رواية هل نلتقي الفصل الثاني 2 بقلم هاجر عصام

رواية هل نلتقي الجزء الثاني

رواية هل نلتقي البارت الثاني

رواية هل نلتقي الحلقة الثانية

بص للسما ليلى انتِ مشيتي ليه قلتي انك هتفضلي معايا دايما ليلى انا مش عارف اكون كويس كنت معاكي من وانا بيبي صغير مش أنتِ انتصرتي يبقى ليه مشيتي دموعه مبطلتش كان حابسها بالعافيه بس هو طفل هيستحمل وجع الفراق ازاي
الام-كريم بتعمل ايه عندك
كريم-ماما انا اسف بس كنت مستني نيللي تيجي من عند الدكتور
الام- وبتعيط ليه هي حصلها حاجه
كريم- لا هي رجلها تقريبا
اتلوت
الام- طب ادخل نام يحبيبي وبكره الصبح نروح نطمن عليها
كريم- حاضر يا ماما
الام- انت بتعيط عشان ليلى مش كده حقك عليا مكنش يصح اسمعك بس سمعتك
كريم- أنتِ قلتيلي انها انتصرت يبقى ليه مشيت
الام- مش شرط اللي يكسب يفضل موجود معانا يحبيبي
كريم- ازاي يعني
الام- كسبت انها مش هتتعب تاني وانها مش هتزعل على شكلها اللي بيتغير ولا انها تروح عند الدكتور الرخم اللي بيكتبلها علاج يتعبها كسبتهم كلهم
كريم- بس انا خسرتها يا ماما
الام- مش بتقول ربنا عوضك بنيللي
كريم- بس ليلى لسه في قلبي انا مش قادر اتخطى أنها سابتني لوحدي
الام-اتمسك بنيللي وانت تحس بليلى معاك دايما
مسح دموعه- اتفقنا
الام- يلا اغسل وشك وادخل نام يلا
في الاسانسير
الاب- ينفع كده يا نيللي مش قلنا بلاش جري على السلم
نيللي- غصب عني يا بابا انا اسفه
الاب- حصل خير الحمد لله انك كويسه وبنت شجاعه هتسمع الكلام بعد كده
نيللي- انا كده مش هعرف العب
الاب- لما تفكي الجبس والدكتور يقول تقدري تلعبي ولا لا
الام- ياريت نسمع الكلام بعد كده
نيللي- حاضر يا ماما
دخلنا البيت ماما جهزتلي كوباية لبن وشاورما كانت مجهزاها للغدا اكلنا وشربت اللبن ودخلت نمت كان اصعب يوم بالنسبالي من كتر الالم معرفتش انام فضلت اقرأ عليها قرءان اللي ماما بتقوله لما مكنش عارفه انام عشان تهدى من الوجع واعرف انام بتهدى شويه وترجع تاني أشد من الاول مكنتش طايقه الجبس وميعاد نومي فات ومش عارفه اتحرك لأول مره استسلم لاول مره مقدرش اقوم الف في البيت كله عشان اعرف انام لاول مره مش عارفه اقوم اجيب اشرب لنفسي عيطت جامد اوي بس من غير صوت طفله صغيره عايزه تبقى قويه بنفسها وبس الوجع هزمها
تاني يوم الصبح
الام- نيللي يلا عشان تفطري وتاخدي العلاج ايه ده عينك محمره كده ليه
بصوت تعبان- مقدرتش انام
الام- وشعرك منعكش كده ليه
نيللي- مش عارفه اتحرك ومش عارفه انام قلت العب ف شعري
الام – مقلتليش ليه طيب كنت ونستك
نيللي-مش عايزه اتعبك اكتر
الام- لا اتعبيني هو انا ليا غيرك وبعدين نتشارك الالم مع نصي التاني بدل ما تستحمله لوحدها
نيللي- انا بحبك اوي يا ماما بس انا كويسه بصي رجلي مش بتوجعني خالص أنتِ مصدر قوتي ولما جيتي خفت
الام- ايوه يا بكاشه اضحكي عليا اضحكي يلا كلي واشربي اللبن عشان تخفي بسرعه يلا
