رواية وقعني ظبوطه الجزء الثاني الفصل الثاني 2 بقلم منار مجدي

رواية وقعني ظبوطه الجزء الثاني الفصل الثاني 2 بقلم منار مجدي

رواية وقعني ظبوطه الجزء الثاني الجزء الثاني

رواية وقعني ظبوطه الجزء الثاني البارت الثاني

رواية وقعني ظبوطه الجزء الثاني الحلقة الثانية

هارون مسك أيد أسيل إلى كانت بتدمع:مش هطلقها يا ماما وياريت تقفلى الموضوع ده عشان ده مستحيل يحصل انا لما صدقت اتجوزها اساسا

أسيل بصيت ليه وابتسمت وسط دموعها

(لما تحس انك اكبر انتصارات إلى بتحبهم بيبقا احساس جميل جدا بتحس انك اختارت صح)

هارون شد أسيل وطلعو قعدها على السرير وقعد قدامها على الأرض ومسح دموعها:ممكن تهدى

أسيل بدموع:بس هى بتكرهنى

هارون:لا مش بتكرهك هى بس متعرفكيش كويس

أسيل بصيت ليه 🥺

هارون:بس لما هتعرفك هتحبك جدا كمان

أسيل ابتسمت:بوعدك يا هارون هفضل وراها لحد ما تحبنى وتتقبلنى

هارون حط أيده على شعرها:انا واثق فى ده

أسيل ابتسمت وغمضت عينيها فجأها هارون بمحاوله جديده من محاولاته الفاشله ها يا جماعه ديه المحاوله رقم كام ٧ صح يالا نعد سوا 1 2 3

أسيل زقته بتوتر واحمرار: ينفع ايديك تبطل تتحرك كتير اقولك اوعى كده اوعى

هارون زقها تانى للسرير:اوعى ليه بس استنى

أسيل:هارون مش بهزر بجد وترتنى

هارون:يا أسيل انا جوزك والله

أسيل ابتسمت بسخرية:بجد افتكرتك ابن خالتى مانا عارفه انك جوزى انا كل إلى طلبته شويه ادب واخلاق شويه صغيرين

هارون نام على ضهره جمبها واتنهد بابتسامه:على قد مانتى مجننانى بس عارفه بجد ديه احسن ايام عيشتها فى حياتى عارفه ليه

أسيل نامت على بطنها جمبه وبصيتله بابتسامه وهى حاطه ايديها على خدها:ليه يا هارون ليه

هارون بصلها:عشان انتى معايا.

أسيل حضنته:انت احسن هارون فى الكون

هارون ضحك:طيب مفيش بو’سه لأحسن هارون

أسيل باسته فى خده جامد:احسن بو’سه

هارون ضحك:ديه ليوسف ديه مش ليا

أسيل:اه صحيح نسيت انك قليل الادب.

هارون:بحب قل’ه الاد’ب

أسيل ضحكت وقربت منه براحه و…….

هارون حس بيها بتبعد قام وعدلها واعتلاها لمحاوله تانيه

كله يسجل المحاوله رقم٨ نعد سوا 1 2 3

أسيل زقته ونيميته وحضنته :عايزه انام ممكن

هارون ابتسم:ماشى يا أسيل بس انا مش هستسلم

أسيل:نام نام

تانى يوم صحيت أسيل الاول ونزلت المطبخ تحضر لهارون الفطار زى ما اتعودت

اسراء: صباح الخير يا عواطف

أسيل ضحكت:صباح الخير يا اسراء

اسراء دعكت عينيها بصيت ليها بإستغراب:أسيل بتعملى ايه عندك

أسيل:بحضر الفطار لهارون

أسراء:بتهزرى بس هارون مش بيفطر

أسيل ضحكت :لا ماهو مكنش بيفطر هنا عشان كان بيفطر معايا

اسراء:اه يا واد يا خطير

أسيل اتكسفت وحضرت الصينيه

اسراء:اممم شكله حلو

أسيل: شكرا عن أذنك هطلعله الفطار وبعدين انزل نقعد سوا

اسراء:ماشى مستنياكى

أسيل طلعت لهارون لقيته لسه نايم راحت وقعدت جمبه بابتسامه وحطيت إيديها على خده:هارون حبيبى يالا الفطار

