رواية مهمة عاشق الفصل الرابع والثلاثون 34 بقلم خلود وائل

جري علي ناحيه ليلي بسرعه وحضنها جامد حاولت ليلي تبعده عنها لكن مقدرتش تفلت من حضن علي ال كان محاوطها بايديه الاتنين بكل قوته ودافن راسه في رقبتها كان حاضنها وخايف تهرب منه كان بيعوض بعدها عنه سنيين
علي:وحشتيني وحشتيني ياليلتي انا اسف اسف والله انا جرحتك وظلمتك وقسيت عليكي كتير حقك عليا وحشتيني اوي
ليلي بجمود:ابعد عني ياعلي
علي بصدمه بداء يبعد عن ليلي مكانش متوقع منها الرد دة
علي:انا اسف ياليلتي سامحيني
ليلي ببرود:اسمي دكتورة ليلي….. انا مش ليلتك ومش من حقك تحضني كدة انت اتجننت ولا ايه
علي بندم:انا اسف ياليلي بجد انا ندمان اني سبتك لوحدك مكنتش جمبك في وقت ماكنتي محتجاني انا جيت عليكي حقك عليا
ليلي بلوم: جيت عليا!!
قول دوست عليا رميتني انا جيتلك في وقت ماكنت محتجاك تطبطب عليا عملتلي ايه ..هنتني ووصفتني بأبشع الصفات وبقيت في نظرك واحدة رخيصه وشمال
علي :هعوضك والله بس تسامحيني
ليلي بأنفعال :تعوضني عن ايييييه عن ايه بالظبط هتعرف تعوضني عن شرفي ال ضاع ولا سنين عمري ال راحت هتعرف تعوضني وجع قلبي في كل فرح احضرة ولا كلمه عقبالك ال بتكويني هتعرف تعوضني كل يوم نمته معيطه ومقهورة هتعرف تنسيني اسود ايام حياتي ال عشتها بعد ال حصلي وانت بعيد عني
علي بدموع بدات تتجمع في عنيه:حطي نفسك مكاني ياليلي متظلمنيش
ليلي بعييط:وليه انت محطتش نفسك مكاني وادتني فرصه ادافع عن نفسي انا كنت بصرخ بأسمك وحسن بيغتصبني كنت شيفاك أماني وحمايتي لما فوقت وسمعت صوتك اطمنت في عز خوفي كنت بتضربني وتشتمني وانا كل ال قلته متسبنيش هنا خودني معاك الحقني ياعلي وبعد ال حصل جتلك وكنت فكراك هتسمعني مع اني كنت واخدة قراري وجيبالك شبكتك في ايدي كل ال كنت عوزاة انك لما تسيبني تعرف اني مظلومه لكن انت رفض تسمعني وهنتني في شرفي وسمعتي وغلط فيا جامد الحاجه الوحيدة ال غفرتلك عندي شويه هي انك طلعت محترم ومتكلمتش عن الموضوع دة قدام حد
علي:علشان بحبك ياليلي ومكنتش مصدق انك تعملي كدة من جوايا كنت بكدب نفسي وقلبي يقولي روحلها هي متعملش كدة بس بجد انا اتحطيت في موقف صعب ياليلي انا والله لسه بحبك واكتر من الاول كمان
ليلي بجمود: وانا مفيش في قلبي اي حب ليك خلاص انتهت
علي :طالما بطلتي تحبيني لابسه السلسله بتاعتي ليه
بصت ليلي بعفويه للسلسله ال نزلت من تحت الطرحه وكانت باينه من غير ماتاخد بالها ودي كانت السلسله ال علي جابهالها هديه وهي وعدته انها طول ماهي بتحبه عمرها مهتقلعها ابدا****بسرعه مسكت ليلي السلسله وخبتها تحت الطرحه
علي: سكتي ليه ياليلي انا عارف ومتأكد انك لسه بتحبيبني بس انتي بتعاندي نفسك ياليلتي اديني فرصه كل ال طالبه منك فرصه بس اجيبلك حقك وبعدها
ليلي:بعدها تتجوزني صح
علي:ايوة صح
ابتسمت ليلي بألم:ال انت حاسه نحيتي الوقتي دة شفقه مش اكتر ومش حب نهائي انا بس صعبانه عليك وانت عاوز تبقي جدع معايا وتتجوزني لكن انا عمري مهوافق بدة ولا هستحمل انك تعاييرني في يوم بالحصل معايا
علي بألم: مستحيل اعمل معاكي كدة ياليلي انا هتجوزك علشان بعشقك ولا يمكن اسيبك تضيعي من ايدي تاني وعمري مهعايرك بحاجه حصلتلك غصب عنك وانا كنت السبب فيها وحقك انا هجيبهولك وقبل مااتجوزك
ليلي :وحقي هتجبهولي من مين بالظبط هتعرف تجيبلي حقي من خطيبتك ولا من حسن الهلالي بلاش دول هتعرف تجيبلي حقي من مرات اخوك
علي بصدمه:سارة!!
