رواية وقعت أسيرة الشيطان الفصل العاشر 10 بقلم لؤلؤة محمد
رواية وقعت أسيرة الشيطان البارت العاشر
رواية وقعت أسيرة الشيطان الجزء العاشر
رواية وقعت أسيرة الشيطان الحلقة العاشرة
في المكان شبه الصحراء واقف أربع عربيات ورجال كتير
الزعيم / ايه احنا هنقف نستنا الباشا كده كتير
روما وهي بتقف جنبه / انت عارف يا زعيم إن الشيطان دايما بيحب يتأخر
الزعيم بضحكة سخريه / مش كل اللي يتأخر عليهم يا روما شكله ميعرفش مين هو ماكس كويس علشان كده لازمله قرصة ودن
وبصلها بخبث وهي فهمته فوراً وبادلته نفس نظرة الخبث
روما / شكله ميعرفش إن روحه بقت في ايدينا خلاص
وضحكه هما الإتنين
وصلت سبع عربيات چيب سودا وعربيه رانج روڤر سودا بتروح باتجاهم بسرعه والرمال عامله هاله حواليهم بيتفرق العربيات على الجانبين بتقف قدامهم العربيه الرانج روڤر وبينزل عمران من قدام يفتح الباب لمالك اللي بينزل بكل غرور وتكبر
أما ماكس لما بيشوف غرور مالك وتكبره بيضحك بسخريه ويهمس / شكل كده اللعبه هتحلو
مالك بيبص يشوف مين الزعيم اللي أول مره يتعامل معاه لكنه سمع عنه أساطير كتيره بيلاقي واحد طويل وعريض محافظ على لياقته البدنيه اللي ظاهره من قوة جسده وعضلاته اللي واضحه وضوح الشمس من البدله اللي لابسها
أما مالك ميقلش عنه لياقه وقوه وجمال
مالك بصوت عالي / البضاعه جاهزه ؟
ماكس بضحك / مش تسلم الأول
مالك بغرور / لو تعرف الشيطان بجد مكنتش هتقول كده
ماكس ضحك جامد / هقولك نصيحه حلوه هتنفعك مينفعش تستقل بقوة اللي قدامك عشان متتفاجئش
مالك بخنقه وضيق من ضحكه / خلي نصايحك لنفسك فين البضاعه معنديش وقت
ماكس ضحك أكتر من ضيقة مالك وخنقته / حبيبي يا ملوكه والله للأسف ياروحي مفيش بضاعه
مالك بصله بخبث / يبقى للأسف برضه هضطر أخد تصرف ميعجبكش
ماكس بضحك / انت عارف بضحك ليه عشان مزتك معايا وانت اللي هتبوس رجلي في الآخر يا لوكه
مالك وللحظه قلبه اتهز / تقصد ايه
ماكس / أقصد سماح مش كنت تعزمني على كتب كتابك يا جدع والله زعلت
مالك حس بخوف هو مش عارف سببه ايه ولكنه ابتسم بهدوء / وبعدين ؟
ماكس استغرب ابتسامته / أي حركة غدر السنيوره هتروح فداها
تلاشى مالك احساس الخوف والرعب اللي اتولد جواه فجأه بدون مايعرف أسبابه وابتسم ببرود عرف يتقنه صح / خليها تنفعك
بصله ماكس بصدمه / نعم
مالك بضحك / خليها تنفعك بيني وبينها يمين هرميه عليها وخلصنا
ماكس / طب تمام حلو عن اذنك بقى عشان أروحلها واه صح رجالتك اللي كنت زارعهم في الصحراء حوالينا كلهم عندي عاوز حاجه يا لوكه بقى عشان متأخرش
مالك اتعصب جامد وادى لعمران إشارة ضر’ب الن’ار وجري على ماكس بقوا يضربه في بعض جت روما من ورا مالك وخبطته بضهر السلاح في راسه وقع مغمى عليه أما عمران شاف كده ضر’ب روما رص’اصه في راسها وقعت قت’يله فوراً
أما ماكس كان ركب عربيته وساق بسرعه وهرب وهو في اعتقاده إن روما قت’لت مالك وعمران قت’لها
______________________________
كان مروان قاعد في مكتبه بعد ما عرف جليله مكتبها وعرفها شغلها
فجأه سمع صوت عالي بره رمى الملف اللي في ايده / ماهو يوم باين من أوله شكلها أيام زي الفل
وقام من مكانه يشوف ايه الصوت العالي ده لقى جليله ماسكه واحد في الشركه بتض’ربه بجز’متها / بقى أنا يا حثالة المجتمع تعاكسني ليه ياض ده أنا أرجل منك ده شنبي أكبر من شنبك يا عرة الرجاله
مروان كتم ضحكته بالعافيه وقرب يبعدها عنه بغضب مصطنع / خلاص يا جليله الحيوان ده هطرده أصلاً ملوش مكان هنا بعد كده
جليله / أبدا لازم أعرفه قيمته ابن بياعة البسله
الراجل اللي بينضرب / مالها بياعة البسله يعني أنضف منك
جليله / هي نضيفه اه بس معرفتش تربي
مروان / خلاص يا كامل انت غلطت ونتيجة غلطك الطرد خلاص يا جليله اتفضلي وأنا هجيبلك حقك وكمل بهمس / اللي انتي خدتيه تالت ومتلت أصلاً
وطت جليله لبست جزمتها ومشيت بكل غرور وهي رافعه راسها لفوق بصلها مروان بصدمه
مروان مع نفسه / دي كانت شوارعيه دلوقتي وماسكه الواد زي الفار المسلوخ دلوقتي ماشيه كأنها هانم سبحانه مغير الأحوال
وبعدين بص على كامل / تعالى ورايا على المكتب
_____________________________
وصل ماكس ڤيلته وهو فرحان بمو’ت مالك / عملتي الصح قبل مو’تك يا روما
دخل وهو بيصفر وراح المخزن اللي تحت الڤيله ودخل وقعد على كرسي قدام سماح / ازيك يا موحه
سماح بصتله بقرف وهي متكتفه في الكرسي
ماكس بضحك / تسوء تسوء البصه دي مش ليا ده أنا جاي أفرحك وأعزيكي في مو’ت قرة عينك
بصتله سماح بعدم فهم في الأول لكن بسرعه اتحول عدم الفهم لصدمه ألجمتها
وفجأه………………؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وقعت أسيرة الشيطان)
