رواية ملاكي الفصل الخامس 5 بقلم رحمة باسم

رواية ملاكي الفصل الخامس 5 بقلم رحمة باسم

رواية ملاكي الجزء الخامس

رواية ملاكي البارت الخامس

رواية ملاكي الحلقة الخامسة

عايده : الحقوا نورين …..
قالت كده و أغمي عليها …..
رقيه : اي حصل يا طنط فوقي يا طنط فوقي
مراد : مين نورين
رقيه : دي الدكتوره الا ساعدت اسر في حاله الغبيو.بة ، ساعدني بس نحطها على الكنبه بدل ما هي واقعه على الأرض كده
مراد شلها و حطها على الكنبه و بعدها شاف تلفون واقع و مفتوح على مكالمه اخده و رد ….
مراد : الو
– …..
مراد : جاي حالا
رقيه : في اي يا مراد
مراد : نورين اتمسكت في قضيه تجا.رة أعضاء
رقيه بصدمه : ايي
مراد : فوقي مامتها و انا هروحلها
نزل مراد راح المستشفي و كان هناك عمر صاحبه و نورين قاعده على الأرض تعيط زي الاطفال
مراد : عمر
عمر : كويس انك جيت
مراد : في اي
عمر : اتقدم بلا.غ أن فيه عمليه تجا.رة أعضاء في مستشفي **** و جينا لقينها بتعمل عمليه و فيه ورق متوقع ب امضيتها على الحوار و بعدها كمل كلامه و هو بيبص ل نورين الا يشوفها يقول ملاك نازل من السما ميعرفش انها شيطا.ن
مراد استغرب بردو ازاى واحده كده تكون بتعمل عمليات بالشكل دا ….
مراد : فين الورق دا
عمر : اهو
مراد اخد الورق و راح قعد قصدها على الأرض …..
مراد بهدوء : انتي مضيتي على أوراق دي
نورين بعياط هزت راسها ب لا
مراد بنفس الهدوء : امال ازاى امضيتك جت عليها
نورين بعياط : معرفش والله العظيم معرفش حاجه
مراد : طب و العمليه الا كانت بتحصل دلوقتي متعرفيش عنها حاجه بردو
نورين بعياط : دي عمليه زراعه كبد و الله العظيم الكبد دا من انسان توفي انهارده و الحاله الا جوه دي متأخره ف أهل المتوفي حبه يعمله خير ف وافقه ناخد منه فص من الكبد و العمليه اتحددت في الوقت دا مش ذنبي و الله بس الحاله كانت متأخره ف عشان كده وافقت افضل في المستشفي لحد دلوقتي و انا و الله بمشي كل يوم بدري بس دي عمليه
مراد : و انتي متعوده تفضلي في المستشفي كده لوحدك من غير دكاتره
نورين : لا لا كان معايا طقم العمليات كلهم كانوا معايا و الله و خلصنا و انا فضلت عشان اتابع مؤشرات المريض بس عشان ميحصلش اي مضاعفات و فيه ممرضين و دكاتره اقسام تانيه موجوده في المستشفي و فيه مرضي فيه ناس كتير موجوده
مراد : بس مفيش غيرك الا امضته هنا و مفيش غيرك بردو الا انتي الا موجوده هنا و مفيش مرضي غير المريض الا جوه دا و انتي بس
نورين بعدم استيعاب : ازاى مفيش غيرنا ،احنا مش في صحراء احنا في مستشفى
عمر تدخل في الكلام …
عمر : عشان حضرتك انذ.ار الحر.يق رن
نورين : ازاى رن و هو مفيش حاجه
عمر : هو رن عشان يفضالك الجو بقا مع الاعضاء
نورين بزعيق و عياط : انت ازاى تقول كده أنا معملتش حاجه
عمر مسكها من شعرها و هو بيقول : متعليش صوتك عليا
هنا مراد اتعصب …..
