رواية وقعني ظبوطه الجزء الثاني الفصل السادس 6 بقلم منار مجدي

رواية وقعني ظبوطه الجزء الثاني الجزء السادس

رواية وقعني ظبوطه الجزء الثاني البارت السادس

رواية وقعني ظبوطه الجزء الثاني الحلقة السادسة

جهزت أسيل الشاى والتحليه وخرجت قدمتها للضيوف
سلوى شاورت لأسيل بعينيها تدخل المطبخ
أسيل فهمت انها بتحب النضافه عشان كده دخلت المطبخ وبدأت تلمه وترتبه وتغسل الاطباق
مليكه دخلت:الضيوف مشيت تعالى خدى الاطباق إلى بره اغسليهم بالمره
أسيل:حاضر
خرجت أسيل واخدت الاطباق بقيت حاسه بدوخه رهيبه
دخلت أسيل المطبخ تانى وعملت كل حاجه ومن التعب قعدت على الأرض فى المطبخ وغصب عنها دموعها نزلت بقا جسمها كله مهمد وحاسه بدوخه وصداع وايديها بتترعش
تليفونها رن برقم هارون
أسيل مسحت دموعها بسرعه وقامت وردت
أسيل:ألو
هارون:أسيل مال صوتك انتى كويسه
أسيل ضحكت:مال صوتى يا هارون شكل الشغل عندك مش مخليك مركز معايا
هارون ضحك:عيب عليكى انتى إلى جوه القلب
أسيل ابتسمت:وحشتنى اوى
هارون:لا لو كده بقا انا هتأخر كل يوم
أسيل ضحكت:خلاص موحشتنيش
هارون:ليه ليه كده
أسيل:هو انت هتيجى امتى
هارون:الساعه ١١ كده او حاجه
أسيل:ده هيبقا بعد العشا
هارون:اه كلى كويس
أسيل:وانت
هارون:انا أما الشويش عزت جايب معاه شويه محشى وممبار انما ايه كلنا هناكل معاه
أسيل:طيب كل كويس وخلى بالك من نفسك ماشى
هارون:ماشى وانتى كمان
أسيل:هارون انا فى البيت الكل هنا بيخلى باله منى
هارون:مليكه بتضايقك
أسيل:لا ديه حتى لطيفه اوى معايا
هارون:عارفه انا مش مصدق ان مليكه لطيفه بس هصدقك انتى يا قمرى
أسيل ابتسمت: هارون
هارون: أسيل
أسيل:انا بحبك اوى عارف انا ممكن اعمل اى حاجه عشان بس افضل جمبك.
هارون:انتى مش مضطره تعملى حاجه عشان انا إلى مش هستحمل تبعدى عنى
أسيل ابتسمت:بحبك يا هارون
هارون:وانا بموت فيكى هكلمك بعدين ماشى
أسيل:ماسى
هارون ضحك وقفل معاها
أسيل ابتسمت وهى بتبص للتليفون
أسيل:هستحمل عشانك عشان بحبك.
دخلت مليكه:أسيل سوسو بتقولك اعملى شاى للعيله عشان اونكل مدحت عايز شاى
إسراء دخلت:مش لكل العيله انا وسما ورحيم مش عايزين.
أسيل:يعنى لسلوى هانم وعمى وانتى يا مليكه
مليكه:لا انا عايزه هوت شوكلت
خرجت وسابتها
أسيل اتنهدت وبدأت تجهز ليهم الحاجه
أسراء:أسيل خلينى انا اعمله انتى تعبتى اوى
أسيل:لا متقلقيش انا كويسه اهو
فعلا عملت أسيل الشاى وقدمته للكل
مدحت:ايه الحلاوه ديه انتى إلى عملتى الشاى يا أسيل
أسيل:ايوه عجبك
مدحت:تسلم ايدك
اسراء:مش بس الشاى يا بابا ديه أسيل عملت الفطار والغداء والحلويات والمشروبات ديه حتى نضفت البيت كل ده لوحدها
مدحت بضيق:ليه عملتى كل ده
أسيل:ها.
أسراء:عشان ما..
