رواية ودق قلب الحجر الفصل السادس والثلاثون 36 بقلم ميفو السلطان

رواية ودق قلب الحجر الجزء السادس والثلاثون

رواية ودق قلب الحجر البارت السادس والثلاثون

رواية ودق قلب الحجر الحلقة السادسة والثلاثون

..كان بدر في حاله من الهيام مع حبيبته وشعر بسكونها ولينها وعدم نفورها منه ليركنها علي صدره ولا يتجاوز .احس انه دخل عالم يشعر فيه ان حبيبته نبض قلبه تخرج من داخله وبينما هما في حاله من السكون فجاه صدح عيار ناري وعم الصريخ المكان هب بدر والرعب دخل عليه ليقوم مسرعا يلبس ليري ماذا حدث.
نعود بالزمن قليلا لنجد بدار وكرم يتحدثان ونجيه تقف معهم سعيده بكرم وما فعله هتفت….. والله يا ولدي عملتك دي علتك بين العبابده كلياتهم لتبهت حينما اقترب بكري ابن عم بدر فهتف….. حد جالك اننا محتاجين ارض يا كرم عشان تعلي من بتنا.
هب بدار وعلم ان بكري ينوي علي الشر فهتف ….فيه ايه يا بكري مالك.
هتف بكري….. فيه اللي انت واعيله وعايز انفذه.
بهت الكل وتسود حاله من الوجوم .وقف كرم امام بكري ونظر اليه بغل رهيب فهو يلمح للاتفاق ليقوم بدار ويشده لحجره جانبيه وكرم يذهب وراءه .وقف بكري …..ارض ايه اللي هيضحك علينا بيها ابن الشواتفه فيه ايه يا بدار دا كان كلامنا.
هتف كرم….. مالك بينا يا بكري مش عيله في بعض اياك.
هتف بكري.. ايه يا بدار خلاص بجيتو عيله وهتسبب خيتك لده.
صرخ كرم….. وانت مالك بخيته مرتي مالك بيها. صفحه حكايات ميفو
هتف بكري…… عشان هيا حجي ومستنيها اخدها.
اشعل كرم …..نهارك اسود انت عايز مرتي فهجم عليه وانقلب الامر لعراك شديد َو بدار يحاول ان يقف بينهم ليبتعد بكري ويخرج طبنجته وصرخ …..لاه جبل ماتاخد حجي اخد روحك.
بهت بدار …..بكري اعجل اكده كان اتفاج وراح لحاله اعجل ماتجلبهاش نار ودمار.
هتف بكري….. لاه اني حجي ماحدش يطوله.
هتف كرم بغل …..واني طولته وبجت مرتي وهتفضل مرتي وعايز تموتني موتني.
صرخ بكري….. بقي اكده عَموما بتنا ماهياش رايداك وهتموت يا كرم ولا هتاخدها وتحط صباع عليها ليشد الطبنجه .
بهت عندما اندفعت اميمه لتقف امام كرم فصرخ بكري…. بعدي بعدي عنيه انت واجفه جصاده ليه.
صرخت.. واجه جصاد جوزي يا بكري مالك بجوزي.
هتف…. مالي انه متفج اتفاج يبقي ينفذه.
هتفت…..انت كَمان عارف يادي الفرح يادي الهنا دا ناجص الصاجات يابن عمي تدور بيها.. اقتربت منه لتلصق الطبنجه في صدرها ……موتني يا بكري موتني اني اني سبب الحزن ده كله موتني عشان نخلص.
صرخ كرم….. بعدي …..بترفع سلاحك عليا يا بكري .
صرخ بكري …..ايوه اللي ياخد حاجه بتاعتي لازمن يموت احنا متفجين علي اكده وهيا راضيه وبدر ماهواش راجل عشان يهملها.
لترفع اميمه يدها وتنزل علي وجهه بهت بكري لتصرخ….. جطع لسانك لما تجول عليا بتاعتك َو راجلي واجف جصادك مين اللي راضيه يا خلفه العار…. اني مره متجوزه ارضي براجل تاني.
هتف بكري بغل …..بقي راضيه بيه بعد الي عمله فيكي بقي راضيه بيه بعد ده كله.
