رواية نبضات في السحاب الفصل التاسع 9 بقلم حنين الماضي

رواية نبضات في السحاب الجزء التاسع

رواية نبضات في السحاب البارت التاسع

رواية نبضات في السحاب الحلقة التاسعة

منى رجعت البيت وهى مش مصدقة اى حاجة من اللى حصلت وكأنها كانت بتحلم بكابوس ونفسها تصحى منه وحست ان شكلها بقى وحش فى مكان شغلها وسط زمايلها وبالرغم ان قلبها كان كلة مصدق سامح إلا أن عقلها كان مضايق وفى اسئلة كتير نفسها تلاقى إجابة عليها لكن محرجة تسألها لسامح وكانت خايفة ان اسئلتها دى تخليه يبعد عنها ويفقد ثقتة فيها وبدأت تحلل الموقف على حسب اللى يرضى قلبها وتبرر كل حاجة لسامح وخدت قرار أنهم يقفلوا على الموضوع دة خالص وميحاولوش يتكلموا فيه كتير وفعلا بعد ساعة من وصولها البيت ،سامح اتصل بيها :
سامح : الو
منى : الو
سامح : تعرفى انى اول مرة اتخض واخاف على حد كدة
منى : 😭😭
سامح : منى أنا عاوزك تعرفى انك اول واحدة اطلب أيدها للجواز وان عمرى ما فكرت اتجوز بالطريقة الحقيرة اللى الهانم دى قالت عليها وعلشان نقفل الموضوع وانتى تبقى مطمنة أنا هحكيلك كل حاجة وبصراحة واتمنى تصدقينى لانك لو مصدقتيش هيبقى صعب نرتبط وانتى مش واثقة فيا ودلوقتى مش طالب منك غير عشر دقايق تسمعينى وبعدها اسمع منك كلمة واحدة
منى : كلمة ايه دى
سامح : يا تقوليلى مصدقاك أو تقوليلى مافيش نصيب
منى : 😭🥺
سامح بتنهيدة : منكرش انى بحب صنف البنات ، بس بحب هزار وضحك وكلام لكن اى شمال لا ماليش فى حاجة زى كدة ومنكرش ان عندى أصحاب بنات كتير ويمكن اغلب زمايلنا فى شغل اصحابى لكن عمرى ما وعدت واحدة بالجواز لان ليا شروط معينة فى مراتى وأم اولادى وانتى يا منى كانت تنطبق عليكى كل الشروط عشان كدة مترددتش لحظة واول لما خدت القرار جيت وكلمتك ومحبتش اطول فالفترة عشان محدش يقول عليكى حاجة وعشان عاوز اقرب منك واعرفك لكن قبل ما اقرب منك واقرر أنى اتجوزك زى ما قولتلك من شوية انا ليا علاقات وتعامل مع بنات كتير ونوران من ضمنهم لكن منكرش لما لقيتها بتقرب منى ومهتمة فقولت يمكن تكون هى دى شريكة حياتى لكن مع اول موقف حصل بينى وبينها عرفت انها متنفعش وهى كل يوم كانت بتتعلق بيا وكنت فاكر انى لما ابعد شوية بشوية هى هتشوف غيرى لكن لما لقيت الطريقة دى مش نافعة فكرت اعمل اى حاجة تانية على الأقل اصارحها لكن مجرد ما حاولت اصارحها لقيتها هاجت فى وشى وانهارت وقالتلى خلينى جنبك ومنكرش أنى قربت منها لكن قربت منها حضن عادى ودة فى لحظة ضعف بتحصل لأى شاب غصب عنة لكن والله كان أخرى حضن أو بوسة لكن مع اول حضن لقيتها متمكنة جدا وكأنها اتجوزت قبل كدة وعارفة نقط ضعف اى راجل وازاى تعرف تثيرة ولما لفت الموضوع دة نظرى سألتها بعد ما كنت متردد وقولتلها ازاى بتعرفى تبوسى كدة وتحضنى كدة ، قالتلى ان حبها ليا هو اللى بيحركها وطبعا مصدقتش ومدخلش عليا الكلام دة لكن لقيتها مصممة وبدأت ادور وراها وعرفت انها قبلى على طول كانت خارجة من تجربة ارتباط فاشلة مع جارها وفالاخر سابها وسافر وهى اللى حكتلى دة فى لحظة ضعف وسيبتها ساعتها تتكلم وادتها الامان لكن هى متكلمتش الا لما أنا وقعتها فالكلام الاول وقولتلها أن فى واحد جه قالى عليها انها كانت مرتبطة وساعتها طبعا اتجننت وقالتلى هو قالك ايه بالظبط وقولتلها أنا عاوز اسمعك انتى وهصدقك وادتها الامان وعرفت كل القصة منها وأنهم كانوا يوميا مع بعض وكانت بتعمل كل حاجة علشانة حتى مرتبها كانت بتديهولة لحد ما خد فلوسها ومرة واحدة هى اتفاجئت أنة سافر ومكنش قدامها غيرى لانى كنت بسمعها وبسلم عليها كل ما اشوفها عادى وهى افتكرت إن دة اهتمام وبدأت تركز معايا كأنها بتعوض علاقاتها اللى فشلت معايا وعشان كدة أنا متوقع الحمل اللى هى قالت عليه دة من جارها اللى سافر بس غصب عنى اتجننت لما قالت إنه منى ومستعد اعمل تحليل كمان عشان اثبت أنها كدابة وبالنسبة للورقة العرفى دى ، دى كمان كان ليها موقف منها ، هى كلمتنى ف يوم قالتلى لازم اشوفك أنا مخنوقة وعاوزة اتكلم وقولتلها طيب أهدى وانا هجيلك