رواية من انا الفصل الأول 1 بقلم سحر حسين
رواية من انا الجزء الأول
رواية من انا البارت الأول
رواية من انا الحلقة الأولى
من انا السؤال ده بيجي على دماغي كتير قوي وللاسف مش باقي له اجابه دايما بحس نفسي مش موجود في الدنيا دي بحسي نفسي وحيد مع ان عندي ناس كثيره قوي مش عارف ليه بيجي لي احساس اني في غربه كان البلد دي مش بلدي العالم ده مش العالم بتاعي الناس مش هي الناس اللي المفروض اتعامل معاها دايما كنت حاسس اني ما ليش مكان هنا اتولدت في مكان غريب او مكاني مش هنا ومع ذلك ما كنتش ببين خالص الاحساس ده بخليه دايما جوايا ما هي الناس برده مش ذنبها تحس باللي انا فيه من صغري وانا دايما الناس بتتعامل معايا على اني مش موجود ما كانش عندي صحاب في المدرسه كنت بفضل قاعد في الفصل مش بعمل حاجه مش بعمل اي حاجه غير ان انا بمسك كتاب واقعد اقرا فيه بحب القرايه من صغري اللي حببني فيها جدي كنت عايش معاه امي وابويا منفصلين والاثنين سابوني لجدو وكل واحد راح يعيش حياته بعيد عن التاني بس الغريب ان محدش افتكرني وما حدش يهتم به ما حدش بيسال عليا كاني مش ابنها مش عارف ليه في الغلط اللي انا عملته طفل زيي في اعدادي ايه الغلط اللي عمله انا دايما عايش مع جدي جدي كان من النوع اللي بيحب القريه جدا هو الوحيد اللي كان بيهتم بيا وبيهتم بكل حاجه فيه لما كانت بتحصل مشكله عندي في المدرسه كانت المدرسه تقول لي احنا عايزين ولي امرك كنت اروح واجيب لهم جدي اهو ابويا وامي ما عنديش ما عنديش حد غيره كانت دايما العيال في المدرسه بيتنمروا عليا قول لي قول لي ابوك سابك وامك مش عايزاك يعني كلام من ده كتير وللاسف ان الكلام لو فضل معايا عمري كله وانت شخص عدواني جدا كنت بعت اتخانق مع كل واحد شويه كنت بجيب مشاكل كثيره جدا من كتر الناس ما كانت بتتنمر عليا وكان هيقعدوا يقولوا لي اهلك مش عايزينك وبكره كمان جدك يخلص منك انا عندي شعور ان جدي هيخلص مني ده مش عارف انا اخلص من الشعور ده وقلت عادي اشمعنا هو امي وابويا خلص وسابوني ومشيوا ما حدش فيهم كان بيسال لا عليا ولا على جدي كان انا فعلا مش موجودين في الدنيا دي وفي يوم من الايام كنت في المدرسه واتخانقت في ميه كبيره قوي درجه ان المديره قالت ايه لو مامتك ما جتش معاك ما تجيش المدرسه دي تاني روحت البيت وانا منهار من العياط كنت بتخانق مع جدي هي فين امي ليه سابتني ومش هو انا مش ابنها هو فين ابويا ليه سابني ومشي ليه جدي كان قاعد على كرسي المكتب كان مدي للباب ظهره وسايبني عمال اتكلم واتخانق واكسر في كل حته ما كانش بيرد عليا لحد ما رحت لفت الكرسي ولقيته مرجعه راس لورا ونايم وحاطط كتاب على رجله والنظاره على الكتاب انا فعلا كنت فاكره نايم قعدت اصحي فيه وهز فيه قوم رد عليا لو هم ما كانوش بيحبوا بعض يتجوزوا ليه اصلا جابوني الدنيا دي ليا وليه سايبيني وسايبينك لوحدك رد عليا رد في الاخر جدي ما ردش عليا ما لقيتش نفسي غير وانا طالع اجري عند الجيران عشان اقول لهم الحقوا جدي فين وفين لما حد من الجيران رد عليا وقوم جري عشان يشوفوا جدي وفعلا خدوا وجدي ودوه المستشفى ولقوا ان جدي توفي .
