رواية وأغواهم الشيطان الفصل الثالث 3 بقلم عادل عبدالله

رواية وأغواهم الشيطان الجزء الثالث

رواية وأغواهم الشيطان البارت الثالث

رواية وأغواهم الشيطان الحلقة الثالثة

لكن ناصر كان هيموت عليها لدرجة ان في يوم ياسمين راحت تعملنا شاي ناصر قال لأيمن انه عاوز يدخل الحمام وايمن أذن له انه يروح .
ناصر خرج و هو رايح الحمام كانت ياسمين واقفة في المطبخ راح ناصر اتحرش بيها !!!
ياسمين بمجرد ما حسيت بناصر بيتحرش ببها جريت علي اوضتها وقفلتها علي نفسها .
ناصر رجع قعد معنا وكملنا قعدتنا ، انا حسيت ان في حاجة حصلت .
ناصر الفلوس كانت مقوية قلبه ومجمده عينه و قال لأيمن : ما تشوف يا ايمن مراتك مش جابت الشاي ليه ؟
ايمن ندا علي ياسمين مش ردت فقام يشوفها .
ولما رجع قال ان مراته تعبت ودخلت تنام .
كان عندي فضول قوي اعرف ايه اللي حصل بين ناصر وبينها .
مش طولنا في الليلة دي ذي كل يوم ونزلنا من هناك ، واول ما نزلنا سألت ناصر علي جنب : ايه اللي حصل ؟
ناصر : مش فاهم .
: لأ انت فاهم ، لما خرجت ورا ياسمين حصل ايه ؟
: لأ محصلش حاجة .
: انت هتكدب عليا يا ناصر !! الحركة كانت باينة اوي ولما هي مش رجعت تاني ودخلت اوضتها بانت اكتر .
: ده بيتهيألك يا صحبي محصلش حاجة .
فهمي قرب مننا وقال : خلصتوا السر اللي بينكم ولا لسه ؟
: مفيش سر بينا ولا حاجة ، ده انا كنت بسأل ناصر عن حاجة .
فهمي ضحك وقال : طيب ما انا عارف بتسأله عن ايه ؟
ناصر : طيب بيسألني عن ايه ؟
فهمي ؛ بيسألك عن اللي حصل لما خرجت ورا ياسمين .
قولت لناصر : شوفت يا ناصر !! االحركة كانت باينة اوي .
ناصر : محصلش حاجة انا جيت اكلمها سبتني و مشيت .
فهمي : علشان مش مستنفضاك في يا معفن ( وضحك اوي ).
ناصر : بقي كده يا فهمي !! طيب ايه رأيك ان بعد كام يوم بالكتير هتكون معايا ؟
قولت لناصر : لأ كده عيب بقي !! دي مرات صحبنا ومش هينفع اللي بتقوله ده .
ناصر : هينفع وهتشوف يا محسن .
قولتله : احنا مش هنطلع نسهر هناك تاني .
ناصر : مين اللي قال كده !! هينفع ونص وهنطلع كل يوم كمان .
قولتله : انا مش هطلع عند ايمن تاني .
ناصر : اتكلم عن نفسك انا هطلع وايمن نفسه هو اللي هيتحايل عليا كمان .
قولتله : لو ايمن عرف دماغك هتبقي مصيبة يا ناصر .
ناصر : بيتهيألك ، اصل انت غلبان .
تاني يوم مطلعتش عند ايمن وروحت قعدت لوحدي علي القهوة .
ناصر وفهمي طلعوا عند ايمن وخدوا معاهم العشا والشرب والتسالي !!
ايمن اتصل بيا و سألني : مطلعتش ليه يا محسن ؟
: انا مش هسهر في بيتك تاني يا ايمن .
ايمن : ليه يا محسن حد زغلك ؟
: لأ يا صحبي بس البيوت ليها حرمه احنا نسهر علي القهوة احسن .
ايمن : يا عم محسن بلاش تحكبها كده وبعدين احنا كده بنوفر الفلوس اللي هتدفع في القهوة .
