رواية هلع الفصل الثامن 8 بقلم آية
رواية هلع الجزء الثامن
رواية هلع البارت الثامن
رواية هلع الحلقة الثامنة
//
خشت سما ومسكت تلفونها و حطت على رقم رسلان
ترددت قبل ما ترن بس ماكانش فيه غيره هوا اللي ممكن يحل القصة بدون ما يدير مشاكل
خذت نفس ورنت وسالمة جنبها ومازال مش فاهمه سما شن ح ادير
اول ما جا اسم سما ع تلفون رسلان اللي كان قاعد بجنب اسير فالسيارة كان مدرس موصله لحوشه
استغرب وحس انه في حاجه لانه مش عوايدها انها اترن ابدا خاصة فوقت متأخر
اسير >> شن فيه ؟ كنه حواجبك انقرنن
رسلان فتح باب السياره ونزل
رسلان>> الو ؟
سما >> اهلين بنحكي معاك حاجه عالسريع
رسلان>> سما احكي شن فيه ؟ كنك شن صار امك صارتلها حاجه؟ اختك فيها حاجه ؟ انتي فيك شي
سما >> اسمع بس ، خطيب سالمة بنت عمي قصدي اللي كان خطيبها جاي وهو مش واعي للشارع ويدزلها في مسجات ويهدد
رسلان>> كيف ما فهمتش شن فيه
سما >> حنفهمك بعدين بس توا نبيك تجي وتخليه يطلع من الشارع قبل ما يروح احمد ويشوفه لانه اكيد ح تصير مشكلة كبيرة بكل
رسلان >> خمس دقايق ونجي
سما >>رسلان افطن راه حسن مش واعي رد بالك
رسلان >> ماتخافيش
صكر ورد ركب للسياره وكان اسير فاتح الباب ويرجى فيه
رسلان>> صكر الباب طق معايا مشوار
اسير >> تي شن فيه ؟
رسلان>> اركب بس تو نفهمك فالطريق انا بروحي مش فاهم كويس
ركبو ومشو شور المنطقة لقو حسن فاقد و مقعمز فالسيارة و يهدد و داير دراما
اسير>> تي شن المسلسل الهندي هضا؟😂
رسلان>> مش فاهم شن القرف هضا “وخبط على قزاز السيارة ”
حسن نزل القزاز >> انا من هنا مش متحرك!
اسير>> تي خليني نخربله وجه 😂كفين ينهن موضوعه
رسلان وخر اسير بيده >> مانبوش مشاكل الدنيا ليل وكلهم عارفينه كان يبي البنت ” حط يده جوا السيارة فتح البطمه ونزل حسن من سوريته كره ”
حسن بصوت عالي>> حول ام يدك را نكسرها لكي
اسير >> تي را نخربلك وجك اسكت بلا عياط
رسلان خانق حسن من سوريته ويدف في اسير بيده الاخرى>> تي مش ح نقعد انا اعقل منك عاد انت عارفني تكه وح نحطه تحت السياره ف ماتخليش عقلي يفصل
كر اسير حسن من رسلان وحطه في الكرسي الثاني وصكر الباب وحسن مازال يبربر ويحكي
اسير صكر القزاز عشان صوته ما يطلعش >> رن اعرفلنا وين يسكن خليني نركب نوصله الهله
رسلان رن على سما
سما>> ايوه ؟ شن صار ؟ قولي تعاركتو ؟ حد فطن له ؟
رسلان >> عطيني عنوان الخرا هضا وين
سما >> مانعرفش راجي نسأل سالمة
وصفتله سالمة المكان
سما >> رسلان شن صار
رسلان>> بنوصله الحوشه خلاص ما صار شي خشن انتي وياها جوا
سما>> رسلان
رسلان>> قلنا خشن و بعد نرن عليك تردي علخارب لي عندك
سما ما بتش تكبر القصة >> اوكي اوكي
صكر رسلان من سما و قال الاسير العنوان
اسير>> تي وين راكب خوذ سيارتك وعدي تو نوصله
حسن دوبه واعي>> تي ماحد يوصلني انا مش متحرك من هنا
رسلان>> شيله را نخربله وجه ، انا وراك معناها بسيارة عشان تحطه وناخذك نوصلك
