رواية وعشقتك يا جبل الصعيد الفصل الثاني 2 بقلم جنى جميل
رواية وعشقتك يا جبل الصعيد الجزء الثاني
رواية وعشقتك يا جبل الصعيد البارت الثاني
رواية وعشقتك يا جبل الصعيد الحلقة الثانية
مليكه بصدمه : انت انت بتقول أي يا بابا
محمد ببرود و هو بيعيد كلامو : انتي حتتجوزي جبل ابن عمك
مليكه بغضب : بابا انت بتقول أي طبعا مش موافقه
محمد : و انا مش باخذ رايك يا مليكه حتتجوزيه برضاكي او غصب عنك
مليكه : يا بابا ارجوك انا لسه بدرس و عايزه اكمل الدراسه بتاعتي
محمد : مليكه انا أديت كلمه ل جبل و بعدين هو حيسمحلك تكملي الدراسه بتاعتك مين قالك انو هيمنعك
مليكه : لا يا بابا هيمنعني كل الصعايده كدا
اتكلم جبل : لو دي فكرتك عن الصعايده يا انسه مليكه ف دي غلط خالص الصعايده مش كدا انا حسمحلك تكملي الدراسه بتاعتك و مش كدا بس كمان لو عايزه تشتغلي معنديش مانع
مليكه : لو ملاحظ يا استاذ جبل نحنى ف الصعيد و مفيش جامعات هنا
جبل كان حيتكلم ولكن قاطعه عمه محمد و قال : هو انا منعت امك من الدراسه او من الشغل يا مليكه
مليكه بغضب : مش كدا يا بابا بس انا قولت مش موافقه لو حصل أي انا مش حتجوز دا آخرتي انا اتجوز شخص من الصعيد مش متعلم و دماغه ناشفه و يعاملني زي الخدامه او الجاريه و يحبسني ف البيت و يمنعني من دراستي لا الجوازه دي مش حتم
جبل مسك نفسو عشان ميضربهاش و قال محمد بصوت كلو عضب : و مين قالك الكلام دا انا بعامل امك كدا انا ربيتك كدا اخرتها تعصي كلامي و تعلي صوتك عليا يا مليكه
و مد ايدو عشان يضربها ولكن جبل مسك ايدو و قال : دي حتبقى مراتي يا عمي و كرامتها من كرامتي
استغربت مليكه اوي بعد اللي قالتو دا كلو بيدافع عنها ، مسك جبل ايد مليكه و مشي على الجنينه و هي بتقول : سيب ايدي يا شحط انت سيب ايدي
جبل : مين اللي شحط يا مليكه
قالها بغضب شديد و نار بتخرج من ودانو
مليكه بخوف حاولت تداريه و هي بتغير الكلام : طيب دلوقتي عايز اى
جبل : عندك كام سنه
مليكه : هو نحنا بنتعرف ولا أي و انت عارف ان انا مش موافقه على الجوازه الزفت دي
جبل : واللهي ولا انا
مليكه : قصدك اي
جبل : يعني ولا انا موافق و من دون اسئله كل حاجه هتعرفيها بعد م نتجوز و لازم نتأقلم على الموضوع دا و نلاقيلو حل و يلا قوليلي عندك كام سنه
مليكه : 21 سنه
جبل : انا عندي 30 سنه
مليكه : طيب
جبل قال : ف جامعه أي
مليكه : ف جامعه الهندسه
جبل : و انا اللي بتقولي عليه مش متعلم انا نجحت من جامعه الهندسه ف القاهره بتقدير ممتاز و بقيت معيد ف الجامعه بتاعتي و حياتي كلها في القاهره و باجي هنا ف الإجازات و كام مره كدا لما جدو بيطلب يشوفني و باجي اشتغل هنا ف مصانع العائله ف الصعيد لاني المسؤول عنها ب مناسبة اني متخرج من جامعة الهندسه دا اللي مش متعلم يا ستي
مليكه قامت وقفت من الصدمه و قالت : بجد اللي انت بتقولو دا
جبل بابتسامه : و اكذب ليه
مليكه كانت حتتكلم بس جاتها سيدره و قالت : مليكه تعالي العبي معايا
مليكه سابت جبل و مشيت للغرفه بتاعتها مع سيدره و هي بتقول ف سرها : مش معقول اللي انا سمعتو دا انا اول مره اعرف الكلام دا
