رواية ملاكي الفصل الأول 1 بقلم رحمة باسم

رواية ملاكي الجزء الأول

رواية ملاكي البارت الأول

رواية ملاكي الحلقة الأولى

مخصماك و ابعد عني أنا مش طايقك
= يا آخره صبري هتفضلي طول اليوم تنشري الغسيل أو تغسلي المواعين و تغني كده عامله فرح
– اي بس يا ست الكل مش اتسلي اللااه
= طب يلا انزلي هاتي الطلبات من تحت
– هوا هغير الاسدال و أنزل
= دا جنبنا اهو ، لازم يعني تغيري الاسدال
– بنتك يا امي ليها مكانه مميزه و برستيجي كده يوقع
= برستيج اي بس دا لو يجوا يشوفوا و انتي بتغسلي المواعين أو بتنشري الغسيل
ضحكت و انا برد ….
– يعني الحق عليا بساعدك
= يلا يا لمضه هتتاخري على شغلك هاتي الطلبات و روحي
– حاضر
دخلت غيرت و جهزت حاجتي واخدت ورقه الطلبات و نزلت تحت السوبر ماركت اجيب الطلبات و اعطيها ل عم محمد و انا اروح شغلي و قبلت عم محمد بواب العمارة بتاعتنا ….
– صباح الخير يا عم محمد
= صباح النور يا ست البنات محتاجه حاجه
– تسلم ، لا هروح السوبر ماركت
= طب هاتي يا بنتي الورقه و انا اروح اجيبلك الطلبات لي تعذبي نفسك
– و لا عذاب و لا حاجه دا السوبر ماركت اهو يدوب خطوتين
= ماشي يا ست البنات
مشيت و دخلت السوبر ماركت ….
– صباح الخير يا عم احمد
= صباح النور يا دكتوره نورين
– بلاش دكتوره دي ، اسمي نورين بس
= صباحك سكر يا ست البنات
دخلت السوبر ماركت و بدأت اجيب في الطلبات الا مكتوبه في الورقه و فجاه لقيت عم احمد بيجري عليا ….
– دكتوره نورين
= نعم في اي
– تعالي معايا بسرعه
روحت معاه بسرعه لقيت ولد صغير واقع بين ايدين مامته و مامته منهاره …..
– الحقيني و نبي ساعدي ابني
= حاضر اهدي بس
و بدأت اقيس النبض بتاعه و عملت شويه حاجات كده ….
– هو مريض سكر
= ايوا
– دي غيبوبه سكر و لازم ننقله ع المستشفي بس للاسف …
= و حياه اغلي حاجه عندك ساعديه عشان خاطري
– حاضر اهدي انا هجيب حقنه من الصيدليه و هاجي حد يطلب الإسعاف بسرعه
و فعلا روحت الصيدليه و جبت منها حقنه بتستخدم في الإسعافات الاوليه لغبيوبه السكر و رجعت تاني السوبر ماركت
– لو سمحتوا ابعدوا شويه عشان النفس بس
= ابني هيعيش صح
– ايوا ثقي فيا
بدات اعمل الاسعافات الاوليه ل الطفل لحد ما جت الإسعاف و روحت معاه المستشفي …..
– دكتوره نورين خير
= خير يا دكتور دا ولد وقع ف السوبر ماركت و هو عنده السكر عطيته حقنه ***** و جينا عشان حالته متدهورش اكتر
– تمام دخلوا جوه
دخلوا الولد اوضه في المستشفي و دخل الدكتور معاه و انا فضلت قاعده مع امه بره ….
– هيعيش مش كده
ابتسمت بهدوء و انا برد عليها و انا بمسك ايديها الاتنين ….
= ايوا باذن الله متقلقيش دي غيبوبه سكر و الحمد لله عملنا الاسعافات الاوليه في وقتها و هو بس مجرد وقت و هتلاقيه فاق تاني و بقا كويس متقلقيش
اكتفت أنها تبصلي و تهز دماغها ….
و بعد شويه خرج الدكتور و هي جريت عليه ….
– ابني كويس
= الحمد لله كويس جدا
– شكرا جدا
= متشكرنيش أنا ، دكتوره نورين السبب بسببها هو كويس بعد ربنا طبعا
بصتلي بامتنان و ابتسمت و انا ابتسمت ليها و بعدها دخلت عند ابنها و بعد شويه خلصت حاله كانت جايلي في المستشفي و دخلت اطمن عليه ….
– ممكن ادخل
= اتفضلي
– اخبارك اي يبطل
= الحمد لله ، انتي الدكتوره الا رجعتني تاني اعيش
رديت و انا ببتسم….
– ايوا أنا بس دا بفضل ربنا الاول و الحمد لله أن كنت موجوده
بصتلي أمه و هي مبتسمه ….
= شكرا جدا يا دكتوره
– العفو دا واجبي و الحمد لله أن البطل بخير …
قاطع كلامنا دخول شاب طويل باين عليه الخوف و نبره صوته واضح فيها التوتر و الخوف ….
– اسر انت كويس ي حبيبي حصل اي
= أنا كويس الحمد لله
– اي الا حصل يا رقيه
= مش عارفه احنا كنا في السوبر ماركت بنشتري طلبات للبيت و فجاه وقع لوحده معرفش دا حصل ازاى بس الحمد لله الدكتوره كانت معانا ف السوبر ماركت و لولا وجودها مكنش اسر هيبقي معانا دلوقتي
فجاه تلفوني رن ….
– طب عن اذنكم
خرجت من قبل ما يكلم …..
– الو
= حصل اي يا حبيبتي ، عم محمد قالي أن الإسعاف جت و انت ركبتي فيها
– متقلقيش يا حبيتي أنا بخير الحمد لله دي حاله كانت في السوبر ماركت بس
= يعني انتي كويسه
– ايوا الحمد لله و انا في شغلي اهو و الطلبات أنا كنت جهزتها في عربيه في السوبر ماركت هبعت الفلوس للسوبر ماركت و هكلم عم محمد يجيبهم من هناك
= ماشي يا حبيبتي خلي بالك من نفسك
– حاضر
قفلت فوني و انا ماشيه واقفني صوت ….
– لو سمحتي
لفيت لقيته نفس الشاب الا دخل اوضه اسر ….
= ايوا ، محتاج حاجه
– لا كنت حابب بس اشكرك انك ساعدتي اسر و رقيه شكرا بجد
ابتسمت و انا برد عليه و بقول ….
= متشكرنيش دا واجبي و اي دكتور لو كان موجود وقتها كان عمل نفس الا عملته و يمكن اكتر
– شكرا جدا بجد
رديت بابتسامه….
= مقولتلك دا واجبي ع العموم العفو ، خلي بالكم منه بقا عشان مش تحصل مره تانيه
– حاضر أن شاء الله مش تحصل تاني
قاطع كلامنا صوت رقيه ….
يتبع …..