هارون بابتسامه فتح عينيه:صباح العسل

أسيل ابتسمت: صباح النور يالا الفطار

قامت بس هارون مسك أيديها

أسيل بصيت ليه:يالا

هارون شدها جامد وقعت عليه

هارون بعد شعرها بإيديه ورا ودنها:طيب فين الفطار

أسيل بتوتر شاورت برأسها على الاكل:على الترابيزه هناك

هارون:تؤتؤ غلط الاجابه غلط الفطار هنا(حط صباعه على شفايفها)

أسيل احمرت واتكسفت:هارون بطل بقا

هارون لفها واعتلاها:ليه ابطل هو انا لسه بدأت

أسيل:هارون متحاولش يالا افطر انا هنزل لأسراء

جت تقوم زقها هارون للسرير تانى:تؤتؤ لما افطر انا الاول

أسيل:مانت …….

هارون سكتها بمحاولات رقم٩

ها نعد سوا 1 2 3

 أسيل قشعرت وبعدته وهو كان كل شويه ياخد نفسه وهو بينهج ويكمل وهى مش عارفه ليه مش عارفه تتكلم تقول ايه وله تعمل ايه

وهارون لما صدق الصراحه وشد اللحاف من غير ما يبعد عنها عليهم وكمل لحد ما أسيل وقفته ودارت جسمها بإحمرار ودموع:لا لا مش قادره صدقنى حاولت مش هقدر لا

هارون:أسيل

أسيل بدموع وتوتر: ل لا مش هقدر صدقنى اهئ اهئ صدقنى حاولت مش عارفه

هارون:بس بس أهدى خلاص يا أسيل هبطل احاول معاكى انتى لسه مش جاهزه بس هستناكى لما تكونى جاهزه وتيجى لوحدك انا نازل.

قام عشان يدخل الحمام

أسيل قامت بسرعه وعدلت هدومها ولبست

أسيل بضيق:زمانه زعلان مني دلوقتى يوووه يا أسيل مكنتيش قادره تستحملى شويه كمان بس بحس أن قلبى هيطلع من مكانه بحس بحراره كبيره جدا كأنى على حمم بركانيه بجد يا ربى ايه الاحراج ده بس

هارون خرج بعد فتره وكان نازل

أسيل:هارون استنى

هارون وقف وبصلها

أسيل:انت زعلان مني صح

هارون هز رأسه:لا يا أسيل مش زعلان

أسيل:بالله ما تزعل مني انا والله مش قصدى ازعلك منى بس اصل اصل يعنى

هارون:بتتكسفى مش كده

أسيل بصيت ليه

هارون:عادى يا أسيل انا مش زعلان

أسيل:طيب مش هتاكل انا صحيت بدرى وحضرته ليك

هارون اتنهد وراح قعد قدام الاكل وبقا بياكل فى هدوء

أسيل كانت مضايقه

هارون خلص وغسل ايديه و ولسه نازل

أسيل بضيق:هارون

هارون:فى ايه تانى.

أسيل لفت ووقفت قدامه:خلاص انا جاهزه دلوقتى.

هارون بص ليها بإستغراب

أسيل قربت ووقفت قدامه بالظبط:انا جاهزه

هارون:مفيش تراجع

أسيل بابتسامه:وله استسلام بس انت متضايقش ماشى يا (شديت خده) يا عسل

هارون ضحك وشالها وحطها على السرير وشد اللحاف

سجلو معايا المحاوله رقم ١٠

نعد سوا 😂 1 2 3

أسيل غمضت عيونها جامد جدا وبقيت ماسكه فى مرتبه السرير جامد وهارون كان بيحاول يخفف عنها بس هى كانت زى ما هى هارون بعد وبصيلها:أسيل انتى بجد عايزه

أسيل فتحت عينيها وبصيتله:عايز الصراحه

هارون:ايوه يا أسيل اكيد الصراحه

أسيل :انا حاسه انك زعلت مني واضايقت وانا مش بستحمل تزعل مني خالص فقررت اعمل إلى انت عايزه اهم حاجه متزعلش وكده كده انا واثقه فيك مستحيل تأذينى مش كده

هارون نام على ضهره وحط أيده على شعره:أسيل انا بجد بحبك اوى بس انا مستحيل اجبرك تعملى حاجه انتى مش عايزاها وانتى مش عايزانى

