 |
| رواية مهمة عاشق الفصل الثاني والثلاثون 32 بقلم خلود وائل |
رواية مهمة عاشق الفصل الثاني والثلاثون 32 بقلم خلود وائل
دخلت ليلي العمليات وعلي راح ناحيه نهي وبيبصلها بتوعد وهي اخدت بالها واتوترت من نظرات علي لكن قررت تقف وتواجهه
علي بعصبية:انتي ايه ال خلاكي تكلميها
نهي:انا عمري مقطعت علاقتي بيها
علي:وانا سبق وقلت دي صفحه واتقلبت ولا كلامي مبيتسمعش ياست نهي
نهي: والله ماكان قصدي ياعلي بس لما دكتور مهاب قال علي دكتورة في امريكا وبالصدفه نازله مصر انا عرفت علي طول انها ليلي علشان هي كانت هتنزل لفرح ماهر اخوها فكلمتها وحكيتلها وضع بابا فهي قالتلي ان حالته متنفعش تستني كمان أسبوع وقررت تنزل مصر قبل معادها وهي ال جابت الفريق بتاعها انا مطلبتوش
علي:وانا ذي المغفل ال تحطيه قدام الامر الواقع
نهي:لا والله ابدا بس ليلي هي ال متابعه حاله بابا من زمان فهي انسب واحدة تعمله العمليه
علي بغضب:يعني ايه متابعه حالته من زمان
الحاجه منال:يعني لما كان بيتعب ياعلي ومبيرتاحش مع دكاترته كنا بنكلمها وهي بتوصفله العلاج واي تحليل كان بيعمله كانت ليلي بتشوفه الاول ودايما كانت بتظبطله علاجه واخر مرة تعب فيها هي قالتلي انه لازم يعمل عمليه….ليلي مش وحشه يابني ال مابينكو اسمه نصيب وانتهي لكن ال بينها وبيني عمرة ماينتهي ونهي معتبرة ليلي اختها فبلاش تاخد الموضوع بشكل شخصي ياعلي
علي بضيق:وانا هاخدة بشكل شخصي ليه انتو حرين براحتكو
مرت فترة كبيرة وليلي في العمليات والوقت بيمر ببطء شديد ساعه وساعتين واكتر والكل قاعد منتظر علي قلقان جدا ونهي بتعييط والحاجه منال بتقراء قرآن وكامل بيدعي لاخوة وعماد رايح جاي مش مطمن وأميرة في نار من ليلي ال رجعت اققوي من الاول وخايفه علي يرجعلها تاني وسارة ال خافت من رجوع ليلي هي كمان اما في العمليات كانت ليلي بتشتغل بكل تركيزها هي وفريقها وبرغم خطورة العمليه الا انها عملتها بكل سلاسة.
برا قدام العمليات::
نهي:انا قلقانه علي بابا اوي ياعلي دول اتأخرو اوي
أميرة:بقالهم خمس ساعات جوة بتعمل ايه كل دة تلاقيها مخلصه من بدري وبتتدلع علينا
عماد:تأخيرهم طبيعي جدا دي عمليه قلب مفتوح مش بيشيل اللوز
أميرة بتمثيل الخوف علي الحاج محمود:والله خايفه ليلي تنتقم من علي وتموت عمي محمود
نهي بأنفعال:انتي اتجننتي انتي عارفه بتقولي ايه
عماد:اهدي يانهي أميرة متقصدش
نهي: انت مش شايف بتقول ايه علي ليلي
أميرة:يعني انتي زعلانه علي ست ليلي ومش قلقانه علي بباكي
نهي:لا مش قلقانه عليه انا مطمنه عليه جدا طالما ليلي معاه ومتأكدة انها عمرها مهتأذيه لأن الاذيه مش طبع ليلي
أميرة بغيظ :وانتي مالك بتدافعي عنها كدة ليه
علي بأنفعال:اخرسي خالص يا أمير مش عاوز اسمع صوتك
