رواية ملاك الجاسم الفصل الثاني 2 بقلم جهاد محمود

رواية ملاك الجاسم الجزء الثاني

رواية ملاك الجاسم البارت الثاني

رواية ملاك الجاسم الحلقة الثانية

كيان: ها يا دكتور طمني ماما مالها
الدكتور : سبق وحزرتكم ان الزعل والتوتر لها مش كويس لازم تفهموا انها مريضه قلب يعني اقل حاجه ممكن تأثر عليها بالسلب
كيان بحزن: تمام يا دكتور شكرا
الدكتور بحزن: هتخف متخفيش زهره بتكون مرات اغلي صديق عندي وهعالجها لو كلفني اييي
كيان: تسلم يا دكتور
الدكتور: ماشي يا كيان خدي بالك منها وفين مليكه
كيان بقلق: مش عارفه راحت الصبح الكليه ومرجعتش لحد الان عشان كده ماما تعبت
الدكتور: ازاي حد دلوك مجتش حاولتي ترني عليها
كيان: رنيت كتير بس هي مش بترد
فجأه زهره قامت مفزوعة وبتنده علي مليكه

زهره بصوت عالي وفزع: مليييييكه
كيان: ماما ماما اهدي في اييي
زهره ببكاء: بنتي فين بنتي مليكه فين
كيان معرفتش تقول اييي
الدكتور: اهدي يا ام مليكه متخفيش مليكه بخير وكلمت كيان وانتي نايمه
زهره : لا لا انت كداب قلبي مش مطمن اكيد مليكه حصل لها حاجه انا عايزه بنتي فين بنتي حرام عليكم وبقت تبكي
كيان: بالله عليكي يا ماما اهدي تعمليش في نفسك كده مليكه بخير وشويه وجايه متخفيش
زهره: لا لا انا عايزه بنتي دلوقتي هاتولي بنتيييي
الدكتور خاف عليها ف طلع حقنه مهدأ وأعطاها لزهره
الدكتور: كيان زهره مش لازم تصحي قبل رجوع مليكه انا اديت لها الحقنه دي وهتفضل نايمه لحد بكره الصبح لازم مليكه ترجع قبل بكره الصبح
كيان بحزن وبكاء: حاضر يا دكتور وشكرا لك مره تاني
الدكتور: متقوليش كده انتو زي بناتي وخلي بالك من مامتك متسبيهاش وحده
كيان: حاضر
الدكتور مشي وكيان فضلت جنب مامتها زي ما قال الدكتور
________________________________________________

في المستشفى
جاسم حس فجأه انه قلبه اتقبض
جاسم بقلق: ليه قلبي اتقبض مره وحده كده ربنا يستر
وهو قاعد لقي ممرضه طالعه من غرفه العمليات
جاسم: طمنيني المريضة كويسه
الممرضه بخوف منه: احم لسه مش عارفين الدكتور لسه مخلصش العمليه
جاسم : ماشي
في العمليات مليكه في الحلم
بابا مليكه: حاضر هاخدك معايا بس مفكرتيش في ماما ولا في كيان
مليكه بحزن: بس انا تعبت
بابا مليكه: طب مفكرتيش في عقاب ربنا راجعي نفسك يا بنتي لو انا اخدتك معايا ماما وكيان هيكون أجسام بدون روح بسبب قرار غلط اخدتيه
مليكه ساكته
بابا مليكه: سكتي يعني
مليكه ببكاء: انا اسفه وحضنت باباها
بابا مليكه بعدها عن حضنه مره وحده ومليكه اتخضت وفي الحياه الحقيقه
الدكتور كان بيدي مليكه صدمه كهربية شديده ومره وحده مليكه اخدت نفس بصوت عالي والنبض رجع
الممرضه: النبض رجع وبدأ في الانتظام
الدكتور بتنهيده: الحمد لله تابعوا معاها النبض وضغط الدم وانقلوها في اوضه عاديه
خرج الدكتور من العمليات
جاسم شاف الدكتور : ها يا دكتور اي الأخبار
الدكتور: الحمدلله رجع النبض وحالتها شبه مستقرة
جاسم : تمام امشي انا بقي
الدكتور بسرعه: قبل ما تمشي ممكن صوره
جاسم بغرور: ماشي
الممرضين والممرضات والدكاتره شافوا جاسم بيتصور مع الدكتور ف الكل جري عليه ياخد صوره معاه
_______________________
في بيت جاسم في اوضه ميرا
شيري بفرحه: مبسووووطه اوووووي وأخيرا جاسم هيكون ليا
ميرا: دا احلي خبر انهارده بس يارب جدو ميغيرش رأيه لما يعرف انك انتي العروسه
شيري بضيق: ويغير رأيه ليه ناقصني حاجه دا انا اكبر عارضه ازياء في الشرق الاوسط كله
ميرا: ما انتي عارفه ان جدو مش بيحب طريقه لبسك ولا كلامك ولا طريقه تعاملك مع الشباب جدو عايز وحده متدينه بتعرف ربنا

