رواية مهمة عاشق الفصل التاسع والعشرون 29 بقلم خلود وائل

ليلي:ماهر
ماهر:السلام عليكم اذيك يا الاء ….ايه ياليلي انتي فين قلقتينا عليكي تليفونك فين بقالك ٣ايام مكلمتنيش ومامتك وباباكي هيموتو من القلق في ايه
ليلي الدموع بدأت تتجمع في عنيها وماهر اخد باله وراح ناحيتها وحضنها
ماهر:مالك ياحبيبتي انتي كويسه ايه الكانيولا دي انتي مالك انتو مخبيين عليا ايه ياالاء
الاء:ابدا والله ياماهر اققعد بس وانا هفهمك
بصت ليلي ل الاء بخوف وقلق
الاء:ليلي ياسيدي كانت نازله من المستشفي تركب تاكسي علشان تروح قام شاب ابن جذمه خابطها بعربيته وسابها وطار فتليفونها اتفشفش وانا كنت لسه مصلحاه وجيبهولها الوقتي ودة ال مخليها مختفيه اليومين ال فاتو وهي مرضيتش تعرفكو علشان متسيبوش الفرح وتيجو
ماهر:فرح ايه وزفت ايه بقي كدة ياليلي بتخبي علينا حاجه ذي دي طب وعلي مقاليش ليه
الاء:مهو مهو ..علي مسافر وميعرفش بردو
ماهر:انتو غلطانين اوي ياالاء طب وانتي عامله ايه الوقتي ياليلي كويسه ياحبيبتي بيكي حاجه بتوجعك
ليلي :لا ياحبيبي انا كويسه بس جسمي بيوجعني شويه
ماهر:طب مشوفتيش رقم العربيه ال خبطتك
ليلي:لا مختدش بالي
الاء:حصل خير بقي وبعدين مهي ذي القردة اهي
ماهر:لا ولا قردة ولا غيرة انا اول مرة في حياتي اشوفها مطفيه كدة
الاء:دي بس زعلانه علي تليفونها
ليلي بأبتسامه حزينه:منقلقش عليا ياحبيبي انا هبقي كويسه انت فطرت ولا لسه
ماهر:ميت من الجوع والله يالي لي
الاء:هقوم احضرلنا كلنا فطار واجي
سابتهم الاء وقامت تحضر الفطار
ماهر:في حاجه تانيه غير موضوع العربيه دة ياليلي مزعلاكي صح
ليلي:ابدا ياماهر
ماهر:مش مصدقك
ليلي:علشان خاطري متعرفش ماما وبابا علشان ميقلقوش عليا ويسيبو الفرح ويجو واعمامي يزعلو
ماهر:حاضر متيجي هناك تغيري جو واهي فترة نقاهه
ليلي:لا سيبني هنا مش هقدر خالص
ماهر:علي راحتك ياحبيبه قلبي انا هفطر وهسافر اسوان ولما اجي هبقي اعدي عليكي اخدك علي الفرح
ليلي:ربنا يسهل وتيجي بالسلامه
فطرو كلهم وسابهم ماهر وسافر وليلي فضلت سرحانه كتير
الاء:ليلي انا مقدرة ال انتي فيه بس انتي اققوي من كدة علشان خاطري ياليلي متضعفيش وتضيعي حياتك
ليلي:…..