سكتت اميرة بغيظ من علي ال حست انه مش متحمل كلمه منها علي ليلي اما علي فكان فعلا مش حابب أميرة تتكلم عن ليلي بسؤ
بعد دقايق وصلت الاء وكانت ماسكه في ايديها بنوته صغيرة عندها سنتين وراحت ناحيتهم
الاء:السلام عليكم ياجماعه اسفه علي التأخير عمي محمود عامل ايه الوقتي
الحاجه منال:وعليكم السلام يابنتي عمك محمود لسه في العمليات
الاء:تحبي ادخل احضر العمليه ياطنط
الحاجه منال:لا ياحبيبتي خليكي جمبي وكمان علشان بنتك
الاء:الدكتورة بتاعه امريكا دي وصلت
نهي:ايوة من بدري ومش هتصدقي تبقي مين
الاء بهمس: اوعي تكون هيا
نهي بهمس: هيا هيا وربنا
الاء بفرحه:بس دي لسه هتنزل الاسبوع الجاي دي حتي معرفتنيش
نهي:الموضوع جه بسرعه ياالاء كتر خيرها داانا كلمتها حكيتلها المشكله ال احنا فيها قفلت معايا وطلعت علي المطار علي طول بجد بتمني انها ترجع لعلي
الاء بحزن:والبلوة ال اخوكي خاطبها دي نعمل فيها ايه
نهي:مش عارفه خاطبها ليه ولا علي ايه داانا مبطيقهاش ولا حتي هو
الاء:ياسلام امال خطبها ليه يااختي بقي
نهي:بسبب زن سارة علي دماغ ماما وتلزيقها فيه في كل حته يروحها وانا متأكدة انه بعد ماليلي رجعت مع أول فرصه هيسيب أميرة
الاء بنظرة مكر وأمل:متيجي نرجعهم لبعض
نهي بفرحه:اذاي
الاء:الموقف ال احنا فيه دة مبيفكركيش بحاجه
نهي بتفكير:قصدك ان التاريخ بيعييد نفسه تاني
الاء:بالظبط كدة
نهي:طب نعمل ايه هنخليهم يحبو بعض من اول وجديد اذاي
الاء:انتي عبيطه يابنتي هما لسه بيحبو بعض احنا بس هنفكرهم بذكرياتهم كام صدفه علي كام حركه والباقي علي ربنا
نهي:ونعم بالله بس انتي مشوفتيش ليلي بتتجاهل علي اذاي دي ولا كأنها تعرفه
الاء:اهو هو دة عيبها بقي ليلي عنيدة اوي وبسبب ال علي قالهولها زمان عمرها مهتلين بسهوله كدة
نهي بعدم فهم:هو ايه ال علي قالهولها زمان
الاء:ها ولا حاجه متشغليش بالك انتي
انقذ الاء من أسئله نهي ال كانت هتبداء تسألها صوت فتح باب اوضه العمليات وخروج الحاج محمود وسط عدد كبير من الدكاترة والممرضين والجراحين ال كانو حاضرين العمليه ومعاهم دكتورة ليلي ال أول ماخرجت تجنبت انها تبص لعلي ومشيت علي طول مع الحاج محمود لحد اوضه العنايه ودخلت ظبطت الاجهزة ودونت ملاحظاتها واطمنت ان الامور تمام وخرجت من الاوضه وسابت دكتور ستيف مع الحاله وأول ماخرجت ليلي من الاوضه اتلمو كلهم حواليها وانهالو عليها بالاسئله
الحاجه منال بلهفه:طمنيني ياليلي يابنتي عمك محمود عامل ايه الوقتي
نهي بخوف :بابي كويس ياليلي صح
عماد:حالته مستقرة الوقتي ولا ايه
الحاج كامل بقلق:طمنيني بالله عليكي يادكتورة ومتخبيش علينا حاجه
يوسف بتوتر:ايه الاخبار ياليلي متقلقناش
الحاجه فاطمه بلهفه:هو كويس الوقتي يادكتورة
علي بجمود:حالته ايه الوقتي!
