رواية هلع الفصل الحادي عشر 11 بقلم آية
رواية هلع الجزء الحادي عشر
رواية هلع البارت الحادي عشر
رواية هلع الحلقة الحادية عشر
//
سما >>نعم
عاشور>> مبدري كنت نهدرز مع الحاج محمد بات رسلان و حكينا في موضوع العرس
سما >> وباهي ، نحن حكينا فيه قبل
عاشور>> والله انا شايف انه بعد شهرين كويس بكل وهكي اتفقت معاه
سما >> كيف تقرر بدون ما تقولي ،مش من حقك تاخد قرار كيف هكي ونحن متفقين اتفاق واضح
عاشور >> وطي حسك واحكي بأسلوب
سما>> تي نحن متفقين من اول يوم وقتلي باهي تمشي فيا كيف البنت الصغيره ليش
قرب مني وعطاني كف ، والكف هضا حتى بابا ماعطش ليا
خش احمد على علو الصوت وصبا بيني وبين عمو عاشور
سما >> انا معش بنقعد هنا
كنت متنرفزه لدرجة مش هامني لا انه عمي ولا انه كبير خلاصصصص الادب والاخلاق والتربيه قدام عاشور يريحن بكل ، خشيت للدار مسكت الصاكو وقعدت نلم في دبشي و مافيش ولا دمعه نزلت
احمد >> مش هكي يا عاشور هذينا امانه ازف
عاشور>> انت ما حقيتهش كيف تحكي معايا
طلعت خيريه من جوا >> كنه حسكم عالي شن فيه
عاشور >> مافي شي مافي شي
احمد>> لا في تغصب فالبنت و تعبت ام نفسيتها
عاشور>> احترم نفسك انت الاخر را نمد يدي عليك
خيريه>> هضا ما ناقص تضاربو قدامي
طلع احمد من جنب عاشور وخلا خوخه تحكي معاه و مشى شور سما
احمد>> تي بطلي هبال
سما >> احمد لو سمحت انا قعده هنا مش قاعده مش يبي العرس بعد شهرين ! خلاص خليني نطير من قدام وجه لعند ما يطلع العرس ويفتك مني بكل | هضا ودوبنا نحكو ضربني كف شن ح يدير لو قلت لا وفضيت القصة بكل
احمد>> تي مافيش شي ح يصير بدون رضاك وانا قاعد هبله انتي ولا شنو ،انتي عارفه اني فظهرك انتي والبنات كلكن بنياتي انتن مستحيل نخلي حد يجي شوركم
سما >> حميدا الله يربحك ما تزيدهش عليا نعرف انت شن ح دير عشاني بس انا نبي العرس بعد شهرين انا موافقه خلاص
احمد >> تي وين بتعدي باه فهميني عند ميرا ولا وين
سما >> بنكلم خالو مجيد يجيني مانبيش نزيدها على ميرا هي بروحها مرعوشة
احمد>> كذا ريحينا بلا هبال
سما >> عمو لو قعدت هنا مش ح يصير خير وانت عارفني كويس ، و احتمال نتعب ونخش للمستشفي انت فاهم فخلاص خليني
احمد >> حنخليك براحتك بس ما تزعليش ردبالك
خشت روان>> سيمو بس افهمي
سما >> منبيش نفهم خلاص
خذيت الشنطه وكلهم كانو واقفين يبحتو في حوارنا انا واحمد و عاشور برا
احمد >> باه تو انا نوصلك ما تكلميش حد
بحتت في روان >> ما تقوليش الميرا شي تو انا نكلمها نفهمها وردبالكن من رندة ماتخلنهش بروحها
جديده>> تي وين ماشيه اقعدي هنا وهو اللي يطلع
سما >> امي مش مطوله بنشوف خالي ليا زمان عليه عد لله راني ماشيه نهدرز
جديده>> حنخليك تمشي عشان عارفتك مهما عاندت معاك مش ح تابي كيف بوك الله يرحمه راسه يابس بس راه اطولي انا حانجي ناخذك
عميمة منى جت جنبي >> تي والنبي عاشور عمره خذينا بكلامة ديما يحكي خليكي في الجناح معايا انا وميرا سلم بنتي ومش ح تشوفيه
فاطمة>> والله انا عاشور تعبت وانا نحكيله
سما >> خلاص والله ما تكبرو الموضوع عارفتكم والله وعارفه انه اللي نبيه ح يصير ما حدش يزعل انا ماشيه عشان مرايفة على خالو بس وبنغير جو يومين ، “وبحتت في عميمه فاطمه والبنات” انا مستحيل نزعل منكن راه
ابتسمت وبست راس خوخه وطلعت عشان مانبيش نعطي فرصة الحد يحكي اخرى واقعدي وكنك و حصل خير | اساسا كنت ماسكة دموعي بالسيف
خطمت من جنب عاشور >> العرس بعد شهرين به انا موافقه بس الشهرين هذينا بنقعدهن عند خالي مجيد
عاشور >>بس
سما >> هضا شرطي الوحيد عشان نوافق عالعرس غير هكي معش عندي كلام وخفو عليا الله يربحكم عشان ما ننجنش حتي انا زي ماما
بحت احمد في عاشور و طلع ورايا
//
//
درسنا قدام حوش خالي مجيد وطول الطريق واحمد يحكيلي ويقنع فيا انه نرد وماحد ح يجي شوري بس كنت مصكره راسي
احمد>> تو تفجعيهم يا بنتي هيا روحي معايا و فوتيه عاشور
حطيت على رقم مراد ولد خالي ورنيت عليه
مراد >> الو ، سيمو ؟
سما >> مراد انتو فالحوش صح
مراد>> اه توا كيف خشيت انا كنك في حاجه
سما >> افتحلي الباب انا برا
مراد >> برا كيف ؟
صكرت الخط قبل ما نرد ، ثواني وانفتح الباب
نزلت انا واحمد ماسك شنطتي ورايا ، سلم ع مراد
مراد >> سيمو كنك!
