رواية ملكي الفصل الرابع 4 بقلم مي الحسيني

رواية ملكي البارت الرابع

رواية ملكي الجزء الرابع

رواية ملكي الحلقة الرابعة

خرج يوسف واصر فهد على ايصاله عند الباب على الأقل كانت تقف ملك عند المطبخ رأها فهد وهو يدلف الى غرفته
فهد: تعالى تعاليلى تعالي
=ايه أنا عملت ايه مش أنت اللي قولت مش البس الحجاب فى البيت
-بس مقولتش تدخلى ذي الهبله من غير ما تعرفي فى حد جوه ولا لا
=ماهو عمو قالى أن طنط جوه مقالش أن فى حد تاني معاها
-طيب ياختي مش تكرر تاني سامعه
=اكيد طبعا أنا هروح اعملك الأكل علشان العلاج اللى بعده
-لا مش عاوز
=هو ايه اللى مش عاوز مش بمزاجك هو
-لا والله
=اه والله قالتها ودلفت الى المطبخ لتعد الطعام
بعد فترة جهزت ملك الطعام وذهبت الى فهد الذي كان ينام على الفراش
ملك: فهد يا فهد اصحي
-ايه يا لوكه عاوزه ايه
=اصحي اتغدا علشان تاخد العلاج
-مش عاوز لما اصحى
=يا أبني اصحى النوم مش هيطير قالتها وهى تسحب الغطاء من عليه
-ايه يا لوكه فى ايه
=ياختتتتى أنت نايم من غير تيشرت قالتها وهى تدير وجهها الجهه الاخرى
-ههههههه ايه يا بنتي اعدلى وشك مافيش حاجه عادي
=عادي ايه عيب كده يا فهد البس يلا
-انتي حافظه مش فاهمه أنا جوزك عادي يا هبله قالها وهو يرتدي التيشيرت ليكمل حديثه قائلا: خلاص لبست لفى وشك
=بجد
-هههههه اه والله
جلست بجوار قائله:طيب يلا كل بقى
-أنتي اكلتي
=اه كل بقى أنا عارفه أنت مش عاوز تاكل علشان مش تاخد العلاج صح
-ليه هو أنا ملك
=ايش تقصد ها ايش تقصد
-هههه ولا حاجه يا غاليه بس أنا عارف انك ماكلتيش حاجه من امبارح أنتي نمتي من غير ما تاكي ودلوقتي صحيتي وجيبتي على طول أنا عارف
=أنت بترقبني يا حضرة الظابط ولا ايه
-مش براقب ولا حاجه بطمن عليكي بس
=طيب يلا كل
-ناكل مع بعض
=لا مش عاوزه
-وانا قولت هتاكلى
=وأنا قولت لا
-لا والله بقى فى كلام بيتقال بعد كلامي
=احم احم لا خلاص مافيش حاجه
-ايوه كده اتعدلى
انهوا الطعام وأخذ فهد الأدوية ونام بسببها
ــــ فى المساء حضر مجموعة من الضباط ألى منزل فهد للاطمئنان عليه وفضلوا الجلوس في حديقة المنزل كان مشغول فهد فى الحديث مع القائد
عندما دلفت ملك التى كانت فى دار تحفيظ القرآن الى المنزل رائها أحد الموجودين
~ شايف المزه اللى داخله دي قالها لصديقه الذي يجلس بجواره
•ولا اسكت خالص العماره دي كلها بتاعت فهد وأبوه يعني اكيد البنت دي تبعه
~ هو أنا غلط ماهى البت بطل
اجابه يوسف الذي سمع الحديث:اتنيل واسكت منك ليه علشان دي مراته
•كمان مراته ده أنت تبلع لسانك ده خالص أنت متعرفش فهد لما يتحول
~انا فكرها قربته ولا حاجه مش درجة مراته الطيب احسن
فهد:ايه يا شباب قاعدين بعيد ليه مشتركونا الكلام
~لا ولا حاجه يا غالي اخبارك أنت
-والله الحمد لله بخير
~يارب دايما
القائد:طيب يلا يا شباب نسيب فهد يرتاح
فهد: لسه بدري والله أنا الحمدلله مش تعبان ولا حاجه
~مره تاني بقى يا غالي فى الفرح بإذن الله
فهد: أن شاء الله يا حبيبي