طلع اسير بسيارة حسن ورسلان وراه لحد ما وصلو لحوشهم ، كان خوه مصبي قدام الباب عرفه رسلان بروحه و خذاه منهم وقعد يعتذر ويتأسف منهم
حسن >> تي حوللل منيش خاش كله من سما انا عارفها من زمان تولع في سالمة عليا
رسلان مسح على وجه ومسكه بيده ، مسك اسير يد رسلان وكره
خوه>> تي اسكت اسكتتتتت خش جوا
كر أسير رسلان ركبه للسيارة وحسن خذاه خوه اللي مافي كلمه ما قالها له وقعد يهزب فيه
اسير>> رن طمنهم
رسلان>> مش شورك
اسير يضحك >> ما قلتش شي عليش فاصل 😂
رسلان>> ياراجل حرقلي ام دمي اقسم بالله قريب خربت وجه
اسير >> ما كنت تهدي فيا من شويا خلاص فوت
وصلو قدام حوش أسير ونزل >> شويه شويه اه ما فيش داعي توري اعصابك للبنت😂
رسلان>> طير بس 😒
//
//
عند البنات
سالمة تبكي>> شن صار ؟ حي عليا يارب ما تعاركوش بس
سما >> خلاص بلا اوڤر رن عليا وخذا العنوان اكيده مشى يوصل فيه
سالمة>> حسن لما يشرب معش يحق حد
سما >> قصدك انتي عارفتيه من زمان ؟
سالمة>> مش من زمان بعد ما فلس باته و صارتلهم الازمه جروه اصحابه الكلاب
سما>> وهو عيل صغير يقولوله اسكر يسكر؟
سالمة>> خلاص يا سما تحقي فيا قاعده معاه حتى انا سيبته وخليته في الوسخ متاعه
سما >> خلاص اهدي بس وخشي ارقدي رسلان خذا العنوان ومشا شاله لحوشهم اهم شي طلعه من المنطقه قبل ما حد يشوفه
سالمة مسحت دموعها >> كان صارت حاجه دزيلي “وركبت فوق”
خذت سما تلفونها حطت على رقم رسلان بس ما عرفتش ترن قعدت حاطه عالرقم وكل شويه تشوف للتلفون لحد ما رن رسلان
سما >> الو ! شن صار؟
جاها صوت رسلان في هدوء>> ما صارشي قاعد في حوشهم وصلناه ، الخرا هضا انتي شن تعرفي امه
سما >> شن الاسلوب هضا؟
رسلان>> بتحكي ولا نجي انا قدام باب الحوش بدال الخارب هضكي
سما توترت وخافت عشان اول مره يحكي معاها بالاسلوب والطريقة هذي >> رسلان بتحكي بشويه باهي بتهزب ح نصكر
رسلان>> تي شن نحكي بشويه وهوا يقطف بأسمك فرخ الحرام يقولي سما ما سما قريب خربتله وجه كان مش اسير مسكني بس وخوه كان يعتذر ويتأسف
سما >> قصدك حسن حكى عليا تي وانا شن دخلني
رسلان>> تي خرفي مازال تقول في اسمه !
سما>> استغفر الله العلي العظيم بتحكي بشويه ؟
رسلان حاول يمسك اعصابه ومابش يخوفها منه>> ح نحكي بشويه يا سما
“وحكالها الي صار عند ما حسن قال على سما انها اكيد هي اللي مخربه بينها وبين سالمة”
سما >> هضا واحد مقرف وماشافش يوم تربيه ، ومانعرفش كل القصة من زمان وانا مش متقبتله وسالمة تقول فيها له بس ما درتش ولا حاجه لاني عارفتها تحبه وتبيه
رسلان>> حصل خير وخليها معش ترد عليه ان شاء الله شنو دار
سما >> والله ما حكتش معاه هوا كل مره زارق من مكان مش طبيعي بكل يخوف
رسلان>> هما كانو يبو بعضهم ولا خطبه ولا شن بزبط
سما >> اه علاقة من ايام هي فالثانوي بعدها خطبها وهي صغيره بكل وصارن مشاكل واجد وكل مره يتأجل العرس باته كان صاحب شركات وهو كان مدلع وكل يوم سياره بعد ما باته اعلن افلاسه باع سياراته و حالهم ما قعدش زي قبل وهضا كله صبرت سالمه عليه وهو قعد فالنازل بعدها توفى بابا وقعدنا في قصة القضية “وكملتله سما باقي القصة”