سما >> بنبات عندكم لو ما فيهش ثقل
مراد بحت في احمد >> خشي بلا هبال ” ومسك الشنطه منه”
احمد >> كيف حالك يا مراد
مراد>> الله يسلمك سامحني ليا زمان ما خطمت عليك
احمد>> ولا يهمك رد بالك منها
مراد>> شن فيه بس
احمد>> تو هي تفهمك ، اي حاجه كلمني
مراد >> تمام خش تفضل
احمد >> لا والله وقت بنروح نرقد بكرا ورايا شغل
مراد>> تم
خش مراد وانا مصبيه فالممر
مراد>> تي خشي بلا حركات وحشم حوشك هضا “وقعد ينادي في امه”
طلعت عميمه عزيزه مرات خالي
عزيزه>> مرحبتييين باهي اللي اذكرتينا ديما نقول الخالك جيبهن يقولي باهي وينسى
سما >> سامحيني انتي عارفه عقلي كيف اخر فتره
عزيره >> لا عارفتك والله نحن اللي مقصرين معاك بس تعرفي انا تعبت و قعدنا مره تونس مره مصر و مالنش شي كيف استقرينا
سما >> مراد ماكانش مقصر كل فتره كان يرن ويسأل الحق
مراد>> انقنه فيا الخير 😂
على طلعت خالي اللي كان مستغرب جيتي
مجيد>> مرحبتين من جابك وكنك جايه متأخر وميرا وين
مراد>> خليها تاخذ نفسها ياحاج🙄
سما >> لا خليه عشان حتى انا بنحكي اصلا
” وقعمزت حكيتلهم اللي صاير ب اختصار بدون ما نقول انه عمو عاشور مد يده عشان منبيش القصة تكبر ، خالو كان يعرف اساسا قصة خطبتي وشرطي وكل شي ”
مجيد>> بس يا سما انا نعرف انك شرطتي من الاول انه العرس ما يطلعش الا بعد ينحل كل شي ، بس يا بنتي هذي حاجه علمها عند الله ونحن ما نعلموش بالغيب تاخذ سنه تاخذ عشرين مش معروف وحرام تقعدي معلقه هكي وخلاص
بحتت في مراد >> نرد عند عمي عاشور يعني هنا وغادي واحد
مراد >> خليها براحتها خلاص
سما>> خلاص اساسا صارت وقتله اني موافقه هي قولت خالو سيوره طالع العرس سوا طالت المده ولا قصرت
مراد >> لو ما تبيش راه نفضها عادي
مجيد>> هضا الكبير لي مفروض يعقلها 🙄 عابي عليك انا والله
مراد>> تي ماه تقعد مغصوبه ما شور شي 😒
سما >> مش مغصوبه بس الوقت ماكانش مناسب وكان في اتفاق عشان هكي انا تنرفزت بس خلاص حصل خير ، تستقبلوني الشهرين هذينا
عزيزه>> الحوش حوشك في اي وقت شن الكلام هضا مش برانيه انتي بنتنا
مراد>> لا انا مش موافق 🙄 حتصدعلي راسي انا عارف
مجيد>> ناقص غير تحكم من يخش حوشي بنيتي هذي هي وميرا وهن يخشن وانت تطلع
عزيزه>> هبل ما تعدليش عليه
ابتسمت>> مش ح يعقل لعند ما يجوز
مراد>> تبقو طيبين هي مع السلامه 😂
سما >> اهرب توا بس قاعدتلك شهرين 😂
عزيزه>> خشي للدار تريحي مافيش حد ح يضايقك واخذه عالحوش انتي
مشيت شور دار التلفزون اللي كانت فاضيه حطيت شنطتي طلعت بجامتي وقعدت نذكر في ذكرياتنا زمان كنت ديما نجي عند خالو مجيد نباتو رغم انه مافيش بنات عندهم ماكانش في غير مراد و حمد خوه اللي اجوز وسافر بعد عزا بابا بشويه بس كنا ننسجمو مع عميمه عزيزه ومع مراد بكل
لبست دبشي ومسكت تلفوني القيت البنات دازات عالقروب متاعنا
سالمة” سما شنصار”
روان”وصلتي ؟”
ميرا “وصلت وين كنكم”
سما “الغباء اللي فيكن خارق مش قتلكن اسكتن🫠”
ميرا” تي فهموني ”
سما” قتلك انا عند خالو مجيد راه جيت امبدري”
ميرا”وعليش ، وكنك ما شية فالليل ولا شنو”
سما ” ميرا راسي مصدع ، بكرا ح نكلمك”
ميرا” في حاجه يعني🫢”
سما ” لالا بنكسد بس”
روان” خلاص عرفناكن خوات سكنتن التلفون يطنطن”
سما ” تصبحن على خير 👊🏻”
حطيت التلفون جنبي وخشيت رقدت
//
//
موسى >> في شن سرحانه
ميرا>> كنت نحكي مع سيمو والبنات
موسى جا جنبها>> باهي ؟