ليلي:ايوة سارة هانم هي الاء محكتلكش ال هي عملته معايا ولا خافت لمتصدقهاش
علي:ايه دخل سارة في ال حصلك
ليلي:….
فلاش باااك****🎞️
الاء:حاضر جايه اهوة مين بيخبط ع الصبح كدة
فتحت الاء الباب وكانت سارة ال بتخبط
الاء:سارة !
سارة: ايه شوفتي عفريت
الاء:ابدا اتفضلي
سارة بتأفئف:هي الانسه ليلي فين
الاء بغضب:نايمه انتي جايه ليه ياسارة عاوزة منها ايه
سارة: وانا هعوز من واحدة حقيرة ذيهها ايه
الاء بأنفعال:سارة احفظي لسانك والتزمي حدودك ولولا انك من طرف يوسف كنت اتصرفت معاكي تصرف مش هيعجبك
سارة:اممممم طيب هبقي ارد عليكي بعدين
هنا فاقت ليلي علي صوت زعيق الاء وخرجت من اوضتها وطلعت لسارة
ليلي بتعب:في ايه ياالاء ؟
سارة بشماته: ايه دا صباحيه مباركه ياعروسه معلش هي متأخرة شويه بس انا ميفوتنيش واجب
ليلي:عاوزة ايه مني
سارة: وانا هعوز منك ايه ياقلبي انا بس كنت جايه اطمن عليكي ليكون حسن بهدلك جامد مع اني موصياه عليكي بس قوليلي ايه رايك اتبسطي وغمزتلها😉
مدت ليلي ايدها علشان تضرب سارة لكنها كانت ضعيفه وسارة مسكتها ورجعت ايديها
سارة:لا ياحلوة اعرفي مقامك انا سارة هانم انما انتي واحدة كسر عمرك مهتتساوي بيا وان كان علي ال مقويكي ف احب اطمنك انه مش طايق يشوف وشك وابقي شدي حيلك علشان تلحقي تروحي تتمسكني لطنط منال علشان ترجعك ليه مهي هبله وبتمشي وراكي
ليلي:كنت عارفه انك زباله من اول يوم شوفتك لكن متوقعتش انك حقيرة اوي كدة
سارة:انتي ال وقفتي قصادي وفكرتي انك هتكوني احسن مني ولفيتي العيله كلها واختيهم في جيبك بس لا دة بعدك ياحلوة
ليلي بألم:اطلعي برة اطلعي برااااة
مشيت سارة وانهارت ليلي في حضن الاء من العييط
بااااااك🎞️🎞️
ليلي بدموع:ها ياعلي بيه هتعرف تجيبلي حقي هتعرف تحاسبهم علي ال عملوة معايا
علي:وحيات كل دقيقه اتوجعتي فيها لهنتقم منهم كلهم واندمهم علي الساعه ال عرفو بعض فيها
ليلي :😭😭😭
علي:ارجوكي ياليلي دموعك بتحرق فيا
قرب علي منها ومسح دموعها واخدها في حضنه براحه لحد ماليلي بدأت تهدي وبطلت عييط
علي بهمس:بحبك بعشقك ياليلتي ياحبيبتي وروحي وملكتي وسلطانه قلبي
سكتت ليلي ومكانتش قادرة ترد كانت مشاعرها متلخبطه
علي وهو بيفك ايديه من حوالين ليلي:يارب متزعليش مني وتخاصميني علشان حضنتك ذي المرة ال فانت
ليلي ابتسمت بأحراج:لا متقلقش بس متعملش كدة تاني
علي:مقدرش اوعدك بصراحه علشان انتي وحشاني اووي
ليلي :طب اتفضل امشي بقي علشان ورايا شغل كتير
علي:امممم ماشي سلام
ليلي:سلام
خرج علي من عند ليلي وهو فرحان انه اخيرا قلبه ارتاح ورجع لليلي حبيبته وطلع علي مقر شغله وتفكيرة اذاي هينتقم لحبيبته
دخل علي مكتبه وطلب مؤمن
علي:الاسمين ال في الورقه دول عاوز اعرف عنهم كل حاجه في خلال ساعه
مؤمن:انت فاكرني سوبر مان طول بالك كدة
علي بجديه:مؤمن الموضوع دة يخصني مش عاوز هزار
مؤمن:طيب اهدي كدة وانا هجبهملك شخصيا قدامك
علي بشر:مش الوقتي
مؤمن بيقرأ الورقه:حسن محمد زاهي الهلالي ،ماجد سمير حمدي النويري … تمام ساعه بالدقيقه تكون بيانتهم عندك
