رواية نجمة في الصعيد الفصل الثاني والعشرون 22 بقلم ملك نصرالله
رواية نجمة في الصعيد البارت الثاني والعشرون
رواية نجمة في الصعيد الجزء الثاني والعشرون
رواية نجمة في الصعيد الحلقة الثانية والعشرون
نجمه: لا مش عادي ، حمزه انت كنت تعرف بنات قبلي
حمزه كشر: بنات قبلك ازاي يعني
نجمه بضيق: بنات يا حمزه ، هو ايه اللي بنات ازاي يعني
حمزه بهدوء: لا مكنتش اعرف حد
نجمه: طب عرفت تحط الروچ ازاي
حمزه: عادي هو جربت وظبط معايا
نجمه بهدوء: طيب ، طلعتلك اللبس دا
حمزه هز رأسه واخد اللبس ودخل يلبس شويه وخرج ، وقف قدام المرايا وسرح شعره بعدين رش برفان بص لنجمه بضيق
حمزه بضيق: نجمه امسحي الروچ دا
نجمه باستغراب: ليه
حمزه: كده وخلاص محدش يشوفك حطه روچ غيري
نجمه بعند: مش همسحه دا لون الشفايف يا حمزه
حمزه قرب من وشها واتكلم بهمس: هتمسحيه ولا امسحه بطريقتي انا
نجمه بصت في عيونه بتوهان: بطريقتك ازاي
حمزه قرب من شفايفها بهدوء وباسها برغبه واشتياق وهي رفعت أيدها علشان تذقه حمزه حضنها من وسطها فمعرفتش واستسلمت وحضنته حمزه بعد لما حضنته بصلها كان وشها احمر جدا وبصه في الارض راح باسها تاني
ثواني عدت حمزه بعد لما حس انها محتاجه اكسجين وهي بصت في الارض بتوتر وإحراج
حمزه جاب منديل ورفع وشها مسح الروچ اللي حولين شفايفها وهمس
حمزه بهمس: هتحطي روچ تاني ؟
نجمه هزت راسها بتوتر بمعني لا
حمزه ابتسم واخدها في حضنه
حمزه بحنيه: هتعملي فيا ايه تاني ، شقلبتي حال حمزه رضوان وهو راضي بالشقلبه دي ياست نجمه
نجمه ابتسمت بخفوت
حمزه بعد عنها وهو بيضحك وقال
حمزه: يلا علشان كده هغير رائي وهقعد هنا انا وانتي والشيطان واليوم طويل
نجمه بكسوف: يلا بس في حاجه في شفايفك
حمزه ضحك: حاجه ايه اسمه روچ ينجمتي
حمزه جاب منديل ومسح شفايفه واخدها ونزلوا
فريال: متتأخروش يا نجمه
نجمه بحب: حاضر
حمزه بخفه: لا تتأخر ايه احنا اصلا مش هنجيلكم تاني
عز بخبث: عايز تستفرد بيها برا صح
حمزه بكيد: مراتي وانا حر ، خليك في نفسك يا سينجل
عز بصله بغيظ وهو اخد نجمه وخرجوا
في العربيه
نجمه قاعده مكسوفه وكل ما حمزه يبصلها تودي وشها الناحيه التانيه
حمزه ضحك: مكانتش بوسه يا نجمتي ، اومال لما نتعمق بقا دا لو فضلنا عايشين يعني
نجمه بصت في الأرض بكسوف وحمزه وقف العربيه
حمزه بحنيه: طب بصيلي طيب
نجمه رفعت راسها بتوتر راح حمزه مسك وشها بحنيه وقال: انا جوزك يا نجمتي متكسفيش مني
نجمه هزت راسها بتوهان حمزه ساب وشها وشغل العربيه وهو بيقول
حمزه بخفه: وقعتي علي فكره
نجمه ابتسمت بتوتر: لا لسه
حمزه بخبث: كل دا ولسه ، بتبصي في عيني بتوهي
نجمه باحراج: أتوه ايه يا جدع ، وبعدين عيونك عاديين مش كبايه قهوه زي بتوعي علشان أتوه فيهم
حمزه ضحك: لا يا تقيله هانم هما بني فاتح يعني كوبايه قهوه برضوا مش عاديين خالص
نجمه ابتسمت بحب بتحاول علي قد ما تقدر أنها تداريه
وصلوا لـ مكان في وسط البلد واتمشوا شويه
نجمه بطفوله: حمزه تعالا نجيب ايس كريم
حمزه ابتسم: تعالي
حمزه جابلها ايس كريم
نجمه: انت مش هتجيب ليك
حمزه ضحك: لا ياما برستيچي
نجمه بضيق: يلا يا حمزه برستيچ ايه
حمزه: لا مش هينفع
نجمه بعيون القطط: وعلشان خاطر نجمتك
حمزه ضحك بغيظ: دا اسمه استغلال
نجمه ضحكت: اه يلا بقا
حمزه جاب كمان لنفسه وهي طلعت الكاميرا
نجمه بخفه: يلا الزق الايس كريم تبعك في بتاعي كده
حمزه عمل زي مقالت راحت مصوره
حمزه ضحك: دا اص صح
نجمه ضحكت: اه احنا هنعمل كتير انا متراكم عليا اص قد كده
حمزه ضحك وفضلوا يتمشوا ويتكلموا لوقت طويل وبعدين حمزه قال
حمزه ضحك: مش بقولك بحسك طفله
نجمه بصتله بحنق
حمزه بخفه: متبوصليش كده علشان بخاف
نجمه ضحكت ..