ميرا>> مش عارف سما عند خالو مجيد غريبه
موسى >> وليش غريبه بلكي عزموها
ميرا>> فالعشية كنت نحكي معاها وما قالتش شكله فالليل مشت وبعدين مستحيل تمشيلهم بدوني اكيد كانت حتقولي
موسى >> انتي ديما شاغله بالك هكي
ميرا>> لو ما شغلتش بالي ب سما بمن ح نشغله
موسى >> بيا انا مثلا ؟
ميرا غيرت الموضوع عشان ما توترش >> انت عارف انه سما شايله كل حاجه؟ القضية كلها هي اللي تفكر فيها انا لما حد يشوفني يحسابني بارده ومش معدله بس انا حرفيا ماعنديش قلب والله مش قادره نرد ونعاود نفس احداث القصة اساسا حتى لو انحلت القضية وعرفنا اللي دار هكي شن بيرد بابا ، بيرد خويا بترد ماما الصحتها مافيش شي ح يتغير بس رغم هكي سما تحملت مسؤولية كل حاجه
موسى >> ممكن معش تفكري في شي وتريحي عقلك و قلبك اللي تعب وتعبني معاه
ميرا >>تبي تاكل
موسى >> بنطلع
ميرا>> للاستراحه!
موسى >> طاق ساعة وجاي
ميرا>> بتعوم صح
موسى هز براسه
ميرا>> بس الوقت تأخر بتسيبني بروحي
موسى >> مازال بدري يا دراما بعدين ساعه وطاق
ميرا >> باه خليني نرقد وامشي اصلا انا نعسانه
موسى >> حاضر خشي تريحي
صبت ميرا و برمت عليه >> زعلت صح
موسى سكت
ميرا >> ماتمشيش للمسبح الا وانت واصل على اخرك تحسابني مانعرفش بس مش قادره نقولك غير ربي يريح قلبك ويريحني
موسى صبا و مشى قدامها للدار>> بترقدي يا اوڤر ولا لا
ميرا>> باه خليك عالسرير لحد ما نغمض عيوني😣
موسى >> قاعد
خشت ميرا و موسى جنبها يراجي فيها يرقد عشان يطلع و يمشي يفش غله فالمسبح
//
//
نضت ثاني يوم دوشت عشان نصحصح ونستوعب الصدمة اللي رقدت عليها امس
كلمت ميرا وفهمتها اللي صار ومحوتك اسكتت وفهمت مني وقنعتها
ميرا>> ماتشغلينيش عليكي ياسيمو
سما>> ميرو بطلي دراما والله ما صار حاجه انتي عارفه عمك يعني
ميرا>> ردي بالك من روحك واكيد مراد ح يسمط عليكي 😂
سما >> طبعا من امس بادي سماطه😂
ميرا>> رايفة عليهم بكل عيت خالو تو بلكي نقول الموسى ونجيكم فهل يومين
سما >> تمام
ميرا>> ردبالك من روحك وماتزعليش اه
سما >> حاضر والله
ميرا>> خلاص باي
سما >> باي ياحبي
صكرت ومشيت لقيت عميمه عزيزه فالصالة
سما>> صباح الخير ، نحسبك فالقهوه؟
عزيزه>> مانقولش لا
خشيت للمطبخ حطيت خوه على بوه وصبيت بنولع الغاز ع رنت رسلان / صبح يا فتاح🙄
رديت وانا عارفه ه نحكو فقصة العرس
رسلان>> صباح الخير
كنت نحرك فالقهوة>> صباح النور
رسلان>> توا كيف نضتي
سما >> اه من شويه
رسلان>> باهي وشن اديري
سما >> رسلان خش فالموضوع عشان حكالي عاشور امس
رسلان>> انا مانعرفش بشي راه ران ومهدرز هو وباتي وهوا اللي قرر التاريخ بس انا قلت لا
سما >> بس انا قلت باهي ! وحيكلم عاشور باتك ويتفقو بينهم انا موضوع العرس طلعوني منه
رسلان>>متأكده من كلامك
سما>> هضا اللي كان ح يسير اصلا سوا توا ولا بعدين ف بلا كثرة مشاكل عشان عمو عاشور قعد يشتت فيا و فتفكيري فخليني نحل هالقصه عشان نركز في القضية وفي الهم لي عندي
على تخطيمة مراد >> سيمو احسبيني اه كان اديري فقهوة ” وكمل طريقة”
سما>> تمام مازلت ما درتها اصلا
رسلان >> احمد
سما >> لا مراد
رسلان بنبرة جديه>> ومراد هضا من ان شاء الله مش معرفتينا
سما>> ولد خالو مجيد
رسلان >> ولد خالك وانتي فحوش جدك كيف هذي
سما >> ماه انا فحوش خالي من امس بعد حكالي عاشور تعاركت معاه وجيت هنا
رسلان>> فحوش خالك و معاك مراد ويقولك سيمو ؟ واديريله فقهوه اخرى !
