رواية معذبي الفصل الثاني عشر 12 بقلم رانيا عصمت
رواية معذبي البارت الثاني عشر
رواية معذبي الجزء الثاني عشر
رواية معذبي الحلقة الثانية عشر
هيثم قرب من السرير وعيونه زي الدم
مالك وقف واتكلم…انت مين وازاي تدخل كده
هيثم مردش عليه وقرب من مروة اكتر وهو باصص ليها بصدمه وخوف وعينيه علي الشاش اللي علي وشها
هيثم بصدمه وخوف….اي ده
مالك بحده…بقولك انت مين وازاي تدخل كده اطلع بره
هيثم…هي دي مروة…قالها وبص علي مالك بخوف
مالك…انت مين وتعرف مروة ازاي
شمس دخلت علي صوتهم العالي
شمس…في اي مينفعش كده حضرتك انت في مستشفى
مالك…انتو ازاي تسمحوا لاي حد يدخل بالهمجيه دي
شمس…انت بتتكلم كده ليه وبعدين انتوا مش ملاحظين ان في مريضه في الاوضه وده هيأثر علي نفسيتها
مالك طلع برا الاوضه بعصبيه
في الاوضه هيثم واقف وحاسس ان قلبه هيقف من الخوف
هيثم… هي دي مروة
شمس بتنهيده…ايوة مروة
هيثم…طيب واي ده اللي علي وشها
شمس…ده شاش علشان وشها كان فيه قطع زجاج وبعد ما شلنا الزجاج عملنا ليها عمليه تجميل للندوب علشان متسبش اثر متقلقش مفيش حاجه
هيثم…ممكن تسيبيني معاها خمس دقايق
شمس بأعتراض…مينفعش حضرتك
هيثم قعد علي الكرسي االي قدام مروة واتكلم… وانا مش هتحرك من هنا قولتلك خمس دقايق بس وهخرج
شمس بأستسلام…خمس دقايق بس
هيثم هز راسه وشمس خرجت…هيثم مسك ايد مروة وقلبه بيدق بوجع
هيثم…مروة حبيبتي انا هيثم انا اسف علي كل حاجه عملتها معاكي انا اسف لو زعلتك مني بس انا بحبك اه بحبك ومش بس بحبك انا بعشقك انتي متعرفيش عملتي فيا اي اول مره شوفتك فيها انتي خطفتيني حبيتك كأنك بنتي حبيت كل حاجه فيكي اوعي في يوم تفكري تبعدي عني انا في بعدك بموت سامحيني اني مقدرتش احميكي
بس اوعدك هقتله والله هقتله
______♡_____
في الخارج
مالك…انتي ازاي تسمحيله يقعد معاها
شمس…لو سمحت بلاش طريقتك دي وبعدين هو مصمم انه يقعد معاها خمس دقايق بس وانا سمحت ليه
مالك لسه هيدخل لجوا شمس مسكته من ايده
مالك وقف مكانه وايد شمس ماسكه ايده
شمس قلبها بيدق بحرج وسابت ايده وبعدت…انا اسفه بس ياريت تسيبه معاها شويه
مالك…انا رايح مكان وراجع خليكي جمبها
شمس بتوتر من نظراته…حاضر
مالك خرج من المستشفى وشمس راحت علي مكتبها
في المكتب شمس قاعده وتلفونها رن
برقم غريب…شمس ردت… الو
سلوي…الو معايا دكتور شمس
شمس…ايوة مين حضرتك
سلوي…انا سلوى
شمس…اه في حاجه ولا اي
سلوي…انا كنت عايزة اسألك علي مروة
شمس…مروة كويسه متقلقيش
سلوي…هو مالك موجود عندها ولا خرج
شمس…مالك مين
سلوي…الشاب اللي جاب مروة المستشفى
شمس…اه الشاب اللي جابها لسه خارج دلوقتي
سلوي…شكرا لحضرتك
شمس…العفو… شمس قفلت الخط ورجعت راسها لورا بتعب
_____♡_____
في المستشفى عند مروة بدات تفوق
وضغطت علي ايد هيثم
مروة بصوت متعب…هيثم
هيثم بلمعه في عينيه…قلب هيثم
مروة…عايزه مياه
هيثم بلهفه… حاضر بس انتي متتعبيش نفسك
هيثم جاب ليها مياه وبيشربها بعد ما عدلها المخده
هيثم…مروة حاسه بوجع انادي الدكتورة
مروة هزت راسها بلا
مروة حست بحاجه علي وشها رفعت ايدها وحسست علي وشها بصدمه
هيثم بلهفه…اهدي يا مروة مفيش حاجه انتي كويسه صدقيني
مروة حطت ايدها علي وشها…لا اا لاا لا انا وشي اتشوه
هيثم شدها لحضنه والدموع لمعه في عينيه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية معذبي)
تعليق واحد