رواية نكهة حب الفصل الأول 1 بقلم كريمة حمادة
رواية نكهة حب الجزء الأول
رواية نكهة حب البارت الأول
رواية نكهة حب الحلقة الأولى
الاكل ميبقاش حلو الا لما تحط التاتش بتاعك فيه،عك براحتك يا سيدى وربك يفكها..
دى كانت جملة خرجت من شفق وهى بترد على الست اللى بتتخانق معاها فى وسط الشارع عشان حطت شطة فى ساندوتشات الكبدة اللى بتعملها
/طيب يا شفق ياختى حطى رشة شطة مش قرن كامل
شفق بلوية بوز:الله ما خلاص يا ولية قولتلك نسيت المرادى وبعدين انا كل يوم بعملها كدا والناس بتشترى عادى ومحدش بيتكلم اشمعنا انتى بقى اللى نقحت عليكى تتكلمى يعنى
الست بوقاحة:ومش هشترى منك تانى ياختى مش عارفه انا بيحبوا أكلك على ايه
شفق باستفزاز:اصل بعمله بمحبة ملكيش فيه انتى ويلا بقى هوينا خلى الزباين تاكل براحتها
/لا يا حبيبتى انا عايزة حق الساندوتشات ادام معجبتنيش بقى
شفق بصوت عالى:حلو غلطت وانا مستنياها تغلط تعاليلى بقى يا ولية عشان أنا جبت أخرى منك..بسم الله
..وفى نفس الوقت بعيد منهم شوية واقفين شابين بيتفرجوا ومعاهم بنت..
:مين فيهم بقى شفق دى
_اكيد اللى بتضرب
احلام:لا لا يا فندم شفق اللى بتضرب
_مش معقول دى الست هتتعمل كفتة تحت أيدها بس تعرف يا عمار ريحة الكبدة دوختنى شكلها جامدة شفق دى
احلام بحماس:أيوة طبعا ولسة لما تدوقوا اكلها كمان هيعجبكم اوى اوى
عمار ببرود:طب اتفضلى ناديها بقى عشان نخلص وفضى الخناقة دى
____________&
خبطت شفق صينية العصير على الطرابيزة قدامهم لدرجة اتخضوا واحلام شرقت هى وبتاكل
احلام بخوف:ما براحة يا شفق فى ايه
شفق بنرفزة:لو مؤاخذة يعنى يا جماعة ليكم نص ساعة قاعدين اكلتوا وشربتوا وحليتوا كمان ومحدش اتكلم وخلتونى افض الخناقة مع انى كنت هموت واطلع شعر الولية دى فى ايدى…ومقصوفة الرقبة اللى جنبكم دى عمالة تاكل كفاية لغ يا به خلى للعشا
احلام:يا شفق بقى ابقى اعملى غيرهم وخلاص
مازن:بس الشهادة لله الكبدة خرافة يا آنسة شفق
:تسلم يا خويا بالهنا..خلصونا بقى ما تقولوا عايزين ايه مش فاضيين
عمار بضيق:ما تتهدى بقى واهدى واتكلمى براحة ايه العنجهية دى
شفق باستنكار:نعم يا خويا قاعد فى بيتى وبتقولى اتكلم ازاى..بقولكم ايه هتقولوا عايزين ايه منى ولا اكرفكم(اطردكم يعنى) بطريقتى
عمار:بصى بقى احنا سمعنا انك بتطبخى كويس فجينا نجرب ونشوفك وياريتنا ما جينا وبالمناسبة الكبدة مش حلوة
شفق بصت للطبق اللى قدامه وضحكت بسخرية:لا واضح مش حلو واضح
احلام:شفق حبيبتى الاستاذ عمار والاستاذ ماذن يبقوا مدراء مطعم الشفق اللى قصاد الكورنيش اللى بشتغل فيه،فى أزمة فى الطباخين وانا رشحتك ليهم انك تشتغلى هناك
مازن بهدوء:آنسة شفق الصراحة من كتر كلام آنسة احلام عنك وعن الكبدة بتاعتك مقدرتش اقاوم ومجيش الصراحة والكبدة الشهادة لله طلعت تحفة يعنى
شفق:والاخ مش ناوى يقول كلمة كمان
عمار ببرود:موافقة اهلا وسهلا مش موافقة فيلا بينا كدا ندور على غيرها يا مازن
شفق باستفزاز:طب موافقة
عمار بنفس البرود:حلو تكونى بكرة فى المطعم من الساعة ٧ هيبدا اول يوم ليكى بانك هتشرفى على وجبة كاملة لليوم كله مع مساعدة خفيفة
شفق بتحدى:تمام
عمار بخبث:حاجة اخيرة هبعتلك واحدة صديقتى هتعدلك شوية
:هت..ايه يا خويا
احلام:هو صاحبك جاى يعكها ولا ايه بس الله يرحمو بقى لو مطلعش من تحت أيدها
مازن بخبث وهو باصصلها:عقبال ما اقع تحت ايدك يارب
_ايه؟
ايه؟!
______________&
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نكهة حب)
2 تعليقات