رواية نبضات في السحاب الفصل العاشر 10 بقلم حنين الماضي

رواية نبضات في السحاب الجزء العاشر

رواية نبضات في السحاب البارت العاشر

رواية نبضات في السحاب الحلقة العاشرة

فى غرفة الاجتماعات فى الشركة
————————-
فريد : هههه دلوقتى يجى يقولنا انتوا رايقين ويطلع علينا زعابيبة
ايمن : يا عم اسمع الكلمتين واسكت يعنى هى أول مرة
ياسمين بخبث: أنا عق
قلقانة يجى يقولى انتى ايه اللى مقعدك هنا
فريد : لالا مش للدرجادى وشكلك واخدة فكرة غلط خالص عن محمود
ياسمين : ☺️ ممم ممكن
ايمن : استر يارب ، دة جاى بيزعق اصلا
محمود : ايه دة 😳
ايمن : فى ايه
محمود : مين اللى فهم الأستاذة أنها تحضر الاجتماع
فريد : فى ايه يا بشمهندس اهدأ ، هى حبت تتعرف على نظام الشغل وعاوزة تفهم شغلنا ، ايه المشكلة
محمود : هى عرفت منين أن فى اجتماع !؟
ايمن : كانت قاعدة عند فريد يا محمود اهدأ
محمود : أنا ملاحظ كدة أن الأستاذة مكملتش اسبوع وطول الوقت عند بشمهندس فريد ولا انا غلطان
فريد : لا أنا مش عاجبني اسلوب الكلام ولحد دلوقتى بحاول متعصبش لكن أنا عاوز افهم فى ايه بقى !
محمود : كمان بقيت انت ال عاوز تفهم ههههه
ايمن : مالك انت بتتكلم بطريقة غريبة جدا
ياسمين بمكر : طيب أنا واضح انى مش مقبولة ومضطرة استأذن ولو يا بشمهندس حابب أمشى من الشركة خالص ، همشى بس أنا كان نفسى اشتغل وافهم طبيعة الشغل واكون واحدة من أسرة الشركة لكن للأسف مافيش حاجة حلوة بتدوم
فريد : استنى يا ياسمين متمشيش
محمود : افندم !! والله عال ، هو مين هنا بيدى تعليمات عشان اكون فاهم
فريد : واحنا من امتى بنمشيها كدة يا محمود
محمود : عاوزكوا فى حاجة خاصة كرجالة وطبعا الأستاذة مش هينفع تحضر معانا ولا ايه
ياسمين بغيظ: ممم طبعا
فريد : ما تقول كدة من الصبح وكانت الدنيا خلصت بدل ال عملتة فينا دة
ايمن : يا عم خضتنا بقفلتك دى
فريد : طيب يا استاذة ياسمين معلش بعتذرلك أنا وحقك عليا
ياسمين : لا ولا يهمك عن اذنكوا
__________
خرجت ياسمين وهى متغاظة جدا من محمود لانة عرف يخليها تخرج بعد ما كانت هتوقعة فى مشكلة مع فريد وتقطع اى كلام بينهم وفكرت تعمل إيه عشان تنهى اجتماعهم دة ال كانت خايفة منه أن محمود يقول اى حاجة عنها
ايمن ؛ ها مالك بقى
محمود : انتوا ال فيكوا ايه ومتغيرين ليه
فريد : ولا متغيرين ولا حاجة انت ال بقيت اوڤر جدا وواضح أن ضغط الشغل عمل دربكة عندك ومحتاج تغير جو وتاخد إجازة
ايمن : ايه الصوت العالى برة دة
محمود : ايه دة فعلا تعالوا نشوف فى ايه
فريد: ايه دة ياسمين 😳
محمود : 😡 فى اييييه
ايمن: اي الصوت دة يا جماعة
ياسمين : 😭😭😭
فريد : مالك بتعيطى ليه كدة
محمود : 🤨😒😒
عم عادل ( بوفيه ): والله يا بشمهندس م كان قصدى ، أنا شايل صنية الشاى وماشى لقيتها قدامى معرفش ازاى راحت الصنية واقعة ومعرفش هى وقعت ازاى ولا ايه ال حصل ، والله م اعرف
