة محدش من عمو او طنط يعرف حاجة سبينى انا اوضحلهم الموضوع تانى حاجة لما يتصل بيكى مرة تردى وعشرة لا مرة تكلميه بعتاب ومرة تتكلمي عادى
لينا :حاضر
نور:يلا كملى نومك انتى ولما تصحى ابقى كلميني
لينا بإبتسامه:نور
نور:اممممم
لينا بحب :شكرا انك لسه واقفه فى ضهرى ومسبتنيش
نور بإبتسامه:وعدنا بعض زمان ان هنكون سند لبعض من الايام ولازم نفضل على الوعد دة مهما حصل وغير كل دة انتى اختى فاهمه يا لينا
لينا :فاهمه يا قلب لينا باي
نور:باي
لتذهب نور إلى مكتب زين لتطرق الباب لياتى صوته من الداخل يسمح بالدخول لتدخل بمرح: الى مشحطتنى وراه كان عايزنى فى ايه
زين بإبتسامه:تعالى يا شبر ونص
نور:مش هترتاح غير لما ارويك الشبر ونص دى تقدر تعمل فيك اي
زين بضحك:يابنتى بقا انتى هتفضلى مسترجله كدة كتير
نور:مش احسن ما ابقا بت محن وتدلع وتخلى دة ودة طمعان فيها
زين :طب تعالى اقعدى
نور:وادى اعدة ها بقا كنت عايز اي
زين:طبعا انا كلمتك على موضوع الحجاب وان مينفعش تطلعى شعرك برة صح ولا لأ
نور :ايوة صح بس
ليقطعها زين:مبسش بصى يانور هعتبرك بنتى الصغيرة إلى لازم انصحها واخاف عليها انتى انسه كبيرة بتتحسبى عند ربنا فى كل تصرف بيطلع منك لما لبستى الحجاب كنتى مقطنعه بيه ولا لأ
نور:ايوة كنت مقطنعه
زين :طب ودلوقتي مش مقطنعه بيه
نور:لا لسه مقطنعه بيه طبعا
زين بحنان:طب مش المفروض الحجاب دة بيغطى شعرنا كله
لتهز رأسها وكانها طفله ليكمل زين بإبتسامه :طب ممكن شعرك متبينهوش قدام اي حد مهما كان غير اخوكى وجوزك بس
نور بإستغراب:جوزى
زين:مش هتقضلى طول حياتك من غير جواز انتى بس أفكارك مشتته خايفه من اختيارك وخايفه تفتحى قلبى لحد صح
نور بشرود:خايفه احب تانى خايفه اثق فى حد ويخذلنى تانى سعتها مش عارفه هوصل ل ايه وقتها مش هقدر أقف على رجلى كدة تانى
زين :وانا مش بقولك اختارى على طول او من غير تفكير خدى رأي عقلك وقلبك سوى وقتها هتقدرى تختاري صح
نور :عمر ما كان القلب والعقل متفقين ابدا
زين:ومين قالك كدة العقل والقلب اوقات كتير بيتفقه بس انتى الى بتختارى وقتها وتقولى انا سمعت كلام عقلى وخلانى اختار الصح بس لو كنتى سمعتى لقلبك لحظه بس كنتى هتلاقى كلامه زى كلام عقلك بالظبط بس دايما الناس بتطلع العقل ان هو إلى صح عموما نرجع لموضوعنا الاساسى شعرك يا نور مش من حق حد يشوفه غير اخوكى باباكى وجوزك دول إلى مسموح ليكى انك تكونى بشعرك قدمهم عادى
نور بتلقائيه:حاضر يا بابا
زين ابتسم من كلمه نور وانها شبهته ب باباها
نور بإرتباك:انا اسفه بس يعنى بابا دايما كان بيتكلم معايا كدة
زين بحنان:انتى فكرانى زعلان بالعكس انا مبسوط جدا انك شبهتينى ب اكتر حد حبتيى فى حياتك دة شرف ليا يا نورى
نور بشاغبه:زين باشا متقولش كدة احنا أهل
زين:طب يلا يا لمضه عشان نروح نتغدى
نور:خلاص انا هسبقك هجيب ماما وحور وسليم واجيلك بس ابعتلي شير لوكيشن للمكان
زين:خلاص ياستى حاضر
بعد ذهاب نور تنهد زين بأمل :حاسس انك هتكونى من نصيبى يا نورى وهتنورى حياتى
بعد فترة فى سيارة نور كانت نور تحكى كل شيئ لولدتها من اول يوم قبلت في زين لحد دلوقتي
منه:يالهوى عليا كنتى هتروحى منى يابنتى كله بسبب دماغك وتصميمك للسفر