الاء:علشان خاطر نفسك مش عشان حد تاني
ليلي بدموع وحسرة:قلبي واجعني اوووي ياالاء احساس وحش اووي صعبانه عليا نفسي اني يجرالي كدة انا عمري مأذيت حد ليه ها ليه يتعمل فيا كدة ليه اخسر نفسي بالشكل دة وليه اخسر الراجل الوحيد ال حبيته واتمنيت اني اكون ليه ياربي علي وجعي وهو سايبني وماشي تعرفي لما كان حسن بيغتصبني مكنتش بصرخ غير بأسمه انا بحبه ياالاء كنت بتمني يرجعلي ياخدني في حضنه ويطمني
الاء:اهدي ياحبيبتي انا هروح له بنفسي وهحكيله ال حصل وافهمه انك مظلومه
ليلي :وبعدين
الاء:ترجعو لبعض
ليلي بألم:وهو هيقبل علي نفسه واحدة ذيي
الاء:علي بيعشقك ياليلي مش بيحبك
ليلي:انا لازم اروحله واتكلم معاه
الاء:مش هتقدري الوقتي خليها بعدين
ليلي:لا الوقتي انا هغير هدومي وانتي تعالي معايا
الاء:حاضر
غيرت ليلي هدومها واخدت شنطه في ايديها ونزلت هي والاء وراحو لبيت علي ولما وصلو ليلي صممت ان الاء تستناها تحت وسابتها وطلعت لشقه علي وقلبها بيدق جامد لدرجه انه وجعها وفي تفكيرها الف سؤال وحيرة ملهاش نهايه لحد ماوصلت لباب شقته واترددت كتير انها تخبط وبعدين خبطت وفتحتلها الدادة مديحه
دادة مديحه:اهلا وسهلا حضرتك مين
ليلي:لو سمحتي عاوزة اققابل علي بيه
دادة مديحه:حضرتك مين
ليلي:واحدة واحدة معرفه
دادة مديحه بأستغراب:اتفضلي ودقيقه هطلع اناديه من فوق
دخلت ليلي وفضلت واقفه تستني علي وحاسه ان قلبها هيقف من الخوف والقلق وبعدها نزل علي و اول ماشافها اتعصب جامد بس سيطر علي غضبه ونزل بكل برود وراح ناحيتها وكان لابس بنطلون رياضي رصاصي وتيشرت ابيض وحاطط ايدة في جيبه
علي:اهلا اهلا بصاحبه الصون والعفاف
لفت ليلي وبصتله ومتكلمتش وكان باين عليها الارهاق وشها كان اصفر وعنيها دبلانه وحمرا من كتر العييط وكانت لابسه دريس أسود وطرحه اوف وايت
علي وهو بيقعد علي الكرسي وحط رجل علي رجل:جايه هنا ليه…استني كدة اماافكر جايه تقضي معايا ليله وادفعلك تمنها تاني يوم ولا جايه تعيطي علشان تصعبي عليا
ليلي بألم:علي انا..
علي:انتي واحدة رخيصه وزباله ولسه ليكي عين تقفي قدامي انتي لابسه الطرحه دي ليه ها دي ميلبسهاش الا المحترمين انما الشمال ال ذييك كفايه عليهم قمصان النوم
ليلي:انا مظلومه ياعلي
علي:انتي حقيرة وزباله لما انتي رخيصه اوي كدة وافقتي اتجوزك ليه … ليه وهمتيني بحبك ليه ولا كنتي ناويه تتوبي من القرف بتاعك
ليلي بألم ودموع:باااس لحد كدة وكفايه انا محترمه غصب عنك وعمري مكنت ولا هكون شمال مش عاوز تسمعني براحتك انت حر انا فوضت امري لله هو قادر يعرفك اني مظلومه ..انت حكمت بال شوفته ذي ماعاصم صاحبك فهم الاء غلط
علي بأنفعال:عاصم مشفهاش لابسه قميص نوم ونايمه في حضن واحد تاني انتي ضربتيني بسكينه باردة في قلبي
ليلي:مكنتش في وعيي افهم بقي
علي :اه تصدقي دخلت عليا حلوة الفكرة دي طب ناويه علي ايه بقي فكراني اهبل وهصدق واخدك في حضني دة بعدك ياليلي …اكراما لاهلك والعيش والملح ال كان بينا انا مش هقول حاجه واياكي اشوفك بعد كدة ولو صدفه هخليكي تندمي علي اليوم ال عرفتيني فيه
مشت ليلي خطوتين ناحيه علي وحطت الشنطه ال في ايديها علي الترابيزة
ليلي:دي شبكتك ياعلي ربنا يبعتلها واحدة احسن مني تستاهلك بس انا عوزاك تعرف ان هيجي يوم وهتعرف الحقيقه ال انت رافض تسمعها مني ولو جتلي بعدها وعاوزني ارجعلك فمن الوقتي بقولهالك وفر تعبك ال بينا خلاص انتهي
علي ببرود:امممم ومستنيه ايه
ليلي :نعم!!