فريد : طيب انتى حصلك حاجة
ايمن : اكيد شاى سخن ادلق عليها ، لازم تكشف لو وقع عليها
محمود : 😒😒😒
ياسمين : 😭😭 دة كلة جه عليا ومحتاجة ارجع البيت اغير هدومى وربنا يسامحك يا عم عادل
فريد : طيب معلش قومى وانا هوصلك البيت
محمود : خليك يا فريد وانا هبعت عربية الشركة توصلها
ياسمين بصوت واطي: فريد خليك معايا ونبى
فريد : متقلقش هروح بسرعة واجى يا بشمهندس بس ازاى هى هتمشى بالمنظر دة يعنى يا جماعة
ايمن : عندك حق المنظر مش حلو خالص
محمود بغيظ : يا استاذة لحد ما تخفى ان شاء الله انتى إجازة اسبوعين
ياسمين : أنا مش عاوزة إجازة أنا هبقى كويسة
محمود: معلش أنا شايف وجود حضرتك من ساعة ما جيتى واحنا كل شوية فى حوار شكل ، حضرتك خدى إجازة فترة تريحى اعصابك وترجعى مافيش مشكلة عن اذنكوا وكلامى يتنفذ
ايمن: تمام
ياسمين : هو مش طايقنى أنا عارفة
فريد : تعالى بس اركبى العربية وبعدين اطمن عليكى ونتكلم
ياسمين : شكرا انك صممت تكون معايا
فريد : طمنينى بس عليكى وخايف يكون الشاى عمل حاجة فى جسمك
ياسمين : ان شاء الله تكون بسيطة
فريد : ان شاء الله
ياسمين بمكر: كنت عاوزة اقولك حاجة
فريد : قولى طبعا
ياسمين : بس توعدنى أنها تفضل بينى وبينك مهما حصل
فريد : اوعدك
ياسمين حاولت تمسك ايد فريد عشان تخليه يضعف وتعرف تسيطر عليه فى الحاجة ال عاوزة توصلها : بص أنا فى حاجة خوفت اقولك عليها فتزعل
فريد : حاجة ايه دى
ياسمين : الصبح بشمهندس محمود جالى المكتب وكنت لوحدى وحاول يهزر معايا وعشان أنا مش بستظرفة ومش برتاح ليه صديتة بس هو زعل وادانى وش وخرج من عندى وف وشة معالم أنه يمشينى علشان كدة هو مكنش طايقنى النهاردة
فريد : معقولة اااااة أنا كدة فهمت بقى ، وانا عمال اقول هو متنرفز كدة ليه والشغل مافيهوش مشاكل وطلع البيه حاطط عينة عليكى ولما اديتى وش وفاكر انك سهلة وهتيجى بكلمتين ، اتحرج تكشفى امرة ويطلع شكلة وحش قدامنا ،راح عمل الفيلم بتاعة دة
ياسمين : هو كدة بس مش عاوزاك تزعل منى يا فريد ممكن
فريد : لازم الكل يعرف أننا هنتجوز
ياسمين : احنا نتجوز وبعدين نبقى نقولهم ايه رأيك
فريد : عندك حق فعلا ، خلاص أنا هرجع اعرف امى واختى وارتب كل حاجة واكلمك
ياسمين : حبيبى يا سلطانى
فريد : اهم حاجة عندى دلوقتى اطمن عليكى
ياسمين : أنا كويسة مدام انت جنبى
_____________
فريد : امى مش كان نفسك تفرحى بيا
الام : نفسى ومنى عينى
عبير : ههههه مين دى اللى امها دعت عليها
فريد : هههه زميلتى فالشغل وواحدة محترمة جدا
الام : الحمدلله اخيرا
عبير : عاوزة اشوف اللى وقعتك اخيرا هههه
الام : واهلها ناس طيبين كدة يا ابنى
فريد : كلهم على بعض كدة يتحبوا بس فى حاجة واحدة واتمنى محدش يعارضنى لان أنا هبقى مبسوط كدة وانتى أم وهتتكلمى كأنها بنتك
الام : فى ايه قلقتنى