سما >> رسلان انا مش مروحه من هنا عند اسبوع العرس وكان نلقى ما نشوفش وجه عاشور بكل يكون احسن بس عشان خاطر جديده حنمشي اسبوع العرس ونطلع من غادي
رسلان>> ومراد 🙂
سما >> مراد ولد خالي ، وبلا حركات انت عارفني ما نحبهنش
رسلان>> مراد هضا كم عمره عاد
سما >> اللهم طولك يا روح | عمره ثلاثين يا رسلان
رسلان>> سما راه انا اعصاب لكي معش عندي
سما>> عارف شنو ، افضل حاجه معش نحكو الشهرين هذينا عشان ماتقربعش الدنيا
رسلان>> عشان مراد ياخذ راحته!
سما >> لا انت بدور اي حاجه اتعارك عليها وخلاص
صكر رسلان ف وجي بدون ما يقول اي اجابه 🙂
مراد >> تي طشة قهوة قعدتي عليها ساعه 😒
سما >> امسح وجك بس دنيتك اتقاطر اميه | اهو جايبتها
مراد>> بس نقولك حاجه ، انقنك نعليا وانتي فالمطبخ واديري فقهوه يعوينه
سما >> مراد را نكبها فوجك😂😂
مراد>> شن اسمه هوا
سما >> رسلان🙆🏻♀️
مراد>> من اسمه دمه ثقيل لا افسخي افسخي
فعقلي هما الاثنين ما تلاقوش و مش طايقين بعضهم😂
عزيزه>> مراد بلا سماطه را اطفش البنت امشي البس وعدي الشغلك
رفعتله حاجبي وضحكت
مراد>> مالهش كم ساعه جايه ادافعو عليا ونكرتوني
عزيزه>> نصبيلك راه🙂
مراد>> نشرب قهوتي ونتوكل 🧑🦯
//
//
مر الشهر الاول في لمح البصر
ومافيش جديد على حد اسير ساكن الرسلان على رقم روان و رسلان كبريائه مش سامحله انه يرن عليا ويحكي معايا بعد عركتنا اخر مره ، و روان من تحت التحت تسأل فيا على اسير والباين بدت تحط فالموضوع فراسها
انا من اول ما طلعت من الحوش معش مشيت غادي كلمت امي واحمد و صكرت راسي اني بنقعد لحد اسبوع العرس وهما عارفيني بعد نصكر راسي محد ه يقدر يقنعني، كانت خوخه كل يوم حرفيا ترن عليا😂 وتهدرزلي شن دارو وشن مادارو و تاخذ في اخباري وعميمه منى جتني كم مره جابتني حاجات والبنات كل مره وحده جايتني وكانو عيت خالو مجيد فرحانين بيا وبقعدتي عندهم
جتني ميرا جابتلي شوية دبش وكان احمد والبنات يكلمو فيا شبه يومي وعاشور كان يشعر بسعاده🙂عشان حدد العرس و دار ما في خاطره وماكلفش روحه حتى يسأل لو ناقصني حاجه ولا حتى اعتذر عالكف | كان مراد ديما معايا ويطلع فيا يغيرلي في جوي ويهدرز معايا
ورندة كان عقلها و حتى قلبها الصراحة مع ربيع 🙊 الي من هضك اليوم اختفى عليها ومعش عرفت كيف ولا وين توصل فيه
والباقي على نفس وضعهن
//
//
رسلان من هضك اليوم معش كلمني نهائي ، وانا لهيت في حياتي و كنت يا اما نسأل ع قضية بابا يا وضع ماما والاثنين ما فيش فيهن جديد
لعند قبل كم يوم رن عليا عمو احمد قالي انه رسلان كلمه و قله ام رسلان واخته بيجو عشان يجيبو فلوس ع اساس نوتي بيهن حاجتي وهك ، واصريت انهم يجو فحوش خويله
يومها قلت للبنات يجني عشان يساعدني وهكي و كنت متوتره عشان اول مره يشوفوني هل رسلان ، رغم اللي انا فيه وتفكيري المتشتت بس بجد لاول مره يجيني شعور العروس وهكي 🧘♀️مابيتش نكلم غير البنات بس عشان ما نبيش نكبر الموضوع كلها جيبت فلوس
و ماقلتش العميمه وخوخه وهكي عشان ما يقعدش الجو رسمي كنت بنتعرف عليهم ونهدرز برواق
//
سالمة >> احمدي ربك انه اليوم معنديش مركز عشان قدرت نجيك
رندة >> من يوم ما سقطتي وانتي خلوقك يدوبك
سما >> المادة الحقيرة هذي