أسيل قاطعته :لا عايزاك

هارون:مش كده افهمينى يعنى مش عايزانى اقرب ليكى

أسيل:انا بس متوتره اوى ومكسوفه اكتر

هارون:هو انتى بتخافى منى

أسيل حضنته:خالص انت الوحيد اللي حسيت معاه بأمان زى ما حسيت مع بابا واكتر كمان

هارون باس راسها:يبقا متعمليش حاجه غير وانتى مقتنعه بيها ماشى يا حبيبتى

أسيل ابتسمت: ماسى بس انت متزعلش منى

هارون ابتسم:ماشى مش هزعل بس هو انا زعلى بيفرق معاكى اوى كده

أسيل:اكتر من كده لما بحس انك زعلان منى ببقا زى ما تكون الحياه اسودت واتقفلت وبقيت وحشه لكن لما بتكلمنى بحس بحياه جميله جدا منوره وكلها ألوان وأبواب الفرح كتير وكلها مفتوحه.

هارون باسها من خدها:انتى حياتى كلها

أسيل ابتسمت بكسوف

هارون:انا هقوم بقا

أسيل:هتروح فين

هارون:هشوف شغلى بقا اهو اى حاجه تشغلنى عنك لحد ما تبقى مستعده من جواكى ماشى

أسيل:ماسى

هارون ابتسم وعدل هدومه وخرج

أسيل قامت هى كمان عدلت هدومها واخدت صنيه الاكل ونزلت المطبخ

أسيل:اه انتى بقا اكيد طنط عواطف

عواطف:لا يا هانم انتى تقوليلى عواطف على طول

أسيل:عندك كام سنه الاول

عواطف:٤٠ سنه بس

أسيل:اه لسه صغيره حرام اقولك طنط بس برضو مينفعش اقولك كده حاف خلاص هقولك يا أبله

عواطف:ينهار يا هانم مينفعش

أسيل:امال اقولك ايه

عواطف:عواطف على طول

أسيل:طب انتى متجوزه

عواطف:ايوه يا هانم ومعايا اولاد كمان

أسيل:ربنا يباركلك فيهم خلاص ايه رأيك في مدام عواطف

عواطف:يا هانم بس

أسيل:لا مانا مش هعرف اقولك كده فاستحملى بقا معلش .

عواطف ابتسمت:شكلك طيبه اوى

أسيل:والنبى انتى إلى عسل

عواطف ضحكت

اسراء:بتعملى ايه تانى يا أسيل

أسيل:بدردش مع مدام عواطف

اسراء:اه طيب خلصتى

أسيل:هو فى حاجه

اسراء:بس تعالى

خرجت أسيل مع اسراء

اسراء ابتسمت وحطيت على رقبتها شال

أسيل:ليه الجو حر

اسراء ابتسمت وقربت من ودنها:عشان علامات هارون باينه.

أسيل بإستغراب:علامات علامات ايه

اسراء ضحكت:يعنى مش عارفه

أسيل:حقيقى مش فاهمه

اسراء شديتها قدام مرايا ووريتها العلامات

أسيل:ايه دول دول حساسيه يعنى يخبر دول منتشرين جامد كده هعوز اشوف دكتوره احسن يطلع معدى وهارون يتعدى منى

اسراء بضحك:دول هارون إلى عملهم اساسا

أسيل:ها ده ازاى

اسراء قربت لودنها وشرحتلها

أسيل احمرت وبرقت😳😳😳

اسراء:بس كده ايه ده ايه حصلك انتى كويسه

أسيل نزلت الشال كويس

اسراء بضحك:لولا أن مليكه جايه انا كنت سيبتك تبينيهم عادى لكن ديه مينفعش تشوفهم احسن تديكم عين وتحسدكم وهارون يقلب عليكى وتبقا قصه مأساويه

أسيل ضحكت:ايه ده كله مين مليكه ديه.

اسراء:ديه بنت خالتو منى

سلوى:والى كنت هخطبها لهارون لولا ظهرتى فجأة في حياته

أسيل ابتسمت:صباح الخير يا طنط

سلوى:بس متقوليش طنط

أسيل:امال اقولك ايه تحبى اقولك ايه

سلوى:سلوى هانم

أسيل:طيب يبقا صباح الخير يا سلوى هانم

اسراء:تعالى يا أسيل

أسيل:لا استنى لسه مخلصناش كلامنا

شديتها أسراء

اسراء: ماما كلامها بيجرح عارفه بس والله هى قلبها طيب

أسيل ابتسمت:عارفه انا برضو عندى ام زيها عارفه هى زى اى ام عايزه الافضل لأبنها انا مش زعلانه منها خالص العكس انا مبسوطه جدا أن هارون عنده أم زيها بتخاف عليه وبتحبه .