خرج مؤمن من مكتب علي وبدأ يجمع معلومات عنهم اما علي فكان بيفكر اذاي هينتقم من سارة وأميرة
علي بتوعد:اما أشوف هعمل معاكي ايه ياسارة هانم اما الست أميرة دي ف انا هخلي ايامها سواد
عند ليلي في بيتها
الحاجه كوثر:ياحبيبه قلبي الشاب كويس وبصراحه ميتعيبش
ليلي:ياماما دة ذي أخويا
الحاجه كوثر:يابنتي هو انتي مخاصمه الفرح ليه منفسكيش تفرحي وتبقي عروسه مش عوزانا انا وابوكي نطمن عليكي قبل مانموت
ليلي: ايه ياماما هتحرميني احكيلك حاجه والله
الحاجه كوثر:هو انتي يعني حكيتي من نفسك غير لما سألتك مين ال كان قاعد معاكي في فرح ماهر
ليلي:وبصراحه مكنتش ناويه احكيلك علشان ال انتي بتعمليه الوقتي
الحاجه كوثر:لما ابوكي يجي هو ال يتكلم معاكي انتي خلاص تعبتيني معاكي يابنتي انتي مبقتيش صغيرة خلاص كسرتي ال ٣٠
ليلي: يوووة بقي ياماما
الحاجه كوثر:انا غلطانه ياليلي براحتك
ليلي: ياماما علشان خاطري سبيني براحتي ومتزعليش مني
الحاجه كوثر:يابنتي ياحبيبتي انا نفسي اطمن عليكي ذي مااطمنت علي اخواتك بقي تجوزيهم وتتوسطي ليهم عند ابوكي هما وغيرهم ومستكتره الفرحه علي نفسك تيجي اذاي دي
ليلي:عادي ياماما انا شغلي مالي عليا حياتي ومبفكرش اتجوز الوقتي
الحاجه كوثر:طب اوعديني انك تفكري في موضوع هيثم
ليلي بأستسلام :اوعدك ياماما
عند علي::”’
علي:بص ياماجد عاوز منك خدمه هتاخد قصادها ١٠٠الف جنيه
ماجد:طلباتك اوامر ياعلي بيه
علي:تنفذ ال هطلبه منك بالحرف الواحد
ماجد :عنيا الاتنين
بعد فترة طويله….
ماجد:بس الموضوع دة صعب ومحتاج وقت ياعلي بيه
علي:تنفذ في المعاد ال قلتلك عليه ومش عاوز اي غلطات وفلوسك هتاخدها كاش وخليك معايا بالتليفون علي طول
ماجد:حاضر ياعلي بيه تؤمر بحاجه تانيه
علي:لا
ماجد:بعد اذنك
خرج ماجد من مكتب علي ودخل بعده مؤمن
مؤمن:متعرفني ناوي علي ايه يمكن اساعدك
علي:لا فكك دة موضوع شخصي كدة متشغلش بالك
مؤمن:مش مرتاحلك ياعلي
علي:لا اطمن دي شويه حسابات قديمه وان اوانها انها تتصفي
مؤمن:لو احتاجتني انا موجود
علي:قدها يامؤمن تسلم
مؤمن:سليم هابلني وعاوز يشوفك وام سليم عزماك بكرة علي الغدا واوعي تتهرب الواد عندة استعداد يبيتني برة البيت لو انت رفضت
علي بضحكه رجولية:بقي سيادة المقدم مؤمن المنشاوي بيخاف من ابنه ال عندة سنتين وبيعمل حساب للمدام
مؤمن:بكرة نتفرج عليك ياحضرة المقدم علي الناهي
علي:انت عارفني يسطا …سيطرة
مؤمن:اممممم بكرة نشوف😂
علي:قوم يلاا امشي من هنا
مؤمن:طب هنفرح فيك امتي
علي:هتفرح بيا عن قريب متقلقش
مؤمن:طب اطير انا بقي اطمن سليم انك جاي بكرة علشان يجيله نوم النهاردة
علي:😹😹حبيبي الواد سولي دة
عند ليلي:….
مسكت ليلي التليفون وطلبت الاء
ليلي:انتي فين يا ندله بقي كدة تروحي تقولي لعلي علي السر ال مخبياه بقالي سنين
الاء بحزن:عادي يابنتي هو يعني كان جاب نتيجه
ليلي:صوتك ماله ياالاء بيكي حاجه
الاء بدموع:كتب كتاب علي وأميرة التلات الجاي ياليلي 💔