رواية مكالمة منتصف الليل الفصل الأول 1 بقلم عادل عبدالله
رواية مكالمة منتصف الليل الجزء الأول
رواية مكالمة منتصف الليل البارت الأول
رواية مكالمة منتصف الليل الحلقة الأولى
يجلس نور يشاهد احد الافلام الاجنبية المثيرة وقد انتصف الليل تقريبا .
الغرفة مظلمة تماما واحداث الفيلم المثيرة جعلت نور يخضع كل حواسه لمتابعتها في صمت رهيب .
وفجأة يقطع هذا السكون جرس هاتفهه المحمول .
نور : يييييييه .ده وقته ؟ مين الرخم اللي بيتصل دلوقتي ؟
ينظر نور في شاشة هاتفهه فيجد رقم غريب .
يتردد نور في الرد عليه ولكن اخيرا يقرر الرد .
فيجد علي الطرف الاخر صوت نسائي ناعم تقول : يلا تعالي بسرعه انا اديته المنوم ونام خلاص والعيال نايمين في الاوضة التانية . انا هسيبلك باب الشقة موارب .اطلع من غير ما حد يشوفك وادخل علطول هتلاقيني مستنياك .
ثم اغلقت الهاتف سريعا .
وقف نور في ذهول تام غير مصدق لما سمع !!!!!!
والف سؤال يتردد في ذهنه .
مين اللي كانت بتتكلم دي ؟
وكانت تقصد مين بكلامها ؟
واضح ان صوتها معرفوش .يعني اكيد غلطت في الاتصال .
ده واضح من كلام الست دي انها كانت بتتصل بعشيقها !!!
يا تري هتقابل عشيقها في البيت بعد ما جوزها نام بالمنوم ليه ؟
يا تري لقاء غرامي ؟ ولا تكون ناوية تخلي عشيقها يقتل جوزها ؟
يا خبر ابيض !!! ده معني كده ان ممكن تحصل جريمة الليلادي !!!!!
طيب انا عاوز انقذ الراجل اللي هيتقتل ده !!!
بس اعمل ايه ؟؟ ايه اللي في ايدي اعمله ؟؟؟
اذا كنت انا مش عارف مين الست دي؟؟ ولا ساكنه فين ؟؟ ولا كانت بتكلم مين ؟؟
يعني هتسكت وانت عارف ان في حد برئ هيتقتل دلوقتي ؟؟!!! وضميرك هيبقي مرتاح كده ؟؟
لأ.انا لازم اتصرف واعمل اي حاجة .
احسن حاجة اتصل عليها واقولها اني سمعت مكالمتها وعارف الجريمة اللي هتعملها .فهي لما تعرف ان في حد عرف سرها .هتغير خطتها وتخاف تنفذ جريمتها وابقي انقذت الراجل الغلبان جوزها .
وبالفعل يتصل نور عليها ….
نفس الصوت الناعم يرد عليه : الو .ايوه .مين ؟
: علفكرة انا عارف الجريمة اللي هتعمليها الليلادي .
: ايه !! جريمة ايه ؟ انت مين ؟
: انتي اتصلتي عليا بالغلط وكلمتيني علي اني عشيقك يا مجرمة .
تغلق هي المكالمة وهي ترتجف خوفا . ثم تتصل علي عشيقها ….
: الحقني يا ناصر .
: في ايه ؟ ايه اللي حصل ؟
: انا كنت بتصل بيك من شوية اتصلت علي واحد تاني بالغلط وكلمته علي اساس انه انت وفهم من كلامي اللي كنا ناويين نعمله .
: كنا هنعمله ؟؟!!! هو انتي غيرتي رأيك ولا ايه ؟!!!
: ايوه طبعا .ما دام حد عرف سرنا يبقي مش هنقدر ننفذ اتفاقنا .
الحلقة 2
: كنا هنعمله ؟؟!!! هو انتي غيرتي رأيك ولا ايه ؟!!!
: ايوه طبعا .ما دام حد عرف سرنا يبقي مش هنقدر ننفذ اتفاقنا .علي الاقل في الوقت الحالي .
: انتي بتتكلمي جد ولا بتلعبي عليا يا لولا ؟
: يخربيتك .هو ده وقت لعب !! انا بتكلم جد .انا خايفة اوي .احنا كده اتكشفنا وهنروح في داهية .
: ولا هنروح في داهية ولا حاجة .هاتي رقم التليفون اللي اتصلتي عليه بالغلط وانا هتصرف .
: هتتصرف ازاي بس يا منيل علي عينك .
: بطلي طولة لسانك دي وهاتي الرقم خليني اشوف هتصرف ازاي في المصيبة اللي عملتيها دي .
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية مكالمة منتصف الليل)
