رواية نكهة حب الفصل الخامس 5 بقلم كريمة حمادة
رواية نكهة حب الجزء الخامس
رواية نكهة حب البارت الخامس
رواية نكهة حب الحلقة الخامسة
عمار جرى يلحق شفق وهو بينادى عليها
:شفق شفق استنى
_خير يولا
عمار وهو بياخد نفسه : شفق..سليم..مستشفى
شفق بخوف:سليم ماله يا عمار
عمار:سليم عمل حادثة يا شفق
شفق بصدمة:سليييم
____________&
_ليه بترفض حبى ليك يا مازن ليه
مازن اتنهد بقوة وقال بهدوء:عشان أنا مش سلطان على قلبى يا بسمة وقت ما أقوله حب دى يبقى يحبها،انا اسف يا بسمة بس أنا بحب واحدة تانية
بسمة ببكاء:تمام تمام فهمت عن اذنك
مازن:استنى يا بسمة هقولك حاجة…بسمة الحب شىء جميل بس مع الشخص المناسب اللى يتقبلنا بعيوبنا قبل مميزاتنا اللى نحس معاه بالأمان والحنية وكل شعور حلو بيراودنا..صدقينى هتلاقى الشخص دا وساعتها هتقولى عندك حق يا مازن فى كل كلمة قولتها
بسمة هزت راسها وابتسمت ومشيت
مازن بتكبر:عليا حكم والله..عقبال ما ما احلام تسمعها يااارب
____________&
:انتوا جايبنى هنا تهزقونى ولا ايه
عمار بضحك:ههههههههههه مش قااادر طب والله انا شمتان فيكى
احلام بضحكة مكتومة:شفق حبيبتى انا اسفة بس مقدراش مضحكش وانفجرت فى الضحك..
شفق بغيظ:يابااااى على تقل دمكم انتو الاتنين
سليم بتعب:انا اسف يا شفق انا السبب
:انت تخرس خالص يا خويا بقى وقعة موتوسيكل تخضنا عليها الخضة دى كلها
سليم:لو مش واخدة بالك يا شفق انى متجبس فى دراعى ورجلى ووشى اتشلفط خالص عايزة ايه تانى
عمار وهو لسة بيضحك:اصلك مشفتهاش وهى مخضوضة عليك عملت ايه
سليم:عملت ايه
عمار:هقولك..
قبل ساعة من الكلام دا..لسة واقفين عند المطعم
شفق بخوف: سليم ماله يا عمار مااله
عمار:اهدى اهدى هنروح ونشوفه دلوقتى
شفق بزعيق:اقسم بالله لو كان جراله حاجة هود.يك فى دا.هية يا عمار
عمار بضيق:الله وانا مالى يعنى
:اهو كدا بقى اخلص يلا خلينا نمشى
_طب مش ماشى يا شفق وروحى لوحدك دورى عليه يلا
احلام:يوووه بقى هو انتو مش هتبطلوا خناق ابدا
:اسكتى انتى خلينا نشوف البيه
_روحى روحى دورى على اخوكى لوحدك يلا
احلام:اسكتى انتى ؟ يعنى ايه اسكتى انتى
:يعنى اخرسى يا احلام مش نقصاكى انا بتخانق مع البيه
_لا يا احلام متسكتيش ليه تسكتى يعنى
احلام:استنى يابا يعنى ايه اسكتى انتى دى يا ست شفق. من امتى الكلام دا
شفق مسكتها وكانت هتتخانق معاها بس عمار وقفهم
_بس بس انتى وهى هو انتوا هتتخانقوا بجد
احلام:لا طبعا دا العادى بتاعنا
شفق بسرعة:طب يلا ودينا عند سليم نطمن عليه
_امشى ياختى
فى الطريق فى عربية عمار شفق كانت قلقانة اوى هى واحلام وبيدعوا يكون بخير …عمار جاته مكالمة من المستشفى وحب يعمل مقلب فى شفق
عمار بحزن مصطنع:شفق انا اسف فى اللى هقوله
شفق بخوف:ايه فى ايه
_بصراحة سليم الحادثة طلعت خطيرة وهو فى العمليات دلوقتى والدكاترة مش عارفين ينقذوا ايه ولا ايه
شفق بصراخ:يالهواااااااااى سليييييم لا لا
احلام ببكاء:اهدى يا شفق ابوس ايدك
شفق صرخت فى ودن عمار وهى ماسكة الدريكسيون وبتحاول تسوق:ودوييييينى عند اخويااااا
عمار بيحاول يبعدها ويتحكم فى العربية:ودنى يا بنت المجانين ودنى
فى المستشفى فى هدوء ما قبل العاصفة وكل حاجة هادية..اقتحم الهدوء دا صوت صراخ واحدة داخلة عليهم بشكل مضحك اكتر ما هو محزن