اسراء:يعنى مش زعلانه

أسيل ابتسمت:خالص انا بس بحاول اكلمها وندردش يمكن تحبنى

اسراء:انا متأكدة هتحبك

أسيل:ادعيلى بس

فى حين اسراء وأسيل بيتكلمو

دخلت بنت غايه في الجمال والروعه لكن عيبها الوحيد هدومها و والمكياج الأوفر إلى حطاه على وشها الكل عرفها مش كده ديه مليكه

مليكه:هاى سوسو

أسيل 😕:سوسو

سلوى حضنتها:اهلا يا حبيبت سوسو

مليكه:عامله ايه وفين هارون وحشنى اوى.

أسيل ضحكت بصوت عالى:بجحه اوى بجد هههههه

مليكه:مين ديه

أسيل 😏:مراته يا عنيا

مليكه:مستحيل ديه لوكل اوى يا سوسو

سلوى بقرف:عارفه

أسيل أضايقت 🥺

اسراء:تعالى يا أسيل نلعب مع يوسف

مليكه:ازاى توافقى يا سوسو عليها

سلوى:ده غصب عنى يا حبيبتى انتى قوليلى ماما عامله ايه

مليكه:كويسه بتسلم عليكى بس خلينا فى المهم اكيد البت ديه مش هتفضل مرات هارون كتير صح

سلوى:مش عارفه بس شكلها مطوله.

مليكه:لا لازم تشدى عليها فين الحمايا الجامده

سلوى:بحاول بس هى متقبله كل الكلام

مليكه:خلاص نزود العيار حبتين عليها

مليكه بصيت لأسيل لقيتها بتضحك مع أسراء وعواطف فى المطبخ ابتسمت بفكره شريره:جالى فكره يا سوسو بس محدش هينفذها غيرك

سلوى:خطه ايه احكيلى.

عند أسيل

أسيل ابتسمت:بجد يا ريت سما هنا كنا انبسطنا سوا.

اسراء:انتى تعرفى سما

أسيل:ديه مامتى الصغيره

اسراء:للدرجه دى

أسيل:واكتر كمان

اسراء:كمان لا كده هنحسدها بقا

سمعو صوت جيتار

أسيل بابتسامه: تامر حسني هنا

اسراء ضحكت:لا ده تامر بتاعنا قصدى رحيم

أسيل:بتهزرى طيب يالا تعالى نشوفه

طلعو ليه بسرعه وأسيل كانت متحمسه اوى.

خبطو ودخلو وطبعا مليكه متابعاهم بعينيها

رحيم ابتسم ليهم

أسراء:أسيل حابه تسمعك

رحيم: تتفضل

أسيل قعدت بابتسامه وحطيت ايديها على خدها وهو بيعزف الجيتار بطريقه احترافيه

مليكه طلعت ووقفت على الباب تبصلهم بس هما مش ملاحظينها اساسا

رحيم خلص واتنهد

أسيل سقفت بفرحه:حلو اوى

رحيم :شكرا يا ستى.

اسراء:رحيم بيعزف الجيتار من زمان ده هوايته

أسيل:عزفك حلو اوى بجد (قالت بزعل)بس انا مش عندى هوايه

جالها صوت هارون:ازاى عندك.

بصيت على الباب لقيت مليكه

أسيل:ازاى انا سمعت صوت هارون انتو سمعتوه صح

اسراء:اه

هارون وصل عند الباب ودخل واتجاهل مليكه إلى كل نظارتها اعجاب وراح قعد جمب أسيل

هارون: انتى هوايتك انك تحبينى وتجننينى

أسيل ابتسمت بكسوف

هارون باسها من خدها:اتأخرت عليكى

أسيل:لا

هارون شد الشال:ايه لابسه ده ليه الجو حر

اسراء:ل لا…

هارون:فى ايه ما هى حلوه أهى اه عشان دول يعنى

اسيل اخدت الشال منه ولفته تانى وبصيت لرحيم لقيته بيضحك.

