رواية نعمة (العالم الآخر) الفصل السادس 6 بقلم حمادة زهران

رواية نعمة (العالم الآخر) الجزء السادس

رواية نعمة (العالم الآخر) البارت السادس

رواية نعمة (العالم الآخر) الحلقة السادسة

الشيخ مسعد قال محدش يقدر يسمحلي أتكلم معاه غيرك…..
قولتله ازاي….
-هو موجود دلوقتى صح….
=اه موجود
-واقف فين…..
=جنبي……
-ممكن تخليه يكلمني….
=عايز ايه….
-هو سامحلي…
=عايز ايه
الشيخ مسعد وجهلوا الكلام وقال انت ليه ما اخدتش غرضك ومشيت من نعمه……
رد عليه وقاله انت مين عشان تسأل……
الشيخ قال انا مش عايز حاجه بس نعمه تعبت وممكن نساعد بعض…..
“ضحك” وقال انت تساعدني انا……
رد الشيخ مسعد وقال له جرب…….
فضل يضحك وقال انت تساعدني انا….بص نعمه بتاعتي وانت عارف كده كويس وانت هنا عشان عايز تستغلها وانا عارف…..
رد الشيخ وقال لا لا انا بس حابب ابعدكم عن نعمه…..
جوزي قال كفايه كده انا عايز مراتي وامشوا من هنا كفايه كده…..
ضحك وقال سمعت يا مسعد امشي….
وانا بدأت اغيب عن الوعي واللي كان واقف جنبي صرخ في وش مسعد وقال اخرج من هنا…..
وفعلاً مسعد مشي وجوزي كان قاعد جنبي وبيقول متخافيش انا هنا جنبك والتاني قاعد جنبي وبيقول متخافيش انا هنا جنبك ونفخ في وشي ونمت نوم عميق…..
قومت تاني يوم وانا كويسه جدا وبقيت عندي رغبه اني اتكلم معاه واعرف كل حاجه وعايز مني ايه…..
بس جوزي اخد اجازه من شغله وقعد معايا من بعد ما شاف كل اللي حصل قدامه…..
كنت خايفه يتكلم تاني قدام جوزي علشان ما يخافش مني بس جوزي كان مصمم يعرف الشيخ مسعد يقصد ايه…..
وفعلاً راح للشيخ وسأله….
الشيخ قاله مراتك عندها قدره على حاجات تفوق الخيال…..
جوزي قال ازاي ممكن تفهمني….
قاله هعرفك بس لازم تعمل اللي هقولك عليه…..
رد جوزي وقال ماشي بس افهم الاول……
“كل ده كان بيحصل وانا شايفه وسامعه كل حاجه وانا مكاني في البيت”
مسعد قال في واحده ضايع منها فلوس ومراتك هي وفي بيتها تقدر تجيبهم ولو عرفنا الفلوس فين هيكون لينا حلاوه كويسه في الموضوع ده…..
وبعدها جوزي مشي ورجع البيت وقبل ما يطلع شوفت قدامي اخت جوزي واخوه قاعدين بيتكلموا عليه…..
أخو جوزي بيقول كل ده كذب نعمه بتمثل هي مش عيانه ولا ممسوسه….
“كان اخو جوزي الكبير”
انا بكيت من الزعل وكنت اول مره ادعي على حد وقولت يا رب وريله اي حاجه من اللي بشوفها…..
تاني يوم كان في مناسبه عند ناس قرايب أهل جوزي روحنا كلنا نعمل الواجب البيت كله راح….
واخو جوزي رفض أنه يروح وكان في البيت لوحده وفجاه واحنا عند الناس رن تليفون جوزي طلع اخوه اللي بيرن فتح جوزي مسمعش غير كلمت ألحقني والخط قطع……
جرينا كلنا على البيت ولما وصلنا لقينا اخو جوزي مرمي على الارض مش بيتكلم جوزي سنده ودخله على السرير وهو مش بيعمل حاجه غير انه باصص عليا ودموعه نازله….
جوزي قاله مالك حصل ايه…..
قال انا كنت في الشقه وسمعت رجلين بتجري على السلم وطلعت ملقيتش حد دخلت…..
وبعد شويه سمعت صوت تاني طلعت في ايدي شومه وطلعت لحد السطح برضوا ملقيتش حد….
نزلت تحت دخلت البيت لقيت قدامي قط كبير القط واقف على رجله اللي ورا وفضل يكبر يكبر لحد ما بيقي تقريباً في حجم البني ادم معرفتش اسمي الله ولا اعمل اي حاجه وفجأه القط اتكلم وقال نزل البتاعه اللي في ايدك دي وافتح الباب….
وفعلاً نزلتها ورحت الباب فتحت الباب القط نزل رجله وصغر تاني ورجع في الحجم الطبيعي وخرج من البيت…..
اخو جوزي بقي ملازم السرير مش بيتحرك…..
جوزي كان بيفكر في كلام الشيخ مسعد وبعد يومين الشيخ كلم احمد وقال له انا عايز اقابل نعمه……
جوزي قالي وانا رفضت….
الشيخ جي ومعاه واحده وقالي معلش اسمعيني الأول بس…..
وانا قولت مش عايزه اسمع ولا افهم حاجه بعد اذنك امشي….
الست اللي معاه قالت بالله عليكي ابوس ايدك بيتي هيتخرب…..
الشيخ مسعد قال الست دي أتسرق من شقتها فلوس كتير قوي…..
رديت عليه وقولتله عارفه 200ألف……