سالمة>> كرهتهااااا ومليت منها توا اخر امل المركز يلي خشيت فيه اللي قال عليه تيح الموسى | تقول كان حاس بيا ح نسقط 😂
بحتت في رندة >> وانتي مافيش جديد
رندة>> من بعد ما احميدا قالي انه الزفت هضكي انحكم ٧ سنين وانا تريحت | ودرت نفس ما قلتيلي كل ما نذكر القصة نذكر اني انا قعدت في امان ونذكر وجه ربيع ومتخيلات اني نحلم بيه
سما >> لا انتي شكلك تسبلي بيش تشوفي وجه بس😂
سالمة>> خلاص اصلا السمستر هضا بعد يكمل مافيش هذك العطله وع طول يبدا السمستر الشتوي وتبدا معانا ترد
ع رنت تلفوني
رندة>> اكيده ميرا
سما>> لا مراد | الو
مراد>> ع شن وصيتي انتي كذا | عصير وشوكلاطة وحلو و قهوه وشن اخرى؟
سما >> العصير فراوله ؟
مراد>> اه | حاجه اخرى
سما >> لا خلاص وحاجة الاكل جابنها البنات معاهن
مراد>> ناعليا الدوا فيها وكال 😍
سما >> مازلت مطول😂
مراد>> لا توا جاي شور الحوش بس خفت نكون ناسي حاجه
سما >> شن كنت حندير بدونك بس
مراد >> اهم شي عقبيلي اه من كل حاجه😍
سما >> خلاص تعال ما توترنيش
رندة >> عسل مراد
سما >> مش عارفه شن كنت ح ندير من غيره
ع رنت الباب فالعشية
عميمه عزيزه>> بنات شوفن الباب كذا
طلعت سالمة وكانن روان و وميرا اختي جايبهن موسى
سما >> تي كنك قالبه وجك؟
ميرا >> شكلي بنجيب دبشي و نفرش حذاك فهل دار حتى انا
روان بحتت فيا>> تعاركو عشان اللبسه
سما>> وشن فيها لبستك
ميرا>> ماه ما كانتش هذي كنت لابسه وحده ثانيه وخلاني نخش نغيرها تخيلي ؟ قالي يا تغيريها يا تقعدي هن
سما>> خلاص كبري عقلك ومشي اليوم
ميرا>> مازلت ح نتفاهم معاه بعد نروح😒
عالعصر بديت نوتي في روحي، دارتلي سالمة شعري و لبست ومادرتش شي في وجي كنت مازلت مش متقبله فكرة اني نفرح بعد اللي صار فينا
ميرا>> سيمو الحزن مش بالوجه ولا اللبس | انتي اختي وتعرفي كيف انا اكثر حد منهاره ع اللي صار بس رغم هكي حطيت حاجه فوجي بس ماحدش يندري ع اللي جوا
سما >> تو ندير كل حاجه بس توا خلوني هكي انا متريحه مانبيش نحط شي
سالمة>> اصلا انتي خيال بدون اي حاجه
سما >> كل شي واتي فالمطبخ
سالمة>> اه
كنت متوتره عشان اول مره يجو هله | مستحيل الدنيا كيف تمشي ومستحيل كيف ربي يقدر ينزل عليك القوة انك تكمل حياتك
لما صارلي اللي صار توقعت اني انا معش حنمشي خطوه في حياتي بس حاليا انا قاعده نوتي لعرسي
//
فالعشية هكي رن الباب و جو ام رسلان واخته واستقبلتهم عميمه عزيزه وميرا اختي “دروحها الاخت العاقلة “😂
جابو معاهم حاجات وهكي
روان>> مشاء الله كل حاجه خيال
سما >> كلكن مدات تلفوناتكن تصورن وحده تنزل حاجه نقطع يدها
سالمة>> دراما 🙂 نصورو بنورو امي و ماما وعميمه
سما >> تو هما خاطبين وكل حاجه عليش انا متوتره هكي
سالمة >> عشان اول مره تشوفيهم ويشوفوك
روان>> الناس كلهم يجو يشوفو بعدين يخطبو بعدين يجيبو رجاله الا سما دارت عكس الدنيا كلها 😂
حطن البنات القهوة والحلو وتوكلت على الله وخشيت 🧘♀️
مديت القهوة و لازم من نظرات جانبيه عاد، قعمزت وانا منندريش اصلا انه رسلان عنده اخت عشان ولا مره سألته اصلا على حياته 🫠 قعدت نبحت وحسيت اني فعلا مانعرف عليه شي
نغزتني ميرا بصوت واطي >> تي كنك مصدومه مبدري وانتي متنحه
سما >> نحس فروحي نحلم