أسيل:شايف رحيم بيضحك عليا بسببك

رحيم:محصلش محصلش انا اصلا مشوفتش حاجه وايه دول اصلا مش عارف ايه ده حساسيه صح يا أسيل.

أسيل غطيت وشها بإحراج

هارون قام بضحك وشالها

أسيل بصدمه وكسوف: هارون ناقصه احراج

هارون ضحك:محتاجك ثوانى يالا قوليلهم باى

أسيل😟:باى اسراء باى رحيم

اسراء ورحيم بضحك:باى يا ستى

هارون:يالا بينا

أسيل غطيت وشها بايديها:يالا

هارون مشى بضحك وزق مليكه وكمل مشى

دخلو اوضتهم وهارون نزلها

هارون:مليكه ضايقتك صح

أسيل:لا مش اوى اصلا اسراء اخدتنى بعيد عنها.

هارون:مش اوى يعنى ضايقتك شويه صغيرين

أسيل:شويه صغيرين خالص

هارون:عملت ايه

أسيل:مفيش بس قال عليا لوكل اوى

هارون بعصبية قام:انا مش هرحمها

أسيل مسكت أيديه ووقفت قدامه:خلاص عشان خاطرى اصلا تتعصب ليه هى بس غيرانه عشان انت اتجوزتنى انا مش هى

هارون: برضو لازم أوقفها عند حدها

أسيل:مانا بصراحه إلى قولتلها الاول انها بجحه اوى

هارون ضحك:ايه

أسيل:اول ما دخلت بتسأل عليك وبتقول وحشنى اوى (قلدت طريقتها) مايعه

هارون ضحك:بنغير بقا وله ايه

أسيل:من ديه لا خالص

هارون:شاطره اصلا محدش يعرف ياخدنى منك انتى يا قمرى.

أسيل:والنبى انت إلى قمر يا راجل ده انت اخدت قلبى من اول نظره ايه الحلاوه ديه .

هارون:واو وبنعاكس كمان لا نحاول للمره ١١ بقا

أسيل ضحكت

هارون شالها تانى وحطها على السرير و

نعد سوا 1 2 3

هارون بعد ونام على ضهره

أسيل:هارون زعلان

هارون ابتسم:لا لسه شويه عليكى

أسيل ضحكت:طب حطنى على النار شويه عشان استوى بسرعه ههههه

هارون ضحك واخدها فى حضنه:أسيل بكره هرجع شغلى تانى واحتمال أتأخر كل يوم

أسيل:هستناك مهما تتأخر عليا هستناك

هارون باس راسها:مش هخليكى تستنى كتير

أسيل حضنته بابتسامه

الباب خبط

هارون:مين

يوسف:انا يا بابا هارون

أسيل:تعال يا يوسف

دخل يوسف كانت أسيل اتعدلت وبصيتله

هارون قام هو كمان

يوسف:أسيل مش هتيجى تلعبى معايا

أسيل:اكيد طبعا هلعب معاك

هارون:وانا كمان عايز العب

يوسف:بجد طيب يالا

نزلو سوا ويوسف ماسك أيد أسيل وبيشدها لكن أسيل وقفت لما شافت مليكه لابسه هوت شورت اسود وتيشيرت كات اسود

أسيل:هارون مش عايزه العب تعال نرجع

هارون كان ملاحظها وهى بتبص على مليكه راح ومسك ايديها وباسها:حبيبتى انا مش شايف غيرك اصلا

أسيل:بجد وله بتقول كده عشان تريحنى

هارون:والله حقيقه

أسيل ضحكت:طيب يالا

نزلو سوا وخرجو الجنينه

يوسف:هجيب الكوره

أسيل:بس متتأخرش

يوسف:حاضر

هارون حضنها من وسطها:ليه مش عايزاه يتأخر

أسيل بكسوف:هارون عيب كده حد يشوفنا

هارون:ما يشوفونا عادى

أسيل ابتسمت:حبيبى مش ينفع كده صدقنى

سلوى:هارون ايه المسخره ديه

هارون:ديه مراتى يا ماما

سلوى:مراتك فى اوضتك لكن بره الاوضه تحترم البيت اللى عايشين فيه.

هارون:يبقا هنسيبلكم البيت كله

يتبع…

لقراءة الفصل التالي : اضغط هنا

الرواية كاملة اضغط على : (رواية وقعني ظبوطه الجزء الثاني)