كنت مصدومه وفي نفس الوقت مش عارف اعمل ايه ما كنتش عارف اتصرف اول مره في حياتي اتحط في موقف زي ده ايه الجيران وقفت جنبي لحد ما اخذت جدي ودفناه وكل واحد من الجيران يقول لي شوف ابوك فين وامك فين ويروح لهم يا ابني ابقى لكش حد خالص في الدنيا ده غيرهم حاولت بكل الطرق اوصل لحد من اهلي ابويا وامي اي حد ما عرفتش فقدت الامل دخلت شقتي وقفلت على نفسي بابي اللي هي نفس شقه جدي ما احنا كنا عايشين مع بعض في شقه واحده دخلت المكتب بتاعه لقيت كل حاجه حواليا كتب عباره عن كتب وبس مسكت الكتاب اللي كان بيقرا فيه وفضلت اقرا فيه لحد اما نمت وانا ماسك الكتاب صحيت ثاني يوم على الجرس المدرسه قمت سبت الكتاب ودخلت لبست هدومي واخذت بعضيها ومشيت رحت المدرسه لقيت المدرسه مديره المدرسه بيعزوني وبيقولوا لي ان الاستاذ يحيى كان شخص عزيز عليهم قوي جدي يعني خدتني المديره على المكتب .
وقالت : لي لو عايزني اساعدك ان انت توصل لمامتك انا هعرف اساعدك .
مش عارف ليه لما قالت لي كده ما فرحتش ساعتها رديت عليها وقلت لها لا مش عايزه اعرف عنها حاجه هي سابتني وسابت ابوها ومشيت ابوها توفى ما هانش عليها تسال عليه ولا تسال علي هي راحت تعيش حياته وانا كمان هعيش حياتي هعمل بكلام جدي ليا لما قال لي عيش لنفسك ما تعيش عشان حد ما حدش في الدنيا دي بينفع حد لاب ولا ام ولا ده للاسف جدا اهو مات و سابني لوحدي بعد اذن حضرتك عشان عندي حصه .
اخذت بعدي وطلعت من المكتب رحت الفصل وركزت في دروسي ما كانش يهمني اي حاجه تاني غير دروسي ما عنديش الا هي اصلا وجدي الله يرحمه كان سايب لي كتب كثير جدا وكان سايب لي رساله مكتوب فيها وصيته .
لما روحت دخلت المكتب بتاعي ومسكت الوصيه وقريتها لقيته كاتب لي فيها عشان تلاقي ورثك وتنجح في دنيتك لازم تقرا كل الكتب اللي انا سايبها لك دي معقوله اقعد اقرا كل ده وخصص لي منهم ثلاث كتب قال لي لو قريت الثلاث كتب دول هتلاقي الكنز اللي هيعيشك ملك وسط الناس ناس مين يا جد كنت عايش انا وانت بس في الدنيا وانت سبتني ورحت وبقيت عايش لوحدي ناس مين اللي ممكن تهتم بيه بعد ما اقرا الكتب بتاعتك دي يا جدي الله يرحمك يا جدي عشت وسط الكتب ومت وسط الكتب المهم سبت الوصيه ما اهتمتش ليه وركزت في دراستي كنت بروح دروسي وبصرف من الفلوس بتاعه جدي اه جدي كان كاتب لي فلوس الغريبه ان في الوصيه دي ما جابش سيره امي ولا ابويا ولا جاب سيره اي حد من اهله كاني فعلا ما ليش حد غيره هو وبس فضلت كده لحد ما خلصت اعدادي والحمد لله كانت الكل يعني زمايلي والمدرسين ومديره المدرسه قالوا ان اللي حصل لي في دنيتي ده كبرك بسرعه وخليك تحمل مسؤوليه اه بدري بس برده دي حاجه كويسه مش وحشه حاجه كويسه في نظرهم هم انما انا لا مش حلو مش حلو خالص انك تعيش في الدنيا وتحس انك ملكش لازمه ما حدش عايزك اصلا مش فاهمه ومش عارف الحلوه في كده المهم كان من نصيب جدي اني ادخل ثانويه عامه كان نفسي يشوفني دكتور بس دكتور في علم النفس انا نفسي مش فاهم حاجه ده انا بدور على نفسي في الدنيا يا جدي ابقى انا دكتور علم نفسي مره واحده ما علينا المهم اهتميت بدراستي ودخلت فعلا ثانويه عامه وكنت بقعد اقرا في الكتب اللي سايبه كان معظم الكتب اللي سايبها بتتكلم عن علم النفس وازاي تتعرف عن نفسك وازاي تكتشف النفس اللي جوه نفسك انا وقفت قدام الجمله دي وقفت قدام الكتاب ده وما فهمتش حاجه نفسي جوه نفسي يعني انا صح انا صح لما بسال نفسي هو انا مين كنت دايما حاسس ان في حد ثاني كنت دايما حاسس ان انا مش واحد حتى في تفكيري لما كنت قاعده افكر مش عارفه ليه بفكر في تفكير شخصين مش شخص واحد بدات اعرف الكتاب ده واحده واحده هو الكتاب كبير شويه مش بس اقرا فيه بتاعت اعمل سيرش على النت عشان ابدا افهم يعني ايه نفسي جوه نفسي هو البني ادم عنده كم نفس هل هي نفس واحده جوه نفسي ولا كم نفس طيب لو انا عندي نفس ثانيه هل برده شايفه نفسها ضعيفه ولا لا بس هو علينا هو الموضوع يلخبط شويه بس اللي خليني اتاكد اللي جوه كل واحد فينا نفسه تانيه غير نفسه .
