رواية من نظرة حب الفصل السادس 6 بقلم الكاتبة الصغيرة

رواية من نظرة حب الجزء السادس

رواية من نظرة حب البارت السادس

رواية من نظرة حب الحلقة السادسة

عدي الوقت وكان الكل متجمع علي السفرة الكل والكل منبهر من طعم الاكل
مالك : الاكل طعمه تحفه اوي مين اللي طبخه
ثريا : نسمة الشغالة الجديدة وطبخت النهاردة والاكل دا من ايدها
مكة : والنبي ي ماما ما تخلي حد غيرها يطبخ بعد كدة
ثريا : ياه للدرجة دي الاكل عجبكم
زين : واكتر كمان اخيرا الواحد هياكل اكل عدل
انس : انا عاوز اشوفها والنبي
ثريا : وعاوز ليه بقي
انس : عشان اشوفها حلوة زي مس ملك واللا لا
زين اول ما سمع اسمها اتخيلها قدامه وابتسم لكن رجع للواقع قبل ما حد ياخد باله
ثريا : ماشي ي لمض هخليها تيجي ي نسمة ي نسمة
جات نسمة بسرعة وهي خايفة ليكون الاكل معجبهمش وقفت جمب ثريا والكل كان باصص ليها باعجاب لانها فعلا كانت جميلة اوي
مالك في سره وهو باصصلها : سبحان الله دي مش بني آدمة دي ملاك وبعدين ازاي دي تشتغل خدامة
انس : دي حلوة اوي زي مس ملك
اول ما سمعت نسمة كلامه اتكسفت اوي ووشها احمر ومالك انتبه لدا ودا زاد اعجابه بها
نسمة : تؤمريني بحاجة ي ست ثريا
ثريا : لا ي حبيبتي
نسمة : طب استاذنك اني امشي بعد ما اشيل الاكل
ثريا : اه فكرتيني تمام تقدري تمشي وبدرية هتبقي تكمل
نسمة : تشكري ي ست هانم وانا باذن الله هاجي بكرة بدري
مشيت نسمة وهما كملوا اكل لحد ما جه لمكة رسالة من الرقم
الرسالة (بالهنا والشفا ي حبيبتي)
اول ما شافت الرسالة قامت بسرعة ودا اللي خلاهم يستغربوا
مكة : الحمدلله خلصت انا هطلع فوق
ثريا : ي بنتي انتي مكلتيش حاجة
مكة : انا شبعت وعاوزة اطلع انام يلا تصبحوا علي خير
طلعت جري علي الاوضة وهما قاعدين مستغربين من حركاتها
مالك : البت دي فيها حاجة متغيرة الايام دي
🥀🥀🥀🥀🥀🥀🥀🥀🥀🥀🥀🥀🥀🥀🥀
في الاوضة كانت مكة ماسكة التليفون وهي مبسوطة لان في حد مهتم بها للدرجة دي ولانها عمرها ما حبت قبل كدة جاتلها رسالة
الرسالة : (ها عملتي ايه في الجامعة النهاردة)
مكة : انا عاوزة اعرف انت مين وعاوز مني ايه
الرسالة (هتعرفي انا مين في الوقت المناسب ولو علي بعمل كدة ليه فانا قولتلك قبل كدة معجب بيكي وبحبك اوي وحابب اشارك معاكي حياتك فلو تسمحيلي بكدة)
مكة : انا مش عارفة اقول ايه انا عمري ما حصلي كدة
الرسالة (انا مش عاوزك تقولي حاجة المهم اني اكون شايفك قدام عيني واكلمك دا عندي بالدنيا)
🥀🥀🥀🥀🥀🥀🥀🥀🥀🥀🥀🥀🥀🥀🥀
تحت خلصوا كلهم اكل ونسمة وبدرية شالوا الصحون ونسمة طلعت برة القصر وكانت لسة هتوقف تاكسي لكن قاطعها صوت من وراها
مالك : مش هتلاقي تاكسي دلوقتي ابدا
نسمة بخضة : مش تكح او تعمل صوت طربتني ي اخويا
مالك : بتقولي ايه
نسمة : ها بقول اومال هروح ازاي
مالك : لو تسمحي هوصلك انا بعربيتي
نسمة : لا مش هينفع اني اركب معاك
مالك : متقلقيش مس هخطفك
نسمة : انا مقصدش بس مينفعش اركب العربية مع واحد غريب
مالك : انا عامل كل دا عشانك لانك مش هتلاقي مواصلات في الوقت دا وخصوصا هنا فاتفضلي معايا وانا هوصلك
نسمة : بس يعني
مالك : مبسش استنيني هنا دقيقة هجيب العربية وآجي
راح مالك يجيب العربية ونسمة كانت متوترة لانها عمرها ما ركبت العربية مع حد غريب جه مالك بالعربية ووقف قدامها
مالك : اتفضلي يلا اركبي
ركبت نسمة في العربية ورا وهو اتفهم حركتها وانها خايفة وفضل السكوت عدي الوقت وكان السكون سيد المكان
نسمة : بس نزلني هنا
مالك : هو بيتك هنا
نسمة : لا هو في الشارع اللي وراه
مالك : طب ليه هتنزلي هنا
نسمة : لان مينفعش توصلني وحد يشوفني راكبة معاك وخصوصا في الوقت دا
مالك : اه تمام خلاص انزلي انتي
نسمة : شكرا علي التوصيلة
مالك : ولا يهمك
🥀🥀🥀🥀🥀🥀🥀🥀🥀🥀🥀🥀🥀🥀🥀
نزلت نسمة من العربية ومشيت بسرعة وهي خايفة ان حد يشوفها ولان الناس علي ما بتصدق تعرف حاجة عن حد عشان يتكلموا فيها وصلت نسمة للحارة وكانت لسة هتدخل العمارة المتهالكة اللي عايشة فيها لكن ظهر فجاة شخص
_ الله الله هي الحلوة كانت فين لحد دلوقتي
نسمة : بقولك ايه ي حودة انت تبعد عن وشي الساعة دي
حودة : كنتي فين ي نسمة لحد دلوقتي وجاية بتتلفتي ليه زي الحرامية
نسمة : بقولك ايه انا مش طايقة نفسي ومش حمل الاسئلة دي وياريت تتفضل تروح بيتك وانت ملكش كلمة عليا كلامك تمشيه علي مراتاتك مش عليا انا
حودة : نسمة انتي تحترمي نفسك وتعرفي انتي بتقولي ايه وبتتكلمي مع مين
نسمة : لا ي واد انا كدة كشيت وخوفت قسما بالله لو مابعدت عن وشي لاكون قلة احترامك وقدام كل الحارة وانت عارف ان مش هيهمني اي حد واي حد هيفتح بقه هقطع لسانه وهخليه ميتكلمش بقية حياته
حودة : يعني دا اخر الكلام
نسمة : اه ومعنديش غيره واتفضل من غير مطرود عاوزة اطلع استريح
طلعت نسمة وسابته وهو ناوي علي شر
حودة : ماشي ي نسمة ي انا ي انتي وهتشوفي اني هندمك علي كل كلمة قولتيها وهخليكي تيجي تبوسي تراب جزمتي عشان اوافق اني اتجوزك ووقتها هاخد حقي