ذهب الجميع وصعد فهد الى ملك هو رآها وهى تدلف الى المنزل
فهد:مللللك مللللك
والدته: فى ايه يا حبيبي
-ملك فين يا امي
• طلعت شقتهم فوق
-طيب
صعد إلى الأعلى
-ملك فين يا عمتو
*جوه فى الاوضه
دلف الى الغرفه بعد أن أذنت له بدخول
ملك: فى ايه ملك مضايق كده ليه
-كنتي فين
=فى المقراءة
-مش أنا قولت مافيش خروج واحدك
=ايوه ده الكليه مقولتش المقراءة وبعدين أنا مقدرش اقصر فى الحفظ لأن خلاص كلها كام شهر واختم وكمان المقراءة قريبه من هنا مش بعيده
– المره دي تعدي ولكن اقسم بالله لو حصلت تاني ما هيحصل طيب وبعدين مقولتيش ليه انك خارجه
=ما أنت كنت نايم وأنا استأذنت من عمو
-والله أنا جوزك مش ابويا بعد كده أنا اللى اقول تخرجي ولا لا
=ما أنا طول عمري بستأذن من عمو قبل ما اخرج ايه الجديد يعني
– الجديد اللى أنتي بقيتي مراتي ده مش لافت نظرك
=…
-ما تردي القطه كلت لسانك
=مش هيحصل كده تاني قالتها وقد امتلأت عينيها بدموع
قطع حديثهم صوت عمتهم قائله: فهد فى ضيوف تحت عاوزينك
فهد:مين يا عمتو
~ خالتك وابنها وبنتها
-طيب نظر الى ملك ونزل الى الاسفل
دلف فهد الى المنزل والقى التحيه على الكل
°الف سلامه عليك يا فهد كده تخضنا عليك قالتها بنت خالته
-الله يسلمك يا نور اخبارك يا ذياد
~ بخير يا حبيبي اه صح الف مبارك عرفنا أن كتب كتابك أنت وملك
-الله يبارك فيكي يا غالي
• صحيح يا فهد كده مش تقول لحد احنا لسه عارفين من امك دلوقتي
-معلش يا خالتو كل حاجه جات بسرعه اكيد امي قالتلك
•عموما مبارك يا حبيبي ملك بنت حلال ومحترمه
°امال ملك فين مش هتيجي تسلم علينا ولا ايه
-معلش والله هى كانت فى مشوار وجات تعبانه ونامت قال لها كده علشان عارف أن ملك زعلانه واكيد بتبكي
°طيب
مر الوقت بين أحاديث كثيرة وتناوله العشاء معنا الى أن تاخر الوقت وغادروا
ــــ صعد فهد الى ملك فور ذهابهم
-عمتو ملك صاحيه
~لا نامت الساعه واحده يا حبيبي
-فعلا الوقت اتاخر هى اكلت قبل ما تنام
~لا اخر مره اكلت معاك الصبح انتوا اتخانقتوا
-حاجه ذي كده
~ براحه عليها يا حبيبي هى مش ناقصه
-حاضر
قالها وخرج من المنزل
فى اليوم التالي فى غرفة فهد
-هى ملك منزلتش يا امي ده العصر آذن
*لا أنت ديقتها صح
-حاجه ذي كده
*اذاي يعني حاجه ذي كده ولاَ، اسمع أنت ابني بس ملك حاجه تاني من اولها كده تزعلها والله والله يا فهد أطلقها منك وانسى انك أبني سامع
-ايه يا امي كلكم عليا خلاص هطلع اصالحها
*اتفضل يلا
صعد فهد الى ملك ودلف الى غرفتها
فهد: أنتي مدايقه
=لا
-طيب بصي فى عيوني كده
=…
رفع وجهها بيده قائلاً:وعيونك اللى كلها دموع دي
=لا مافيش دموع ولا حاجه
حوطها بدراعه السليم واخذها في حضنه قائلاً: أنا اسف على امبارح بس أنا اتعصبت من خوفى عليكي مش اكتر والله وغير كده أنا كنت متعصب بسبب قعده البيت دي انتي عارفه أنا بحب الحركه أنا اسف
=عارفه انك كنت خايف عليا بس أنا زعلت علشان اتعصبت عليا قالتها وهى تبكى لتكمل حديثها قائلة وكمان هونت عليك تسبني أنام زعلانه علشان بنت خالتك الصفرا
-هههههه
=بتضحك على ايه