نور:ماما لو سمحتى اسمعينى انا كان لازم اسافر عشان دة شغل كبار مش عيال صغيرة وانا تعبت كتير عشان اثبت نفسى مينفعش فى حاجة بسيطه زى دى وتقولى مينفعش أصل هخاف اسافر لوحدى
منه بغضب:وانتى شايفه الى حصل دة مكنش خطر عليكى اول يوم يحصل لغبطه يدخل واحد الاوضه عليكى وبعدها تلاقى حرامى فى اوضتك ومعاه سلاح وبعدها يظهر إلى اسمه عمر دة ويتهجم عليكى وكان هيضيع مستقبلك وجايه تقولى حاجة بسيطه انتى عايزة تموتينى يانور
نور:بعد الشر عليكى يا ست الكل بس يا ماما يا حبيبتى انتى عارفه بنتك كويس تعرف تحمى نفسها وكمان فوق كل دة ربنا دايما واقف معايا بسبب دعواتك ليا
منه بحنان :نور يا حبيبتى انتى بنتى الكبيرة اول م شافت عينى اول فرحتى بلاش تخوفيني عليكى دايما
نور:متخافيش يا حبيبتى ربنا دايما واقف معايا افضلى انتى بس ادعيلى وانا هكون بخير
حور:نونو هو زين دة حلو
نور برفع حاجب:نعم ياختى
سليم:جاوبي يا نونو
نور:اجاوب على اي يا خويا
حور:زين حلو
نور بسرحان:جميل جدا ملامحه كلها رجوله عيونو الجراي دقنه المرسومه شعره الأسود الناعم طويل وعريض رياضى غامض بس دمه خفيف عصبى بس قلبه طيب اوى اوى
سليم بخبث:و اي كمان يا نونو
نور بإحراج:احم احم خلاص كدة
منه :كل دة وخلاص كدة فاضل اي تانى مقولتهوش
نور:يا ماما بقا
حور:دة انتى الى ماما
نور بكسوف:يووووه بقا خلاص كفايه ويلا عشان وصلنا
سليم:وصلنا للقلب الطيب
نور:طب أمشى بدل ما اكعبلك
زين شاف نور جايه من بعيد حس انه لسه شاب مراهق ضربات قلبه بقت سريعه ومتوتر
امنيه مامت زين:اي يابنى مالك
زين ونظره معلق على نور:جت يا ماما نور وصلت
امنيه :طب اهدى كدة دة انت واقع
على هو بيصفر:بس ليك حق يا زين تتجنن عليها البت ليها هيبه كدة
زين بغيرة :ولا لم نفسك هاااا
داليدة:اي يا زيزو مالك زعلان ليه على مكدبش على فكرة
امنيه :طب بس بقا اسكته
زين :ازيك يا نور
نور:الحمدلله
زين: ازيك يا طنط
منه:الحمدلله يا حبيبي كويسه
زين:يارب دايما وانتى بقا حور
حور :ايوة انا انت عرفت منين
زين:نور مكنتش بتبطل كلام عليكم اعرفكم بعيلتى دى ياستى ماما ودى داليدة ودة على
داليدة :على اقرصنى بسرعه
على :اقرصينى انتى هو دة بجد
نور بإستغراب:هو فى اي
امنيه بدموع:انتى الخالق الناطق من بنتى فريدة
نور بتأثر:طب متعيطش طب بصى هعملك إلى عايزاه بس متعيطيش
داليدة ببكاء :انتى حتى طريقه كلامك زيها
نور بدموع:متعيطش انتى كمان مبحبش حد يعيط
على بحزن:حتى تصرفتها شبه فريدة يا زين
نوربدموع مثل الاطفال:طب خلاص هفضل معاكم بس بلاش عياط طنط امنيه متعيطش
امنيه:ممكن تقوليلي يا ماما
نور بإبتسامه لطيفه:انتى تؤمرني بس متعيطيش ممكن
امنيه بحب :حاضر يا قلبى
نور:وانتى كمان يا داليدة متعيطش ماشى هتكونى اختى زى البت إلى اسمها حور دى
داليدة :حاضر مش هعيط أهو
نور وهى تنظر ل على:وانت كمان مش عايزة اشوفك زعلان تانى
على بإبتسامه:حاضر
نور بحماس :اعرفكم انا بقا على عيلتى دة سليم ودى حور واخيرا وليس اخرا من منونه حبيبه قلبى ماما
امنيه :تشرفت بمعرفتكم مشاء الله زى القمر يا نور زى ما حكالى زين بالظبط
نور بكسوف :مرسى
حور :طب ما زين طلع حلو اوى شبه ما نور قالت بالظبط ااااه اي
نور بهمس:والله لوريكى ياكلب البحر
زين بخبث:اي يا نور بتضربيها ليه انا عارف ان انا جميل