مراد بعصبية مكتومه : نزل ايدك عنها
عمر بعصبيه : انت مش شايف تمثيلها و لا عجبك يا مراد ف مش عايز تبوظ جملها
مراد بعصبية : سيب شعرها و بطل كلامك دا و بص ل نورين الا كانت منهاره من العياط احنا هناخدك معانا بس عشان شويه إجراءات لو سمحتي اهدي
عمر : حنين
مراد : عمر
عمر مشي بعصبيه و مراد اخد نورين و طلعوا على القسم افتح المح.ضر يا بني
و فتح المح.ضر و بدأ يسأل نورين و هي تجاوب و بعدها أمرنا نحن بحب.س المته.مه على ذ.مه القضيه ٤ ايام لحين الوصول لاي ادله …..
نورين بعياط : يعني اي
مراد : حضرتك هتفضلي هنا لحد ما نثبت إذا كنتي فعلا تجا.رة أعضاء و لا مظلومه
نورين بعياط : أنا و الله معملتش حاجه
مراد : هنشوف ، انتي هتفضلي هنا في مكتبي عشان خاطر الا عملتيه مع أسر تمام
اكتفت بهز رأسها و بعدها اتكلمت ….
نورين : هو انا ممكن اكلم امي
مراد : ثواني
اتصل مراد ب رقيه أخته ….
مراد : الوو
رقيه : اي يا مراد حصل اي
مراد : أما اجاي هقولك ، مامتها جنبك
رقيه : ايوا
مراد : اعطيها الفون عشان تكلمها
رقيه : حاضر ، اتفضلي يا طنط
اخدت عايده الفون و هي منها.ره من العياط ….
نورين بعياط : ماما
عايده : حبيتي عامله اي يحبيتي
نورين : اهدي أنا كويسه شويه إجراءات و هاجي
عايده بعياط : بجد و لا بتكدبي عليا
نورين : أنا كويسه و الله
عايده : هستناكي ينور عيني متتأخريش عليا
نورين : حاضر يا ماما خلي بالك من نفسك
عايده : حاضر يا حبيتي
مراد اخد منها الفون و كلم أخته ….
مراد : خليكي معاها
رقيه : حاضر
قطعته نورين و هي بتقول ….
نورين : لو سمحت هي مريضه سكر و ليها حقنه كمان نص ساعه لازم تاخدها و هي موجوده في التلاجه
رقيه : قولها ان سمعتها و متقلقش و انا معاها
مراد : حاضر ، سلام
مراد : متقلقيش رقيه سمعتك و هتهتم بيها و هي معاها
نورين : تمام
فضل الصمت بينهم لحد ما نورين اتكلمت ….
نورين : هو انا هفضل هنا لحد امتا
مراد : ٤ ايام و لو ثبت اي حاجه قبل ما الاربع ايام دول يخلصوا و كانت لصالحك هتخرجي لو لا هيتجدد اربعه كمان
نورين بدموع : أنا و الله معملتش حاجه و الله دا شغلي و كان المفروض انقذ المريض أنا ف الاول اعترضت ان العمليه تكون في وقت متأخر زي دا بس دكتور هو إلا أصر
مراد : دكتور مين انتي مجبتيش سيره دكاتره في المحضر
نورين : دا دكتور كان جاي انهارده بس بعدها اعتذر و كلفني اعمل العمليه أنا
مراد : اسمه اي
نورين : اسمه دكتور امجد
مراد : امجد اي
نورين : لا معرفش كل الا اعرفه انه دكتور امجد و هو شغال في مستشفي بره اسمها ***** و المفروض أنه كان جاي انهارده عشان العمليه بتاعت انهارده بس اتصل انهارده و قال إنه مش جاي و مدير المستشفي قالي أن اعملها أنا و بعدها هو اتصل تاني و قال إن التقرير فيها حاجات كتير مطمنش و لازم تكون ف اسرع وقت و بعدها اتوفي المريض الا اخدنا منه فص الكبد و بعدها حدد العمليه طالما موجود المتبرع انها تكون ف اسرع وقت
مراد : طب لي متعملتش الضهر ، العصر في اي وقت
نورين : مش عارفه و الله مش عارفه هو دا المعاد الا اتحدد فيه العمليه و انا فضلت موجوده هناك لحد المعاد
مراد : طب دلوقتي المفروض أن انتي بتوقعي على أوراق قبل العمليه
نورين : لا
مراد : امال توقعك دا جه على الورق ازاى ، حاولي افتكري كده وقعتي على اي حاجه انهارده
نورين : لا انهارده أنا روحت الصبح و رجعت الساعه ٥ موقعتش على حاجه كان عندي ٦ حالات بس و خلصتهم على ٩ و موقعتش ع اي حاجه
مراد : مش غريبه يا دكتوره أن حضرتك تفضلي من الساعه ٩ لحد ٣ الفجر قاعده بس مستنيه تطمني على مريض
قاطع كلامهم دخول العسكري ….