أسيل قاطعتها:عادى حبيت اعمل كل حاجه انهارده بدل مدام عواطف انت شكل الشاى معجبكش صح
مدحت ابتسم:لا عجبنى تسلم ايدك
مليكه شديتها على جمب:بسرعه وقت العشا قبل ما حد يطلب منك ويستعجلوكى اعملى براحتك من دلوقتى
أسيل ابتسمت افتكرتها خايفه عليها حد يكلمها هزيت راسها ودخلت المطبخ
بعد فتره كبيره كانت اسيل بتحضر السفره للعشا
سلوى:كل ده العشا لسه ايه ده خلصتى
أسيل:اه يالا اتفضلو
سلوى:اممم بس استنى فين السلطه الكلو سلو بتاعتى انا مش بتعشى من غيرها
أسيل:هعمل على طول مش هتأخر.
دخلت أسيل تحضرها
أسيل: شكرا يا مليكه بسبب مساعدتك خلصت على الوقت.
بعد فتره عملت الكلو سلو وخرجت كانو خلصو اكل.
سلوى:اتأخرتى اوى وانا كنت جعانه فمستنتش
قامت هى كمان مكنش فى حد على السفره
أسيل بدموع ابتسمت:لا يا أسيل مش مهم مش مهم عادى
بقيت تمسح دموعها وبطنها وجعاها جعانه اوى
لمت السفره وبدأت ترتب المطبخ وتقفله
سلوى بتنادى:أسييييييل
خرجت أسيل تشوف فى ايه
سلوى رمت فى وشها علبه الحلويات:ايه ده
أسيل اتوترت وبقيت تفرك فى ايديها:ده ده
سلوى:يبقا كل حاجه انهارده كانت دليفرى
رحيم:لا يا ماما ….
سلوى:انت تخرس خالص
أسيل شاورت ليه يسكت وهى هتتصرف.
سلوى:ما تنطقى
أسيل:بصراحه هى الحلويات بس من بره لكن انا عملت كل حاجه تانيه والله
سلوى:وانا ايه يخلينى اصدقك
أسيل:انا اسفه
ملكيه: تؤ تؤ مكنتش متوقعه كده خالص
اسراء:مليكه اخرسى
أسيل بقيت تدمع وهى بتفرك فى إيديها:انا اسفه
سلوى:اعمل ايه بأسفك انتى عارفه لو حد من الضيوف كان شاف العلبه ديه كان هيبقا ايه منظرنا
اسراء:بس محدش شافها…
سلوى:اخرسى انا مش بكلمك انتى
أسيل بدموع:انا اسفه
هارون:أسيل
راح بسرعه وحضنها وهى لما صدقت بقيت تعيط جامد وكأنها بتطلع كل إلى جواها
هارون:بس بس مالك بس يا حبيبتى
أسيل بعدت ومسحت دموعها:م مفيش حاجه انت بس وحشتنى
هارون بص ليهم كلهم ملامحهم مش مبشره
هارون:أسيل انتى بتكدبى قولى الحقيقه ايه حصل
مليكه:انا اقولك احنا كنا بنهزر معاها بس هى اخدت الهزار جد مش كده يا سوسو
سلوى فضلت ساكته
هارون :تعالى معايا
شد أسيل وطلعو اوضتهم
قعدها على السرير وجاب لها مايه:خدى اشربى
أسيل شربت وهى بتتشحتف وصعبان عليها نفسها
هارون:ممكن تقوليلى الحقيقه ايه حصل وانا مش موجود
أسيل ابتسمت وسط دموعها:محصلش حاجه صدقنى انت بس وحشتنى اوى
حضنته جامد
الباب خبط
أسيل:انا هدخل الحمام اغسل وشى
فتح هارون الباب
يوسف:بابا هارون أسيل كويسه
هارون وطى ليه بابتسامه:كويسه هو ايه حصل انهارده يا يوسف
يوسف زى الاطفال بيقول كل حاجه:أسيل انهارده عملت لينا فطار حلو اوى وكمان رتبت الاوض بتاعتنا كلنا وعارف ايه كمان
هارون:ايه كمان.