نور:اي التواضع دة يابنى احيه جالى كرشه نفس من التواضع
زين بقرف:بيئه
نور:بيئه مين ياعسل
زين:انتى ياعسل
نور:طب هش بقا عشان مزعلكش
زين:تزعلى مين يا ماما
نور:ازعلك انت يا حبيبى
امنيه بضحك:ينهار ابيض جه اليوم الى حد وقف قدامك
زين :اهى جت ووقفت ولا اول يوم اشوفها فى على إلى عملته فيا
على :اوبااااا هى وصلت للدرجادى
منه:لا م انا عارفه بنتى ولسانها
نور:جرا اي يا ماما دافعى عنى حتى
منه:ادافع عنك اي دة انتى بتكلى الى يقولك صباح الخير اكيد عملتى فى الغلبان دة كتير اوى
زين بتمثيل:اه والله يا طنط
نور:لا والله انتم اتفقته عليا خلاص الحقينى يا ماما امنيه
امنيه بضحك:بس يا ولد عيب
زين:انا عارف انك بتقولى كدة بس عشان مشوفتيش الوش التانى منها ولا نبرة صوتها لما بتتحول أعوذ بالله
نور:يا غتت بقااا يا ماماااا
داليدة:بس بقا يا زين متزعلهاش يا اما انا إلى هوقفلك
نور:خدى بوسه
زين:هى بقت كدة يا داليدة هتقفى قدامى
داليدة:انت زعلت نور وانا حبتها اوى متزعلهاش تانى ممكن
زين:عشان خاطر داليدة بس مش هزعلها
داليدة وهى تحتضنه:حبيبى انت يا زيزو
فضله اعدين فى جو عائلى جميل كان زين مفتقده جدا لانه كان مسافر برة اكتر وقته
تانى يوم فى بيت نور
نور:ماما انا هنزل باي
منه:مع السلامه يا حبيبتى
نزلت نور ومشت بعربيتها كانت فى عيون بتراقب تحركتها نزل من عربيته بهيبته المعهودة طلع لبيت نور
حور:ايوة ثانيه واحدة اي دة زين ازيك
زين بإبتسامه:الحمدلله يا حور طنط منه وسليم هنا
حور :اه اتفضل
سليم :اي دة زين ازيك انت عرفت البيت ازاى
منه:ياجحش حد يقول كدة اتفضل يابنى معلش هو كلامه كدة دايما
زين :لا يا طنط متقوليش كدة انا حبيتهم جدا زى اخواتى بالظبط
منه:ربنا يديم المعروف يا حبيبى اتفضل تشرب اي الاول
زين:لا ولا حاجة انا بس جيت واستنيت نور تنزل عشان اعرف اتكلم مع حضرتك وسليم
سليم:خير يا زين نور عملتلك حاجة نا عارف اختى
زين:ايوة بصراحه عملت كتير اوى مش قادر استحمل اكتر من كدة
منه:عملت اي بس يخربيتك يانور
زين:متقوليش عليها كدة يا طنط
حور:طب هى عملت اي فهمنا
زين بتوتر:بصراحه انا بحب نور وخايف جدا اصارحها تكون مش بتحبنى انا بس حبيت اكون معرف حضرتك ومعرف سليم عشان مكونش بخون الامانه
سليم :طب احنا هنعرف منين انها بتحبك نور مش من النوع إلى بتعترف بمشاعرها لحد صعب نعرف
زين بخيبه امل:يعنى مش هتعرف تتكلم معها وتعرف منها حاجة
سليم :صعب نور عمرها ما اعترفت لحد انها بتحبه دايما لو حبت بتفضل ساكته
منه:بس تصرفتها بتفضحها
زبن بإنتباه :ازاى يا طنط
منه بإبتسامه:نور غيورة لدرجه كبيرة جدا لما بتحب حد بتكون مش عايزة واحدة بس تتكلم معاه وقتها بتلقيها اتعصبت وتفضل تتكلم بسرعه وحاجات كتير إنشالله هتاخد بالك منها بعدين
زين:طب انا هفضل مستنى لحد امتى عشان اعرف انها بتحبنى ولا لا
حور:بص هقولك على حاجات نور بتحبها اوى
زين:اي هى
حور:نور بتحب اوى الحاجات البسيطه وفى نفس الوقت مبهجه ليها هى يعنى مثلا تكون بتتكلم فى موضوع وفى وسط كلامها تقول حاجة بتحبها وتكمل كلامها عادى لما حد بيفجأها ب إلى قالت على الحاجة إلى بتحبها قدامه بتكون مبسوطه جدا بتحب إلى يتكلم معاها ويفهم دماغها ودة صعب جدا ان حد يفهم دماغ نور لأنها اوقات كتير مبتكونش عارفه هى عايزة اي ف ان حد يعرف هى نفسها تقول اي من غير ماتتكلم دى حاجة بتفرحها برضو