نيللي- اقولك على سر انا مش قادره اقعد على السرير اكتر من كده ايدي بتفرك ورقبتي لفت الشقه كلها من غير ما اتحرك
الام ضاحكه- معلش يا نولا الايام هتجري تحبي اجيبلك حاجات حلوه من السوبر ماركت تونسك
نيللي- ياريت يا ماما
الام- عيوني ياروح ماما
الجرس رن
الام- ثواني افتح الباب
نيللي- ماشي يا ماما
الام- اهلا وسهلا اتفضل يا كريم يحبيبي اتفضلي حضرتك
والدة كريم- اهلا بيكي معلش جينالكم بدري كريم عمال يزن عليا وعايز يشوف صاحبته عامله ايه
الام- تنوروا ف اي وقت البيت بيتكم
كريم- هي نيللي صاحيه يا طنط
الام- ايوه يحبيبي ادخلها في الاوضه اللي قدامك دي
كريم-شكرا لحضرتك
والدة كريم- انا اسفه حقيقي جايه بدري اوي ازعجناكم
الام- لا خالص ده احنا صاحيين من بدري ونيللي معرفتش تنام وكويس أن كريم موجود هي زهقت من القعده لوحدها
والدة كريم- مخبيش عليكي كان هيتجنن عليها امبارح لما اتأخرتوا عند الدكتور كإن روحه هي اللي عند الدكتور مش صاحبته اتعلق بيها بسرعه خالص
الام- نيللي بردو كده مكانتش بتزعل من اي موقف بيحصل مع اصحابها التانيين الا كريم بتيجي متعصبه لو حصل حاجه وتلوم نفسها لو غلطانه
والدة كريم- يارب يفضلوا أصحاب واخوات كده على طول
عند نيللي وكريم
كريم- نيللي الف سلامه عليكي كنت قلقان عليكي اوي
نيللي بتصنع القوه – ليه بس انا كويسه خالص
كريم- باين انك كويسه عشان كده الدكتور لف رجلك بخيط ابيض
نيللي- ده مش خيط يا كريم ده اسمه جبس انا اتجبست
كريم بضحك على طريقتها – أنتِ عارفه بشوف الناس بتكتب على البتاع ده لأصحابها بس انا خايف المس رجلك تتوجعي
نيللي- لا ماتقلقش مش هتوجع
كريم- طب عندك قلم الوان بنفسجي
نيللي- اشمعنى بنفسجي
كريم وهو بيلف عينه ف الاوضه- شنطتك لونها بنفسجي وانا بحب اللون ده اوي ف هيبقى حلو لو كتبتلك باللون اللي بحبه وأنتِ كمان شكلك بتحبيه
نيللي بفرح وابتسامه هاديه- هتلاقيه في المقلمه البنفسجي في الدرج اللي عليه فراشه بنفسجي دي
كريم- ده ناقص تعملي الاوضه بنفسجي
نيللي بضحك – المره الجايه لما يغيروا لون البيت هقولهم كده
الفجر اذن
نيللي- يالهوي بذكرياتي اللي هتموتني قريب دي في كليه بكراااا
قمت اتوضيت وصليت دعيت كتير اوي أقابله لو خير ليا اشوفه تاني اصل قلبي مش متعلق به اوي كده من فراغ لا يارب انا مش عارفه اقول ايه بس بس عايزه اعرف هو فين هل بيحبني زي ما بحبه ولا نسيني اصلا ،ولعت بخور يساعدني اني انام كلها ساعتين واصحى وعندي يوم مرهق ف الكليه اتمنى يعدي انا عايزه الايام كلها تعدي ونمت
في الحلم
نيللي- الله المكان ده حلو اوي انا فين وايه الفستان الحلو ده لونه موف حلو اوي يشبهلي مشيت ابص على جمال المكان ،السما جميله بشكل فيها كام سحابه يهبلوا ،حديقه واسعه فيها ورد جوري ابيض وورد لونه اصفر ريحته تهبل ونعناع حلم يهدي الأعصاب بصحيح، مين الشخص ده مشيت ناحيته
نيللي- لو سمحت
الشخص الغريب -…….
نيللي- ممكن اعرف حضرتك مين
……..
نيللي-طب ممكن اشوف وشك
……..