يوسف:عملت لينا غدا حلو وكتير اوى لينا وللضيوف وبعدين عملت كيكه حلوه اوى يا بابا هارون وعملت لينا شاى وعملت ليا انا ومليكه هوت شوكلت كان جميل اوى بس
هارون:بس ايه
يوسف بزعل:تيته زعقتلها عشان جابت البسبوسه من بره مش عملتها فى البيت وكانت بتزعقلها جامد وآسيل كانت بتعيط وبتقولها انها اسفه بس تيته زعقتلها اجمد هى كويسه
هارون حضنه:كويسه يا حبيبى انت متقلقش
اسراء من ورا يوسف:تعال يايوسف
هارون ابتسم لأسراء عرف انها هى إلى بعتته
اسراء: شاطر يا يوسف خد الشوكولاته ديه ويالا على اوضتك
اسراء ابتسمت لهارون ومشيت
أسيل خرجت من الحمام
هارون:ليه مقولتليش كل إلى حصل
أسيل بتوتر:عشان محصلش حاجه مهمه يعنى طبيعى
هارون :لا مش طبيعى يا أسيل
أسيل :لا طبيعى صدقنى
هارون بعصبية:قولتلك مش طبيعى مش طبيعى انك ترتبى الفيلا كلها لوحدك مش طبيعى انك تعملى فطار وغدا وعشا لأكتر من ١٠ أفراد مش طبيعى مش طبيعى تستحملى كل ده ليه اصلا
أسيل بدموع:عشان يحبونى عشان يتقبلونى معاهم عشان مبعدكش عن اهلك واكون وحشه فى نظر نفسى عشان بحبك
هارون حضنها:بس انتى مش مضطره تعملى كل ده مش مضطره
أسيل بدوخه رهيبه:انا حابه اعمل كده
هارون بعدها عنها وبص فى عينيها إلى هى بتحاول تثبتها :يا أسيل انا بحبك من غير ما تعملى حاجات كتير فوق طاقتك
أسيل ابتسمت:ده مش فوق طاقتى انا ببقا مبسوطه وانا بعمل كده
هارون مسك وشها:انتى عنيده جدا
أسيل ضحكت:اول مره تعرف
هارون وهو بيقرب لوشها:عارف من زمان انا بحبك اوى
أسيل:وانا كمان
كله يسجل عنده المحاوله رقم ١٧
نعد سوا 1 2 3
هارون بعد عنها لقاها مغمضه عينيها
هارون:أسيل أسيل
أسيل اغمى عليها
هارون قام بسرعه وجاب مايه وبيحاول يفوقها بس مفقتش
هارون نادى بصوت عالى وخايف:اسراااااااء رحييييم حد يتصل بدكتوره بسرعه
مدحت:فى ايه يا بنى لمين الدكتور
هارون:لأسيل مش عارف ايه حصلها مش بتفوق
سما بصيت بعتاب لسلوى ودخلت عند أسيل وقعدت جمبها وهى بتحط ايديها على شعرها
سما:ممكن عشان مأكلتش من الصبح
هارون بعصبية:ايه
مليكه:هى كانت بتقول مش جعانه
سما بزعيق ليها:عشان مكنتش فاضيه تاكل البركه فيكى
مليكه:ايه وانا مالى وبعدين انتى ازاى تتكلمى معايا كده
هارون بزعيق:بس كلكم
رحيم:انا اتصلت والدكتوره زمنها جايه
هارون:اخرجوا بره كلكم برررره
خرجو كلهم وهارون قفل الباب بعصبيه وراح قعد جمبها
كانت أسيل وشها اصفر ومجهد كانت شبه الج’ثه
هارون حط أيده على وشها:انا اسف كله بسببى مكنش ينفع اسيبك هنا لوحدك بس خلاص هنروح بيتنا ونسيب البيت ده .
رحيم خبط على الباب:الدكتوره يا هارون
هارون فتح الباب والدكتوره كشفت عليها وعلقت ليها محلول
الدكتوره: متقلقش شويه إجهاد وقله تغذيه
هارون:طيب هتفوق امتى
الدكتوره:ممكن تفوق فى اى لحظه هى بس محتاجه راحه عن أذنك
رحيم:اتفضلى يا دكتور.
هارون قعد جمب أسيل ومسك ايديها
هارون:انا اسف كله بسببى انا السبب أسيل انا معرفش اعيش من غيرك مش هسمح لأى حد يأذيكى.