ميرا بصوت واطي>> هذي اخت رسلان اسمها سارة
شويه وجت سارة حذانا يا شريني بنهدرزو
سارة>> كنا بصراحه مش عارفين ذوق رسلان 😂 بس طلع ذوق بكل
ابتسمت >> الله يسلمك 😂
سارة>> عارفه محوتك مخلانا نجو انا وماما تخيلي من كثرة ما انا متحمسه وبنجي خليت وليدي عند عماته عشان ناخذ راحتي ونهدرز😂😂
سما>> ليش ما جبتيه انا اصلا مش مكلمه حد عشان ناخذو راحتنا
سارة>> ح تجينا وتشوفي عمله الاسود مجنني وراه ومتعلم حركات رسلان
انا سكتت عشان ولا مره رسلان حكالي انه عنده ولد اخت 🫢 ولا آنا سألت الصراحه 😪
ام رسلان ” زينب >> والله كنا بنجو نسلمو عالحاجه وهكي غير رسلان ربي يهديه
سما >> لا يا عميمه انا والله اللي نبي هكي ، نحن توا عيله وحده وانتو مش برانيه اكيد رسلان قاللكم على ظروفي وقصتي | عمو عاشور من بعد توفاية بابا قعد حاس بمسؤوليه منه انا وميرا اختي ف الفتره هذي عشان ضغط العرس وهكي جيت هنا عند خالو عشان ناخذ راحتي
زينب>> انتي بنيتنا ونجوك وين ما تبي اهم حاجه تقعدي متريحه
ابتسمت وحسيت براحه بكل معاهم كانو ذوق وعسل 🥹 قعدن عميمه عزيره وعمتي 😌 يهدرزن بروحهن وسالمة صبت هي وميرا يوتن في الموالح
بحتت في سارة >> هوا اللي جابكم
سارة>> اه رسلان 🫢 شكلكم متعاركين وهكي عشان كل ما نقوله رن اسألها ولا رن اعرف من جاي يقولي تو نرن علي احمد
سما >> داير موضوع بروحه والله 🙄
سارة>> شوفي انتي قعدتي بنيتنا | رسلان عصبي بكل بكل بس مافيش اطيب منه بعد يتعصب يفترش فالكلام بس لما يهدا بروحه يعرف غلطه ويجي يعتذر يدير اي حاجه بس ما يقولش اسف 😂
سما >> نعرف جربت 😂
سارة>> ربي يهنيكم ❤️
قبل ما يخشو البنات بالموالح صبيت انا للمطبخ
بعد المغرب هكي طلعو هل رسلان ومديت معاهم عشا الرسلان 😒 وخذيت رقم سارة ع اساس نتواصلو وهكي
روان>> حسبتي اسير
سما>> اه حطيتله😂 قصدك في كل لقمه بنحطو منها الاسير نحن 😒
روان>> هك نبي انابشه | دزي مسج الرسلان وقوليله
سما >> في عينك تو ندز الاخته نقوللها العشا الرسلان والكيس الثاني الاسير نسيت نقوللها وهي طالعه
روان >> راك تنسي بس مهم يعرف اني عندي عنده وحده 😌
مسكت التلفون ع طول ورنيت السارة فهمتها عالعشا وقتلها الكيس الثاني الاسير و قولي الرسلان انه من سما وهو ح يفهم | ما فهمتش مني بس قالت لي باهي وخلاص😂
فالليل جا احمد روح بالبنات وقعدت ميرا عشان بيجيها موسى
خش مراد للمطبخ دغري وقعد يفتح فالكوشة ويشوف للتلاجه
ميرا>> صبررر تو نحطولك
مراد>> عقبتو من كل حاجه!😒
عزيزه>> تي عقبنا عقبنا خش صلي قبل
مراد >> الشوكلاطه لي جبتها را تقعدي عطيتيها الهم كلها 🙄
سما >> بتذلني عالي جبته 🙂
مراد>> طبعا 🦦
ع شوية رن موسى ع ميرا وتحشم انه يخش عشان حوش خالي وهكي بس اصرت عميمه انه يخش
مراد >> تو نطلعله
طلع مراد سلم ع موسى وخششه للمربوعه
مراد >> حطولنا نتعشو مع بعضنا
سما >> هي تو نخش
مراد>> حطي من كل حاجه حافظهن راه 😒
سما >> مراد 🙄😂
غيرت دبشي وخشيت نساعد في ميرا ، بعد شويه شالت ميرا صفرة العشا وبطبيعة الحال كانت مش لابسه ايشربها قدام مراد لا انا لا هي كنا نتحجبو قدامه 🫢 و طبعا موسى انجلططط والجلطة الاخرى لما صبا مراد وخذا السفرة من ميرا
مراد>> حطت هذي من كل شي!
