رواية وردتي السوداء الفصل الثالث 3 بقلم سمية عامر

رواية وردتي السوداء الجزء الثالث

رواية وردتي السوداء البارت الثالث

رواية وردتي السوداء الحلقة الثالثة

احنا رايحين فين ؟؟
بصتلها خالتها بقرف : رايحين على جهنم و اخرسي انا مش طايقة اشوف وشك
سكتت نورين لحد ما وصلوا و نزلت خالتها و سابتها في العربية لحد ما وصلها سيف : نورين انتي نورتينا تعالي انزلي
– انت .. انا فاكراك انت على السلم كنت معاه
اه نسيت اعرفك : انا سيف ابن خالتك
– طب انا بعمل ايه هنا انا عايزة ارجع بيتنا
بصلها بشفقة و حزن : ده بقى بيتك انتي اتجوزتي اخويا
– بس انا موافقتش
فتحلها سيف الباب و خرجت وهي مش قادرة تقف قام حط دراعه قدامها عشان متقعش : انتي محتاجة ترتاحي
بصت قدامها شافت افخم فيلا ممكن تشوفها في حياتها غير ان المكان كان مريح جدا للعين و الورد في كل مكان
– ده بيتكم ؟
ابتسم سيف : ده بيتك من انهاردة
خدها و دخلها جوا كان في صمت رهيب في المكان و كأنها دخلت متحف كل اللوح و الفازات من اغلى الخامات
طلعت مع سيف لحد اوضتها اللي اول ما فتحها اتصدمت من وسعها و منظرها و حتى إطلالتها : دي اوضتي
– دي اوضتك اه انا هسيبك ترتاحي و هخليهم يجيبولك الغدا هنا
انا متشكرة جدا انت طيب اوي
قفل الباب و خرج و نزل وهو بيصفر بس لقى عبدالملك في وشه
– انت دخلتها اوضتي ؟
اه مش هي مراتك !!
اتعصب عبدالملك و كان طالع وهو الشر في عينه لحد ما نادى أبوه عليه و نزل تاني قبل ما يدخلها
صفوان : ممكن اعرف ايه كل اللي جرايد امبارح ده و صورك مع البنات انت ناسي مكانتنا ده غير انك لسا عريس جديد عايز الناس تقول ايه
عبدالملك: اولا انا اعمل اللي يريحني
ثانيا مكانتك دي مجاتش غير بمجهودي انا في شركتك بعد ما فلست يعني لولايه مكنش هيبقى ليك حاجه
– طب بلاش مكانتي ..منظرك ايه انت ؟؟
سابه عبدالملك و طلع : متخافش هبقى امسح منظري بمنديل روح انت اقعد على مكتبك شويه و اعمل نفسك صاحب الشركات
فتح عبدالملك الباب عليها بس مكنش في حد راح و قعد على السرير وهو متعصب منها أنه ازاي كل البنات بتتمنى بس نظرة منه وهو راح اتجوز من اللي بتحب غيرة مستحملش كل التفكير ده و قام بكل عصبية دخل البلكونة
خرجت نورين من الحمام اللي كان في نفس الاوضه والفوطه على وشها شالتها و فتحت الدولاب لقيت هدوم رجالي قامت ادايقت و فتحت شنطه هدومها طلعت إسدال و لبسته و وقفت تصلي وهي بتعيط
خرج من البلكونة لقاها في وشه بتصلي و مفيش في وشها ولا نقطة مكياج جذبته ملامحها النقية و رموشها الطويلة و بشرتها الصافيه حتى عيونها وهي بتبكي كانت زي اللؤلؤ
خلصت صلى و غمضت عينيها لحد ما اتخضت و فتحتها من صوته : ما خلاص يا طاهرة
بصت لقيته قاعد على السرير : انت ؟؟ بتعمل ايه هنا انت اللي فضحتني كده
– قام عبدالملك و شدها من دراعها قومها : انا اللي هتندمي كل لحظة و دقيقه انك دخلتي حياته بالطريقة دي
– ارجوك سيب ايدي انا ست متجوزة و مسمحلكش تلمسني
ضحك و رماها على السرير و قرب منها ضغط على ايديها : انا هنا اللي بسمح بس
سابها على السرير و خرج من الاوضه
في المطبخ
سيف : يعنى ايه يا امي مش هيطلعلها اكل ؟
سحر : الاكل يتحط على السفرة و الكل ينزل ياكل و إن كانت مش هتنزل يبقى تموت من الجوع
ايمن : انا .. هطلع اخليها تنزل .. شكلها .. ط …طيبة
بصتله أمه بحزن و هزت راسها ب أنه ماشي اطلع
طلع ايمن و خبط على الباب و دخل كانت قاعدة بتعيط
– الاكل على السفرة
بصتله نورين و فضلت تعيط اكتر
قرب ايمن منها : متعيطيش .. كل حاجه هتبقى حلوة انتي بس خليكي مؤمنة بالقدر و بربنا
ابتسمت نورين لما حست أنه قلبه طيب و إن كان حتى معاق بس هي خلاص بقيت مراته ولازم تتعامل مع الوضع ده
قامت ووقفت قصادة: انا بس خايفة من كل الحاجات الجديدة دي
ابتسم ايمن : طول ما انتي بتضحكي كده كل حاجه هتبقى .. حل.. حلوة زيك
ابتسمت اكتر و حست بالأمان من كلامة و مشيت جنبة و نزلوا سوا لحد السفرة كان الكل قاعد و في مكان جنب عبدالملك فاضي
بس مكان ما قعد ايمن قعدت نورين جنبه وهي بتبادلة نظرات مليانة عطف و شفقه
استغربت سحر و اتعصبت انها قعدت جنب ايمن مش جنب جوزها و كانت هتتكلم بس سيف همسلها : سيبيها على راحتها لحد ما تتعود
سكتت سحر و عبدالملك نظراته كلها عليها و على أسلوبها اللطيف مع اخوه
كان ايمن مبيعرفش ياكل لوحده لازم حد يساعده في الاكل
رفعت نورين ايديها و أكلته بيها وهي مبتسمة
ابتسم ايمن : شكرا
– على ايه ده واجبي
فضلت تأكله و تشربه و عبدالملك متغاظ من أسلوبها و خلاص فاض بيه قام و ضرب على السفرة : كفااااايه
اتخضت ووقع الاكل من ايديها
مشي عبدالملك ناحيتها و مسكها من دراعها جامد : قولت كفااااايه
– انت مالك ايه حشرك بيني و بين جوزي .. اوعى سيب ايدي يا حيوووو”ان ………