قام عشان يلم هدومهم وكل حاجه تخصهم
سلوى كانت واقفه على الباب بتشوفهم لوحدها من غير ما حد ياخد باله كانت أسيل صعبانه عليها اوى
أسيل فاقت بعد فتره كان هارون بيخرج شنطهم
أسيل بتعب وابتسامه:هارون بتعمل ايه
هارون:هنمشى يا أسيل
أسيل بصدمه حاولت تقوم
هارون ساعدها
أسيل:بتقول ايه جايز سمعت غلط
هارون:هنمشى من هنا يا أسيل
أسيل:بس انا لسه مخلتش مامتك تحبنى انا وعدتك مش هستسلم
هارون:انا بعفيكى من الوعد ده أسيل انتى كده بتأذى نفسك وانا مش هسمح بده
أسيل:بس يا هارون
هارون مسك وشها:أسيل انا مش هعرف اعيش لحظه من غيرك مش هستحمل صدقينى
أسيل ابتسمت بحب: متقلقش عليا انا بومب وبعدين هو انا اشتكيتلك
هارون:عارف انك مش هتشتكى عارف انك هتستحملى كل حاجه عشانى بس انا مش هستحمل اشوفك كده
أسيل: هارون احنا مش هنمشى من هنا ده بيتك وديه عيلتك لازم تخد بالك منهم وبعدين انت مش عايز تحققلى حلمى الجديد وله ايه
هارون ابتسم بإستغراب:حلم جديد
أسيل:اه حلمى الجديد أنى ابقى بطنى قد كده🤰وابقى حامل في نونو منك ومامتك قاعده جمبى بتأكلنى فى بقى فاكهه وانت قاعد جمبى وبتسمع صوت ابننا فى بطنى
هارون ضحك:طيب ما تيجى نحقق حلمك
أسيل: امممم لا هههههه
هارون: ليه
أسيل:اوعدنى الاول انك مهما حصل مش هنمشى من هنا ماشى دول عيلتك ومينفعش نسيبهم ايآ كان السبب ايه ماشى.
هارون؛بس ماما
أسيل:مامتك طيبه صدقنى وانا متأكدة اكيد هتحبنى عارف ليه
هارون:ليه
أسيل:عشان انا بحبها وانا لما بحب حد بفضل وراه وله نسيت
هارون ضحك:لا منسيتش
أسيل:ده انت تعبتنى يا جدع ايه ده كنت تقيل اوى
هارون ضحك: دلوقتى انتى إلى تقيله مش كده
أسيل:ليه هو انا تخنت
هارون ضحك:استعبطى استعبطى.
أسيل ضحكت
هارون:ماتيجى يا أسيل نحاول تانى
أسيل بصيت بعيد :مش عارفه
هارون قام
سلوى بعدت عن الباب
قفل هارون الباب ولف لأسيل
أسيل ضحكت:هارون اعقل
هارون:اعقل لا خلاص مفيش دلوقتى عقل
محاوله رقم ١٨
نعد سوا 1 2 3
أسيل زقيته وحضنته
هارون اتنهد:ماشى انا عارف انك هتجننينى اصلا
أسيل بضحك:فاكر اتقابلنا ازاى
هارون:اه ده كان يوم
أسيل بضحك:كنت عايزه احبس شريف
هارون:عارفه كان صعبان عليا أما دلوقتي بقول يا ريتنى كنت حبسته ههه
أسيل:بتغير عليا
هارون:بغير من الهوا
أسيل:امممم هموت وانام
تانى يوم صحى هارون ملقاش أسيل
قام بسرعه
دخلت أسيل بصنيه الفطار
أسيل: صباح الخير يا كسلان
هارون ابتسم:صباح النور
أسيل:يالا الفطار جهز
هارون دخل الحمام يغسل وشه
خرج كانت أسيل بتجهز هدومه
هارون حضنها من ضهرها
أسيل ابتسمت وحطيت إيديها على وشه:مالك
هارون:مش عايز امشى واسيبك
أسيل لفت ليه:انت مش هتتاخر صح وبعدين انا هفضل مستنياك هنا
هارون:تعالى معايا
أسيل:هتعينى ظابطه
هارون ضحك:هخليكى تلبسى الجاكت بتاع الشغل
أسيل:اممم بترشينى يا حضره الظابط بقا
هارون:اعتبرينى برشيكى تعالى معايا
أسيل:مش هينفع وبعدين لو جيت معاك مين هيحضرلك المفاجأة.
هارون: مفاجأة ايه
أسيل:تؤتؤ لو قولتلك مش هتكون مفاجأة
هارون:طيب قوليلى وهمثل انى اتفاجأت
أسيل ضحكت وحطيت إيديها على وشه:حبيبى استحمل شويه صغيرين خالص ماشى
هارون حرك رأسه بابتسامه
أسيل:يالا على الفطار