رواية مريض نفسي (حب بطعم السم) الفصل الأول 1 بقلم بسملة تامر

رواية مريض نفسي (حب بطعم السم) الجزء الأول

رواية مريض نفسي (حب بطعم السم) البارت الأول

رواية مريض نفسي (حب بطعم السم) الحلقة الأولى

” الماضي ده لعنه بتتمكن منك وتصاحبك طوول العمر ”
قفلت مذكراتي و اخدت عهد علي نفسي اني هخلي شخصيه قويه وصعب عليها الهزيمه …
…..
تعبت من المعافرة ..
تعبت من اني بحفر في البحر
مفيش فايده وكل حاجة باظت
فعلا الماضي ده لعنه …
…..
بيقولوا عليا مريض نفسي
بس انا عاقل أو يمكن اكون انا الوحيد الي فهمت الدنيا صح …
….___________________________
” احببت مريض نفسي ”
بقلم : بسمله تامر
Part 1
..: اممم صباح الخير يا جميلتي
و ک عدتي كل يوم الصبح اروح أول حاجة علي دفتر مذكراتي
“بدايه يوم جديد .. يوم ملئ بالطاقة الايجابيه ..انني استشعرها هنا ”
_مريضة
وقفلت دفتر مذكراتي وبدات روتين يومي الي متعودة عليه
عملت الرياضة
فطرت
سقيت الورد
حطيت اكل العصافير
و ده كلوا كان جنبه علامات صح ..اصل دي ورقه المهام بتاعتي ..الجزء الصباحي 😑
ودخلت البس بسرعة متحمسه اوووي لاول يوم شغل ..لازم اثبت نفسي وقدراتي انهاردة
اخدت حاجتي و نزلت جري وركبت العربيه و روحت علي شغلي ..هييييي اخيرا وصلت
” *مستشفي الامل* ”
ايوه مستشفي مالي استغربت كده ليه او خوفت معرفش ..
استووب .. تعالوا نتعرف ب ابطال القصه 🙃
بسملة: دكتورة امراض نفسية عندها 23 سنه لسه متخرجة من 4 شهور واشتغلت بعد تخرجها في مستشفي ومن شطارتها😂 خلت القسم بتاعها مفهوش ولا مريض😂 و المستشفي مشتها
وبصراحة العيب في المستشفي هي غلطانة عشان بتشوف شغلها يعني 🙂😂
المهم راحت مستشفي تانية وصاحب المستشفي من اعز اصدقاء بابا بسملة (رااحت كوسة يعني ولا ايه 🙂) واشتغلت الحمد لله و لسه اول يوم ليها انهاردة
شهد:صديقة بسملة المقربة وتقريبا اقامتها عندها 🙂 وبتشتغل دكتورة في قسم الاطفال
كنزي:صديقة بسملة المقربة و دكتورة طوارئ وعايشه مع بسملة و هنعرف ليه بعدين
__________
احم احم الباند
هشام جمال:وده بقا غني عن التعريف واد كده قمر و مز وحاجة كده كتلة من العسل ماشية علي الارض..احم نتلم بقا..عنده 28سنه و عنده الباند و شكرة روزناما
محمد جمال:صديق هشام ومعاه في الباند والشركة و عايش مع هشام هو و فؤش وعنده 27 سنه
محمد فؤاد:صديق هشام ومعاه في الباند والشركة برضوا و عايش مع هشام هو و جيمي عنده 26سنه
………__________________
نزلت من العربيه و وقفت قدام المستشفي و اخدت نفس عميق وانا بقرأ الاسم للمرة المليون وفي دماغي الف ذكري بتمر قدامي حالا ..بسس اسكت خالص انت ليه مصر علي اني ابقي ضعيفه دايما ..”ده كان كلامي لدماغي الي مش راضيه تبطل تفكير ”
وشوشت نفسي بشويه كلمات عشان احفز نفسي ودخلت ومشيت بكل ثقة وانا عارفة وجهتي الي هي *قسم الامراض النفسيه*
بس وانا في الاسانسير و بدوس علي رقم الدور الي انا طلعته بس الممرضه والدكتور الي كانوا معايا في الاسانسير استغربوا كده ليه من اني طالعة الدور ده يعني
الممرضه بوشوشه :ده دور المجانين هي طالعة هناك ليه
الدكتور بوشوشه :معرفش يمكن رايحة تزور حد و ماشيه
الممرضه بوشوشه:ربنا يستر دي شكلها بنت ناس وميطلعش الي في دماغي صح
الدكتور بوشوشه:وهو ايه الي في دماغك
استوب الاسانسير وقف عند الدور البتاعي ..