علي بزعيق:اطلعي برة …براااااه
طلعت ليلي تجري من عند علي ونزلت ل الاء وكانت مفطورة من العييط بتعييط علي ال حصلها وعلي حبيبها ال سابها ولا حياتها ال اتدمرت
الاء:ايه ياليلي اهدي ياحبيبتي انا هخلي يوسف يكلمه
ليلي:لا خلاص علي راح مني ياالاء
عدي وقت طويل والفرح خلص واهل ليلي رجو البيت ومستغربين من ليلي ال رفضت تحضر الفرح وعلي طول حابسه نفسها في اوضتها ورافضه تكلم اي حد واخدت اجازة من شغلها ومش مبطله عياط ودخلوا ليها اهلها يكلموها ويفهمو هي بتعمل في نفسها كدة ليه
الحاجه كوثر:مالك ياليلي احوالك مش عجباني
ماهر:فيكي ايه ياليلي انتي بقيتي واحدة تانيه خالص
الحاج مصطفي:مالك ياحبيبتي انتي دبلانه خالص ليه كدة
ليلي بصوت مبحوح:انا وعلي سيبنا بعض
الحاج كوثر شهقت:يالهوي ليه كدة يابنتي
ماهر:بتقولي ايه دة كان عاوز يكتب الكتاب اول مانرجع ايه ال حصل
الحاج مصطفي:ايه ال حصل ياليلي فهميني
ليلي بأنفعال بدأ يظهر عليها:سيبنا بعض …سيبنا بعض مبتفهموش ليه خلاص مش مرتاحين مع بعض
ماهر:ايوة يعني ايه ال حصل علشان تسيبو بعض
ليلي بصراخ:محصلش محصلش
ماهر:وطي صوتك متصرخيش
بدأت ليلي تكسر في كل حاجه تقابلها في الاوضه وتصرخ ومسكت كل ال علي التسريحه ورمته في الارض وكسرت المرايه بأيدها واتعورت جامد وبدأت تنزف دم وكلهم حاولو يهدوها لكن ال جواها كان اكبر بكتير من اي غضب في الدنيا وبباها حضنها وفي ثواني اغمي عليها واخدوها وطلعو لااققرب مستشفي وبعد فترة طلعلهم دكتور
الدكتور:عندها انهيار عصبي حاد وصعب نتعامل معاها الوقتي انا اديتها حقن مهدئه وهتفضل نايمه وهنتابعها هنا شويه هو ايه ال وصلها لكدة الحاله صعبه جدا
الحاج مصطفي:ابدا والله يادكتور كنا بتكلم معاها براحه فجأة بدأت تصرخ وتكسر في الدنيا
الدكتور:يااستاذ دة زعل متراكم وادي لانهيار بنيتها النفسيه
ماهر:هي هتبقي كويسه يادكتور
دكتور:انشاء الله
عند علي في بيته كان بيطلع كل غضبه في الرياضه لحد ماجسمه كله كان عرقان وكان في قمه عصبيته وبيفكر في كلام ليلي
-ممكن بجد تكون مظلومه وانا فهمت غلط ذي ماقالت
-هتفهم ايه غلط ياعلي واحدة نايمه بقميص نوم في حضن واحد ايه ال يتفهم غلط
-طب ليه هي مطفيه كدة
-ممكن تكون زعلانه انك كشفت حقيقتها
-وايه ال يخليها تعمل كدة لا اكيد في حاجه غلط ليلي عمرها متعمل كدة
-واهي عملت هتفضل علي طول غبي ومشاعرك غلباك فوق بقي كلهم نفس النوع هي ومني وكل الستات واحد بس ليلي طلعت اصعب من مني بكتيييير ….