لتنظر اليه بغضب…. ايوه راضيه وحابه ….مالك بينا عاد لتكون فاكر اني لو سبته هرَوحلك لاه اني لو انطبجت السما ماهيوحصلش. ولم يدك عن راجلي ….اقتربت وهتفت بغضب … مين اللي مش راجل ….اخوي مش راجل….. بدر العابد مش راجل…. بدر العابد راجل وسيد الرجاله يجفلك وينزل ينهش جلبك …بدر العابد كبيري واخوي وتاج راسي ولما يجول اني مرت كرم انخرس واجطم وابجاله مرته انشالله اموت فيها .جاي تجول بتاعتك ليه كت شاريني اياك ..جاي تجول علي اميمه بت العابد مرت كرم الشواتفه حجك ليه كت عابده والا سبيه اني مره متجوزه راجل يشرف ،،ايه عينك الواسعه دي وجاي تجف لراجل تجول علي مرته حجي يا مري دي ينشال فيها رجاب يا صعيدي .،الصعيدي مايبصش لحرمه غيره ياللي ماعندك ربايه ولا شرف ،،،،،وجاي تجول علي سيدك بدر انه مش راجل.. عارف لو في يدي الطبنجه دي افرغها في جلبك ولا تجربش من راجلي ولا تنطج بحرف علي اخوي .اخوي ده سندي في الدنيا ..بدر العابد كبير عيله العابد وسيد العبابده وسيد الناس ..اخوي فاهم اخوي تجف اكده زي الجلم جدامه وتنخرس عشان لو كان واجف كان هيبلعك لسانك ويحط مكانه مداسه يابن خالي ،،،اللي مالوش كبير بيعمله كبير وانا الحمد لله ليا كبير وعالي واتفج وراح وخلصت جصه وجه راجلي وخده اخوي في حضنه واللي يشاور عليه اخوي همشي وراه عميه ،،لم حالك وصون ادبك واحفظ لسانك عن جوزي واخوي سيد الناس ،، وخليك راجل وبعد بقه بلاش جرف.
تلبس بكري الشياطين فصرخ ….اكنك رايداه اكني جرف وابجي راجل طب اني هعرفك ازاي ابقي راجل.. ليشد الزنات ويطلق النار هنا قد هجم كرم واحتضنها لتدخل الطلقه في كرم ليسقط كرم وهيا في احضانه كانت الطلقه قد دخلت في كتف كرم ليهجم بدار علي بكري ويمسكه ويتجمع الكل ويعم الصراخ .
تاوه كرم والنزيف يشع من يده ليجد اميمه نائمه علي صدره فهمس ……اميمه جومي الا انها لم تتحرك ليهوي قلبه كان قد بدا يتوه وهيا فوقه همس …..اميمه جلبي بيكي ايه ليبعدها وينظر اليها فوجد الدماء تشع من صدرها فمن قرب الطلقه قد نفذت من كتفه واخترقت صدرها فوجدها جثه هامده فصرخ ويتوه ويكلبش فيها وعَم الهرج والمرج وهو لا يحس ويتوه ويده قابضا علي يدها ليتوه اخيرا عن الدنيا وقلبه مع من راحت بين يديه.
نزل بدر ليجد تلك المصيبه هجم علي بكري….. والله لاجتلك واجطعك نساير لينهال عليه ضربا ويجتمع اولاد عمومته ويبعدوه عنه .ابتعد بدر وحمل كرم وبدار يحمل اميمه وينطلقا مسرعين فاي دقيقه ستكون فارقه لهما .
ذهبا الي المشفي ليتلقفهم الاطباء وقف الجميع في حاله من الرهبه مر الوقت وخرج الطبيب هتف.. حاله كرم ماهياش واعره كلها شويه ويفوج ويبقي زين لكن حاله اميمه هيا اللي واعره وحياتها بيد ربنا ادعولها .
صرخت نجيه….. بتي…. بتي هتروح …..بتي هتروح مني…. يا مري الله يحرج التار عاللي عايزينه يا سوادك يا نجيه …. اقتربت ومسكت جلباب بدر،،،،،،مبسوط يا بدر اتفجت وانبسطت مبسوط اهي البت بتروح مبسوط يا كبيري مبسوط …….يا مري يا حزنك يا نجيه البت الحيله اللي كيف النسمه اتفجو عليكي يا بتي اتفجو وكل واحد بيجطع وينهش شويه …..ادي اخره الكبر…. ادي اخرته البت اللي مليانه حب وحنيه بتروح ….الحجوني يا عالم ولدي جتل بتي جتلت خيتك يا مري يا سوادي ،،
اقترب بدار د،داهدي يامه هتبقي زينه .