حمزه : هوديكي مكان حلو هيعجبك تعالي
وصلوا المكان ونجمه اكتشفت بسرعه أنه ملاهي
حمزه: عجبك
نجمه ضحكت بفرحه: وااو ملاهي من زمان خالص وانا نفسي اجي هنا لا بصراحه ابهرتني ، هتلعب معايا صح ؟؟
حمزه بصدمه: العب ايه ياختي !!! لااا
After 5 muints:
حمزه: نجمه هنركب قطر الموت
نجمه: لا هنركب ديسكفري
حمزه: لا قطر الموت
نجمه: هعيط واللهِ لو مركبناش
ديسكفري
حمزه بغيظ: تعالي دانتي عيوطه
ركبوا ديسكفري وبعدين حمزه قال
حمزه: قطر الموت بقا
نجمه بتمثيل: لا قطر الموت ايه يا جدع ، دي لعبه فيستك
حمزه بخبث: فيستك فيستك ، تعالي نركب وخلاص
نجمه بتمثيل: لا ياعم
حمزه ضحك: انتي اصلا خوافه
نجمه بغيظ: خوافه ايه ، لا مش خوافه
حمزه: طب تعالي نركب
نجمه بغيظ: يلا مانتا مش هتسكت انهارده ولا هتجيبها لبر
حمزه ضحك علي غيظها ، واخدها وركبوا نجمه قعدت تصرخ وهي بتقول
نجمه بصراخ: يخربيتك يا حمزه ، منك لله يابعيد ، هموت ياحمزه وانا لسه في عز شبابي
حمزه بصراخ: اسكتي يخربيتك صوتك فضحتينا
نجمه بصراخ: هموت وصوتي هو اللي همك
حمزه ضحك: اهدي خلاص قربنا ننزل
نجمه بصراخ: اضحك ياخويا اضحك ما حقك
حمزه فضل يضحك وهي عماله تشتم فيه شويه ونزله
نجمه بغيظ: روحني يا حمزه
حمزه ضحك: علشان قولتلك انتي خوافه
نجمه بتمثيل: لا مش خوافه ، هو قطر الموت بخاف منه علشان عندي فوبيا من المرتفعات ودا طلعني فوق خالص
حمزه بخبث: تدخلي بيت الرعب طيب وهقتنع انك مش خوافه
نجمه برعب: يخربيتك رعب ايه
حمزه بخفه: شوفتي علشان تعرفي انك خوافه
نجمه بتوتر: لا مش خوافه تعالا ندخل
حمزه اخدها ولسه هيدخلوا
نجمه بسرعه: بقولك يا حمزه انا جوعت تعالي ناكل وبعدين ندخل
حمزه ضحك: بقولك انا بقا مش هندخل علشان انتي خايفه وانا هتفهم دا
نجمه ابتسمتله بغيظ ومشيت معاه
حمزه: هتاكلي ايه
نجمه بتفكير: احم كبده من علي عربيه
حمزه ابتسم بغيظ: برستيچي بقا في الأرض انهاردة بسببك
نجمه ضحكت: دانا بفسحك معايا
حمزه ضحك واخدها عند عربيه كبده
حمزه: كام سندوتش
نجمه: انت هتاكل كام
حمزه: اتنين
نجمه بصتله بحنق: ليه بطن عصفوره
حمزه ضحك: لا بطن حمزه
نجمه ضحكت بخفه: طيب انا خمسه
حمزه بصلها: خمسه ايه
نجمه ببساطه: سندوتشات يا حمزه خمسه ايه وقوله بقا يزود فلفل حراق ها
حمزه ضحك: يخربيتك اية دا كله
نجمه بغيظ: متقرش بقا هقعد عالتربيزه دي اشطا
حمزه: احنا هناكل في الشارع ، تعالي ناكل في العربيه
نجمه بخفه: لا الشارع احسن فيه شراح و براح
حمزه هز رأسه وهو بيضحك و راح جاب السندوتشات وجه
نجمه وهي بتاكل: حمزه
حمزه: امم
نجمه: الكبده طعمها حلو
حمزه ضحك: ااه انا حبيتها