وده اللي خلاني اهتمي الموضوع علم النفس قوي وكنت عايزه افهم هو ليه جدي خصصني في الموضوع ده بالذات وكان عايزني اهتم اول موضوع علم النفس ده كان معظم الكتب اللي عنده في المكتب بتتكلم عن علم النفس وعالم نفس الثانيه وعن حاجات كده غريبه ما كنتش فاهم حاجه وحتى كلام جديه كان بيتكلم امال دور على نفسك ما تدورش على الناس الناس ملهاش لازمه مش هتنفعك في يوم من الايام انما نفسك اللي جواك هي اللي هتنفعك وبس حاول تدور على نفسك عشان بس مش هتنفع نفسك ده انت هتنفع بيها غيرك كان بيتكلم كلام كبير مش فاهمه بس كان كل كلمه كان بيقولها لي كان مكتوبه في الكتب دي لحد اما حسيت ان هو اللي كاتب الكتب دي عشان بس اقراها اهتميت شويه بالموضوع وقعدت اقرا واقرا واهتم كمان بدراستي وللاسف لما كنت بروح لاي حد واقول له عايزه اشتغل كان يرفض انه يشغل كان شايفني طالب عيل يعني مين هيشغل عيل عنده لحد فين وفين لما نزلت دورت على شغل ولقيت حد شغلني عنده في المطعم جرسون يعني بس مش مشكله اهي شغلنا اصرف بيها على نفسي عشان اقدر احقق حلم جدي واكون دكتور في علم النفس بقى في غيره المهم ان يكون دكتور وخلاص بس اكيد جدي كان سايب لي حاجه ثانيه غير الكتب دي ما هو مش معقوله يعني الورث سايبه لي هي الكتب كنت بحب القرايه بس مش لدرجه ان يبقى عندي كل الكتب دي طلع في دماغي انزل ابيعهم بس مش عارف ليه لما قلت الكلمه دي جوه نفسي حسيت ان في حاجه غلط بتحصل لي حسيت اني بقيت حزين لحظه وزعلت جدا قلت بس كده نفس اللي جوه نفسي اللي قال لي عليها جدي ديت زعلت اني هبيع الكتب قلت خلاص خلي الكتب وفضلت الكتب في المكتب وكنت بقرا فيها كل فتره والثانيه واحيانا كنت باخد كتب معايا الشغل بقرا فيها وقت ما اكون برتاح يعني .
في كتاب تاني كان ممكن من ضمن الكتب بتاعه جدي اسمه من انا استغربت جدا يعني ايه من انا مش فاهم حاجه بدات تقرا في واحده واحده وحسيت انه بيحكي قصتي اتكلم عن الوحده وان شخص تايه في الدنيا مش لاقي نفسه كميه البؤس .
ما كنتش بحب اقرب من حد ولا حد يقرب مني حتى في شغلي مش عارف ليه لما كان زمايلي بيجي يتكلموا معايا ما كنتش بتكلم كثير ممكن اصلا عشان ما فيش حد في حياتك اتكلم معايا ايه لحد برده مكانه بيتنمروا عليا وبيقولوا عليا رخم وكئيب بلاش ده ابعدوا عنه كانوا بيقولوا عليا حاجات كثيره جدا وطلع عليا لقب ابن الكتاب عشان يعني كان معايا الكتب معظم الوقت ولا قال عليا فيلسوف وقالوا عليا كلام كثير جدا وطلعه عليا القاب بس عادي ما كانش بيفرق معايا كلامهم واخد على كده من شغلي واحد كاره الدنيا و كاره حياته خدت بعض وروحت بيتنا ورحت على المكتب وقعدت على الكرسي بتاع جدي ومسكت الكتاب ولسه بكره حسيت ان في حاجه غلط تحت الكرسي بتاع جدي سبت الكتاب وقمت شلت الكرسي وشلت السجاده اللي كانت تحت الكرسي واكتشفت حاجه مهمه جدا .
***************
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من انا)