صرخت …زينه ،،البت بين يد ربنا وتجولي زينه يا سوادك يا نجيه د،اعدد علي مين والا مين لتندفع وتمسك بدر من يدك وعمايلك يا جاحد من جلبك اللي متعبي شكاير حزن وطين وبا وانحال علينا انت ايه البت مجتوله بسببك يوم فرحك ،،فرحت وكبشت الفرح اهو فرحك بلعنا حزن وطين انت ماتفرحش انت حزن وغم انت حجاره وصنم انت دعوه بلا وانحالت علينا روح روح مارضيلش عنك روح ،،،يا رب سيبلي بتي سيبها يا رب كانت تجلس تنتحب والكل صامت لتقترب منها شكران وصبا تحتضناها لتنهار بين احضانهم .
وقف بدار والدموع تنزل َمن عينه وبدر تراجه وتجمد وقد قلبه من الوجع ركن علي احد المقاعد ووضع راسه بين يديه خوفا علي اخته ظل الحال ومر الوقت والكل في ترقب لا ينامون ولا ياكلون. سواد حل علي تلك العائله وبدر اصابه حاله من الخرس والجمود احس انه سبب كل مصايب تلك العائله احس مدي بشاعته وبشاعه مافعله احس ان لا احد يريده ولا احد يحبه شعر بانه قليل وفقد عنفوان البدر الذي يصاحبه اينما يمشي .لينزوي ولا يتكلم مع احد والكل يؤازر بعضه الا هو لا ينطق ولا يقترب من احد حتي زوجته لا ينظر اليها ولا يكلمها.. لتقترب هيا منه. وتمسد علي كتفه.. بدر انت عامل كده ليه ساكت كده ليه..
رفع نظره اليها لتجد نظره وجع تصرخ من عينيه ليقوم ويبتعد ولا يتكلم شعرت بوجع داخلها عليه .
مر الوقت فاق كرم واستيقظ وجد امه وابيه حاول استيعاب ما حدث هب فصرخ من الوجع لتهتف نبويه….. ايه يا ولدي انت جرحك طري.
صرخ….. مرتي مرتي فين ودوني لمرتي لتطرق نبويه هوي قلبه ليهتف.. مرتي بيها حاجه اصحَك تجولي اموت فيها.
اقترب ابيه….. لاه يا ولدي مرتك في غيبوبه بين يد ربنا والكل بيدعيلها حالتها صعبه يا ولدي.
قام كرم هتف ابيه …….رايح فين انت مخبول هتسجط من طولك.
هتف….. اسجط ان شالله اموت اني رايد اشوف مرتي ….مرتي عايزاني مرتي فدتني بروحها ليقوم ويسنده ابيه . قابله كل من بدر وبدرا هتف كرم….. مرتي هتعيش يا بدر وتفرح مرتي ماهتهملنيش وهعوضها بالدنيا ومافيها ماتوطيش راسك اكده مرتي زينه وهتجوم وتبقي ست دار الشواتفه .
ركن علي بدر واخذه وذهب الي اميمه التي كانت غائبه عن الوعي اقترب وسقط بجوارها شهق بالبكاء ربت بدر علي كتفه .نظر اليه وهتف جتلناها يا بدر انا وانت جتلنا حبيبتي. وجفت جدامه تدافع عني وتجوله راجلي تضربه علي وشه وتجوله راجلي.. اني راجلها يا بدر اميمه وجفت للدنيا وعاملاني راجلها بعد كل ده. بعد اللي عملناه فيها. وجفت تجله بدر العابد سيد الناس وكرم راجلي واللي يعملوه مالكش صالح بعد ماتفجنا عليها َو جهرناها َوجفت للسو ده تدافع عني َوعنك واحنا التنين جرف وحزن اسود.. ايه دي هيا ازاي ملاك اكده هيا ازاي جلبها اكده هموت يا جلبي ارجعيلي اشيلك جوا نن عيوني خدي مالي وحالي وارضي …خدي دنيتي الطلجه تطلع منى تخش فيكي يا جلب كرم ماعرفتش تنغرز جواتي تطلع روحي ولا انك تتمسي ….وجفتي ليه جدامي ليه ياجهرك يا كرم يا سواد سنينك حبيبك بيروح جدامك يا خلفه الشوم.. جلبك ده ايه حجر اهو ادشمل وبجي حصاوي اندعست واتطحنت بجت تراب مشي عليه الخلج جلبك اندعس وانهري يا كرم.. عشجت عشج هتديه لمين… راح الصخر من جلبك وحط مكانه عشج وجهر السنين.. جومي شوفي اللي كان جلبه حجر بينح زي النسوان جومي مهملاني لمين يا واخده جلبي ،،،يا مري ماعارفش اخد نفسي يا حزنك يا كزم ايامك اسودت من عمايلك ،،جتالناها يا بدر جتلناها لينهار ويسقط ارضا يجهش بالبكاء ليحَمله بدر .