فريد : مبدأيا كدة هى مش بنت بنوت هى مطلقة
الام : يالهووى ليه يا ابنى كدة ، تعمل فى نفسك كدة ليه وتاخد واحدة خرج بيوت وغيرك شبع منها وسابها
عبير : انت اكيد بتهزر صح
فريد : لا مش بهزر بس أنا لقيت نفسى معاها ولو بتحبونى متكسروش فرحتى واتعاملى معاها يا امى زى عبير وعندها طفلة كمان
الام : 😩😩😩 هى دى جوازتك يا فريد ال فضلت استناها يا ابنى
فريد : والله يا امى لو اقولك انى لقيت فيها اللى ملقتهوش فى اى بنت شوفتها
الام : للدرجادى كلت عقلك
فريد : أنا واثق انك هتحبيها وانتى كمان يا عبير هتحبيها وهنبقى كلنا مع بعض وحتى بنتها ملهاش ذنب ليه ناخدها بذنب حاجة ملهاش يد فيها وانتى يا امى زرتى بيت الله وبلاش نمشى بنظرة مجتمع وننسى كتاب ربنا ولا ايه
الام : ونعمه بالله غصب عنى مش مبسوطة بس اللى يهمنى سعادتك يا ابنى
فريد : ربنا يخليكى ليا يارب ، جهزوا نفسكوا بقى على يوم الخميس نروح نخلص معاهم كل حاجة
الام : ان شاء الله
فريد : هروح اكلمها وافرحها بقى
_____
اتفق فريد مع ياسمين على كل تفاصيل فرحهم واتفقوا محدش يعرف فالشركة حاجة عن زواجهم وأنهم هيعيشوا مؤقتا فى بيت اهل فريد لحد شقتة ما تخلص وطبعا ياسمين كانت فرحانة جدا وحست ساعتها بالانتصار وان محمود مقدرش يقف قدامها
_______
سامح : أنا مش مصدق أن خلاص اسبوع ونتجوز
منى بفرحة : ولا انا وحاسة انى بحلم حلم جميل
سامح : بصى بقى أنا عندى شروط
منى باستغراب : شروط
سامح : سميها شروط أو طباع خاصة بيا
منى : هههه اة قول كدة
سامح : أنا حابب ابتدى على نور ، وعشان كدة هقولك طباعى وانتى عشان تكسبينى طبيعى تريحينى ولا ايه
منى : حاضر
سامح : بحب مراتى تهتم بكل تفاصيل لبسى وأكلى واحب بيتى يكون منظم ومرتب واحب جو البيت الهادى ، يعنى مهما حصل مينفعش ارجع البيت الاقى مراتى قافلة وشها أو تقوليلى مغسلتيش غيارات ليا أو معملتيش اكل او اجى انام اسمع صوت وكمان البيت هيكون مسئوليتك ومصروف البيت تظبطى امورك على قدة ومهما حصل بينى وبينك محدش تالت يدخل بينى وبينك ولو لقتينى مضايق بلاش تفتحى تحقيق معايا ولو فى يوم نمت لوحدى فالسرير سيبينى لان اللحظة دى محبش حد يقرب منى واخر حاجة واهم حاجة وهى شغلك أنا هسيبك تشتغلى لكن ممنوع اشوفك واقفة مع حد زى عمر وممنوع تيجى تقوليلى دة مرتبى ودة مرتبك لان البيت احنا الاتنين شركاء فيه وطبيعى نساعد بعض وعموما لحد ما ناخد على بعض انا قررت نأجل موضوع الخلفة والأطفال سنة أو سنتين لحد ما نطبع ببعض عشان منظلمش اطفال ملهمش ذنب
منى : وانا موافقة
سامح : فاضل كدة حاجة واحدة وانا عارف ان دى اهم حاجة عند البنات بس هنتكلم فيها
منى : ايه هى
______________
لمتابعة رواية نبضات فى السحاب لااااايك وكومنت عشان نعرف ايه اللى ناوى عليه سامح وايه اللى ناوية عليه ياسمين وياترى منى هتتقبل الوضع ولا هترفض …