قالت اللهم صلي على النبي ايوه صح ياستنا وجوزي شاكك فيا وفي اخويا وانا وأخويا والله ما اخدناش حاجه…..
قولتلها عارفه مش انتي واخوكي….
قالت طيب مين…..
رد الشيخ مسعد وقال استني لو الست نعمه قالت ايه حلاوتها…..
قولت حلاوه ايه…..
جوزي قال عادي حقك…..
قولت فين جوزك…..قالت في البيت…… قولت الفلوس انا هاجيبها بس لازم اجي بيتكم……
روحت انا وجوزي والشيخ مسعد معاها ولما وصلنا لقيتنا جوزها موجود…..
قولت الفلوس موجوده هنا في الشقه…..
جوزها قال لي ازاي يعني احنا قلبنا البيت…..
قولت وانا بقولك الفلوس موجوده هنا في الشقه…..
وفعلاً الفلوس ظهرت…..
اللي موجودين فضلوا يقولوا الله أكبر الله أكبر…..
الراجل قال ازاي ومين خباها…..
فكرت وقولت الجن هو اللي عمل مشكله…..
“بس دي ما كانتش الحقيقه”
الراجل كان مصمم يعرف مين اللي خبا الفلوس…..
أنا قولت الجن رغم أني عارفه ومتأكده مين وكان حد من الناس اللي قدامي…..
أخدت المكافأة وقسمتها مع مسعد ومشينا….
جوزي كان مبسوط جداً ومش مصدق اللي حصل…..
الشيخ مسعد قال بعد اذنك لو في اي حاجه ممكن تساعدوني فيها…..
جوزي رد وقال ماشي……
وأنا ساكته وكنت متضايقه جداً علشان ما قولتش الحقيقه بس كنت عارفه اني هشوف الست دي مره تاني….
جوزي قالي ايه رأيك الفلوس دي تشتري بيها دهب……
انا رفضت وقولت لا مش عايزه حاجه خليهم معاك…..
بعد كام يوم الشيخ مسعد اتصل بجوزي وقاله عايز أقابل الست نعمه ضروري…..
جوزي قاله خير فيه حاجه…….
الشيخ مسعد قاله انت في البيت…..
جوزي قاله لا انا في الشغل وهرجع على الساعة 5……
قاله تمام بعد اذنك انا هاجي ومعايا ناس…..
جوزي قاله اصبر شويه اتصل بنعمه الاول…..
وجوزي رن عليا وقالي الشيخ مسعد جاي ومعاه ناس ايه رأيك…..
قولت اللي تشوفه…..
قال تمام بس انا هقوله على الساعة 7 تمام…..
وفعلاً جي الشيخ مسعد وكان معاه ناس كتير اوي انا خفت من منظر الناس….
قولت لا لو سمحتوا كل الناس دي تمشي صاحب المشكله بس هو اللي يكون موجود…..
الناس اعترضوا وانا قولت للشيخ مسعد انا مش حابه حد يعرف عني حاجه وكلكم بره…..
أتكلم راجل ومعاه مراته وقالوا بالله عليكي انجدينا….
قولتلهم اهدوا بس وانا عارفه انتوا عايزين ايه وهقدر اعمل ده باذن الله…..
الراجل قال انتي عارفه….
قولت اه واطمن بنتك هترجع بس الناس دي كلهم لازم يمشوا وانا اختار واحده منهم تستني معاكم…..
الراجل قال معلش انزلوا احنا عايزين الست تساعدنا مش نضايقها والست عرفت احنا جايين ليه وقالت انها هتساعدنا بس انزلوا بهدوء…..
كان في واحده واقفه معاهم قولت دي تستنى معاكم والباقي كله ينزل وقعدت مع الناس……
الشيخ مسعد قال الست رحاب ربنا فتحها عليها وان شاء الله هتساعدكم….
قولت للست هي بنتك اختفت من يومين صح….
قالت صح…..
قولت طيب هي موجوده في مكان قريب مش بعيد…..
الست قالت الحمد لله بس ابوس ايدك طمنيني بنتي كويسه……
قولتلها اه الحمد لله زي الفل كويسه…..
الست اللى طلبت منها تستني معاهم قالت طيب ممكن نعرف هي مشيت مع مين قصدي يعني هي مخطوفه ولا مشيت مع حد بمزاجها انا بس بطمن…..
رديت عليها وقولتلها البنت مخطوفه…..
ابو البنت قال طيب قولي مكانها واللي تؤمري بيه هيتنفذ…. قولت البنت موجوده في مكان قريب من بيتكم…..
ووصفت المكان والشقه اللي البنت فيها وقولت انا مش هقدر اعمل حاجه اكتر من كده انزلوا ولما تطمنوا عليها نتكلم…..
كان الشيخ مسعد نازل معاهم قولتله استنى….
كان عايز يجري مع الناس علشان يشوف ايه اللي هيحصل طبعاً يضمن الفلوس اللي هيديهالنا بس انا قولت لجوزي والشيخ مسعد انا مش عايز المهزله دي تاني ووجهت الكلام لمسعد وقولت انت عايز تكسب من ورايا ومش هامك البيت ولا عيالي ولا الجيران انا مش عايز اشوفك تاني…..
جوزي قالي اهدي بس بالراحه الراجل مكنش قصده…..
مسعد قال انا اسف حقك عليا يا ست الكل مش هتتكرر تاني جوزي قاله بصراحه هي عندها حق…..
قاله معلش مش هتتكرر والله تاني.