رواية هل نلتقي الفصل الثامن 8 بقلم هاجر عصام

رواية هل نلتقي الجزء الثامن

رواية هل نلتقي البارت الثامن

رواية هل نلتقي الحلقة الثامنة

كريم: صباح الخير يا ماما
امل: صباح النور ياحبيبي نازل
كريم: اه خمس دقايق ونازل اهو
امل: ربنا يعينك يا حبيبي
كريم: امين يارب يلا سلام
في اسوان
جميله: نور اصحي عشان ننزل نفطر
نور: مليش نفس انزلوا انتوا
نيللي: يلا ننزل نفطر هتعيط لما تعرف انه ضاع عليها
نور: سمعاكي وهقوم أكلك أنتِ شخصيا وهخليكي تعمليلي فطار ملوكي
نيللي: احلام العصر دي يا هانم احلام العصر فوقي
جميله: صعبت عليا خلاص هنستناها
نور: اميره وطيبه مش زي الشريره دي لا
نيللي: هتشوفي الشريره دي هتعمل فيكي ايه
رساله على الواتساب: شكلك عسول في كل احوالك كده
نيللي: مين الإنسان الغريب ده
جميله: مالك
نيللي: مش عارفه حد بعتلي قبل ما نسافر وبعتلي دلوقتي كمان
نور: معجبينك كتير أنتِ مش عايزه أحسد
نيللي: هضربك
نور: دلوقتي عرفنا جميله هتتجوز مين وشويه نعرفك
جميله: لا سيبيهالي انا بقى عشان اتعدت حدودها جامد
نيللي: ربنا معاكي
نور وهي بتجري: يا اندال في فطار هيخلص يلااا
جميله: اهربي اهربي
في الجامعه
اسلام: سليم خلصت المشروع اللي عليك
سليم: عيب عليك ياعم عمري خدت مشروع ومجبتوش في شوال
اسلام: وبعد التعب ده كله ترزعنا اعاده
سليم: متفكرنيش بيجيلي ضيق تنفس من الكلمه دي
اسلام: المره اللي فاتت قالتلي ايه القرف ده ورزعتني اعاده ورحت لدكتور سمير قالي شغل ممتاز قلتله خدت عليه يعاد قالي نوال صح قلتله اه قالي متغيرش حاجه قدمه زي ما هو لو اتكلمت تعالالي ونشوف الحوار ده
سليم: والله دكتور محترم كتر خيره
اسلام: شوف كرهي لخديجه كوم وكرهي لنوال ده كوم تاني على الأقل خديجه مبتعملش كده اه امتحاناتها خذعبليه بس شرحها نينچا احضر تضمن الامتياز
سليم: يلا ربنا يخرجنا منها على خير
كريم: بتنموا على مين
اسلام: هو فيه غيرهم
كريم: عايزين تعدوا في مشاريعها ازاي وانتوا بتتنمروا عليها بس
سليم: وهي هتعرف مين
كريم: مش يمكن في عصافير معانا
سليم: مبنتكلمش قدام حد ولا تقصد انك انت العصفوره
كريم: عيب عليك تشك فيا
اسلام: ده كمان مبينزلش لما خديجه بتلغي
كريم: دي نوايا ياصاحبي
اسلام: لا انا خايف منك ياعم
كريم: عيب يا صاح ده انا صاحبك مستحيل افتن عليك
سليم: الواد ده محترم مستحيل يعمل كده
اسلام: لا شاكك بردو
كريم: ده انا غلبان ،يلا عشان نوال تقيمنا يلا
سليم: بحب ثقتنا دي واحنا داخلين تحسنا متعودين على الامتياز معاها
كريم بضحك: وهي يا اعاده يا مقبول معندهاش اوبشن تالت
سليم: بس سيبك انت شكلك مرتاح ومنور بتاكل فراشات من ورانا
كريم: فراشات ايه بس انا نايم كتير
سليم: علينا الكلام ده
كريم: تعرف عني اني بحب الفراشات
اسلام: يعني حد يقع قدامه صفقة فراشات ويقول لا
كريم: اه انا
اسلام: فقري
في اسوان
نوح: ايه يا شباب فطرتوا
نور: اه نزلوني بالعافيه وانا مش قادره افوق
نوح: تشربي قهوه
نور: يا ريت الله يكرمك
نوح: بتحبيها ازاي
نور: معلقه قهوه ونص سكر
نوح: فل
جميله: شخص محترم نوح ده
نيللي: جدا وجدع كمان
نور: مكنش فنجان قهوه يعني عشان تقولوا عليه كده
جميله: يا شيخه ده أنتِ المفروض تقولي عليه اكتر من كده بس انتِ ناكره للجميل
نور: هو محدش شاف لبنى
نيللي: بتسألي عنها ليه
نور: غريبه محدش سامعلها صوت، الحقوا الحقوا مراد هنا
جميله: مراد هنا ازاي
نور: جاي يشوف الزرع بتاعه عامل ايه
جميله: احترمي نفسك هضربك
نور: الله انا قلت ايه بس
رساله واتساب: شكلك في الزهري يجنن أنتِ ازاي حلوه في كل حاجه كده اللهم بارك
نيللي: يادي القرف
نور: مالك يا ست
نيللي: بصي
نور: ده مين اللي مركز معاك ده يا عم القمر