هتف…….. لاه ماتخدنيش بعيد لاه نيمني جارها بالله عليك ماتبعدنيش.. ليصمم ليريحوه في سرير بجوارها ظل عيونه تتاملها ودموعه تنزل حتي انهار تماما ونام وتاه في دنياه..
خرج بدر ولا يعرف اين يذهب اندفع الي احد الحجرات ليجهش بالبكاء وينتحب.. كان هذا كثير عليه اخير انفجر قلب البدر واخرج دموعا عزيزه .،اخرج انهارا من الوجع تساقطتت لتزيح حجاره القلب وتاتي مكانها وجع واي وجع ،،وجع مساوء ظهرت امامه وظهرت ببشاعه اخذت انفاس اغلي ما عنده ،،تساقطت دموعه وانحني الراس بعد ان كان راسا لا ينحني ولا يلين ،دخلعه القلب فتت مابداخله من عنفوان ،،،،،،دظل يبكي ويبكي ويريد ان يصرخ ،،،،مبسوط يا بدر خيتك بتموت بسببك مبسوط. ماعملتش حاجه زينه خربت علي اخوك وخربت علي حالك وموت اختك.. ايه دخلتك عالخلج تموت تمرط النفس انت ماينفعش تخش عيشه حد انت دخلتك جهر وحزن ايه منك لله عاللي عملته في حبايبك ماسيبتش حد الا ما وجعته ليخبط علي صدره جلبي بيتمزع وجرفان من حالي خيتي هتروح وحبيبتي هتروح ايه الجرف ده ،،انت كيف ما امك جالت دعوه بلا وانحالت تجبض ارواح حبايبك ،دانت حزن اسوت ينبعد عنه انت واغش لو جرب من حد يعيصه ،،عملولك ايه تمزع وتجطع .،سيد وانت زباله ،، لينهار ويضع يديه بين راسه .
احس بيدين علي راسه تجلد وهب مبتعدا.. اقتربت صبا منه وتحتضنه من الخلف مسح دموعه مسرعا هتفت…….اهدي يا بدر هتبقي كويسه بس تهدي …
ابعد يدها وابتعد هتف…… ايوه كل حاجه هتبقي كويسه بدر العابد هيخلي كل حاجه كويسه بس تجوم بالسلامه الغاليه لتقترب وتحتضنه رغما عنه وقف متسمرا لا يتحرك لا يرفع يده عليها وقلبه يحرقه. لتتنهد وتهتف …..بطل تبقي كده متكتمش في نفسك كده والنبي.
هتف.. اطمني اني كويس بعدها وخرج وتركها لتقف مقهوره علي تحوله فاصبح كالصنم لا يتكلم..
مرت الايام والكل يترقب وكرم قد تعافي وبدر لا يكلم احدا َصبا حاولت كثيرا معه الا انه لا ينطق ليأتي يوم وتفيق اميمه وتفتح عيونها لتجد الكل يقف حولها اقترب منها كرم وقبل يديها حمداله عالسلامه يا جلب كرم.
همست…..انت زين
ابتسم ….زين بشوفتك …..انت في ايه والا في ايه.. جلبي والله هموت كت هموت يا اميمه..
همست……بعد الشر عليك.
قبل يدها….. جومي لاجل دنيتي تنور والفرح يدخل دارنا الهم عبي بالكفه لتتنهد فهتف….. كت ميت وروحي عاودت ليا.