وخرجت منه ولقيت الممرضه هي كمان طلعت معايا عادي يعني هو ممنوع أن تكون في ممرضه هنا اكيد هي بتشتغل هنا
دخلت المكتب وانا باخد نفس عميق اووي
ياترى الممرضه كان قصدها ايه ..ما انا سمعت كلامهم كلوا
بس ليه اسمه دور المجانين في حاجة مش مفهومه هناا
حطيت شنطتي علي المكتب و اخدت البالطوا ولبسته
وخرجت من مكتبي وبدأت استكشف القسم كده من بعيد لبعيد
بس الي وقفني اني شوفت علي باب اوضه من الاوض مكتوب.. 😳😳
__________________________
الممرضه :دكتورة شهد يا دكتورة شهد
شهد :نعم ..في ايه
الممرضه : في بنت تعبانه اووي وعايزنك
شهد : تعالي ورايا و مشيت بسرعه “قلبي وجعني اووي لما الممرضه قالت إن البنت تعبانه اووي ..انا عشقي كله في الأطفال وبحبهم اووي”
دخلت المكتب دخله دراميا جاامدة 😅 ..ورحت ناحيه البنوته القمر دي
شهد بإبتسامه :عامله ايه يا قمر
البنوته بطفوله : كويسه بس بطني بتوجعني اوي
شهد :طب اسمك ايه
البنوته : لارا
شهد وهي بتلبس الجيلفز :اسمك حلو اووي .. انا اسمي شهد
لارا بخوف : ايه ده هو انتي الدكتورة لا مش عايزة حقن ..عايزة اروح
شهد: اهدي انا مش هعمل حاجة انا بس برغي معاكي ..انا دكتورة بس بخاف اوي من الحقن برضوا
لارا بضحك:ايه ده هو الدكتورة بتخاف برضوا من الحقن
شهد بضحك :انا اصلا اشتغلت دكتورة بس عشان مخليش الاطفال الجمال زيك دول يتعبوا ابدا
لارا :بس انا بطني بتوجعني اووي
شهد ببرأة :طب ينفع اكشف مش هعمل حاجة والله
لارا:ماثي ..وشهد بدأت تكشف عليها براحه
شهد :انهي حته بتوجعك يا لارا
لارا شاورت علي الحته الي بتوجعها :دي
شهد :طيب ..خلصت خلاص شوفتي
لارا :ايه ده من غير دواء
شهد :في دواء
لارا بعبوث :امم
شهد أدتها مصاصه :خدي دي .. ولارا اخدتها علي طول وبدأت تاكلها
وكان في عين بتابعهم
..:لاررا قولنا ايه
لارا بطفوله : نقول شكرا لما حد يدينا حاجة ..شكرا يا شهد
..:مسمهاش شهد بس دكتورة شهد
شهد :في ايه يا عم صحبتي و بتتكلم معايا انت مالك ..وبصت ل لارا :اسمي شهد بس ماشي
لارا بضحك :ماثي و طلعت لسانها للشخص ده
شهد :لارا هو انتي عندك كام سنه
لارا وهي بتعد علي صوابعها :خمسه
شهد :وانا عندي 23 سنه
لارا:ايه ده انتي كبيرة خاالث
شهد :مش اووي كده
لارا وهي بتبص علي الحقنه الي في ايد شهد : ايه دي مش عايزة حقن
شهد بضحك :دي فاضيه انا ادتهالك خلاص ورمتها في الباسكت
لارا :ازاي انا محستش
شهد وهي بترفع لياقه البالطوا بثقة :دي قدرات حضرتك و ضحكوا هما الاتنين و شهد نزلتها من علي سرير الكشف وراحت المكتب