رسلان>> عموما قوليلها فرخ حرام مش لها انا شفته خمس دقايق ما طقتش وجه
سما >> حتى هي تبيه يبعد عليها بس
رسلان>> لا وصيت خوه و اعتذرلي الحق
سما >> رسلان مافيش داعي حد يعرف بالقصة خليها بينا لو سمحت
رسلان>> انتي رانه عليا انا مخصوص عشان تبي القصة ما تنتشرش اصلا
سما >> مش هكي يعني بس ماعرفتش نحكي مع حد غيرك عمو عاشور راجل كبير ومش ح يعرف يتفاهم معاه و موسى ح يضربه يقتله و احمد ح ياخذه و يحطه فالشيله للحبس على طول كلهم ما معاهمش مفاهمه
رسلان>> حطي فبالك اني حتى انا كيفهم راه بس كبرة عقلي عشان اول طلب منك
سما >> سامحني ماكنتش بنديرلك مشكله وشكرا
رسلان >> شن الكلام هضا ؟ ان شاء الله خير اساسا لو صارت معاكي حاجه وما قلتيليش وعرفتها من برا ح نقربع الدنيا ع راسك
سما >> انت اسلوبك ديما هكي ؟
رسلان>> صدقيني هضا اهدى شي 😂
سما >> عموما انا بنمشي نرقد
رسلان>> بترقدي ولا بتهربي
سما ابتسمت عشان فهمها>> الاثنين
رسلان >> بديت نحفظك راه !
سما >> رسلان خش ارقد
رسلان ضحك >> بالفتحة و هي باي
صكرت سما منه وخشت لدارها
//
//
ثاني يوم كان الوضع عادي ما فيش جديد الا عند عاشور
فاطمة>> ياعاشور مش وقته والبنات مش ح يوافقن راه
عاشور >> انا نعرف مصلحتهن اكثر منهن
فاطمة>> زي ما عرفت مصلحة موسى وجوزته الميرا ؟
عاشور>> كذا فكيني من الدوا الزايده البنات صغار و قاعدات في رقبتي كان عندي راجل اخرى را خذيتله سما
فاطمة تنهدت>> مش هكي ينحلن الامور يا عاشور بعدين امهن مازالت عايشه البنات ما هيش ميته
عاشور>> امهن مش مؤهله انها تصرف اي تصرف في وضعها هضا وبعدين انا نبي مصلحتهن
فاطمة سكتت
نزل عاشور لوطا وينادي على سما
سما >> هنا يا عمي ايوه ” وطلعت من المطبخ”
عاشور >> تعالي بنحكي معاك
مشى قدامها ولحقاته وقلبها يدق ماكانتش عارفه شن بيحكي بس حست بيحكيلها على العرس لانه هضا الموضوع الوحيد لي شاغل بال عاشور هالفتره
سما >> نعم يا عمو
عاشور>> انتي عارفه اني ما نديرش شي الا المصلحتكن عشان هكي ليا فترة نفكر في حاجه ونبي ناخذ رايك فيها
سما قلبها يدق وتفكيرها الوحيد في كلمة ” حددة العرس ”
عاشور >> اختك اجوزت و حتى انتي ح تجوزي وتمشي حوشك ، فكرة اني نبيع حوشكم مدام قاعد هكي وخلاص وماحد فيه
سما انصدمت وبحتت فيه >> بس نحن مش مستحقين يا عمي عشان تبيع الحوش الله يرحم اللي سيبها لنا واسعه
عاشور >> الحوش انتي واختك من هضك اليوم معش خشيتن له وقاعد هكي وحتى غلط يقعد فاضي
سما >> احمد كل بعد فترة يمشي يبرم عليه ماهوش فاضي بعدين تبو تحرقوه تبو تبيعوه تبو تهدموه خلوه لعند تنحل القضية لكن لعند توا يعتبر الحوش مكان الجريمة
عاشور >> سما فكري بعقلك
سما >> عمو لو سمحت لو انت بتاخذ رايي ف هضا رايي لكن كان بتصرف غصبا عني وتبي ادير مافي راسك هذي حاجه ترجعلك
عاشور>> احترمي نفسك واعرفي كيف تحكي مع عمك انا نحكي المصلحتك انتي و اختك خليه لكن الحوش انا ماعندي ما ندير بيه كنت نبي نفيدكن