نيللي شعره حلو اوي حتى شكله مهندم بدلته السودا لايقه عليه من غير ما اشوفه
-انت رايح فين طب ممكن تقولي انت هنا ليه
صحيت من النوم على المنبه
نيللي- يوه مكنتش قادر تستنى خمس دقايق كمان
نزلت وانا مش فايقه حتى نسيت اعمل قهوه اتصلت على نور عشان نتقابل
نيللي- ازيك يا نور نزلتي
نور- خمس دقايق ونازله اهو انتِ فين
نيللي- نزلت اهو خلاص هجيلك
نور- تمام مستنياكي
نيللي – الفستان كان تصميمه حلو لو رسمته وصممته هتبقى نقله حلوه ليا
نور- معلش اتأخرت عليكي
نيللي- لا يحبيبتي الوقت معانا لسه المحاضره ٩
نور- فوقي يا ماما الساعه ٨
نيللي- هنوصل يا ستي
نور- نفسي ابقى رايقه زيك كده
نيللي- ده أنتِ اللي متأخره يهانم
نور- خلاص يا ستي متزقيش
وصلنا الجامعه ١٠ الا ربع
نور- تفتكري الاستاذ يوسف ده هيدخلنا
نيللي- والله مش عارفه هو بارد الحقيقه بس تعالي نحاول
نور- مش عايزه اتحرج
نيللي- هنجرب لو قال لا هنتحرج مع بعض
نور- طب يلا بس أنتِ اللي هتتكلمي
نيللي- ليه إن شاء الله هو انا اللي اتأخرت
نور- معلش بقى يابو الصحاب
نيللي- ثبتيني
وصلنا قدام المدرج
نور- يلا
نيللي- حاضر حاضر
خدت نفس مسكت اعصابي بكل ثبات فتحت الباب
نيللي- بعد اذنك يا دكتور ممكن ندخل
دكتور يوسف -الساعه كام معاكم
نيللي- ١٠
دكتور يوسف- والمحاضره الساعه كام
نيللي- ٩
يوسف- يبقى مفيش دخول
نيللي- معلش حضرتك عارف ان المحاضره دي مهمه
يوسف- قولي لنفسك يا بشمهندسه متقوليليش انا اتفضلي عشان وقت زمايلك
نيللي- تمام يا دكتور
نور- قلتلك بلاش
نيللي- مش مهم يلا نروح نفطر وعايزه اشرب قهوه هموت
نور- والمحاضره
نيللي- أنتِ مكنتيش موجوده ولا ايه احنا انطردنا
نور- وهنمشي كده
نيللي- نعمل ايه يعني نبوس ايده مش عارفه شايف نفسه على ايه ده معيد
نور- بقى نسخه من اللي صعبوها عليه
نيللي- طب روحي هاتي فطار وقهوه
نور- حاضر
في اسكندريه
الام- كريم اصحى يحبيبي محاضراتك هتفوت
كريم بكسل- خمسه يا ماما وقايم
الام- كل شويه بتقول كده وبتنام قوم يحبيبي
كريم- اهو يا ماما قمت فين الفطار يا ست الكل
الام- هجهزلك اللي انت عايزه بس اجهز انت يلا
كريم- عيوني
فطروا ونزل محاضراته في هندسه عماره حلمه من صغره وحققه ملوش صحاب كتير هما اتنين قريبين منه بيظبطوا بعض في الغياب والسكاشن والمحاضرات والتلخيصات بس معروفه تلخيصات كريم اللي بتنجح الدفعه كل سنه
كريم- اهلا يشباب قاعدين من بدري ولا ايه
اسلام- ايوه ما البيه نايم وناسي محاضرة خديجه
كريم- اوعى تقول انها جت
سليم- لا يا ابن المحظوظه حظك جامد
كريم- الحمد لله نمت
اسلام- واحنا اتسلقنا من الحر
كريم- معلش بقى يا شباب ابقوا اعملوا زيي
سليم- شكلنا هنقوم نروقك
كريم لا لا الله يرضى عنكم مش قادر الچيم هادد حيلي
سليم- سلمى وراك
كريم- ياربي
سلمى- كريم عايزاك
كريم- اتفضلي يا سلمى
سلمى- برن عليك من اول امبارح وانت مش بترد انا كنت عايزه المحاضرات على فكره
كريم- المحاضرات كلها على الجروب يا سلمى
سلمى- انت مش عايز حد يقرب منك ليه
كريم- فين ده ما اصحابي اهم وبتعامل مع الكل كويس اهو في ايه
سلمى- في اني بحبك يا كريم
كريم- وانا ما ينفعش اعلقك بيا احنا مجرد زمايل وبس انما حب لا
سلمى- ليه لا ليه مش حلوه يعني مش عجباك
كريم- انا ما ينفعش افكر فيكي كده اصلا أنتِ بتقولي ايه لو سمحت يا سلمى امشي وانا كإني مسمعتش حاجه ومتتكلميش معايا تاني غير بحدود