شهد بجديه:دي دواء تاخده تلت مرات في اليوم وتجي بعد 3 ايام بالظبط
الشخص :حاضر
لارا :بس انا مبحبش الدواء طعمه وحش اووي
شهد : متخافيش انا مجربه الدواء ده قبل كده وطعمه حلو
لارا :ماثي خلاص هخده
شهد :اتفضل ي
الشخص بمقاطعة: محمد جمال
شهد :وانا مطلبتش اني اعرف الاسم ..كنت هقول يا فندم علي فكرة ..اه وتاني مرة متأكلش البنت اكل تاني من برا
جيمي :وحضرتك عرفتي منين
شهد بجديه :خبرة يا استاذ يا اكل بيتي يا تخلي مامتها تعملها اكل احسن
جيمي بحزن و همس : اختي وجوزها متوفين علي فكرة وهي عايشة معايا
شهد بحزن :طب خلي مامتك تأكلها حرام
جيمي بحزن :امي اتوفت برضوا
شهد :طب اتعلم
جيمي :طب ما تيجي تعملي انتي الاكل
شهد بعصبيه :اتفضل برا يا استاذ .. بإبتسامه :سلام يا لارا
لارا :سيام يا شهد ومشيوا
برا بقا
جيمي :عجبك الي حصل اووي
لارا بضحك :اووي يا خايو “خالو”
لارا :انا جيانه “جعانه”
جيمي شالها :طب يلا عشان نشوف هناكل ايه و روحوا
__________
في قسم الطوارئ
..: دكتور بسرعه
..:في ايه
..:بسرعه يا دكتورة كنزي الراجل حالته خطر جداا
كنزي :يلا علي العمليات بسرعه
وعدي الموضوع علي خير الحمد لله 🙂
كنزي للممرضه وهما خارجين من العمليات :يتحط تحت الملاحظة ال 24 ساعه الجايين و بلغوا اي حد من أهله
الممرضه :حاضر
ومشيت كنزي بتعب شديد علي المكتب
________________________
عندي جيمي و هو مروح تليفونه رن
جيمي :ايوه يا فؤاد انتي فين
الشخص :حضرتك صاحب الرقم عمل حادثة وهو حاليا في مستشفي###
جيمي :طيب ولف بالعربيه رجع تاني علي المستشفي الي كان فيها مع لارا
_______________
نرجع تاني في قسم المجانين قصدي قسم *الامراض النفسيه*
كان مكتوب علي بابا الأوضه دي ” *خطر جداا* ”
يعني ايه ..روحت بسرعه الدور الي فيه مكتب مدير المستشفي ودخلت من غير استأذن
المدير :انت ازا.. بسملة انتي جيتي أمتي
بسملة :من حوالي ساعه ..هو ايه الأوضه الي مكتوب عليها “خطر جدا” يا انكل ياسر
ياسر : مكليش دعوة بيها دي حاله ميؤس منها هنا في المستشفي
بسملة :طب ليه بيقولوا علي القسم بتاعي قسم المجانين
ياسر : اعتقادات لناس احنا مالنا ..ركزي بس في شغلك
بسملة : طب يا انكل انا عايزة اخد ملف الحاله الخطر دي بقا
ياسر : لا طبعا انتي اتجننتي دي حاله خطر بلاش يا بنتي
بسملة : ما انا فعلا بشتغل دكتورة مجانين يعني لازم الحالات بتاعتي تبقي خطر ولمحت ملف مكتوب عليه الحاله *606 خطر جداا*
علي مكتب ياسر راحت اخدته وجريت
ياسر :استني يا مجنونه ..و قعد بيأس
عند بسملة راحت وقفت قدام الأوضه بتاعت اول حاله ليها وهي بتفتكر …
كاااات