مراد : في اي يا امين
امين : في واحد بره بيقول أنه مدير المستشفي الا شاغله فيها الدكتوره
مراد : دخله
دخل مدير المستشفي و نورين قامت جريت حضنته …..
نورين : عمو أنا معملتش حاجه
تيسير : أنا عارف يا حبيتي متقلقيش هخرجك من هنا و الا عمل كده هيتحاسب و فضل يطبطب عليها
مراد : اتفضل
قعد تيسير قدام مراد و هو بدأ يكلم ….
مراد : ممكن اعرف لي في عمليه تتم في ساعه زي دي
تيسير : دا طلب من أهل المريض
مراد : ازاى و الدكتوره قالت إن الحاله متأخره و فيه دكتور كان جاي و هو إلا طلب يعمل العمليه بسرعه
تيسير : يا بني المريض دا حالته فعلا مش احسن حاجه و اهله ناس كبيره و طلبه دكتور اسمه امجد شغال في مستشفي ***** بره و بعدها الدكتور اعتذر و قال إن المفروض العمليه تتعمل في اسرع وقت ف أهله قالوا تتعمل انهارده و مكنش فيه قدامي غير نورين لأنها مش اشطر دكاتره الجراحه الموجوده في المستشفي و هي وافقت تعملها عادي و الفص موجود مفيش اي حاجه تمنع أنها تعملها
مراد : اممم ، القضيه دي فيها لغز و انا هحله ، هي الزياره ممنوعه في وقت زي دا بس عشان هي عملت ليا معروف مش هقدر أنكره و لو فديتها بعمري مش هقدر اوفيها هسيبك معاها خمس دقايق
تيسير : شكرا
مراد خرج و قال للعسكري خمس دقايق و الاستاذ الا جوه يخرج و الانسه تفضل في المكتب محدش يخرجها و هو ساعتين بالكتير و هيجي تاني …..
تيسير : قوليلي يا حبيتي اي حصل
نورين : مش عارفه حاجه أنا كنت ف العمليات و خلصت و بعدها الطقم مشي و انا فضلت عشان اتابع المؤشرات بس
تيسير : أنا كنت هناك و مكنش فيه حد
نورين : الظابط قال إن الناس خرجت عشان سمعت انذ.ار حر.يق
تيسير : الموضوع دا متخطط له
نورين بعياط : مش عارفه حاجه مش فاهمه حاجه
تيسير : اهدي و انا هحل الموضوع
قاطع كلامهم صوت العسكري ….
امين : لازم تخرج دلوقتي
تيسير : ماشي و بعدها بص ل نورين هخرجك يا حبيتي متخافيش
نورين بعياط : شكرا يا عمو
خرج تيسير و فضلت نورين في مكتب مراد تعيط …..
عند مراد ….
رقيه : اي حصل يا مراد
مراد : هحكيلك
حكي مراد ل رقيه و مامت نورين كل حاجه حصلت ….