ليلي بهدوء:اطمنو كلكو ياجماعه احنا عملنا العمليه والحمد لله نجحت وهيفضل علي الجهاز يومين لحد مانطمن ان كل حاجه تمام وبعدين هيتنقل العنايه المركزة ولما يعدي مرحله الخطر هيتنقل اوضه عاديه ومتقلقوش عليه خالص بأذن الله العمليه ناجحه بنسبه١٠٠٪وربنا معانا انشاء الله خير
نهي بدموع:ربنا يخليكي ليا ياليلي
ليلي:متعيطيش ياحبيبتي انا معملتش غير واجبي
أميرة بغيظ:وهتقبضي حقه
لم تهمتم ليلي بكلام أميرة وحتي مبصتش ناحيتها ودة خلي أميرة تشيط من الغيرة اما في وسط الاسئله المنهاله علي ليلي كان في صوت مميز اتكلم ولفت انتباة ليلي
الاء:الف حمد لله علي سلامتك ياوتيني
ليلي بتدور علي مصدر الصوت بعنيها لحد ماشافت الاءومشيت ناحيتها وحضنو بعض جامد في مشهد أخوي مؤثر
الاء:وحشتيني وحشتيني اوي ٣سنين بحالهم مشوفكيش ياليلي
ليلي:وحشتيني اوي ياالاء انتي اكتر واحدة كان نفسي انزل مصر علشان أشوفها
الاء:عامله ايه لسه قمر ذي ماانتي بس بقيتي خالتو تعالي اوريكي فوفو
اخدت الاء بنتها من يوسف وراحت بيها لليلي:سلمي علي خالتو ليلي يافريدة
ليلي بفرحه:اللهم بارك قمر ياناس مين العثوله دي ياالاء
الاء :بنتي حبيبتي
ليلي بمرح:لا مستحيل بقي انتي تجيبي القمر دة
الاء:بت اتلمي لولا اني قمر مكانتش طلعت قمر كدة
ليلي:خلاص ياستي انتو عيله قمرات 😹😹
وقفت ليلي مع الاء شويه وعلي كان عارف هما بيتكلمو في ايه لانه كان بيقراء حركه شفايفهم من بعيد وكان مستغرب جدا ان الاء وليلي مشافوش بعض من ٣سنين
همت ليلي علشان تمشي بس وقفها صوت بينادي عليها
هيثم: دكتورة ليلي
لفت ليلي واتفاجئت بشاب شديد الوسامه بينادي عليها
ليلي بأستغراب:هيثم
هيثم وهو رايح ناحيه ليلي:وانا أققول المستشفي نورت ليه أتاري دكتورة ليلي الشاذلي موجودة عندنا
ليلي:يامحاسن الصدف ياهيثم
هيثم:امممم بصراحه كدة هي صدفه مدبرة
ليلي بعدم فهم:اذاي بقي مش فاهمه
هيثم:سمعت انك نازله مصر وهتعملي عملييتين في مستشفي تانيه لكن اتفاجئت انك غيرتي معاد نزولك مصر وكمان هتعملي عمليه هنا قلت لازم مضييعش الفرصه واجي اشوفك وكمان اعزمك علي فنجان قهوة
ليلي بأحراج:انشاء الله ياهيثم بعد اذنك
هيثم:اتفضلي
من بعيد
الحاجه منال بحزن:مين ال واقف مع ليلي دة ياالاء
الاء:مش عارفه والله ياطنط
الحاجه منال:هي ليلي اتخطبت ياالاء
الاء:لا ياطنط ليلي مبتفكرش غير في شغلها وبس
نهي وهي قاصدة تغيظ علي:هي ال مبتديش لنفسها فرصه شايفه الدكاترة حواليها قمرات اذاي طب شوفتي دكتور ستيف دة بيبصلها اذاي او الدكتور ال واقف معاها هناك دة
الاء:اسكتي لخطيبك يسمعك
نهي:اه صح انا سكت اهوة