طلعت سما من حذاه بدون ما تحكي حرف لقت احمد قدام الباب
احمد>> ما تبكيش مش ح يقدر يدير اي حاجه وانا قاعد
سما >> انا مليت وتعبت والله
احمد>> معلش مافيش شي ه يصير غصبا عنك كنك هبله انتي
سما>> ربي يخليك ليا ويفرحني بيك
احمد>> انتي لاقيتلي عروس ولا شنو اللي كل ما تحقي وجي تحكيلي على الفرح😂
سالمة>> عروس المنو؟
سما >> العمو 😌😂
سالمة >> كيف صار في عرس ولا شنو
أحمد >> عليك اللي دارت سيناريو بسرعه 😂
سما >> ضحى قاعده ليش ماشيين بعيد
أحمد >> انتي كنك حطيتي البنت في راسك 😂
سما >> مش مهم راسي اهم شي راسك
أحمد >> مافيش اي احترام ؟
سالمة>> لا نحن الاحترام بينا وبينك طايح من زمان😌
أحمد >> لا انتن الاثنين تبيلكن تربايه خشن جوا خشن 😂
خشت سالمة تجري وسما بحتت فيه وتضحك>> مش ح نتريح عند ما نجوزك
أحمد >> را نكلملك عاشور راه😂
سما >> لاااااا خلاص بنخش 😂
//
//
عند تيّح اللي كان متنرفز عالاخر ، كان في الاستراحة يدخن ويرن على موسى
موسى>> ايوه ؟
تيّح >> تقدر تجي شوري
موسى>> كنك ؟ مريض ولا شن
تيّح >> مافيا شي بتجي ولا لا
موسى >> جاي جاي
صكر موسى من تيح
ميرا طالعه من المطبخ كانت دايره قهوة
ميرا >> وين ماشي مش قتلي نبي قهوه
موسى>> كلمني تيح بنمشيله
ميرا>> كنه مريض
موسى >> لا ماقالش كنه
ميرا >> خش البس تو نحطلك القهوة تاخذها معاك
خش موسى لبس وخذا تلفونه
ميرا>> حنكلم احمد يحطني عند البنات مرات اطول مع صاحبك
موسى>> البسي نحطك في طريقي الحوش خطوتين
خشت ميرا بسرعه لبست و طلعت
موسى بحت فيها>> انتي كنك كل ما تطلعي تقول ماشيه عرس
ميرا >> لا درت مكياج ولا ستشورت شعري لبسة ودرت عطر بس شن فيها
موسى>> سروالك ضيق
ميرا>> كلهن هكي يا موسى
موسى>> اللي شريتيه هضك اليوم وين ؟
ميرا بحتت لوطا>> هضا هوا
موسى>> حاليا مش رايق ندير قصة اطلعي قدامي
ميرا >> اوووف ع قصة اللبس هذي
موسى >> ميراااا
ميرا>> سكتت
طلعت ميرا وركبت للسيارة حطها موسى عند البنات ومشى شور تيّح
خش للاستراحه
موسى >> شن حفلة الدخان لي دايرها هذي ؟؟
تيح >> هنا اثنين وما تكثرش معايا
قعمز موسى بجنبه وكر القرطاس وولع دخان >> واخر اثنين فعمرك اه
تيح بحت فيه >> انفخ بعيد
طفي موسى الدخان >> كنك قالب وجك شن في
تيح >> تعاركت مع امي وكبر الموضوع وكلهم وقفو ضدي
موسى >> كنها الحاجه ؟
تيح>> تخيل ماشيه عاطيه كلمه العرب بدون م نندري
موسى>> لا يا راجل تحكي جد
تيح >> اقسم لك بالله تي كني انا عاله عليهم لدرجه هذي؟ كل حد مايبينيش نقعد عنده ولا شن بزبط
موسى>> تيح ازح بلا معيله ودوا فاضية انت عارف امك تحكي من خوفها عليك و مش متهنيه عليك
تيح>> تو انا شكيت ؟ قلت اني مضايق عليش الدراما هذي كلها
موسى>> باهي انت لا بترحم لا تبي رحمة ربي تنزل ! شوف البنت احكي معاها بلكي تطلع كويسه
تيح >> تصدق انا امسخ لي جاي نشكيلك🙂
موسى>> غير قعمز بس 😂 والله نحكي جد
تيح>> موسى ما تضربش العباطه عشان انت اكثر شخص عارف وضعي زين