عايده بعياط : مستحيل نورين تعمل كده مستحيل
رقيه : أنا ممكن اقول حاجه احتمال تفيدها
مراد : تعرفي حاجه يا رقيه
رقيه : ايوا ، انهارده في واحد راح هد.دها في المستشفي
مراد : واحد مين
رقيه : اسمه احمد
عايده شهقت : احمد
مراد : حضرتك تعرفيه
عايده : ايوا دا كان خطيبها و عمل ليها مشاكل
مراد : احكيلي كده عمل اي
عايده : حاضر
و بدأت عايده تحكي عن الموضوع ….
مراد : انا كده فهمت
رقيه : فهمت اي يا مراد
عايده : طمني يا بني في اي
مراد مسك ايد عايده و بهدوء : متقلقيش نورين مش هطول و هتخرج في اسرع وقت ثقي فيا
عايده : يارب يارب
مراد : طب عن اذنكم هروح اغير هدومي و اصلي و بعدها اروحلها تاني ، خليكي هنا يا رقيه و انا نازل هيجيبلك اسر عشان لو صحي مش يتخض أنه لوحده في البيت
رقيه : ماشي يا حبيبي
الصبح دخل عمر مكتب مراد ….
عمر : بقولك يا كبير انت …
و مكملش كلامه لما لقي نورين قاعده على الكرسي و سانده راسها على المكتب ….
عمر بعصبيه : قومي يا حيلتها انتي فاكره نفسك فين
قامت نورين مخضو.ضه على صوت عمر و هو بيزعق ….
نورين بدموع : أنا
عمر بعصبيه مسك دراعها : امال امي انتي أي الا قاعدك هنا ي بت انتي
نورين بعياط : أنا …
قاطع كلامهم دخول مراد و اتصد.م من وجود عمر و ماسك ايد نورين …
مراد بعصبية مكتومه : عمر نزل ايدك عنها
عمر بعصبيه : انت مش شايف انك زودتها اوي يا مراد دي مت.همه و مش اي تهمه دي قض.يه تجا.رة أعضاء
مراد : مفيش دليل انها بتعمل كده.
عمر بزعيق : انت غبي مشفتش الاوراق الا هي موقعه عليه ، تقدر تقولي لي واحده زيها تفضل في المستشفي لوحدها لحد ٣ الفجر
مراد : مكنتش لوحدها
عمر : انت هتعمل فيها المحامي بتاعها فوق يا مراد
مراد بعصبية : يا امين
امين : نعم يا فندم
مراد : خد الدكتوره و حطها في الاوضه التانيه
امين : حاضر
نورين بعياط : لو سمحت مش عايزه اروح في حته لو سمحت
مراد بهدوء : روحي معاه بس عشر دقايق و هرجعك هنا تاني
نورين : تمام
مشيت نورين مع أمين و فضل عمر مع مراد في مكتبه …
مراد : اعقد يا عمر
عمر بعصبيه : انت أي الا انت بتعمله دا
مراد : اتفضل بس نتكلم و بعد كده احكم براحتك
عمر : اعقد اهو هتكلم في اي
مراد : هحكيلك
و حكي مراد ل عمر عن الكلام الا رقيه قالته عن تهد.يد احمد ل نورين و شكو.ك مراد فيه ….
عمر : طب فين الدليل
مراد : هجيبه
عمر : انت مش ملاحظ انك متساهل معاها اوي
مراد : يمكن متساهل عشان متاكد انها متعملش كده
عمر : و انت متاكد كده ازاى
مراد : هتعرف لما اثبتلك أنها ملهاش ذنب في اي حاجه حصلت
عمر : تمام يا مراد عن اذنك
عمر خرج و هو متعصب و فضل مراد يفكر هيعمل اي ، خرج مراد راح المستشفي و معاه نورين …..