اقترب بدر وقبل راس اخته وهتف …..حمدالله بالسلامه يا جلبي تجوميلنا بالف سلامه يا جلب اخوكي.
لتهتف نبويه….. جومي بقه عشان دارنا مستنياكي تنوريها.
هتف بدر….. معلهش يا خاله استاذنك خيتي تاجي تكمل شفا عندنا وانت يا كرم معاها يا اخوي .
ابتسم كرم وهتف …..اللي تجوله يا بدر…
لتمر الايام وتخرج اميمه لتذهب الي بيت اهلها ومعها زوجها ليجلس الجميع حامدين ربهم علي ما مر من سواد لياخذ كل حبيب حبيبه ،وصعد بدار واخذ شكران.صعد كرم واخذ اميمه وحملها ودخل بها ..همست نزلني انت تعبان بيدك .
هتف عاشقا ،،،،اسكتي دانا اشيلك واني مدبوح يا جلبي والله ،،ليذهب ويضعها بالراحه ويندفع يحتضنها ،،دااااه اااه يا اميمه اااه كت هموت يمين الله كت حاسس ان جلبي اتمزع رجدتك كت واعره كت ميف العيل يا جلبي مستني حد يملس عليه مسك يديها وقبلها مامتخيلش ان ده حوصل ليكي ،،قبل يديها ليحتضنها فهمست ،،،هملني هنام ،
كلبش فيها …بالله عليكي الكلمه دي ماتجوليها وناني ناني حضني اتوحشك نامي وسيبيلي حالك ارتاح الا الحصره كت هتخلص عليا ..تنهدت ونامت علي الفور وهو يكلبش فيها ويشمر ربه انها عادت لاحضانه .. .
وظلت صبا جالسه وحيده لا يقربها بدر لتصعد الي حجرتها وحيده مقهوره ظلت تنتظره حتي وقت متاخر لياتي اخيرا لتهب وتقترب منه.. كده يا بدر تقلقني عليك.
هتف.. وتجلجلي ليه بريحك مني.
تنهدت فهو تغير كثرا لتقترب منه وتلمس يده….. مالك يا بدر اتقلبت ليه فيك ايه موجوع ليه كده هيا بقت كويسه.
هتف …..موجوع مين جال.
اقتربت ونظرت اليه وااخذت يده ووضعتها علي قلبها…. ده اللي بيقول قلبي حاسس بوجعك يا بدرقلبي بيصرخ من صرخه قلبك اللي كتمها يا بدر …..اغمض عينيه بوجع اقتربت واحتضنته عنوه وهو لا يتحرك….
هتفت….. شايل جبل علي صدرك ليه سيب نفسك يا بدر مانتش جبل ولا حجاره انت انسان بتعرف تحزن وتغلط وترجع تقف بتعرف تقع وترجع تقف بتعرف تعترف انك تعبت واتوجعت .مش عيب ان بدر يتوجع مش عيب ان بدر يحس مش عيب يا بدر رفعت يدها لوجهه تلمسه بحنان …..اتكلم قول اللي جواك انا اهه بديك فرصه تتكلم قول ان بدر موجوع من عمايله قول ان بدر غلط وراجع نفسه لما اتوجع… اصرخ وقول موجوع عشان الناس تعرف ان جوه فيه قلب مش حجر.. نظر اليها بحب لتهمس شايفه جواهم حاجه وخايفه اصدقها اصح علي حلم ويطلع كابوس .خايفه اتوجع لمانظره عينيك دي تروح .ظل ينظر اليها بعشق ويحس بضعف كان يقاوم نفسه كان يريد ان يبتعد عن الكل وما سبب لهم اوجاع ليجدها تهمس بدر صبا موجوعه علي وجعك
همس ……بطلي مش جادر بطلي لتلمس وجهه بحنان لتهمس بدر بصلي وقول جواك ايه ماتسيبنيش موجوعه كده..احس انه سينفحر ليشدها اليه بحرقه احس ان روحه تنسحب منه احس بانه سيقتل وستنهي انفاسه ظل معها لفتره يشبع منها كحبيبه ليتجلد ويبتعد.. لتهمس بدر بطل وجع…
صرخ بطلي كفايه لاعاد فيه وجع ولا يحزنون خلاص خلصت اكده ليستدير ليقول ما جعلها تحس بانشقاق في قلبها عندما……
الواد اتبهدل كتير والله ،،،،