دخلت عليه مامته
الحاجه منال:ارحم نفسك بقي ياعلي هتفضل كدة كتير حرام عليك
علي:سبيني الوقتي ياماما لو سمحتي
الحاجه منال:ياحبيبي نفسي اعرف مالك بتعذب نفسك ليه وليلي مختفيه فين وسيباك بحالتك دي
علي بعصبية:مش عاوز اسمع اسمها تاني ارحموني بقي
الحاجه منال:ليه ياحبيبي كدة دة اكيد شيطان ودخل مابينكو
علي:خلاص مبقتش تلزمني انا كرهت صنف الحريم كله ومتتكلميش كتير في الموضوع دة ياماما خلاص انتهت
الحاجه منال بيأس:ال يريحك ياعلي
سابته الحاجه منال وخرجت وقابلتها نهي ال كانت مستنياها برة أوضه الجيم
نهي:عملتي ايه يامامي
الحاجه منال:سابو بعض يانهي ومعرفش ليه قلبي واجعني علي اخوكي اوي
نهي:ليلي كمان تليفونها مقفول من كام يوم
الحاجه منال:انا لازم اعرف ايه الحكايه
نهي:ايه رايك لو نروح لبيت ليلي نفهم منها الموضوع ممكن نقدر نصلح مابينهم
الحاجه منال:عندك حق البسي يلا وتعالي ننزل
نهي:طب هنقولهم ايه يامامي
الحاجه منال:هننزل نشتريلك هدوم جديدة يلا اخلصي بسرعه
عند ليلي في المستشفي
حسام:انا لازم اروح لعلي افهم منه في ايه انا قلقان عليها اوي
ماهر:وانا هاجي معاك
سلمي:لا خليك انت ياماهر احنا محتاجينك هنا علشان عمي مصطفي يروح يرتاح شويه
الاء:ياجماعه روحو كلكو وانا جمبها
الحاجه كوثر:انا هبات معاها وانتو كل واحد يشوف مصالحه متقلقوش علينا
حسام:طب انا هروح لعلي بعد اذنكو
نزل حسام وبعدها بفترة وصلت الحاجه منال ونهي
الحاجه منال:السلام عليكم ياجماعه خير ليلي مالها
نهي:ليلي كويسه ياطنط هي فين
الحاجه كوثر:اهلا يا منال تعالي يانهي انتو عرفتو اننا هنا اذاي
نهي:روحنا البيت وفضلنا نخبط كتير محدش رد سألنا الجيران قالولنا ان ليلي تعبت امبارح وقالولنا عنوان المستشفي
الحاجه كوثر بدموع بتلمع في عنيها:ليلي بتروح مني يامنال
الحاجه منال:متقوليش كدة ياكوثر ليلي هتبقي ذي الفل متقلقيش عليها هو الدكتور قال عندها ايه
الاء:انهيار عصبي حاد وحالتها مش مستقرة
الحاجه منال:ياحبيبتي يابنتي
نهي:ممكن اشوفها
الاء:هي نايمه الوقتي لو تحبي تعالي نطمن عليها من بعيد
دخلو يطمنو علي ليلي وكانت نعسانه مش حاسه بأي حاجه حواليها بفعل المهدئات بس نهي ومامتها زعلو اوي علي منظر ليلي وحالتها وفضلو شويه وبعدين استأذنو اما حسام فوصل لمكان شغل علي وسأل علي مكتبه لحد ما وصل ليه وخبط عليه الباب ودخل
علي:حسام بتعمل ايه هنا؟!