رواية وكأنه فيلم بيتعاد الفصل الأول 1 بقلم رنا سليمان

رواية وكأنه فيلم بيتعاد الجزء الأول

رواية وكأنه فيلم بيتعاد البارت الأول

رواية وكأنه فيلم بيتعاد الحلقة الأولى

_انتي لازم تشوفي حل بابا يا تيتة………محدش بيقدر يقنعه ب اي حاجة غيرك انتي
_عملك اي بس يا ست البنات
_يجوزني ل اياد ابن خالتي مع اني مش بحبه يا تيته ولا عايزاه……….هو انا ليه محدش حاسس بيا ولا بيهتم بزعلي
_اياد ابن خالتك جدع وطيب يا حبيبتي وهيشيلك جوا عينه
_يا تيته اياد شخص كويس ومحترم والف بنت تتمناه بس انا لا ……… انا مش عايزه اتجوز واحد مبحبهوش يا تيته ……….انا عايزه احب واتحب زي باقي البنات
ضحكت وبصيت الناحية التانية……..بصتلها بحُزن
_انتي بتضحكي يا تيته
_اصلك بتفكريني بنفسي وانا قدك كده ……….لما جدك الله يرحمه جاه واتقدملي رفضته وقولت زيك كده انا عمري ما هتجوز واحد مبحبهوش كنت عايشة في جو الافلام الابيض واسود وكان نفسي اعيش قصه حب زي الافلام وكنت مستنيه الشخص ال قلبي هيقع فيه ونعيش ولا احلاها قصه حب بقي عارفه ابويا ساعتها عمل ايه………قالي انه راجل مناسب ليا وقعد هو وامي يشكروا فيه وانه راجل كويس و محترم هيصوني وانا ولا مقتنعه بحرف منهم بس من كتر كلامهم عنه قولت وماله اتحطبله شهرين ولا حاجه كده وامسك عليه اي غلطه واسيبه بس مزعلش ابويا وامي مني ………..حاولت ب كل الطرق اني احبه ومعرفتش او كنت بحاول اقنع نفسي اني مش بحبه وبرفض اني اكون معاه ………..عدا شهرين بعد خطوبتنا ولقيت ابويا بيقولي انه حدد مع جدك وابوه معاد الفرح بعد شهر
ساعتها قولت ل بابا اني مش موافقه واني حاولت اني احبه ومعرفتش بس بابا قالي انه هيسبني يومين افكر كويس واخد قراري علشان هو شاب كويس وبيحبني وبلاش اضيعه من ايدي
………….ساعتها فضلت اعيط لمدة يوم كامل امي ساعتها دخلت عليا الاوضه وقالتلي
_انا لو كان عندي شك 1٪ انه مبيحبكيش او مش هيصونك عمري ما كنت هوافث على حاجه زي دي ولا هخليكي تتجوزيه بس انا شوفت في عينه حب كبير ليكي واتاكدت ان هو دا ال هيشيلك في عينيه الحب الحقيقي يا بنتي……….بيجي بعد الجواز قومي يا حبيبتي صلي صلاه استخارة وبعدها قولي قرارك النهائي ومهما كان قرارك ايه انا هكون جمبك ولو انتي مش عايزاه انا هقول ل ابوكي ………..سمعت كلامها وروحت صليت صلاه استخارة بعدها لقيت نفسي بوافق عليه بس من غير قلبي ما يقع فيه ولا حتي حزء صغير من قلبي بيحبه وفعلا اتكتب كتابنا
كنت بسمعلها بصدمة كبيرة لاني عارفه ان قصه حبها هي وجدو كانت كبيرة اوي انا حبيت الحب بسببهم وبقيت بتمني اعيش قصه حب زيهم كده جدو الله يرحمه كان دايما يحب في تيته طول الوقت وهما الاتنين كانوا بيخافوا على بعض اوي …….بتبصلي وابتسمت
_بتبصيلي كده ليه يا بت انتي اوعي تكوني فاكره اني حبيت جدك من اول يوم شوفته فيه لا………جدك اه كان بيحبني من زمان بس عارفه انا حبيته امتي؟!
بصاتلها ب اهتمام واتعدلت في قاعدتي وانا مبتسمة
_بعد ما امي ماتت دخلت في حالة اكتئاب لا كنت باكل ولا بشرب لانها كانت اقرب واحده ليا مكانش فيه سر في حياتي مبقولهاش عليه بعد موتها حسيت ان الدنيا اسودت في وشي حسيت ان خلاص الدنيا قفلت في وشي وان الدنيا عمرها ما هتضحكلي تاني جدك بقي الوحيد ال كان واقف جمبي كان سايب كل حياته ودنياته و طول الوقت قاعد جمبي كان بيحاول يخرجني من ال انا فيه ويضحكني ب اي طريقه رغم اني كنت بصده لكن هو مكانش بيسبني بردو واستحمل كل غضبي وعصبيتي وحزني عارفه يا بت يا حنين