موسى>> ما تكبرش الموضوع راك انت مش قاعد تموت انت مريض مرض عادي طبيعي ويسير مع ناس واجدده اهم شي تحافظ على صحتك وتقدر تمشي حياتك طبيعي ! وبدليل الدخان اللي تشلط فيه من ورايا والمسبح اللي تنزله قبل ما انا نجي تحسابني مش فاطن لك بس نمشي فيك عشان انا حاكي مع الدكتور و عارف حالتك
تيح >> برضو مانبيش انا حر يا اخي انا هكي متريح
موسى >> انت خايف بس
تيح>> من شن بنخاف مثلا
موسى >> عاطي روحك فرصة بس مش شرط مع الي تبيها امك بس فكر فالموضوع
تيح>> اصلا طربقت الحوش على روسهم وقتلهم كلموهم قولو مافيش نصيب ولدنا مكلوب
موسى ضحك >> هي صح مش كذب 😂 انقنك مكلوب ربي نجا البنت منك
تيح >> كذا النبي صبي روح
موسى >> مسيب مراتي وجايك هذي اخرتها 😌😂
تيح>> شن جوك مع المدام
موسى سحب دخان >> مافيش جديد
تيح >> من سحبت الدخان واضح انها متأزمه
موسى>> تعبت لعند قبل ما نطلع تعاركنا ح تجلطني اقسم بالله
تيح ضحك >> رباتك خليك😂😂
موسى نفخ في وجه الدخان
تيح >> نعنننن صبي اطلع
موسى>> بتبات هنا ؟؟
تيح >> اها مش مروح
موسى >> هيا معايا
تيح >> بتطلع ولا نطلع روحك
موسى >> طالع طالع 😂
//
//
عند البنات بعد جتهن ميرا
ميرا>> عمتي وين ؟
سالمة>> ماتخافيش فوق فوق😂
ميرا>> مش ناقصني تعاركت مع موسى قبل ما نطلع اصلا وقلب وجه
سما >> شن درتيله
ميرا>> انا مش عارفه تقول هو الي خوك تي ما درت شي
سما >> لاني اختك وعارفتك ونشوف في موسى كيف يعامل فيك
ميرا >> خواته ماحكنش 🙂
سما >> عشان عارفاتك طالقة لسانك😂
ميرا>> يا اوڤر هزبني عشان لبسي وماتحكيش شي عشان لبسك نفس لبسي
بحتت فيها روان >> هذي اكيد ح تهزب من رسلان خصوصا عالايشرب لي ديما طايح
سما>> وهو شن دخله🙄
ميرا >> مانك كنتي تحكي عالجلاطه توا 😒😂 احسن خليه ينتقم منك ان شاء الله يلبسك خمار
سما >> من قالك حنفذ اوامره اصلا😂
سالمة>> والله الا قدع وعسل من الموقف لي داره معايا
روان>> شن صاير؟؟
ميرا>> كنكم
رنده>> كلا انا عارفه الموضوع خليني نخش نديرلكن قهوه مع انه ليل بس وقتها
خشت رنده وقعدت سالمة تحكيلهن في قصة حسن واللي داره وكيف رسلان جا وحل الموضوع
روان>> تي نعليا وخلاص 😍
سما >> ع رسلان ولا اسير 😌
روان>> رسلان طبعا 😒هضكي لسانه طويل ويخفف في دمه
سما >> حرام عليكي والله كويس بكل 😂
روان>> معش حكالك شي رسلان عليه
سما >> لالا بس نقدر راه نجس النبض لو تبي
روان>> لالالالا فوتي خلاص مافش داعي
سالمة>> روان راه راجل ماهوش بعبع جربي شن خاسره
روان>> انا ماعنديش حظ ح يقعد كويس كويس ويجي يصاحبني ينكلب
سالمة>> مش ح يكون اكثر من كلبة حسن يعني 😂 مش ح تخسري شي
جت رندة بالقهوه >> بنات انا زياد لازم يندار له حد
ميرا>> كنه؟
رندة>> هضا هكر شكله ولا ماعرفتش تخيلن اني درتله حظر لعند توا من ١٠ ايميلات ومازال يدز
سما >> موسع باله شن يدز😂 عليك اصرار
رندة >> قطااااف واخطاء املائية وحاجه قمة في القرف لا شكل لا اسلوب استغفر الله 😂
سما >> لو دارلك حاجه احكي الاحمد لانه هضا شكله مش طبيعي