: حافظ علي بيتك يا ايمن ونسهر علي القهوة احسن .
ايمن : ماله بيتي ماهو زي للفل انما لو نزلنا علي القهوة هنجيب مصاريفها منين ؟
: يا اخي علشان محدش من الجيران يقول عليك كلمة وحشة .
ايمن : محدش يقدر ولا حد له عندي حاجة .
: بص يا ايمن انت حر بس انا مش هسهر عندك تاني .
وفعلا بعدها كنت بسهر لوحدي علي القهوة وناصر و فهمي طلعوا يسهروا عند ايمن .
ياسمين بردو قعدت لوحدها ويادوب دخلت العشا لهم وخرجت .
بعد العشا وهي بتعملهم الشاي ناصر قام يدخل الحمام ودخلها المطبخ وقالها : انتي مش بتقعدي معانا ليه ؟
ياسمين : انت عاوز مني ايه ؟
: عاوز كل خير .
: مش باين .
: ليه بتقولي كده ؟
: انا واخدة بالي من نظراتك ليا من اول يوم شوفتك بس مكنتش متخيلة انك تتجرأ عليا بالشكل ده .
: علشان من اول ما شوفتك وانا هتجنن عليكي .
: لأ ده انت كده اتجننت فعلا ، انا مرات صحبك ازاي تفكر كده ؟!!
: علشان من اول ما شوفتك حبيتك .
: مش عيب عليك تقول كده لمرات صحبك ؟!! طيب يلا روح دلوقتي علشان مش انادي عليه واقوله .
: وانتي فاكراني هخاف منه ولا ايه !!
: طيب روح دلوقتي ارجوك انت كده هتعملي فضيحة .
: حاضر علشان خاطر عيونك بس تيجي تقعدي معنا .
: حاضر بس روح .
رجع ناصر وقعد مع ايمن وفهمي و ياسمين جت ومعها الشاي وقعدت معاهم .
طول القعدة وناصر مش بينزل عينه من عليها ويغمز لها ويضحك لدرجة ان فهمي غمز لناصر انه يخف شوية علشان ايمن مش يلاحظ !!
وقعدوا يشربوا ويضحكوا ويهزروا وياسمين قاعده معهم .
بعد السهرة نزل ناصر وفهمي اللي قاله : مالك يا ناصر البت لحست دماغك ولا ايه ؟
ناصر : بصراحه اه بنام واقوم مش بفكر غير فيها .
فهمي : ومش لاقي غير مرات صحبك وتبصلها ؟ ما البنات والحريم مليين الدنيا !!
ناصر : مش عارف اشوف غيرها ، بايني حبيتها بجد ولا ايه !!
فهمي : تبقي عبيط يا صحبي .
ناصر : عبيط ليه بقي ؟
فهمي : علشان لو حبيتها تبقي هتخسر صحبك وليهموتك لتموته ملهاش حل تاني .
ناصر : بيتهيألك .
فهمي : قولتلها ايه لما كلمتها وهي بتعمل الشاي .
ناصر : قولتلها تيجي تقعد معنا .
فهمي : دي فعلا جت وقعدت بعدها .
ناصر : شوفت يابني .
فهمي : يخربيتك يا ناصر ، وعملت معها حاجة ؟
ناصر : امشي يلا يا اهبل .
فهمي : قول بجد وغلاوة امك قول عملت معها حاجة ولا لأ ؟
ناصر : اصل انت عيل خفيف علشان كده مش هقولك .
فهمي : ده انا حلفتك بغلاوة امك .
ناصر : معملتش حاجة ارتحت !! اسكت بقي .
تاني يوم قابلت فهمي وسألني : مبتجيش تقعد معنا ليه عند ايمن ؟
: ما انت عارف .
فهمي : ناصر البت لحست دماغه .
: حصل ايه تاني ؟
: مش بيبطل يبصلها ويغمزلها واحنا قاعدين وبيخرج وراها يكلمها لما بتروح وعمل الشاي او تجهز الاكل .
: ناصر مش هيجيبها لبر واخرة اللي بيعمله سوده .