ميرا >> كل شي تممتلك عليه😂
مراد >> قتلك النبي الشوكلاطه داستها عارفها خبيثه
ميرا>> عقبتلك ماتخافش 😂
مراد >> تي احسن وحده😂
موسى تنحنح>> ميرا خشي البسي انا مش جيعان واجد راه 🙂
ميرا خشت بلا ماترد
كملو عشا و طلعو هما الاثنين
//
//
طول الطريق موسى ما حكش شي وميرا تحساب ع قصة الدبش اللي قبل ما يطلعو | وصلو للحوش وخشت ميرا ووراها موسى
موسى >> لحد امتى ان شاء الله وانا هكي وراك
ميرا>> خلاص مش غيرتها اللبسه ومشيت زي ما تبي
موسى >> ومن قالك نحكي عاللبسه
ميرا >> امالا ع شنو
موسى >> ع مراد يا ابله 🙂
ميرا باستغراب>> كنه مراد
موسى >> لا حجاب لا حشم وضحك وهوا ماتحشمش حتى مني 😒 وعقبتيله من الخارب وع اي اساس
ميرا >> انت متأكده انك تحكي علي مراد ولد خالي
موسى نت>> ميرااا
ميرا>> تي مراد من كثر ما خويا لعند مش قادره نلبس حجاب قدامه اصلا 😂
موسى>> انا مانعرفش لا خويا ولا جدي ، انا عليش نتعب فروحي ونحكي مشية غادي معش فيه
ميرا>> سما عرسها بعد شهر وانا بنطلع معاها للسوق ما صدقت غصبناها تطلع وتشري كم حاجه اصلا انت عارف انه كل شي نديرو فيه غصب عنها وعارف برضو انه سما ما لهش غيري ف بلا تدوير حس
موسى >> انا قلت مافيش مشي
ميرا >> موسى شيلني حوش خوخه كذا بعد ما تحط عقلك فراسك ح نجي ولا نقولك هي خاربه خاربه خليني نلم دبشي وحطني عند سما
موسى>> عند مراد قصدك 😒
ميرا خشت للدار و فتحت الدولاب >> لا انت انكلبت رسمي
موسى لحقها>> انا الي نكلبت اه ! طبعا انتي اخر همك انا شن نحس مركبه حيط انتي بدال قلبك
بحتت فيه وما بتش ترد فتحت الشنطه و تحط فالدبش والي هي تحطها هو يطلعها و مستمر يهزب
ميرا >> موسى اعصابي !!!
وقعمزت قعدت تبكي
موسى بقلة حيله>> شن قلت انا عالبكا
ميرا>> شيلني عند سما 😭
موسى>> خلاص معش تبكي
ميرا >> مانبيش نقعد معاك😭 شيلني
موسى قعمز جنبها>> خلاص انا ح نطلع مش معش تبيني انا حنمشي انتي خليكي هنا ، صبي اغسلي وجك
صبت ميرا غسلت وجها وموسى خذا مفتاح سيارته وبيطلع
ميرا>> موسى نخاف بروحي انا
موسى تنهد>> باهي خشي للدار تريحي انا فالصاله لحد ما ترقدي
هزت براسها وخشت وهوا كالعاده قلبه ماطاوعش حط المفتاح و قعمز يدخن فالصالة
شويه هكي وخش عليها
موسى >> قصدك مازال ما رقدتي
ميرا>> مش قادره نرقد
جا حذاها >> ليش
ميرا>> خايفه ونفكر في عرم حاجات اولهم سما كيف ح تخليني بروحي
موسى >> كيف بروحك مش انا معاكي
ميرا>> وهذي حاجه مخوفتني
موسى >> كيف
ميرا اسندت على السرير>> خايفه في يوم تمل مني وتسيبني ! خايفه انوض ما نلقاكش قاعد معايا ح نتعب يا موسى انا والله عارفه روحي اني ظالمتك معايا بس مش قادره نصرف غير هكي
حط موسى يده على شعرها وقعد يمشي عليها >> في حد يسيب بنيته، ميرا انتي لو تفهمي بس انتي شنو عندي مستحيل تفكري تفكير كيف هكي ولا يجي في بالك ولو ثانيه
ميرا حطت راسها علي كتفه >> سامحني عشان مش قادره نعطيك اللي تبيه
موسى >> بتسكتي ولا ناخذ سيارتي ونطلع
ميرا >> خلاص خلاص سكتت
موسى يمسح على شعرها>> غمضي عيونك وتريحي انا جنبك
//
//
رن تلفوني والاسم كان له شهر ماشفتش لا بمسج ولا مكاملة😒
سما >> الو
رسلان>> مازلتي عند مراد 😒
سما >> ران بتقول الجوهره هذي بس 😂
رسلان>> مش موضوعي| روان الي دزت العشا
سما >> الي الاسير اه منها ع قولتها قالت لي قوليله هكي ٢-١
رسلان>> والي ليا
سما >> اكيد مش من الجيران يعني 🫢
رسلان>> مازال مش مروحه
سما >> لحد اسبوع العرس
رسلان>> الفلوس الي جابوهن لكي ساداتك!
سما >> واجد راه ! واللي جايبينه واجد مكلفين ع روحكم
رسلان>> تنقصك حاجه قوليلي اه
سما >> بنطلع انا والبنات اليومين الجايات نشري كم حاجة اصرن عليا لهن كم
رسلان >> من بيشيلك!
سما >> احمد ولا مراد 🫢
رسلان >> خرفي | ماتبي شي
سما >> رسلان عاد !
رسلان>> شن الي رسلان عاد كلامي واضح انا
سما >> انا مش فاهمه العصبية هذي ليش وانك ما ترنش لكي شهر افرض صايرتلي حاجه!