وفعلا روحتلها واول لما شافتنى قعدت تعيط وقالتلى أنها عرفت أن الواد بتاعها اتجوز واحدة مش مصرية وأنها لازم هى كمان تتجوز وطلبت منى ساعتها نكتب ورقة عرفى كتزوير عشان تغيظ جارها وتقول انها اتجوزت هى كمان ومش باقية عليه ، قولتلها لما يعرف انك اتجوزتى عرفى انتى هتنزلى من نظرة قالتلى لا ماهو كمان عمل كدة وهقول انك واحد غنى جدا وعندك ظروفك الشخصية وانك جبتلى عربية اخر موديل ورصيد فالبنك ولقيت حوارات ومرة واحدة لقيتها مطلعة الورقة مكتوبة وبتقولى أمضى وطبعا ضحكت بسخرية وكنت عاوز امشى قالتلى لا مش هتمشى غير لما تمضى وساعتها عرفت انها تدبيسة فقررت أمضى بس اى كلام شخبطة وضحكت عليها لأن واضح انها مريضة نفسيا وقولتلها تعالى بقى نحتفل وف لحظة لما دخلت الحمام وخرجت لقيتها بتحط الورقة جوة ظرف فى ظرف ومش هكدب عليكى قولت هحاول اقرب منها واديها الامان واحضنها لكن والله حضن غصب ومش حضن زوجين خالص لحد ما نامت رحت قايم بسرعة خدت الورقة وحطيت ورقة فاضية غيرها ومشيت وهى فضلت حوالى شهر مكتشفتش الموضوع الا يومها ،لكن والله عمرى ما فى سرير جمعنى بيها ولا عاملتها كزوجة فى اى يوم ودى الحقيقة كلها مصدقانى ولا لا يا منى ؟؟
منى : 😭 مصدقاك من قبل ما تحكى كل دة
سامح : الحمدلله ممكن نقفل الموضوع دة ونجهز لفرحنا علشان مش عاوز حد يتكلم عليكى بعد اللى حصل النهاردة
منى: أنا موافقة وتقدر تيجى تقابل ماما وتتفق معاها فاليوم اللى تحددة
سامح : أنا فرحان اكتر انى كسبتك
منى : وانا كمان فرحانة انك وثقت فيا واول مرة تتكلم معايا كدة
سامح : وخلاص يا منى ، بعد النهاردة انتى كل اصحابى ودنيتى
منى : وانت كمان بقيت كل حياتى
سامح : بكرة فالشغل هقولك هنعمل ايه عشان نستعجل فرحنا ونبقى ف بيت واحد
منى بفرحة : هستناك تقولى بكرة
سامح : تصبحى على خير
منى : وانت من اهلة مع السلامة
_______
وف لحظة قدر سامح يمسح كل اللى حصل ولا كأنة حصل وبدأت منى تفكر فى شكلها وهى عروسة وامنياتها اللى كانت بتفكر فيها واللى عاوزة تعملها وهى عروسة ويوم فرحها واتبدلت كل حاجة بعد مكالمة سامح تماما 👌
______
فريد : انتى فين يا ياسمين
ياسمين : أنا كنت جيالك
فريد : شكلك مضايق !؟
ياسمين : لالا دة بس كلمونى قالولى أن بنتى عمالة تعيط جامد
فريد : ليه مالها
ياسمين : هى زهقت من البيت وبقالها فترة تقولى خرجينى معاكى وانا كل مرة اكون مترددة اجيبها واخاف انك تزعل
فريد : أنا ازعل !! انتى بتقولى ايه يا ياسمين ! بنتك دى بنتى بالظبط ومش معنى أن ابوها سابها بسهولة كدة يبقى هى تفضل تتحاسب على ذنب مش ذنبها طول حياتها ، متخافيش أنا معاكى وهشيل عنك المسئولية وخلاص عشان خاطر بنتنا احنا نكتب الكتاب الاسبوع الجاى عشان اقدر اجيلك وأخرج معاكوا براحتى من غير ما حد يتكلم ها ايه رأيك ؟
ياسمين : احلى خبر بس فالاخر بردو كل واحد هينام فى مكان بعيد عن التانى
فريد : أنا بس لسة الشقة مخلصتش ومحتاجة حاجات كتير
ياسمين : طيب عندى فكرة ، ايه رأيك نأجر شقة وشقتك نجهزها براحتنا واحنا مع بعض
فريد : أنا معنديش مانع أنا كنت حاسس انك عاوزة تقعدى فى تمليك مش ايجار
ياسمين : اى مكان معاك هيكون جنة يا حبيبى
ايمن : عصافير الجنة إللى ناسين أننا فالشغل ههه
فريد : نعم يا مفرق الجماعات
ايمن : اااة شكلى جيت فى لحظة مش وقتها
ياسمين : هههه
فريد : ها خير
ايمن : فى اجتماع مع الريس
فريد : دلوقتى !؟
ياسمين : لينا كلنا ولا انتوا بس
ايمن : لالا أنا وفريد بس وبيقول عاوزنا فى حاجة مهمة جدا
ياسمين بتوتر : طيب عاوزة احضر معاكوا ممكن
فريد : ايه المشكلة لو ياسمين صحيح حضرت
ايمن : معرفش هو هيوافق ولا لا
فريد : تعالى تعالى معانا ولو اتكلم أنا هعرف أقنعة
ايمن : طيب يالا عشان منتأخرش
_________
ياسمين طبعا كانت قلقانة جدا وخايفة من محمود ليقول على اى حاجة ويبوظ كل خططها وعشان كدة صممت تروح معاهم ..
__________
يا ترى محمود عامل اجتماع ليه ؟ وايه رد فعلة لما يشوف ياسمين ؟ وياترى سامح ومنى هيقدروا يعدوا موضوع نوران بسهولة ؟