الممرضه بصد.مه : دكتوره نورين
نورين بابتسامه : ايوا يلا لو فيه اي كشوفات خمس دقايق و دخليهم
الممرضه : بس حضرتك مش كنتي في السج.ن
مراد : و انتي عرفتي منين أنها كانت في السجن
الممرضه بتردد : أنا … أنا سمعت
مراد : سمعتي من مين
الممرضه ظهر عليها الخوف و التوتر
مراد : بكلمك سمعتي من مين
الممرضه : أنا لازم امشي
مسكها مراد من دراعها جااامد و بص ل نورين و هو بيقول …
مراد : مكتبك فين
نورين : اخر الطرقه
مراد : قدامي
مشيت نورين و مراد ماشي وراها و ماسك الممرضه من ايديها جامد و دخلوا مكتب نورين ….
مراد : عندك اي نور بيتفتح لو كان عندك كشف مهم
نورين : ايوا
مراد : شغليه عشان محدش يقطعنا
نورين : حاضر
شغلت نورين النور و فضلت قاعده على مكتبها و بتفتكر كلام مراد ليها ….
فلاش باااك
كانت قاعده نورين بتعيط في الاوضه الا العسكري دخلها فيها و اتفاجاه بدخول مراد عندها ….
مراد بهدوء : ممكن تهدي و تبطلي عياط
نورين و هي بتمسح دموعها : حاضر بس انا هفضل هنا لحد امتا
مراد : مش كتير ، قومي اغسلي وشك و هنخرج
نورين بفرحه : بجد يعني أنا هخرج من هنا
مراد : لا ، هتيجي معايا على المستشفي
نورين باستغراب و فجاه دموعها ظهرت تاني….
نورين : المستشفي لي ماما فيها حاجه ، أو اسر
مراد : لا مفيش حاجه كلهم كويسين بس هنروح هناك عشان نعرف مين الا عايز يعمل فيكي كده
نورين : ازاى
مراد : هتفهمي كل حاجه في وقتها
باااك
فاقت نورين على صوت مراد ….
مراد بزعيق : انطقي يا بت مين الا قالك أنها في السج.ن
الممرضه بتوتر : سمعت
مراد : محدش يعرف انها في السج.ن غير مدير المستشفي و انا ليا عيون في كل مكان و لسه خبر انها في السج.ن محدش يعرفه و بزعيق انطقي و الا و الله ل اند.مك
الممرضه بخوف : هقول
مراد : قولي
الممرضه : في واحد امبارح جه لدكتوره و طرد.ني من المكتب و بعدها الأمن جم خرجوا من عندها و بعدها نزلت الاستراحه لما الدكتوره مشيت لقيته بينادي عليا و عرض عليا فلوس بس عشان اخلي الدكتوره نورين توقع على ورق مهم
نورين قطعتها و هي بتقول : انتي قصدك احمد
الممرضه : ايوا هو
مراد : كملي
الممرضه : فضلت أقوله لا ، لحد ما هد.دني أنه هيق.تل ابني لو معملتش زي ما هو عايز ، ف اخدت منه الورق و حطيته على مكتب الدكتوره
مراد بص ل نورين : انتي قولتي موقعتيش على حاجه
نورين : ايوا انا فعلا موقعتش
الممرضه : الدكتوره موقعتش على الورق أنا قلدت التوقيع بتاعها و بعت له انها وقعت و بعدها طلب مني أن بعد ما نورين تتدخل العمليه أضر.ب جرس الانذ.ار عشان كل الا في المستشفي يخرج و انا عملت زي ما هو قالي و كنت في المستشفي امبارح لحد ما حضرتك اخدتها و مشيت و انا و الله عملت كده غصب عني مش قصدي
مراد : تيجي و تشهدي بكل الكلام دا بس قبل كل دا هتعملي زي ما هقولك بالظبط فاهمه
الممرضه بخوف : حاضر
و بدأ مراد يقولها هتعمل اي و بعدها اخد نورين و راح القسم تاني …..
خبط باب مكتب مراد….