انا قولت في الاول اني عمري ما هحب جدك دا بس هو خلاني احبه تحمله ليا وخوفه عليا ومحاولاته انه يخرجني من حزني واكتئابي دا هو ال خلاني احبه عارفه؟!……….كان دايما بيقولي يا ست البنات حتي بعد ما كبرنا وعجزنا كان بيقولهالي كان شايفني طول الوقت عيله صغيره قدامه بنته مش حبيبته ومراته وبس كان بيجي يحكيلي كل حاجه حصلت في يومه كأني صاحبته وانا كنت بعتبره ابني اللي بخاف عليه من اصغر حاجه
كانت بتحكي وهي على وشها ابتسامه جميله مش مفرقه وشها
_مع الوقت حبي ليه بدا يكبر لحد ما بقيت بحبه اكتر من اي حاجه في الدنيا واديني اهو بقالي سنتين بحاول اعيش حياتي من غيره بس مش عارفه مات اللي لما امي لما ماتت كان هو ال بيخفف عني حزني عليها وكان واقف جمبي دايما لكن هو لما مات مبقاش عندي حد يهون عليا موته
صدقيني يا رنا الحب الحقيقي هو اللي بيجي بعد الجواز وبيفضل عايش العمر كله فكري في كلامي كويس يا بنتي اياذ شكله بيحبك انا بشوف في عنيه نظرة نفس اللي كنت بشوفها في عين جدك الله يرحمه اتجوزيه يا بنتي وبلاش تغلطي غلطه غبيه وتسيبي يروح منك
بصتلها وابتسمت واترميت في حضنها
_انا بحبك اوي يا تيته
طبطبت على ضهري
_وانا كمان بحبك يا ست البنات ………دا انتي اخر حاجه بقيالي من الغالي بعد ابوكي ومليش غيركم
كلامها فعلا خلاني ارتاح واعيد التفكير في موضوع اياد تاني……….تيته دي اطيب واحن قلب ممكن اقابله في حياتي هي الوحيده اللي بتفهمني والوحيده اللي عارفه كل حاجه عني وبتساعدني في اي مشكله بقع فيها هي مش بس جدتي هي صحبتي الاولي وامي التانيه تيته دي لو حصالها حاجه أنا ممكن اروح فيها بجد هي كل حاجه في حياتي انا بحبها اكتر من اي شيء في الدنيا
تاني يوم بعد كتب الكتاب كنا قاعدين في البلكونه اللي عندنا في بيتنا
صليت استخارة ولقيتني مرتاحه لموضوع اياد وفعلا اتخطبنا واتكتب كتابنا في شهر لان اياد كان عايز كده
_مبروك يا ست البنات
ابتسمت وكنت باصة في الارض
_الله يبارك فيك
_هو انتي بتدوري علي حاجه
بصتله ب استغراب
_حاجه ايه
_من ساعة ما قعدنا وانتي باصة في الارض ولا كأن في حاجه ضايعه منك
=لا عادي مفيش حاجه
_طيب ايه هتفضلي ساكته كده كتير
مش ناويه تتكلمي شويه
=اتكلم اقول ايه
ابتسم
_اكيد مش هتتكلمي عن سياسة البلد ولا اقتصادها اتكلمي عن نفسك مثلا
=مانت عارف كل حاجه عني دارسه ايه بشتغل ايه سني كا
قاطعني وهو بيقرب مني
_رنا
_نعم
_انا مش هطلعلك بطاقه على فكرة علشان تقوليلي الحاجات دي
ابتسمت وبصيت في الارض
_لا على فكرة انا كتبت كتابنا مع الخطوبه علشان منبقاش قاعدين القاعده دي وتفضلي بصالي في الارض كده انا جوزك على فكره
ابتسمت تاني بصتله لقيته مبتسم ………ابتسامته بدأت تروح تدريجيا واتكلم بهدوء
_اوعي ضحكتك دي تفرق وشك في يوم يا رنا ضحكتك دي احلي حاجه ممكن يشوفها اي حد ضحكتك دي اجمل من اي شيء في الدنيا اوعي تخلي حاجه تسرق منك ضحكتك دي
ابتسمت وفضلت ساكته وباصة ليه………مكنتش عارفة اقول اية ولا اتصرف ازاي………رغم انه طيب وبيعاملني كويس وعارفة انه هيخليني اسعد واحدة في الدنيا بس مش عارفة انا لية مش حاسة ب اي حاجة ناحيته ولا حاسة اني ممكن احبه ………مكنتش عارفة اللي بعمله دا صح ولا غلط وخايفة اكون بغلط في حق نفسي قبل ما اكون بغلط في حقه هو