رواية مين الضحية الفصل الأول 1 بقلم سمر زيدان
رواية مين الضحية الجزء الأول
رواية مين الضحية البارت الأول
رواية مين الضحية الحلقة الأولى
نزلت زي المجنونة وبابا بينادي عليا مردتش عليه وروحت العمارة اللي هيا ساكنه فيها وطلعت واول ماخبطت وفتحتلي
صرخت في وشها انا دلوقتي عرفت انتي اتطلقتي من بابا ليه؟عشان تتجوزي الدكتور مصطفى
بابا عملك ايه دا طول عمره مش بيرفضلك طلب وحنين عليكي وانتي طول عمرك قاسية عليه ومشاعرك جامده وبارده مهما يعملك ودايما يا حبيبي ساكت
كل دا في شقة امي العروسة الجديدة وليه هكمل كلامي لقيت بابا ورايا عالسلم
بابا: ريم اوعي تغلطي في مامتك او تعلي صوتك عليها تاني فاهمه؟؟
اتصدمت من رد فعله وبعدها قلت
بابا انتا لسه بتدافع عنها بعد كل اللي عملته فيك
بابا: مالكيش دعوة وارجوكي اعتذري لمامتك عللي انتي عملتيه
اتصدمت اكتر وقلتله بيأس اعتذر كمان 😥
جريت على تحت وانا مش مصدقة
اول ماعرفت بجواز ماما من الدكتور مصطفى بعد طلاقها من بابا ب شهور قليله وانا اكتأبت مكنتش مصدقة انها اختارت دا بالذات
اعرفكم بنفسي الاول انا ريم طالبة في سنة تانية كليه طب
بابايا ومامتي برضو دكاترة وعندي اخ واحد تؤام حسام في كلية تجارة حياتنا كانتت غريبة
بابا دايما بشوش وطيب وحنين اوي
وماما دايما حزينة وكلامها قليل
الغريبة ان ماما سنها ٣٩ سنة وبابا ٤٢ يعني لسه شباب
ماما جميلة جدا ودايما الناس بتفكرها اصغر من سنها
الدكتور مصطفى عنده ٣٥ سنة واخر حاجه كنت اتوقعها انه يتجوز مامتي حسيت بقلبي واجعني
مش عارفه اروح فين
روحت لصاحبتي ايه وانهارت عندها ومكنتش قادرة ابطل عياط
شويه وتلفونها رن
ايه : ايوه يا حسام هيا هنا فعلا
اخدت التلفون منها عرفت منين ان انا هنا
حسام اخوكي وحبيبك وتوامك اكيد حاسس بيكي وعارف انت هتروحي فين
تعالي يا حبيبتي تعالي البيت انا مستنيك انا وبابا عشان نتكلم مع بعض
سيبت ايه وقمت روحت واول ماوصلت اترميت في حضن اخويا وانا منهارة
بابا اللي انت عملتيه ده غلط يا ريم
بابا انا…
ما ينفعش يا حبيبتي ما ينفعش تغلطي في امك دي مهما كانت امك
بابا انت ازاي كده بعد كل اللي عملته فيك ده ولسه بتدافع عنها
ايوه بدافع عنها يا بنتي امك ما غلطتش امك اتجوزت
انا: ليه يا بابا انت قصرت معاها في ايه عشان تروح تعمل كده
خلاص يا بنتي اللي حصل حصل ولازم دلوقتي تفوقي لحياتك ومستقبلك
وسيبتهم ودخلت اوضتي واستسلمت للعياط والانهيار
انا محبتش غير مصطفى ومحلمتش غير بيه
وامي اللي اتجوزته
بس انا مش هسيبها وهخلص حق ابويا منها
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية مين الضحية)