مراد : ادخل
امين : مت.همين قض.يه امبارح يا فندم
مراد : دخلهم
و كان اول واحد دخل ياسر جوز أخته رقيه ….
مراد : ازيك يا ياسر عبد الحكيم عامر
ياسر بصدمه مقدرش ينطق
مراد : اي فاكر ان مش هعرف حكايتك و لا اي يا ياسر
ياسر : انت الا بدأت
ياسر بعصبيه : بدأت اي دا شغلي و ابوك هو السبب
ياسر : متجيبش سيره ابويا على لسانك
مراد بعصبية ناد على امين ….
مراد : امين
امين : ايوا يا فندم
مراد : خلي عمر يجي
امين : حاضر
و بعد شويه جه عمر ….
مراد : انت مكلف بنقل ياسر و باقي العصا.به للمحكمه
عمر : دا جوز اختك خليك رحيم معاه و لا انت متبقاش رحيم غير مع الستات قال كده و بص ل نورين الا قاعده على الكنبه في مكتب مراد
مراد اتعصب و قام مسك لياقه قميص عمر و هو بيقول …..
مراد بعصبية : احترم نفسك يا حضره الظابط و نفذ الاوامر
عمر بصله بحده و متكلمش و بعدها خرج من مكتبه و بدأ يجهز نقل ياسر و عصا.بته المحكمه …..
نورين : انا اسفه
مراد : لي
نورين : عشان بتتخا.نق انت و صحبك بسببي
مراد : هو لما يعرف الحقيقه هيجي و يعتذر هو بس قاسي شويه بس و الله بيقف مع الحق
نورين : طب اي حكايه ياسر دا
مراد : دا جوز اختي و أبوه كان كبير عصا.به كده بتبيع مخد.رات و انا كنت مكلف ب مامؤريه و غصب عني قت.لته و مكنتش اعرف انه أبوه ياسر و بعدها هو قرر يسافر بعد ما أبوه توفي و سايب رقيه من ٣ سنين تقريبا و رقيه دخلت في اكتئاب و حاولت تنت.حر مرتين قبل كده و دخلتها مصحه عشان اعالجها نفسيا و ترجع تاني زي الاول بس
نورين : انت ازاى معرفتش أنه ولده و انت ظابط
مراد : مكنتش شوفت أبوه دا خااالص و لما جه يتقدم ل رقيه عشان يتجوزها كان معاه أمه و لما سألنا على ولده قال أنه ميت و بعدها اتجوز رقيه و حصل زي ما قولتلك و عرفت الحقيقه امبارح
نورين : ايوا ، انت هتعمل اي في القضيه بتاعته
مراد : هو هيتحكم عليه و لما اخلص قضيتك هقدم ورق المحكمه يطلقوا من الرقيه
نورين : باذن الله الا فيه الخير يقدمه ربنا
مراد: و نعم بالله ، أنا لازم امشي عشان اروح ل الممرضه عشان ننفذ الا اتفقنا عليه
نورين : أنا ممكن اجاي معاك
مراد : لا خليكي هنا و انا اوعدك أن هيجيلك حقك
نورين : ماشي شكرا
مراد : دا واجبي
خرج مراد و راح اخد الممرضه من المستشفي و بعدها وصلها ل كافيه و عطها جاهز تسجيل و هي نزلت و دخلت و كان احمد مستنيها ….
احمد : تشربي اي
الممرضه : و لا حاجه عايزه الفلوس عشان امشي
احمد : فلوس اي يا حلوه هي لسه متحكمش عليها
الممرضه : هو انا لسه هستنا و الله لو ماخدتش الفلوس ل اروح اشهد عليك
احمد : معندكيش دليل يا حلوه
الممرضه : هجيبه
احمد : و نبي هتروحي تقوليلهم اي ، دكتور احمد هو طلب مني ادبس دكتوره نورين في القض.يه و هي ملهاش ذنب و طلب كمان افضي المستشفي عشان يبقي كل حاجه لبسها و طلب كمان لو معملتش كده هيق.تل ابنك الا ملوش ذنب محدش هيصدقك
الممرضه : هيصدقوا انك انت الا عملت كده
احمد : دليلك فين
قاطع كلامهم صوت مراد جاي من ورا احمد ….