شيري: هههههههه يعني هو عايز يجوز جاسم الأنصاري من أكبر الممثلين حول العالم يتجوز وحده معقده
ميرا: والله دا رأي جدو
شيري كانت هترد عليها بس قاطعها رنه تلفونها
شيري: ثانيه اشوف مين
راحت شيري البلكونه ترد علي تلفونها
___________________________
جاسم بعد ما الناس اتصورت معاه ركبت عربيته وراح محل دهب واشتري خاتم الماس عشان يتقدم لشيري
اما عند مليكه نقلوها في اوضه عاديه وبقت احسن من الاول
مليكه بدأت تفوق : اااه انا فين
الممرضه: انتي في المستشفي
مليكه افتكرت هي كانت هتعمل ايييي وبقت تعيط
الممرضه: اهدي مالك في حاجه بتوجعك
مليكه ببكاء: لا بس ممكن تلفون ارن علي ماما
الممرضه: حاضر واعدت لها تلفون ومليكه رنت علي كيان
عند كيان: دا رقم غريب ممكن تكون مليكه ردت بسرعه
مليكه: الو يا كيان
كيان بدموع: مليكه مليكه حبيبتي انتي كويسه فينك ليه جتيش حد دلوك
مليكه افتكرت كلام باباها لما قال لها ازاي تعملي كده مفكرتيش في ماما وكيان
مليكه بدموع: انا كويسه يا كيان بس وانا وراجعه من الكليه في عربيه خبطتني بس خبطه خفيفه وفي ناس جابتني المستشفي
كيان بخوف: ازاي مش تاخدي بالك انتي كويسه طب انتي في انهي مستشفي اجيلك
مليكه: انا كويسه الحمدلله ومافيش داعي انك تيجي هاخد تاكسي واجي بس جهزي فلوس التاكسي لان الشنطه بتاعتي ضاعت
كيان : حاضر خدي بالك من نفسك
مليكه: حاضر يلا سلام
كيان: سلام وقفلت معاها
مليكه ادت التلفون للممرضه: شكرا ممكن تديني اي لبس اروح بيه
مليكه صعبت علي الممرضه: حاضر هجيب لك
راحت الممرضه تجيب لبس لمليكه
مليكه في نفسها: ازاي مفكرتش اي هيحصل لماما وكيان لما حاولت انتحر وازاي مفكرتش في غضب ربنا عليا وعقابه ليا وبقت تستغفر ربها
____________________