سالمة>> دابينه يحكي بس عالفاضي خليه يهدد لعند يبطل ما تديريش الروحك مشكله
رندة>> خاطري يحل عني بكللللل ولا يفصلوه من الجامعه
ع رنت تلفون ميرا
ميرا >> ايوه
موسى>> انا برا
ميرا>> مش ح تخش
موسى>> لا اطلعي
صكرت ميرا>> شكلها ليله سمحه عشان طشة سروال ضيق
روان>> انتي اهدي وماتنرفزيش عشان ماتكبرش القصة
ميرا>> مش حانرد عليه عشان راسي مصدع اصلا شكلي بنمرض
لبسه ميرا ايشربها و طلعت لسيارة
ميرا>> كنه صاحبك
موسى>> حاجات كبار مالكش دخل فيهن
ميرا>> كيف يعني 😒
موسى ما ردش
برمت وجها ودقيقتين وصلو للحوش خشت ميرا
موسى>> انا ماكملتش كلامي مبدري
ميرا>> دبشي كله هكي
موسى>> السروال حينفجر
ميرا>> موسى بلا اوڤر
موسى>> انا اوفر ؟ تي قاعد لاصق
ميرا>> تي ماشيه حوش جدي راه مش ماشيه لشارع وبعدين مسيارة للحوش
موسى >> وانا شن عرفني كم في حد واقف عالروشن شن عرفني لو في حد حقك
ميرا>> انت بدير قصة وخلاص
موسى>> لا بس دبشك هكي معش ينطلع بيه
ميرا >> موسى راسي مصدّع ومش وقت مشاكل بكل
خشت للدار حولت الايشرب وطلعت توته من الدولاب خش موسى وراها
موسى>> كنه راسك
ميرا>> مانعرفش شكلي ه ناخذ برد
موسى>> نعطيك بنادول
ميرا>> اطلع بنغير دبشي
موسى>> لا خايفك ادوخي ولا حاجه غيري وانا هنا
ميرا>> موسى عيب 😒😂
موسى>> شن عيب 😂
ميرا>> اقعد فالدار باهي تفرج بلكي الوناسه تغير دبشها 😒
خذت الدبش وخشت غيرت فالحمام ، طلعت لقت موسى حاطلها كباية اميه وبنادول عالزيانه وهوا وراها مسكها وقربها منه
ميرا>> موسى شن ادير انت
موسى>> اعرفي اني نخاف عليكي ومانبيش حد يشوفك غيري
ميرا >> موسى حول
موسى طلقها >> وجهك حمر راه 😂” وطلع من الدار”
طلع موسى وميرا صكرت باب الدار وقفت عالمرايا اتنفس بشويه خذت حبة البنادول و شربت الميه وخشت رقدت
//
//
في الجامعة بعد ما كملن البنات محاضراتهن
ميرا>> موسى عنده شغل راه قالي كلمتلكن احمد شويه وجاي
روان>> رنده وينهي
ميرا بحتت فساعة >> المفروض انها توا تجي
قعدن حوالي عشر دقايق يراجن فيها بس ما جتش
روان>> نصبي نشوفها عند مكان المدرج متاعها
ميرا>> حنمشي معاكي
صبن هنا الاثنين مشن المكان المحاضره لقنه فاضي
روان>> كذا رني عليها
ميرا>> احمد يررررنننن
روان>> ردي عليه قوليله شويه بس
ميرا>> احمد شويه بس انت برا؟
احمد>> اه سقدن عندي شغل بنحطكن ونمشي
ميرا>> باه باه
صكرت ورنت علي رنده وكان مقفل
روان صبت وحده من البنات لي كانن واقفات قدام باب القاعه وقالت لها المحاضره كامله من ربع ساعه و رنده طلعت من مبدري قالت ماشيه شوركن
بحتن ميرا وروان في بعضهن ومعش عرفن شن يديرن
روان >> نطلعو ولا شن
ميرا>> حي علينااااا اهو يرننننن اخري
روان >> خلينا نطلعوله
ميرا>> وشن نقولو
روان>> قوليله انه رنده جا عمي عاشور روح بيها
ميرا>> وافرضي تقعد بجد سايرتلها حاجه
روان>> تعالي بس
مشن هنا الاثنين شور احمد
احمد>> رنده وين ازح كنكن طولتن مش قتلكن عندي شغل
قبل ما يحكن رن تلفون احمد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هلع)