مراد : الدليل اهو معايا
طلعت الممرضه الجهاز و كل كلام احمد اتسجل عليه و طلب مراد من العسا.كر الا معاه يقب.ضوا على احمد و اخدوا و راحوا القسم ….
احمد اول ما دخل اوضه مراد لقي نورين قاعده على الكنبه الا ف الاوضه و حطه وشها بين كفوفها و عامله تهز رجليها جامد ….
احمد بضحك : و اخيرا شوفتك ضعيفه
نورين قامت واقفت اول ما سمعت صوته و بصتله جامد و هي بتقول ….
نورين : انت مش بني ادم
احمد ضحك على كلامها و هو بيقول …..
احمد : وبعدين يا دكتوره
نورين لسه هتكلم لقت مراد داخل و هو بيقول …..
مراد : مسمعش صوتك يالا و بعدها نادي على امين
امين : نعم يا فندم
مراد : دخل الممرضه
امين دخل الممرضه الا احمد اتفق معاها و بدأت تحكي الا احمد طالبه منها و مضيت ع اقولها و خرجت ….
مراد بيواجه كلامه ل احمد : حابب تقول حاجه
احمد بضحكه مستفزه : لا أنا عملت و شوفت الا عايز اشوفه
و قال كده و هو بيبص على نورين
مراد اتعصب و اتكلم بعصبيه : بصلي هنا يالا ملكش دعوه بيها
احمد ضحك : هي لحقت علقتك
مراد قام واقف و مسكه من قميصه و هو بيقول ….
مراد : احترم نفسك يالا و انت بتتكلم عنها
احمد بص ل نورين و هو بيقول : شاطره انتي يا نونو
مراد بعصبية ضر.ب احمد بالبو.كس في وشه و بعدها نادي على العسكري امين
امين : نعم يا فندم
مراد بعصبية : خد الحيو.ان دا و حطه في الانفر.ادي عقبال ما يتعر.ض على النيابه الصبح
امين : حاضر يا فندم
خرج أمين و معاه احمد و فضل مراد و نورين …..
نورين و هي بتمسح دموعها : شكرا
مراد بابتسامه : متشكرنيش دا واجبي يا دكتوره و يلا عشان طنط قلقانه عليكي جااامد
نورين بابتسامه : يلا
روحت نورين ل مامتها ….
عايده بعياط : حمد لله على السلامه ي حبيبتي
نورين بعياط : الله يسلمك يا ماما
عايده : انتي كويسه يعني
نورين : و الله كويسه بفضل الاستاذ مراد
عايده بصت لمراد : شكرا يا بني انت مش عارف انت رجعت ليا روحي بجد
مراد : دا واجبي يا طنط و سبق و بنت حضرتك عملت معانا الواجب دا
عايده : الحمد لله يا بني أن الاتنين بخير
رقيه : حمد لله على سلامتك يحبيتي
نورين : الله يسلمك يا رقيه ، شكرا انك فضلتي مع امي
رقيه : لا كده ازعل منك طنط زي مامتي بالظبط
عايده : انا فعلا زي امك يحبيتي و احنا خلاص بقينا أهل يلا عشان تتغدوا
نورين : هغير هدومي و اصلي و اجاي
مراد : و انا عندي شغل
عايده : بعد الغدا الشغل
نورين بابتسامه : ماما أمرت يبقي كله ينفذ
كلهم ضحكوا و بعدها نورين غيرت هدومها و قعدوا اتغدوا مع بعض و بعدها خلصوا و هما قاعدين بيحكوا ازاى نورين خرجت و مراد ساعدها قد اي جه تلفون ل مراد …..
مراد : الو
……..
مراد : اي ، أنا جاي حالا ….

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية ملاكي)