رواية من نظرة حب الفصل العشرون 20 بقلم الكاتبة الصغيرة
رواية من نظرة حب الجزء العشرون
رواية من نظرة حب البارت العشرون
رواية من نظرة حب الحلقة العشرون
خرج الدكتور من العمليات واول ما شافوه راحوا له بسرعه وهم قلقانين على مالك
زين : في ايه ي دكتور اللي حصل
الدكتور : الحمد لله العمليه نجحت وقدرنا ننقذه
مكه بفرحه : يعني هو دلوقتي بقى كويس
الدكتور : بقى كويس
حمزه : نقدر نشوفه
الدكتور : حاليا لا لانه هيفضل تحت الملاحظه ومش مسموح بالزياره دلوقتي
مشي الدكتور سابهم وهم فرحانين شويه افتكر حمزه ثريا وانهم كذبوا عليها
حمزه : انا لازم اتصل بخالتي ثريا
مكه : صح احنا لازم نتصل بيها لان احنا لو معملنهاش هتقلق علينا
حمزه : تمام انا هروح اتصل بيها وانتم استنوا هنا لحد ما اجي
🥀🥀🥀🥀🥀🥀🥀🥀🥀🥀🥀🥀🥀🥀🥀
في الجانب الثاني في القصر كانوا ثريا قاعده وخايفه من ظهور ماجد فجاه لحد ما قاطعها صوت رنه التليفون ردت وكان حمزه
ثريا : في ايه يا حمزه انت مش متعود انك تتصل بيا دلوقت
حمزه : احنا في المستشفى
ثريا : ليه ايه اللي حصل
حمزه مالك اتصاوب وجيبناه المستشفى واحنا دلوقتي هناك
ثريا : وهو عامل ابه دلوقتي طمني ي حمزة
حمزه : هو كويس دلوقتي الدكتور طمني عليه
ثريا : مسافه السكه وجايه
طلعت ثريا بسرعه وخلت السواق يركب العربيه واخدها المستشفى بسرعه
🥀🥀🥀🥀🥀🥀🥀🥀🥀🥀🥀🥀🥀🥀🥀
في الحاره الشعبيه كانت نسمه في السوق وسمعت كلام نسوان بيتكلموا وراها
المرأه الاولى : شوفي يا اختي ماشيه اكنها ملاك ولا كإنها عامله حاجه
ردت عليها الثانيه : صحيح ياما تحت السواهي دواهي
نسمه بصت لهم وقالت : جرايا ايه ي وليه منك ليها انت بتتكلموا عن ايه
واحده منهم : متعرفيش بنتكلم عن ايه ما الحاره كلها عارفه عن الرجاله اللي بتيجي توصلك كل ليله متاخر
نسمه : قطع لسانك ولسان اللي يقول عليا كلمه وسخه
واحده ردت عليها : مش احنا اللي بنقول كده الناس هم اللي بيقولوا احنا سامعين
نسمه لا ي حلوه منك ليها انا بعلي صوتي عشان الكل يسمع انا اشرف من اي واحده فيكم كلكم واللي يقول عليه كلمه وحشه اقطعله لسانه انتوا عارفيني ان مبسيبش حقي واللي قال الكلام ده هيتحاسب وانا عارفه هو مين ولو على الرجاله اللي بتيجي توصلني كل ليله فانا بشتغل وشغل شريف واللي بيته من قزاز ميحدفش الناس بالطوب ولو سمعت حد بيقول عليا كلمه تانيه انا مش هقدر امسك نفسي وهزعله
جالها الرد : هو احنا اللي بنقول مش احنا اللي بنقول
نسمه : انا عارفه مين اللي قايل ومطلع الكلام ده وهيندم ومش هسكتله جاتكم القرف حارة عمرها ما هتنضف ابدا
سابتهم نسمة ودخلت العمارة دخلت بيتها واول مادخلت دموعها نزلت علي الظلم اللي هي بتتعرضله جات ملك لها بسرعة واول ما شافتها بتعيط راحت لها بسرعة وحضنتها
ملك : مالك ي حبيبتي بتعيطي ليه فيكي ايه
نسمة : انا زهقت ي ملك مبقتش قادرة
ملك : ايه اللي حصل
نسمة : انا استحملت كتير اوي من صغري وقت ما كانوا العيال اللي في سني بيلعبوا انا كنت بشتغل عشان اقدر اصرف علينا استحملت الكلام اللي كان دايما بيتقالي وكنت بسكت واستحملت نظرة الناس ليا وقولت انا ميهمنيش لاني مبعملش حاجة غلط بس لحد هنا ومش هتحمل انهم يتهموني في شرفي انا مش هسكت
ملك : اهدي ي نسمة انا مش متعودة عليكي كدة
نسمة : انا بوضح للكل اني قوية ومحدش يقدرلي بس جوايا طفلة نفسها ان حد يحضنها ويطمنها انه جمبها ومش هيسيبها وان كل حاجة هتبقي كويسة
ملك : في ايه ي نسمة انتي عاوزة تزعليني يعني انا مش جمبك دايما انا مش مكفياكي انتي مش بتحبيني
نسمة : اوعي تقولي كدة انتي بنتي واختي وبنت عمي وكل حاجة بقيالي مقدرش اخسرك ولا ازعلك ابدا
ملك : لو مش عاوزة تزعليني فعلا قومي واضحكي انتي نسيتي ان انا خلاص هتخطب انتي مش فرحانة ليا والا ايه
نسمة : متعرفيش انا فرحانة قد ايه
ملك : طيب قومي بقي واعمليلنا شوية شربات من ايدك الحلوة دي
نسمة : تعالي نعمله احنا الاتنين
دخلوا هما الاتنين المطبخ وملك قدرت تخرج نسمة من حزنها ولو حتي لوقت صغير
🥀🥀🥀🥀🥀🥀🥀🥀🥀🥀🥀🥀🥀🥀🥀
في المستشفي وصلت ثريا ودخلت بسرعة وهي مرعوبة علي ابنها شافت زين ومكة وحمزة واقفين راحت لهم بسرعة
ثريا : فين ابني
مكة : اهدي ي ماما الدكتور قال انه كويس
ثريا : انا عاوزة اشوفه
زين : مش هينفع ممنوع الزيارة
ثريا : ولو هو كويس ممنوع الزيارة ليه
حمزة : اهدي ي خالتي الدكتور قال انه كويس بس هيفضل تحت الملاحظة ومش هينفع حد يدخله في الوقت دا
ثريا : وهو انا كنت ناقصة مش مكفيني المصيبة اللي ظهرت
مكة : مصيبة ايه ي ماما
ثريا : ……….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية من نظرة حب)