لعبت سيدره مع مليكه و بعد م لعبت دخلت خديجه خدت سيدره عشان تنومها و مليكه غيرت ملابسها و رمت نفسها على السرير و شويه كدا و نامت من تعب السفر مع انها الطريق كلو نايمه بس مش مرتاحه بعدها صحيت لقت في حد بيخبط على الباب بصت على الساعه لقتها 8 الصبح مليكه قال : يااه هو انا نمت كل دا
و قامت و فتحت الباب و لقته جبل بيقولها : الاكل جاهز يا مليكه
و بعد م شافها سرح فيها و ف جمالها لانها كانت لابسه شورت و فاتحه الباب و هي مش منتبهه لانها كانت نايمه و مش مركزه مليكه قالت : طيب يا جبل نازله اهو
و خرجت و كانت حتنزل شدها جبل داخل الغرفه و قال بصوت كلو غضب : حتنزلي كدا
قالت مليكه : ليه في أي
جبل بغضب اكبر : بصي انتي لابسه أي
بصت مليكه و وشها أحمر من الكسوف و زقتو و خرجتو من الغرفه و هو ضحك و نزل
و عند مليكه قفلت الباب و قالت بينها و بين نفسها : انهار اسوح هو شافني كدا انا ازاي حوريلو وشي و اصلا كدا حرام ازاي منتبهتش و انا بفتح الباب اووف
بعدها غيرت لبسها و نزلت و قالت : صباحكو نادي مغطس بزبادي
جاوبها الكل : صباح الخير
إلا هشام قال : صباح العنبر ممكن النمبر
ردت عليه مليكه و قالت : صباح الأوكسجين من جمالك فكرتك سوكجين
ضحك الكل على مليكه و هشام و مليكه قعدت جنب باباها
ولكن هناك كان في حد بيغلي ف ضرب هشام من رجلو و مفيش حد انتبه غير مامت جبل
هشام قال بشويش : عملت كدا ليه يا بني هو انا قلت أي
جبل : بتهزر و بتضحك يعني
هشام : دي طبيعتي يعني انا قولت أي
سكت جبل لانو اصلا مش عارف سبب النار اللي فقلبو دي ليه مع ان دا اخو و عادي جدا بس ليه بيعمل كدا غمض عيونو بغضب و رجع فتحها
اما مامتو ابتسمت ابتسامه خفيفه و قالت ف سرها : وقعت يا ابن بطني
محمد قال بجديه : مليكه جوازك حيكون اخر الاسبوع دا
مليكه بصدمه : انت بتقول أي يعني بعد يومين انا اصلا مجهزتش نفسي او اختاريت الفستان بتاعي
محمد : اليوم جيبي الفستان بتاعك و الحجاتك اللي نقصاكي
مليكه : بس يا بابا
محمد : مفيش بس ولا حاجه مرات عمامك هيساعدوكي مع مامتك
مليكه بقلت حيله : حاضر يا بابا
اما جبل كان بيبص للكلام ببرود
الجد : مالك يا جبل متكلمتش ليه يعني
جبل : هو الرأي بتاعي حيفرق برضو معاكم
و قام و خرج و قفل الباب وراه عشان يمشي للمصنع
قالت خديجه : طيب يلا يا بنتي حضري نفسك عشانا حنخرج دلوقتي انجيب الفستان
فريده : ايوا معاكي حق يا خديجه عشان نخلص بدري بدري
مليكه بحزن لانها حتتجوز شخص شافتو مرتين تلاته قالت : طيب
و مشيت على الغرفه بتاعتها
فريده حست بحزن بنتها بس مش قادره تعملها حاجه لانها عارفه ان دا الراجل اللي حيحافظ على بنتها
نزلت مليكه و كانت حسناء و رنيم و فريده و خديجه جاهزين و سيدره معاهم لانها أصرت انها تجي معاهم و كان حسام حيوصلهم بعربيتو
ركب الكل ورى و حسناء ركبت قدام و طول الطريق كان حسام بيبص ل رنيم و هي بتعمل نفسها مش منتبهه
و بعدها وصلوا و نزلوا و سلم عليهم حسام و مشي بعربيتو
كانوا مليكه و رنيم بيمشوا قدام شويه و خديجه و فريده و حسناء و سيدره بيمشوا وراهم
عند مليكه و رنيم
رنيم : ممكن نبقى صحاب
مليكه : اكيد يا بنتي
رنيم : عندك كام سنه
مليكه : 21 سنه
رنيم : انا عندي 21 سنه
مليكه : العمر كلو يا حبيبتي……..