زين بفرحه:انا برضو قولت ان الشبر ونص دى بتقول حكم ربنا يخليكى يا حورى
حور بغمزة:اي خدمه اديك أهو عرفت حاجات بسيطه عن شخصيه نور الباقى بقا انت وشطارتك
زين:شكرا شكرا ياحور استاذ انا بقا
منه :تروح على فين يابنى اقعد اتغدى معانا
زين:لا اتغدى اي انا المفروض اكون فى الشركه دلوقتى اه صح ياريت محدش يعرف نور ان جيت
سليم:متخافش محدش هيقول حاجة
ليقطع حديثهم دخول نور للتفجأء من وجود زين
نور:زين هو فى حاجة ولا اي
زين:لا ابدا بس كنت بعرف حاجة من طنط وماشي على طول
نور:تعرف أي وكمان عرفت البيت ازاى
زين:متنسيش ان السي في بتاعك عندى واقدر اعرف عنوانك بسهوله
نور:طب كنت عايز تعرف من ماما اي
زين وهو ينظر لمنه:طنط هتعرفك
منه:انتى رجعتى ليه يا نور
نور بشك:نسيت موبايلى رجعت اجيبه
زين :طب يلا هخدك معايا
نور:لا روح انت عربيتى موجودة
زين:نفسى مرة تقولى حاضر يلا يانور
منه:روحى معاه يا نور كدة كدة طريقكم واحد
نور :ماشى يلا
عند زين فى العربيه
نور بإصرار :كنت عايز تعرف من ماما اي يا زين
زين :قولت مامتك هتقولك
نور:لا انت الى هتقولى يلا قول
زين بكدب:كنت عايز اعرف اي معلومات عن عمر
نور بدأت تخاف:ليه
زين وبنحاول يهديها:متخافيش شويه حاجات كدة عشان ابعده عنك خالص
لتهز نور رأسها بصمت وتنظر امامها بشرود
ليتنهد زين بحزن عليها ويكمل سواقته
عدى شهرين ونور اتعلقت ب زين جدا لان زين وقتها كان بيعمل كل حاجة تبسطها وبقه كل يوم يخرجه ويقربه من بعض اكتر فى يوم كانت لينا بتكلم نور فى الفون
نور:يعنى خلاص اتعلم الادب
لينا بفرحه:بقا حاجة تانيه يا نور بقا يهتم بيا ومبيعديش لحظه غير وهو مكلمنى وبقينا نخرج ويعمل اي حاجة عشان يرضينى
نور بحب :اخيرا هفرح بيكم بقا مبروك يا لينو
لينا بفرحه:الله يبارك فيكى يا نونو انا مش مصدقه ان خلاص فاضل شهرين ونتجوز
نور بضحك:أهو بكرة تجيلى وتقوليلى انا اي الى عملته فى نفسى دة كنت سنجل قمر
لينا :بعينك هتلقينى بشجعك تحصلينا
نور وقتها افتكرت زين وابتسمت وقالت ل لينا :إنشالله خير
لينا بخبث:اه صح ابقى قولى ل زين يجى
نور:حاضر يلا اقفلى عشان اروح اقوله
لينا بخبث:للدرجادى مستعجله تروحى تشوفيه
نور بتوتر :اي الى بتقوليه دة لا طبعا انا بس هقوله عشان يعمل حسابه
لينا:امممم طيب يلا سلام عشان تلحقي تقوليله
عند زين كان فى مكتبه بيفكر هيعمل مفجاءة اي لنور وازاى يخليها تحبه قطع تفكيره خبط الباب ابتسم بحب :مش قولت ميت مرة ادخلى على طول من غير ما تخبطى
لتدلف فتاه تردى فستان قصير لتتجه إلى زين بدلع :بس انت مقولتليش كدة قبل كدة
زين بصرامه :عايزة اي يا ميرنا
ميرنا بدلع:وحشتنى يا زيزو قولت لما اجي اشوفك وحشتك ولا لا
زين :ميرنا موضوعنا منتهى من زمان ياريت تمشى لان ورايا شغل كتير
ميرنا وهى تجلس على قدمه :وراك اي بس يا زين انا اهم لتقترب منه وتق”بله
لتدخل نور فجأه:زين كنت
ليقطع باقى كلامها من الصدمه مظهر زين جالس وفتاه جالسه فى قدمه وتق”بله
نور بدموع وصدمه:…….
زين برجاء:نور
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية منقذي)