عند سليم جد جاسم كان ماسك صوره ابنه بابا جاسم
سليم بيكلم الصوره: ابنك كبر يا مصطفى وخلاص هجوزه بس مش عايزه يختار شيري شيري مش بتحبه هي بتحب فلوسه وانه مشهور وجاسم بيحبها او هو مفكر نفسه بيحبها لأنه وعدها بالجواز وانت عارف لما جاسم بيوعد مستحيل يخلف بوعده ولو فيها حياته
اتنهد بحزن: خايف عليه اوي منها شيري مش مناسبه له بأي شكل من الأشكال علمته حب المال بقي كل همه يجمع فلوس بقي عديم القلب والمشاعر اهم حاجه عنده الفلوس ياريت يرضي انا اختار له العروسه
وافتكر موقف حصل معاه
فلاش باك
سليم كان معدي الطريق وكان في عربيه جايه سريعه وكانت هتخبطه بس حد شده بعيد بسرعه
مليكه: حضرتك كويس
سليم: كويس الحمد لله شكرا ليكي يا بنتي
مليكه: متقولش كده انت في مقام جدو
سليم: تسلمي يا بنتي اسمك اي
مليكه: مليكه اسمي مليكه
سليم: وأسهم علي مسمي
مليكه: شكرا لحضرتك
سليم: اي حضرتك دي قولي لي يا جدو وممكن توصليني لعربيتي
مليكه: حاضر يا جدو تعالي
وهم ماشين
سليم: انتي مخطوبه يا بنتي
مليكه بحزن: كنت مخطوبه بس هرب يوم فرحي
سليم بصدمه: ازاي يعمل كده
مليكه: والله يا جدو معارفه ومن اول ما ده حصل عايشه في كابوس مافيش حد راحم
سليم: والناس وراها اي غير الكلام يا بنتي
مليكه: فعلا معاك حق يلا الحمد لله لو كان خير لبقي
سليم أعجب باخلاقها وانه راضيه بقضاء ربنا ليها
سليم: ربنا شايل لكالاحسن بس هنا دي عربيتي
مليكه: تمام خد بالك من نفسك
سليم: تعالي اوصلك
مليكه: لا شكرا انا كليتي هنا
سليم: خدي بالك من نفسك

باك
سليم: ملاك فعلا هي ملاك حتي الكلام معاها راحه نفسيه يارب معجزه من عندك تخلي جاسم يرفض الجواز من شيري
شخص من وراه: يارب يا جدو يارب
سليم: يامن تعالي يابني
(يامن صديق جاسم من الطفوله بيحبه جدا ومستعد يضحي بحياته عشانه في نفس عمر جاسم معيد في كليه العلوم وسيم جدا بعيونه الخضراء)
يامن: عامل ايه يا جدو
سليم: الحمدلله يابني انت عامل ايه ومامتك عامله ايه
يامن: الحمد لله يا جدو
سليم: لازم نعمل حاجه يابني مش عايز شيري تكون مرات جاسم
يامن: وهنعمل اييي يا جدو ما انت عارف شيري لفت علي جاسم ازاي وجاسم دماغه ناشفه
سليم: عارف يابني عارف
يامن: تزعلش نفسك انت يا جدو عشان صحتك ومحدش هياخد اكتر من نصيبه
سليم: معاك حق يابني
___________________________
جاسم وصل بيته ونزل من العربيه جري علي اوضه اخته ميرا عشان يتقدم لشيري
جاسم: ميرا
ميرا فتحت له الباب: تعالي يا جاسم
جاسم حضنها: عامله اييي
ميرا: الحمدلله
جاسم: فين شيري
ميرا: جالها تلفون وبعد ما قفلت راحت تشوفك في اوضتك جيت ولا لا
جاسم: تمام اوي وطلع الخاتم من جيبه
جاسم: اي رأيك في الخاتم هتقدم لشيري
ميرا: واااو تحفه يلا روح بسرعه وربنا معاك هههه
جاسم: ههههه علي اساس مش عارف رأيها
جاسم راح اوضته ولقي شيري قاعده علي السرير ومدياله ضهرها
جاسم حضنها: حبيبي عامل اييي
شيري: تمام يا بيبي اتأخرت ليه
جاسم لفها له: عشان دا وطلع الخاتم وقعد علي رجله
جاسم: تقبلي تتجوزيني ونكمل حياتنا مع بعض
شيري بتوتر: انا اسفه مش موافقه
جاسم بصدمه: ……