و بدأت مليكه تتكلم مع رنيم و بيضحكوا
عند جبل ف الشركه………
دخلت عليه السكرتيره و قالت بدلع : الأوراق دي محتاجه انك تمضي عليها يا جبل
قاطعها جبل و قال : استاذ جبل يا انسه سوزي
قالت بغيض : حاضر يا استاذ جبل
جبل : طيب اديني الأوراق دي
ادته سوزي الأوراق و طول م هو بيمضي هي بتبص عليه بجرائه و بعدها خرجت بعد م مضى كل الأوراق
جبل قال بينه و بين نفسه بعد م خرجت : ياااه ايه الرخمه دي واللهي لو منا محتاجلك الايام دي كنت طردتك من زمان و برضو عامل احترام ل والدك المريض
بعدها دخل عليه قاسم
قاسم : يا جبل الحق في اجتماع مهم
جبل : حاضر جاي اهو
قاسم : يلا يا جبل مفيش وقت مستنينا ف غرفة الاجتماع
مشي جبل هو و قاسم متجهين ل غرفة الاجتماع
عند مليكه……..
كانت بتختار فستان الزفاف بتاعها و دخلت و طلعت كانت لابساه و كان عليها زي القمر
حسناء : بسم الله ما شاء الله أيه الجمال دا
خديجه : هي القمر دي حتبقى مرات ابني
مليكه : شكرا يا عمتو
فريده حضنت بنتها و عيطت و قالت : كنت مستنيا اشوفك بالفستان الأبيض اوي و اهو شوفتك فيه
حضنتها مليكه و قالت : بلاش عياط يا ماما دموعك دي بتقطع قلبي
فريده : دي دموع الفرحه يا بنتي
مليكه : حتى لو دموع الفرحه بلاش عياط
فريده : حاضر يا بنتي
رنيم كانت بتختار فستان و اختارت واحد و بعد م شافت مليكه قالت : هي القمر دي مرات اخويا واللهي خساره فيه القمر دا
مليكه : اومال يا بنتي هو انا أي حد برضو انا مليكه محمد الهواري
رنيم : بتنقطي تواضع يا بنتي
مليكه : اومال
رنيم دخلت و لبست الفستان و طلعت كانت زي القمر
مليكه : بيقولوا عليا قمر دنتي تقولي للقمر قوم و انا اقعد مكانك واللهي امو داعيه ليه اللي حيتجوزك دا
خديجه : تقصدي داعيه عليه ف ليلة قدر مش داعيه ليه
رنيم : ليه كدا يا ماما دنا حتى قمر 14
خديجه : انتي قمر اعترف بس مخك ضارب
رنيم : اودي حب الناس ليه فين
حسناء : قمر يا رينو قمرر
رنيم : حبيبتشي واللهي يا سوسو
حسناء : مين سوسو دي يا بت
رنيم : انتي يا سوسو هو انتي حتقلبي عبد موتى كدا ليه
فريده : واللهي قمر و عسل يا رنيم
رنيم : قلبي يا عمتو قلبي من جواا
مليكه غيرت و قالت : متيلا بقى
رنيم : حغير و اجي
غيرت رنيم و دفعوا الحساب و مشيوا رجعوا للبيت و كل واحد دخل الغرفه بتاعتو عشان يرتاح الا رنيم و مليكه اللي كانوا قاعدين و بيتكلموا و فجأه اتبعتت رساله ل رنيم مكتوب فيها………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وعشقتك يا جبل الصعيد)
تعليق واحد