نجمه ضحكت: الله عليا ، عد الجمايل بقا
حمزه بخفه: عادد واللهِ ، بس فاضل جميله انتي معملتهاش
نجمه بخفه: جميله ايه ، انا رقبه سداده
حمزه بقرف: قاعد مع جعفر صحبي
نجمه بغيظ: بقا كده طيب
حمزه ضحك: بهزر متبقيش قفاشه كده
نجمه بحنق: اومال ابقي اية ، قول الجميله ياخويا
حمزه بغيظ: لا خلاص بقا رجعت في كلامي
نجمه بحنق: احسن
حمزه بصلها بغيظ وهي كملت اكل شويه وخلصوا اكل و كملوا تمشية وحمزه صورها بالكاميرا كتير .
كانوا ماشيين ونجمه ماسكه دراعه قالت
نجمه: هو احنا كده رايحين فين
حمزه: رايحين العربيه علشان نروح
نجمه: اممم طيب كنت عايزه أسألك سؤال
حمزه: اسألي
نجمه برقه: هو انا قلتلك اني بحبك ؟
حمزه وقف وبصلها
حمزه ضحك: بتقولي اية
نجمه ضحكت بخفوت: بحبك يا أبرد خلق الله
حمزه ضحك جامد وحضنها: اخيرا نطقتي نشفتي ريقي يا شيخه
نجمه ضحكت راح قال: ارزعك بوسه في الشارع يعني ونتمسك بفعل فاضح الوقت
نجمه ضحكت باحراج
حمزه: بس انا مش بحبك
نجمه بصتله بتوتر: افندم !!
حمزه بعشق: انا بعشق امك
نجمه ابسمت بغيظ: وقعت قلبي
حمزه بغزل: سلامه قلبك
نجمه ابتسمت بخفوت وهو أحدها ومشيوا وصلوا البيت
فريال بحب: حمدالله علي السلامه كل دا
عز بخفه: كان بيستفرد بيها يا عمتو عقبالي لما الاقي واحده تكون…
فريال بغيظ: اسكت يا سافل انت
حمزه ضحك: انا اصلا شاكك فيك واللهِ
هدي بحب: هحضرلكم الاكل هنا ولا فوق
نحمه بحب: ربنا يخليكي ياست الكل احنا اكلنا خلاص الحمدالله
فاطمه بحنيه: ربنا يهديكم يارب ، حمزه ابوك وعمك عايزينك في المكتب
حمزه بهدوء: حاضر هطلع اغير وانزل
نجمه قامت معاه وطلعوا نجمه جهزتله الحمام وطلعتله لبس وهو اخده ودخل شويه وكان خرج سرح شعره وهي قالت إنها هتقعد تستناه
في المكتب
حمزه: سلام عليكم
رضوان: اقعد يا حمزه
حمزه قعد ورضوان قال: شوف كده ميزانيه الشركه
حمزه مسك الورق وقلب فيه لمده ربع ساعه وقال: كويس كده الأرباح معقوله لحد انهارده
ابراهيم: طيب شوف ورق الوفد الألماني دا كمان
حمزه بص عالورق و قال: ارباحها حلوه ومضمونه بس الشرط الجزائي مليون جنيه مش كتير ؟؟
رضوان: ماهو علينا وعليهم ، وهما مش هيرجعوا في حاجه ولو رجعوا يدفعوا واحنا كده برضوا
مراد: طيب ماحنا منعرفش تعاملهم
ابراهيم: لا كان ليهم تعامل سابق معانا في الشركه اللي في امريكا ، الفكره كلها في العميل الجديد مش مرتاحله
حمزه بهدوء: العميل الجديد اه طيب سيب موضوعه عليا انا ومراد
ابراهيم بهدوء: تمام يا حبيبي ربنا يقويكوا
حمزه ابتسمله بهدوء وطلع عند نجمه دخل واتصدم لما لقاها……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة في الصعيد)
