رواية يوم خطوبته الفصل الثاني 2 بقلم سلمي أشرف
رواية يوم خطوبته الجزء الثاني
رواية يوم خطوبته البارت الثاني
رواية يوم خطوبته الحلقة الثانية
مرام : أنا مبسوطة انك قدرتي تحضري خطوبته وانك قدرتي تعملي موف اون بالسرعة دي 🚶🏼♀️
سارة بتنهيدة حزينه : أنا لسه متخطتش الموضوع بشكل كامل ي مرام .. انتي الوحيدة اللي كنتي عارفة أنا بحب محمد أزاي ! في الآخر يخو*ني !! طب لي ؟ هو لو جه قالي مش عايز يكمل كنت هجبره يبقي معايا مثلا ؟ مش كان افضل من أنه يخو*ني ويجبر*ني اسيبه ! ما أنا مكنتش هقدر اغفرله غلطه زي دي مهما حصل وكنت هفضل فكراهاله وعشان كده قررت انسحب .
مرام : طب انتي ازاي عرفتي أنه بيخو*نك ؟ انتي قولتي أنه بيخو*نك مع ليلي صحبتك وهو قال إنه مكنش يعرف انها صحبتك فيه حلقة مفقودة ف الموضوع .. ! 🌚
سارة بحزن : هحكيلك 🖤
flashback 🌿🥀
ف الكافيه
محمد : سارة أنا لازم امشي ورايا مشوار مهم تحبي اوصلك ؟ والا هتقعدي شوية ؟
سارة بابتسامه : لا قاعده شوية هرن علي مرام تيجي
محمد : ماشي هدخل الحمام واجي ادفع الحساب وامشي أنا وخدي بالك انتي بس من نفسك وابقي كلميني لما تروحي
محمد قام وسايب فونه ومفاتيحه علي الترابيزة فجأة جاله ماسدج وسارة خدت بالها محبتش تفتح فونه من غير ما يعرف وسابته بس بعدها جاتله كذا ماسدج فضولها قتلها وخلاها تمسك فونه تشوف المسدجات اللي فيه.
سارة بصدمه : ليلي ؟
لقت محادثة بينها وبينه بتقوله ” مستنياك ف الكافيه اللي بنقعد فيه كل مرة متتأخرش وحشتني❤️ ”
محمد : سارة أنا دفعت الحساب و.. اي ده ؟
سارة بتوتر : احم في أي ؟
محمد : لقيتك سرحانه ومتوترة حصل حاجة ؟
سارة : لا عادي مصدعة شوية هتمشي ؟
محمد : ايوة مشوار علي السريع كده وبعدها هروح الشغل
سارة بشك : ماشي .
..
محمد وصل الكافية لقي ليلي مستنياه
ليلي : ازيك ي محمد عامل اي ؟
محمد بابتسامه : بخير ي لولي وانتي ؟
ليلي : الحمد لله وحشتني علي فكرة
محمد بضحك : بكاشة ما أنا لسه شايفك امبارح
ليلي : يا سلام اممم يعني أنا موحشتكش ؟
محمد : لا بجد وحشتني ❤️ هل قوليلي تشربي اي ؟
ليلي اتوترت ومعرفتش ترد
محمد : في أي ي بنتي مالك ؟
ليلي شاورت ورا ضهره
محمد بص لقي سارة واقفة وبتبصله بحزن وعصبية
محمد بصدمة : سارة ؟
سارة بعصبية : بقي سايبني وماشي عشان وحده زي دي !! وياريتها تستاهل طب كنت عرفني لكن تكدب عليا ؛! هو ده بقي المشوار المهم اللي وراك !!
ليلي بخبث : تؤتؤ اهدي ي سارة وهفهمك
سارة بغيظ : انتي تخرسي خالص أنا مش عارفة كنت مصاحبة الاشكال اللي زيك ازاي ! بس العيب مش عليكي العيب عليا اني وثقت فيكي وفكراكي صحبتي طلعتي حرباية ودي أقل حاجة أقولها عليكي
محمد : ي سارة انتي فاهمه غلط مفيش حاجة بيني وبينها اهدي ونتفاهم
سارة سحبت دبلتها من أيدها ورمتهاله وسابته ومشيت من الكافية وهي دموعها علي خدها من الوجع اللي اتسببلها فيه .
back 🌿🥀
مرام : بس ي سارة واضح اوي أن ليلي كانت قاصده توقع بينكم !