نيللي: معصبني وحاجه تقرف بجد
جميله: اعمليله بلوك
نيللي: عندك حق ازاي مفكرتش في ده
نور: لا سيبيه يجيب آخره
نيللي: لا مش عايزه رخامه مش عايزه اجيب اخر حد انا
مكالمه هاتفيه
امل: ازيك يا نسرين عامله ايه
نسرين:بخير يا حبيبتي وانتِ
امل: هبقى زي الفل لو وافقتي على طلبي
نسرين: اتفضلي يا حبيبتي خير
امل: عايزين نتقابل والاولاد تقعد مع بعض
نسرين: امل انا فهمت صح مش كده
امل: فهمتي ايه
نسرين: عايزه تجمعيهم تاني
امل: بصي مش هضحك عليكي ابني قلبه لسه متعلق بنيللي وعايزها يقعدوا يشوفوا بعض لو لسه بيحبوا بعض يبقى على خيرة الله
نسرين: افرضي احنا رفضنا هي العيال اللي هتمشي كلامها علينا
امل: انا عارفه انك بتحبي ابني وانا بحب نيللي وهتبقى بنتي بس انا بقول يتلاقوا بدل ما يفضلوا يدوروا على بعض واحنا على تواصل حرام قلبهم يتعذب
نسرين: انا مش موافقه على الكلام ده وبعدين هما لسه صغيرين
امل: هو انا قلتلك هيتجوزوا ده هيشوفوا بعض عشان قلبهم يهدى ويركزوا في حياتهم
نسرين: هشوف باباها وأرد عليكي
امل: بس متتأخريش عليا الله يباركلك
نسرين: حاضر
نيللي خدت جمب وقعدت ترسم خلصت اول فستان وبتحلم امتى هيكون واقع وقدام عينيها فستان حقيقي
عند جميله
مراد: مردتيش عليا قلت اكلم محمد واعرف انتوا قاعدين فين
جميله: ارد على ايه
مراد بإستغراب: أنتِ مفتحتيش الرساله اللي مع الزرع
جميله: فتحتها
مراد: امال ايه بقى
جميله: بص يا مراد انا عارفه انك اعجبت بيا ودي حاجه مش بإيدك بس انا همشي من هنا كمان كام يوم فسهل تنساني هتشوف غيري وتحبه من بلدك تعرفه ويعرفك
مراد: قوليها صراحة انك رافضه
جميله: مليش الحق اني ارفض انت شخص طيب وليك شغلك و…
مراد: انا مش قليل انا مهندس بترول متخرج من سنه بشتغل في الغردقه لحد ما تجيلي الفرصه واسافر بإذن الله الاسبوع الاجازه اللي اخدته يشاء القدر انك تيجي واشوفك انا مش بس معجب بيكي انا عايز اكمل حياتي معاكي لو سمحتي من غير تذويق كلام قولي يا موافقه يا لا
جميله: بعد اذنك يا مراد
مراد وقف بسرعه: انا مش شخص عصبي أو قليل الذوق صدقيني بس ردك عليا هيريحني وهبعد لو عايزه
جميله: انا معرفش وماينفعش ارد عليك من غير معرفة بابا
مراد وانا هحترم ده ممكن التواصل بينا يبقى عن طريق حد من زمايلك لاني مش قاعد هنا طول الوقت واجازتي هتخلص كمان يومين اتمنى تكلمي والدك بسرعه وتردي عليا وصدقيني انا مش بلعب ومليش في التسليه انا جاد جدا
جميله: ربنا ييسر وبإذن الله هرد عليك
مراد: رقمي مع محمد لو مش عايزه تكلميني
جميله: تمام
مراد: تمام
يوسف: الله شكل الفستان ده جميل اوي مين رسمه
نيللي: ده شغلي
يوسف: جميل اوي بتتعاملي مع حد يعملك الفساتين دي
نيللي: للأسف لا لإن نفسي انا اللي اعملهم
يوسف: مش لازم اللي صمم الحاجه يكملها للأخر امال احنا كتير ليه عشان كل واحد يعمل الحاجه اللي بيحبها يعني أنتِ تصممي غيرك يقطع القماش ويرسم الديزاين عليه وغيرها تخيطه وغيرها تقفله عشان يبقى بالعظمه اللي اترسم بيها
نيللي: انا نفسي ابقى كل دول
يوسف: مش من يوم وليله تقدري تكوني كل دول بس مش صعب أنتِ عندك موهبه جميله اوي
خد باله من رسمة نيللي لكريم وشدها
يوسف: جميل اوي الولد ده تعرفيه
نيللي وشها جاب الوان: ده ده جاري بحب ملامحه اوي فرسمتها
يوسف: مالك مخضوضه ليه كده
نيللي: لا خالص مش مخضوضه بس انت فضولي اوي
يوسف بإبتسامه: لا خالص لقيتها ظاهره قلت اشوفها
نيللي بعصبيه: بس ده تطفل ومش حاجه كويسه
يوسف: فيه ايه يا نيللي مالك كإنك عامله مصيبه
نيللي: انت قليل الادب
وسابته ومشيت وهو على وشه مليون علامة استفهام هو عمل ايه وهي ليه اتوترت اوي كده ومين ده