: طيب والعمل يا صحبي ؟
: انت كمان متطلعش عند ايمن تاني وهما هينزلوا يقعدوا معنا علي القهوة غصب عنهم .
: انا فكرت اعمل زيك بس مش قادر .
: ليه يا فهمي ؟
: عاوز اعرف هيحصل ايه .
: بلاش استعباط واسمع كلامي . احنا عاوزين نمنع شر هيحصل .
: هحاول .
لكن فهمي مقدرش يعمل كده وطلع سهر تاني معهم عند ايمن !!
وفي يوم طلع ناصر مع فهمي وكان جايب عشا غالي من بره ، وقعدوا اتعشوا مع ايمن ومراته !!
بعد العشا ايمن قعد يلف السجاير ومراته دخلت تعمل الشاي وقام ناصر وراها !!
ياسمين قالتله : انت جاي ليه تاني مش قولت عايزني اقعد معاكم واديني قعدت ، عاوز مني ايه تاني ؟
ناصر : انتي عارفة انا عايز ايه .
ياسمين : وانا هعرف منين ! امشي بقي علشان ايمن مياخدش باله .
ناصر : ماشي بس خلي بالك انا بحبك بجد .
ياسمين : بتقول ايه !!!
ناصر : بقول بحبك وبموت فيكي كمان .
ياسمين : لأ ده انت مجنون رسمي .امشي بقي بدل ما تحصل مصيبة .
بعدها ناصر رجع قعد مع فهمي وايمن وفضلوا يشربوا وياسمين قاعدة معاهم وناصر مش بينزل عينه من عليها وايمن بيشرب وضايع !!!
ياسمين لما لقيت ناصر بيبصلها بالطريقة دي خافت و قالت لايمن انها تعبانه وهتدخل تنام .
ناصر بقي هيتجنن لما قامت لدرجة انه مقدرش يتحكم في نفسه وقام خرج وراها ولما لقي باب اوضة النوم مفتوح كان عاوز يدخلها لولا انها لحقت ومنعته !!!
ناصر حاول يمسكها ويبوسها لكنها كانت رافضة ومنعته وقفلت الباب .
ناصر رجع لايمن وفهمي ومفيش في دماغه الا انه عاوزها في الليلة دي !!!
ناصر قعد يفكر وايمن وفهمي ضايعين في الشرب لغاية ما سأل ايمن وقاله : انت معاك فلوس يا ايمن ؟
ايمن : وهتجيني منين الفلوس يا ناصر ؟!!!
ناصر : طيب عاوز كام تمشي نفسك ؟
ايمن : اللي تشوفه يا صحبي ٢٠٠ او ٣٠٠ جنية .
ناصر طلع الف جنية و قاله خلي الالف جنية ده معاك دلوقتي لحد ما تشتغل .
ايمن فرح اوي بالفلوس وقاله : مش عارف اقولك ايه يا ناصر !! جمايلك زادت عليا اوي ونفسي اعملك اي حاجة بس ما باليد حيلة .
ناصر قاله : في خدمة لو قضيتهالي تبقي عملتلي اكبر جميل وعمري ما اتأخر عليك في حاجة بعد كده .
ايمن : قول انا رقبتي ليك .
ناصر : عاوزك تنزل تجيب علاج من الصيدلية دلوقتي .
ايمن : دلوقتي ؟
ناصر : اه ياريت .
ايمن : طيب هات اسم العلاج وياسمين تنزل تجيبه .
ناصر : لا انت اللي تنزل تجيبه وخد فهمي معاك .
ايمن بص لناصر وسكت شوية و قاله : حاضر .
ناصر : بس هتجيب العلاج من صيدلية (….) .
ايمن : دي بعيدة اوي يا ناصر .
ناصر : لازم تجيب العلاج من هناك لأن مش هتلاقيه الا فيها .
ايمن : حاضر يا ناصر .
ناصر : انزل معاه يا فهمي علشان تونسوا بعض في الطريق .
نزل ايمن وفهمي و ناصر قفل الباب وبقي هو وياسمين لوحدهم في الشقة ……..