سارة : عارفة
مرام : طب متكلمتيش معاه من بعدها !
سارة : جه وكلمني وقالي أنه يعرفها من فترة قريبة وأنه مفيش حاجة بينه وبينها وبيقولي دي صحبتي عادي ومكنتش اعرف انها صحبتك انتي كمان
مرام : يا سلام !! ومقالش لي !!
سارة : هو ده بالظبط اللي قلته لو مفيش حاجة بينهم فعلا لي يخبي؟
مرام : متزعليش نفسك ي سارة ده نصيب ف الاول والا ف الآخر قدر الله وما شاء فعل ❤️
.
حاتم : اي يابني شايل طاجن ستك لي ؟
محمد : حاسس اني ظلمت سارة
حاتم : فجأة كده
محمد : مش عارف بس كمان حاسس اني اتسرعت ف خطوبتي من ليلي وكاني اثبت كلام سارة أنه صح وان فعلا كان في بيني وبين ليلي مشاعر لما كنا أنا وسارة مخطوبين
حاتم : بص ي محمد في كلا الحالتين انت غلطان انت مشدود لليلي ومكنتش قادر تسيب سارة عشان شايفها مناسبة ليك اكتر .. فأنت ظلمتها معاك ! كنت عرفها لكن انت بدأت تحب ليلي وعشان كده خبيت علي سارة انك تعرفها وطبعا مش لازم اقولك ده اسمه اي انت اكيد عارف ..
محمد بضيق : عارف خلاص
حاتم : الكلام ف الموضوع ده ملوش لازمه دلوقتي انت اخترت وسارة اختارت تبعد والموضوع منتهي فانساها بقي وركز مع ليلي عشان متضيعش الاتنين من ايدك .
محمد : ربنا يسهل الامور .
.
سارة خلصت شغلها وهي طالعة لقت محمد واقف مستنيها
محمد : احم سارة ممكن نتكلم شوية ؟
سارة بضيق : في أي تاني ي محمد احنا مش خلاص انفصلنا ؟
محمد : سارة أنا ضميري مأنبني وحبيت اتكلم معاكي
سارة : خير ؟
محمد : أنا عارف اني غلطان وحاليا متشتت مش عارف اللي انا عملته صح او غلط بس كنت عايزك تديني فرصة اثبتلك فيها حسن نيتي واني مخنت*كيش واني بجد لسه بحبك
سارة بحزن : عارف ي محمد انا حبيتك بجد من قلبي وكان عندي استعداد أتنازل عن حاجات كتير علشانك بس انت عملت أي قصاد ده ؟ محبتنيش ربع حبي ليك كنت ديما بحس أن أنا بحبك اكتر واوقات بحس انك معجب بيا مش اكتر كان نفسي تحبني زي ما بحبك وتكون صريح معايا من الاول لو كنت جيت وحكتلي موضوع ليلي وانكم صحاب كنت هتكبر ف نظري وحتي لو فيه مشاعر ما بينكم كنا هننفصل بهدوء وبردو هتعلي ف نظري انك مخبتش عليا .. أنا عندي عيب صعب أن حد يتقبله فيا اني مبعرفش ادي ثقتي للشخص مرتين مقدرش اكمل معاك وانا جوايا شك ناحيتك أن ممكن تخو*ني تاني أنا اسفة مقدرش اديك فرصة تانية حتي لو كنت مظلوم الموضوع مش قصة انكم كنتم أصحاب والا بتحبو بعض انا شوفت باقي الشات ي محمد وبلاش اقول انت كنت بتقولها عني اي ي راجل ده حتي التفاصيل اللي بيني وبينك كنت بتحكيهالها ارجع أثق فيك تاني ازاي !
محمد بوجع : أنا آسف عن اذنك .
مشيت سارة وهي دموعها علي خدها وبتعيط بحرقة وتفكيرها متشتت ما بين أنها سابته عشان تحفظ كرامتها وما بين أنها لسه بتحبه ومش عارفة ترجعله وتثق فيه تاني . 🥀
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يوم خطوبته)
2 تعليقات