علي اتغاظ جدا من كلام نهي وفعلا هو شاف نظرات ستيف ليها وهيثم ال فهم من كلامه ان بينهم سابق معرفه وهو متابع اخبارها كان نفسه ياخد ليلته بعيد عن هيثم ولكن ميقدرش يعمل كدة هو بعيد كل البعد عن ليلي وعمرة مهيقدر يسامحها علي ال عملته زمان……
عدي كام يوم وحاله الحاج محمود في تحسن وليلي بتتابع حالته بس بتحاول تقلل وجودها وسطهم علي قد ماتقدر وعلي كمان بيتجنب يكلمها او يتعامل معاها ونهي بتحاول مع الاء انهم يصلحو مابين ليلي وعلي ولكن ليلي بتعاند وبتضيع كل محاولاتهم اما أميرة فأصبحت موجودة في المستشفي بشكل يومي علشان تمنع قرب ليلي من علي ال حست انه بداء يحن لوجود ليلي في حياته
…..في مكتب جهزته ادارة المستشفي لليلي كانت قاعدة بتراجع حاله مريض هتعمله عمليه بكرة خبط الباب طق طق طق
ليلي:اتفضل
فتح الباب وكان هيثم
هيثم:ممكن ازعجك شويه
ليلي بأبتسامه:اتفضل ياهيثم دة مكانك
هيثم :حمد لله علي سلامتك ياليلي بجد فرحت اني شوفتك تاني
ليلي: وانا كمان فرحانه اني شوفتك ياهيثم انت اخ وصديق محترم قبل ماتكون زميل
هيثم:حيث كدة بقي كنت حابب اتكلم معاكي في موضوع لو تسمحيلي
ليلي:طبعا اتفضل
هيثم:من غير اي مقدمات ياليلي انا بحبك من أول مرة شوفتك فيها وممكن يكون أحساسي وصلك وبتمني انك تقدري مشاعري وتقبلي ترتبطي بيا ونتجوز قلتي ايه
ليلي بتوتر:أحساسك وصلني ياهيثم بس انت بالنسبه ليا ذي أخويا بالظبط مش شايفاك غير كدة انا أسفه دي حاجه مش بأيدي وموضوع الارتباط دة بالنسبالي مش بفكر فيه نهائي كل تفكيري في شغلي وبس
هيثم بأمل:انا يستي هغير فكرتك عن الارتباط خالص
ليلي:صدقني ياهيثم مش هينفع
هيثم بحزن:طب ليه ياليلي هتقضي عمرك كله لوحدك
ليلي:شغلي مالي عليا كل حياتي
هيثم: اديني فرصه ياليلي وانا أوعدك انك عمرك مهتندمي
ليلي نفسها تقوله مينفعش ياهيثم ولا عمرة هينفع انا قلبي ملك علي هو بس ال بيخليه يدق هو ال ملكني وملك كياني هو ال عمرة مغاب عن تفكيري لحظه ….
وقفت ليلي من علي كرسي المكتب وراحت ناحيه هيثم علشان تقعد علي الكرسي ال قصادة بس وهي ماشيه رجليها اتزحلقت وكانت هتقع وفي ثواني انتفض هيثم من مكانه وقام لحقها قبل ماتقع وفي نفس التوقيت كان علي بيفتح باب المكتب وداخل وشاف ليلي وهي في حضن هيثم وكانت عنيه مليانه غضب وشر وجواة نار كفيله انها تموت هيثم وتخنق ليلي
هيثم:احم ابقي خالي بالك وانتي ماشيه ياليلي
ليلي بأحراج:الحمد لله حصل خير
علي بغضب مكتوم:شكلي جيت في وقت مش مناسب
ليلي:لا ابدا اتفضل
هيثم :طب استأذن انا ياليلي وياريت تدي لنفسك فرصه وتفكري في كلامي
قالها هيثم وخرج من المكتب وليلي قعدت علي كرسيها وعلي قصادها
ليلي:اتفضل ياعلي بيه حضرتك كنت عاوز حاجه
علي ببرود:ادارة المستشفي قالولي انك رافضه تاخدي اجرك في عمليه والدي
ليلي:ايوة فعلا