شفق وهى بتجرى فى طرقات المستشفى وبتزعق وتصرخ:سليييييييم اخووويااااا ابن امى وابويااا لا لا ابن ابويا بس
عمار بضحك من وراها ومعاه احلام بتضحك بعد ما فهمها عمار المقلب:استنى يا شفق..يا مجنونة
شفق ببكاء هيستيرى:يا سليييييم اه يا خويا اه كان دمك يلطش وبارد اه بس هتفضل اخويا اه
احلام مقدرتش تسيطر على نفسها فضحكت جاامد
:ينيلك بتضحكى دا حتى كان حبيبك يابت ااااه يا خويا ودونى ليه أودعه الاول اشووفه اشوفه يا ناس
سليم من جوة كان سامع صوتها ومش عارف يضحك ولا يزعل على الايام اللى فرقتهم
:بس يا سيدى هو دا اللى حصل
سليم بامتنان:شكرا لخوفك عليا
شفق بغرور: العفو بس بس انت كويس صح
سليم بحزن:هبقى كويس لما تسامحونى يا شفق
شفق قامت مسحت دموعه وحضنته:مسمحاك يا حبيبى مسمحاك والله من زمان انا بس كنت زعلانة منك اوى بس مجرد احساس انى هخسرك. خوفت اوى اوى
احلام:وانا كمان مسمحاك يا سليم واتمنى نرجع..نرجع صحاب تانى
سليم بامتنان:شكرا ..شكرا يا احلام
عمار بتريقة:ياااه أما قصة بعبرة صحيح
شفق:ولا قوم اطلع برة احنا عيلة اللى مقعدك وسطنا
عمار بغمزة:قريب هنبقى كلنا عيلة فى بعض
_____________&
واخيرا جيه يوم حفلة الشركة..كانت شفق مشرفة على الأكل كله بأنواعه واحلام معاها وعمار كلف طباخين ومساعدين كتير معاها لانه عارف انها هتحتاج مساعدة .
:يابنى مالك وترتنى معاك فى ايه
مازن بتوتر:تفتكر هتوافق يا عمار
:لا
مازن بضيق:الله يطمنك يا شيخ
عمار بضحك:اهدا إن شاءالله خير وتوافق ادعى انت بس
مازن بأمل:إن شاءالله يارب إن شاءالله
الحفلة ابتدت وكلو بيبارك لعمار ومازن وسليم ووالد عمار ووالد مازن بحكم انهم صحاب جدا وكمان لأن عمار ومازن اخوات فى الرضاعة..
شفق:تفتكرى الاكل هيعجبهم
احلام:طبعا يا بنتى
سليم جه من وراها وحضنها:حبيبة اخوها عاملة ايه اكيد تعبتى
شفق:اكيد يا خويا هتعب دانا ضهرى اتقطم
عمار:يابنتى بقى بطلى سوقية واتكلمى بتحضر شوية
شفق:مسم خلنالك انت التحضر يولا
مازن:عاملة ايه يا احلام
احلام بابتسامة:بخير الحمد لله
مازن:يارب دايما
سليم بضيق وغيرة:يارب الحفلة تخلص على خير عشان الحق الطيارة
مازن واحلام باستفزاز:يااارب
شفق بهمس لسليم:خلاص يا سليم انا حاسة بيك بس احلام خلاص انساها
سليم بألم:صعب عليا صدقينى لسة قلبى بيحبها يا شفق لا دا بيعشقها
شفق خدته لمكان بعيد منهم شوية و:متزعلش منى يا سليم بس انت السبب لو كنت بس اتمسكت بيها مكانتش ضاعت منك، احلام انكسرت منك يا سليم عشان ايام صعبة مش هقولك اتخطتها بسهولة لا دا اتنازلت عن حاجات كتير عشان خاطر تنسى ..احلام يا سليم قدمتلك كتير وكتير اوى بس انت عملت ايه غير انك جرحتها وسبتها فى اهم يوم فى حياتها
فمتستناش منها أنها تسامحك وترجعلك وانت حاول كمان تنساها وتدور على غيرها عشان ترتاح
سليم حضنها وهو بيبكى:انا اسف. اسف على كل حاجة وارجوكى تقوليلها تسامحنى وتقبل اعتذارى بس صدقينى مش هقدر انساها مش هقدر
شفق طبطبت عليه بحزن:هتقدر يا سليم هتقدر
________________&
عمار وقف جنب شفق وهمسلها:ما كنتُ أؤمنُ بالعيونِ وفعلها
حتى دهتني في الهوى عيناكِ!
♥️♥️♥️♥️♥️🦋
شفق قلبها دق جامد ومعرفتش ترد بايه
عمار بغمزة :عجبتك ها
شفق/….
______________&
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نكهة حب)
تعليق واحد