رسلان>> تو انا كان رنيت عليكي تقعدي تهزبي ولو ما رنيتش مش عاجبك وبعدين من قالك اصلا اني مش عارف اخبارك؟
سما >> احمد صح 😒 تكلم فيه تو من قاله يقولك اخباري
رسلان>> سما اعقلي بس اعقلي وبطلي عناد
سما >> بس انا مادرتش شي يارسلان عشان نعقل
رسلان>> بالفتحة مش بالكسرة، وخليكي هكي كل شي تشوفي فيه انه عادي
سما>> نحن لو استمرينا هكي ح نتعاركو
رسلان>> عشان هكي خليني نصكر
سما >> باي 🙂
صكر الخط فوجي لثاني مره 😒 وكان يحكي برسمية وحاجه في قمة الاستفزاز بس ما ننكرش اني كنت مرايفة على كلمة رسلان بالفتحة مش بالكسره❤️
//
//
رسلان >> قالت لي من روان اه
اسير>> اسمع انقنك تجيبلي الرقم
رسلان>> الفتره هذي بلط الموضوع عشان انا وياها كر وفر
اسير >> عند امتي يعني 🙄 انت على وضعك هضا وشيرتك مذهوبه مالا كان تجوز ح تفوتني بكل
رسلان>> عندك شك؟ 😂
اسير>>ضحكت عليك بطشة عشا 😒
رسلان >>طشة عشا لك ساعه تبي رقم روان عسباه
اسير>> ازعمك شن حطات لنا فيه🤔
رسلان >>هم اسود| حول خليني نروح نرقد “ودفه”
اسير >> ماتنسش الرقم
رسلان>> بدون زن 😑
//
//
مر الشهر الثاني وكانو يوتو للعرس | هما يوتو انا ماكنتش ندير في شي 🧘♀️ لا عرفته خناق عرايس لا عرفتهن تراكمات لا عرفتها صدمة
والقضية على وضعها مش عارفه كيف لهيت ومعش سألت عليها بس كان الضغط لي انا فيه كفيل ينسيني كل شي ، رغم هكي ملف القضية قاعد عند المحقق ربيع و احمد يشتغل معاه و عاودو فتحو الملف من اول ثانية ويحللو في اقوال كل حد على امل يوصلو لطرف خيط
والبنات كانن شبه يومي عندي وروان كانت كل ما تشوفني تحكي على اسير وتسأل عليه ، وانا رسلان ماكانش يرن عليا بكل و ما ننكرش انه كان الوضع يضايق دزلي مسج مرتين تقريبا انه لو نبي حاجه نرن عليه ورديت عليه كيف البنت الطيبه وقتله اني ما نبيش شي
فحوش جدي كانو يوتو ويضمو فالحوش استعدادا للعرس رغم انه كان عبارة عن يوم فاتحه ويوم في صاله مشترك “ وطبعا هما اللي قررو صالة وانا مكنتش نبي بس كالعاده محدش يعبر في كلامي اصلا 🙂” كنت نبي نختصر الموضوع بقدر الامكان بس برضو كل ما نلغي حاجه يطلعولي بحاجه
يومها كان احمد شايلنا انا و سالمة للسوق ، انا ماطلعتش غير مرتين الباقي هنا يطلعن ويشرن مع احمد وميرا تطلع معاهن بعد ما اتفقت مع موسى انها تطلع مع احمد بس و شرطت عليه انه هو مايشيلهش للسوق 😂عشان لو شالهم ح يتعاركو وهو شرط عليها انه ماتركبش مع مراد 🙆🏻♀️
//
كنا اليوم هضا فالسوق انا وسالمة حطنا احمد ودرس برا
كانت سالمة تجري وتختار فدبش تقول هي العروس
كريت البجامة من يدها>> معش تختاري حاجات زي وجك
سالمة >> سما راه درهتي كبدي بكل ، كل طلعه هذي لا وهذي ما تاخذوهش و هذي مانبيهش انتي اصلا ساد ما انه الحوش واتي يعني تجيبي دبشك وحاجات بسيطه بس ودرهتي كبدنا كلنا
ماعبرتش كلامها ورديت البجامه من يدها >> شفتي التوته هذكي !
سالمة بحتت
سما>> مش نحن بنجوزو توا يعتبر الجو صقع 🙆🏻♀️ الواحد يدفي روحه 😌
سالمة>> قصدك مالية كم و سروال
سما >> وعليهن دبدوب 💁🏻♀️
سالمة>> انا بنروح بليها واشربي اميتها
سما >> الفلوس في شنطتك😒
عزقتلي سالمة الشنطه وطلعت وانا بدون تردد دفعت حقها ولحقتها😌
احمد>> تبن مكان اخرى
سالمة>> لا ساد بجامة الدبدوب خليني نروح خير ما ننجلط
احمد>> كيف !
سما >> ماتعدلش عليها 😒 خوذلنا النبي اي حاجه نشربوها
احمد>> تبن نسكافيه باهي
سما >> ياريت راسي صدع
سالمة>> مش منك من لا وما نبيش وحطي وخلي 😒
احمد>> صح ما شريتنش شي انتن”ودرس عند كافي”
سما>> لا ساد واجد خلاص 🙄
//
//
مر الوقت في التوتاي و رسلان من هذك الرنة معش عاود رد عليا بكل بس على قولت روان محد مهتم 😒
لعند ما خشينا ف اسبوع العرس
//
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هلع)