علي:شكرا احنا مش محتاجين منك خدمه انتي اشتغلتي يبقي تاخدي فلوسك وياريت تخلصي من غير كلام كتير وتقولي حسابك كام وتاخدي شيك الوقتي
حست ليلي بألم في قلبها من كلام علي وطريقته معاها اذاي مش فاهم انها بتعتبر اهله ذي اهلها اذاي مش حاسس بمحبتها ليهم واهتمامها بيهم معقول يكون نسي العشق ال عشقهولها نسي وعودة ليها وكل كلامه ليه كل الاسي والالم تعانيه لوحدها في صمت من غير ماحبيبها يحس بيها
ليلي :حسابي واصلني من زمان ياعلي بيه حضرتك عملت فيا جميل مرة لما خليت عمي يوافق علي جواز ابنه من البنت ال بيحبها ودلوقتي معاهم ولد مسمينه علي علي اسمك وانا بس بردلك الجميل
علي بتهكم:ولا جميل ولا غيرة قولي عاوزة كام
ليلي بحزن:قلت لحضرتك حسابك وصل
علي بأنفعال:أوعي تكوني فاكرة انك لما تعملي كدة اني هحن وارجعلك دة بعدك انتي انسانه رخيصه واحدة قذرة وشمال عمري مهفكر في يوم اني ارجعلها
ليلي بألم:لسه عندي أمل انك هتندم علي كل كلمه قلتهالي ياعلي بيه
علي بسخرية:ههههه ال فيه طبع عمرة ميبطله انتي كنتي لسه من شويه في حضن واحد تاني ولا كنتي بردو مش في وعيك
ليلي :انا كنت ماشيه واتزحلقت وهو قام لحقني قبل ماأققع علي الارض وانت دخلت فجأه وفهمت غلط
علي بأستهزاء:لا ماانا خبط بس انتو مكنتوش فاضيين فمسمعتوش بس عادي هيجي يوم وأفهم صح لما تكوني معاه في السرير
ليلي بأندفاع ووقفت من مكانها:اخرس مكنتش اعرف انك حيوان اوي كدة انا أشرف مما تتخيل ودكتور هيثم انسان محترم اياك تفكر تجيب ثيرته علي لسانك
علي بألم:زعلانه عليه للدرجادي
ليلي:وقف جمبي ودعمني في وقت مكانش معايا اي حد كان ضهر وسند واخ وصاحب في الغربه عمرة ماغلط فيا ولا جرحني بأي شكل ولما حب يلمحلي بحاجه جالي الوقتي وطلب يتجوزني علي سنه الله ورسوله مش حاجه من ال في دماغك ياعلي بيه
علي بألم:ووافقتي
ليلي بقهر :اطمن انا مبقتش انفعه هو ولا غيرة 💔
قالتها بكل ألم وكأنها حست بكل ال حصلها زمان وغمضت عنيها بعد ماخانتها دمعه ونزلت منها وبسرعه مسحت ليلي عنيها وقعدت علي مكتبها وحاولت انها تبان قويه
ليلي:تقدر تتفضل لو خلصت كلامك
انسحب علي بهدوء وخرج من المكتب وكلمه ليلي بتتردد في دماغه “انا مبقتش انفعه هو ولا غيرة” ومش قادر يفهم هي قصدها ايه وخرج من المكتب ولقي أميرة واقفه بتستناه
أميرة بغيظ:روحتلها ليه حنيت وحشتك مش قادر علي بعدها
علي بعصبية:أميرة فوقي وشوفي انتي بتقولي ايه
أميرة كانت مشاعر الغيظ والكرة ال جواها هي ال بتحركها كانت معميه بكرهها لليلي ومش واعيه هي بتقول ايه
أميرة:لسه بتحبها لسه بتحبها أذاي وهي خانتك مع واحد تاني غيرك😲
هنا أتجمد الدم في عروق علي من كلمه أميرة وفي نفس الوقت أميرة حست بالمصيبه ال هي عملتها من غير ماتاخد بالها
علي :******
تعليق واحد